ارجوكم ساعدوني ابنتي في حالة يرثى لها

ربنا يشفيها ويعافيها



يا أختي الصور ما واضحة بالمرة صغريها للنصف وأعيدي تنزيلها مرة أخرى

الله يشافيها ان شاء الله ويلبسها رداء العافية..

اختي افضل مساعدة نقدمها لك هو طلبنا بضرورة عرضها على اخصائي جلدية وليس طبيب اطفال حتى يمكنه وصف العلاج المناسب، وبإذن الله راح تختفي اعراضها او تخف كثير...

حاولي ما تعرضيها للغبار.. والهواء البارد..
والبسيها ملابس قطنية 100 % ما عليك من الاشكال والموديلات والستايلات... اهم شيء صحتها..

واذا كانت تحك جسمها بيدينها ... البسيها دائماً اكمام طويلة وسراويل.. وجوارب صيفية خفيفة عشان ما تؤذي عمرها...

واستخدمي لها مرطبات اطفال خاصة بالحساسية... منتجات سيباميد ينصحون بها ومن الافضل ان تستشيري الطبيب بشأنها... عني انا مرطب جونسون الشفاف كان يهيج جلد ولدي فقطعته رغم ان البعض عادي عند اطفالهم ..
ابتعدي عن بعض الاكلات مثل البرتقال ( يزيد الحساسية ) والمانجا..

ما عليها شر .. طمنينا عليها يارب..
بعض انواع الحساسية تنتهي بعمر السنة ( مثل ولدي ) والبعض الاخر بنهاية الثلاث سنوات... ونوع للاسف يستمر الى عمر 12 سنة.. ان شاء الله ما تكون بنتك مثلهم..

اختي أسماء زكي الدين
والله ماعرف اصغر الصور اشكركي على المرور


اختي جمانة
ابنتي البكر عمرها 15 سنة ومازالت الاكزيميا معاها لاكن بصورة خفيفة
وش قصدك مرطب جونسون الشفاف هل هو زيت جونسون للاطفال انا استخدمة لبنتي

سلامتها والله وما تشوف شر يااارب
اختي خذيها لدكتور جلدية افضل شي وتو كللي على الله واهم حاجة تلبسي بنتك جوارب
والله يشفيها ويعافيها يااارب

أختى حاولي تصغرين الصور، الصور مو واضحة بالمرة،، والصور الحين مو مهمة المهم سلامة بنتك..
خذيها لدكتور جلدية ممتاز يكون يوصف لها الدواء المناسب وترتاح المسكينة.
خلي جسمها متهوي ولاتكثرين عليها الملابس ولا تستخدمي اي بودرة او كريم الا تكون خاصة للي يعانون من الأمراض الجلدية..

طمنينا عليها....

الله يشفيها ان شاء الله
اختي بعد عندها الاكزيما وتعالجت كثير بس مافيه فايدة
الحين خف كثير عنها لكن كل فترة يرجع يلتهب جلدها الحمدلله انه مايترك اثر ويروح بعد فترة

في امريكا عطونا لستة اكل وقالوا نجرب نشوف ايش اللي يزيد الحالة عندها
بس هي معاها على طول ماتفرق على الاكل لانها ما تاكل اصلا

لو انتي من الشرقية كان قلت لك عن دكتور ممتاز عندنا بس حسب اللي عرفته انك من الرياض

الله يشفيها .. انتي وديها لاستشاري جلدية واكيد راح يعطيها كريمات وادوية تساعدها
ابتعدي عن ملطفات الاقمشة واذا استعملتيها اغسليها زين من ملابسها
وابتعدي عن العطور القوية والكريمات المعطرة

طمنينا عليها

عزيزتي بنتي عندها نفس المشكله الأكزيما وعمتها دكتورة أطفال قالتلي استعمل لها كريم سيباميد والحمدالله من أول يوم لاحظت حالتها استعملت الكريم والحين جسمها مافي اي شي بس أهم شي الويه لما تاكل اي شي على طول تغسلينه بماء وعلى فكره مع العنايه الدائمه تختفي أنا حاليا بنتي عمرها سنه ونصف وألاحظ إن الأكزيما اختفت منها بس لازم على طول تستعملين سيباميد

نعم اختي.. زيت جونسون للاطفال.. هذا اللي كنت اقصده..

اعرضيها في الحال على اخصائي جلد ووانتظمي معاها على العلاج وربنا يشافيها يا رب

أم دحيمان تعالي أقول لج

أنتي بنتج رضعتيها طبيعي وإلا صناعي ؟؟




ولدي ربي يسلمه ذبحته الإكزيما و كل ما اوديه المستشفى يعطونه الفاكورت

بالآخير رحت لطبيب اطفال و قلت له ولدي ما صار معه كذا الا لما بديت ها الحليب
و لما اكلته اي اكله يحسس منها على طول وهو الحين عمره 9 شهور

قال لي نغير الحليب لحليب ضد التحسس و رحت غيرت الحليب و خذت نان مال الحساسية
و الله أكبر
أختفت الأكزيما
و اختى معها التهاب الصدر اللي كنا كل كم يوم نروح المستشفى ينومنا هناك
الآن شهرين و لله الحمد ما شفت شئ عليه


تذكري اختي من متى بدأت معهم الأكزيما ...
أنا اللي خلاني اصر انه الحليب موقع انكليزي دخلت عليه و بين ان من اسباب الأكزيما الحليب لأنه نوع من انواع التحسس