تجهيزات عرايس مسقط ........(3)

هلا :shy:

شخباركم
والله صح اني صرت مشرفة بس ما اتبطرت عاااااااااد :angry:

تعرفوا الدوام ...ز اقصد الشغل متعب جدا جدا جدا :sad:

المهم افكاري بطرحها وانتووو اتنقشوها على طووول

طرحت قبل عن البوفيهات اذا في صور بس ممكن تتناقشون افكار للبوفيه اكييد محد خطر ببالها ؟؟

العصائر والمشروبات الغازية شنو تفضلين
في عصائر طلبات جديدة في بعض الفنادق حلووة ممكن تختاريها ؟؟
الهدايا من افضل محل يعمل الهدايا للضيوف؟؟وتغليفها اي الالوان الي تحبوها ومتى يتقدم تقديمها تتوزع في الكراسي او في نهاية العرس

هذا الي عندي ومشكووووووووووورات على السؤال عني :shy:

تراني بعدني ما خلصت


رجعت اخبركم شو جهزت لزوجي للسفر والعرس

رحت المارينا مول في ابوظبي ومركز مدينة زايد


مشترياتي

شنط للسفر لي ولزوجي وشنط لي لاغراضي وزهبتي وشنطة صغيرة للذهب

نفس هذي تقريبا

لزوجي لون اسود وانا احمر



ودخلت باريس غاليري واشتريت ثلاث عطور رجالية

الاول من ماركتي العزيزة



والثاني ( كارتير ) هذا خياااااااال وزوجي يحبه كثير لفترة الصبح



ونزلت لكارفور واشتريت مستحضرا للعناية بالبشرة من لوريال

http://go.3roos.com/woQPGExhGFl

وطبعا من تجربة زوجي لهذي المستحضرات استفاد عليها وايد وخصوصا واقي الشمس وادوات الحلاقه ( حابه افاجأة اني اشريتها له ):shy:

وبعدين دخلت محل خاص بالادوات والملابس الرياضية

واشتريت جوتيين رياضه له ولي للرحلات

هو اخذت له نفس هذا تقريبا بس بيج غامق



وانا وردي ساده



طبعا مع جوارب طويله له وقصيرة لي




رحت بعدين محل وول وورث الي في المارينا مول في عندهم بضاعة مسوين عليها تنزيلات وقلت ادخل عشان استغل الفرصة

واشتريت له فديت قلبه

قميص نفس هذا بالضبط لونين ازرق وبني فاتح



ولقيت كيس فيه سته من هذي النوعية ( تي شيرت )



وخذت له شورت جينز مثل هذا بس لونه بني




وشورتات عدد 3 من هذا النوع




وجاكيت مثل هذا مع كاب لونه بيج




وبنطلونين مثل هذا ( اسود ورمادي مع بيج )




وشورت لونه عسكري وااااااايد حلو مثل هذا تقريبا بس اطول شوي





عجبني تشكيلة من الكابات وخذت له منهم ثلاث الوان

اسود ولون الجينز الازق وبيج



وبلوزة شتوية مثل هذي لونها رمادي غامق



روب مع الشبشب للحمام اكرمكم الله



وخذيت 6 بيجامات نوم مثل هذي ( بيج وازرق ومخطط ورمادي واحمر مع اسود )



وخذتله فوانيل داخليه 12




وخذيت لنفسي نفس هذا التي شيرت 6 ملونات مع بنطلونين جينز ازرق وبني للسفر





اتمنى يعجبونه

وطبعا برجع للبيت وبغسلهم وببخرهم واعطرهم واخليهم في اكياس شفافه خاصة بالملابس وادخلهم للشنطة


وان شاء الله في شهر العسل ناوية اختار له ملابس عمانية من مصارة وكميم وشالات للمناسبات


ادعو لي خواتي

ربي لا يحرمني منكم

ريح العطر:
حركاات حلوووه (:
ربي يسعدك وان شاء الله كل شئ يترتب على ما تريدي
بس بالنسبه للموسيقى.. محل الكوش هو اللي يوفرها؟؟

آآآآآآآآآآمين


حبوبة المحل الي انا مسويه عندهم الكوشة انا دافعه لهم عربون للخدمات التالية

1- الاضاءة
2 - الدخلة ( موسيقى + شعر + مؤثرات صوتيه + دي جي )
3- الكوشة
4- الطاولات
5- مدافع الورد والثلج والبخار
مع مشرفه للتنسيق من عندهم


نورتي حبوبة

ريح العطر:
اممممممممممممممم

الله يسلمك.. لسه ابو الشباب ما شرف علشان ابدا اتجهز

وانا هنا لاني احب اشارككم فرحتكم :shy:

والله يوفقكم جميعا

وبالنسبه للجامعه ياله هانت سنه وبخلص ان شاء الله

والله منورة الغالية


يعني الي افهمه انك مخطوبة او على وشك ؟؟؟؟

مسزز غموضة:
هلا :shy:

شخباركم
والله صح اني صرت مشرفة بس ما اتبطرت عاااااااااد :angry:

تعرفوا الدوام ...ز اقصد الشغل متعب جدا جدا جدا :sad: :shy:

الله يكون في عونك انت قدها

مسزز غموضة:


المهم افكاري بطرحها وانتووو اتنقشوها على طووول:shy:

ايوا كذا نورينا مالنا غناة عنك (فديتك والله )

مسزز غموضة:


طرحت قبل عن البوفيهات اذا في صور بس ممكن تتناقشون افكار للبوفيه اكييد محد خطر ببالها ؟؟

:shy:

صحيح طرحت الفكرة

بس والله ما لقيت صور ومن كل قلبي نفسي اسوي بوفيه لعرسي ولكن عندنا في الامارات ما ينفع الوضع وعدد المدعوين واااااااااايد اخاف تستوي اصابات ههههههههههه

مسزز غموضة:


العصائر والمشروبات الغازية شنو تفضلين
في عصائر طلبات جديدة في بعض الفنادق حلووة ممكن تختاريها ؟؟:shy:

ان شاء الله بيكون فيه مشروبات غازية وعصاير فرش ( ادعيلي حبوبة يتحدد الموعد قريب عشان اروح احجز واشوف قوائم الاكل والمشروبات )

مسزز غموضة:


الهدايا من افضل محل يعمل الهدايا للضيوف؟؟وتغليفها اي الالوان الي تحبوها ومتى يتقدم تقديمها تتوزع في الكراسي او في نهاية العرس:shy:

آخر قرار وصلت له بصراحة اني اسوي توزيعات ورد لان ميزانيتي قاربت على الانتهاء وعدد المعازيم كبير واذا بسوي هدايا للمعازيم بيكلفني واااااااااااااااااايد لذلك اتصلت بنفس المحل الي بسوي عنده مسكتي وقال بيعطيني الورد بسعر حلو


وبيتم ان شاء الله توزيعها في نهاية العرس لاني بحط فلبينيات على الباب يعطن الضيف الي مروح وورده وبيكون فيه بطاقة صغيرة مربوطه بكل ورده مكتوب عليها بيت شعر يقول

( حب قصير وحب ماله نهاية وحب يمو وحب أقوى من الموت )

صالح وفخرية


نورتونا بحضوركم

مسزز غموضة:


هذا الي عندي ومشكووووووووووورات على السؤال عني :shy:

ما في شكر بين الخوات (f) (f) (f)

والله يابنات حلوة جمعتنا وسوالفنا

السلام عليكم بنات

جمعة مباركة علينا جميعا ان شاء الله

والله رمضان مر مثل البرق


حبوبات كنت قبل شوي اسولف مع وحده من ربيعاتي في الماسنجر وعطتني هالمعلومه العسل



هي تشيل شعر وجهها بالخيط او شمع وهي من النوع اللى يحسس وجهها الدكتوره عطتها كريم تدهن فيه مرتين في اليوم قبل ماتشيل الشعر بيومين وبعد ماتشيل بيومين ومايطلع لها حبوب ولا يحسس ابداً وعن تجربتها شخصيا الكريم اسمه

Fucicort


عن نفسي من كمين يومين فديتها العيون الذباحه نصحتني احف وقالتلي بتطلعي غير

وانا رفضت وقتلها بيتشوه وجهي من الحبوب لانه حساس

ولكن بعد كلام صديقتي ومفعول الكريم بحف وبتوكل على الله وبحط من هذا الكريم


والله يستر

موجود في جميع الصيدليات


موفقات

مسزز غموضة:
هلا :shy:

شخباركم
والله صح اني صرت مشرفة بس ما اتبطرت عاااااااااد :angry:

تعرفوا الدوام ...ز اقصد الشغل متعب جدا جدا جدا :sad:

المهم افكاري بطرحها وانتووو اتنقشوها على طووول

طرحت قبل عن البوفيهات اذا في صور بس ممكن تتناقشون افكار للبوفيه اكييد محد خطر ببالها ؟؟

العصائر والمشروبات الغازية شنو تفضلين
في عصائر طلبات جديدة في بعض الفنادق حلووة ممكن تختاريها ؟؟
الهدايا من افضل محل يعمل الهدايا للضيوف؟؟وتغليفها اي الالوان الي تحبوها ومتى يتقدم تقديمها تتوزع في الكراسي او في نهاية العرس

هذا الي عندي ومشكووووووووووورات على السؤال عني :shy:

عراااااااااايس حبيباتي


دايما رددن هذا الدعاء




اللهم آمين

اللهم آمين

العروس العمانية:
آآآآآآآآآآمين


حبوبة المحل الي انا مسويه عندهم الكوشة انا دافعه لهم عربون للخدمات التالية

1- الاضاءة
2 - الدخلة ( موسيقى + شعر + مؤثرات صوتيه + دي جي )
3- الكوشة
4- الطاولات
5- مدافع الورد والثلج والبخار
مع مشرفه للتنسيق من عندهم


نورتي حبوبة

كيفك يا الحلوة أقول كم كلفك كل هذي الأشياء ووين سويتيها :shy:

حقيقه:
كيفك يا الحلوة أقول كم كلفك كل هذي الأشياء ووين سويتيها :shy:

هلا الشيخة

نورتي

إختي انا عايشة في ابوظبي وهذا المحل اسمه فنتازيا لخدمات الإضاءة

وان شاء الله قريبا بنتقل لمسقط الغالية


ونصيحة لكل العرايس

اوقفي شخصيا على راس كل شيء يخص عرسك لانه احلى يوم في حياتك ومرة وحده بس

وما يهم يكون فخم اوبسيط المهم التوكل على الله والنظام والترتيب


الله يحفظكن ويوفقكن جميعا

اهلين بنات لي طلب لبنات السلطنة
اريد رقم صالون مركز بلقيس للتجميل_ نسرين محمد
انا شفت مكياجها ع المذيعة العمانيه الحلوة و كان المكياج ااينن مثل مكياج حنان دشتي

ياليت اللي تعرف رقمة ترسل لي ع الخاص

السلام عليكم
اخواتي الغاليات
ارجوا عند اضافة صورة الالتزام بتغطية الاجزاء العارية والوجه
وتقطيع الصور الخاصة بالمكياج
والالتزام بقوانين قسم العروس
وارجوا مراجعة قوانين القواميس و مواضيع التجهيزات
واشكركم على تعاونكم
تحياتي
بغدادية

ماشا الله عليكم يابنات أنا دخلت الوضوع من يومين كانوا عدد الصفحات 3 واليوم وصلوا 12
شطار والله كذا أريدكم عاد أنا اموت في مواضيع الزينة والكشخة
بس أن زعلانة منكم لأن محد رد علي لما خبرتكم عن محل الدراعات المميزة توباز Topaz إلا حبيبتي الوان
أريدكم كلكم تزورا المحل عشان نتبادل الاأراء
لاني ناوية أخذ من عندهم للعيد بس محتارة من كثر ما دراعاتهم حلوة أش أختار
وبغيتكم تساعدون

العروس العمانية:
هلا اختي

انت فهمتي غلط


انا بدخل اول شي بالقناع وبمشي تقريبا لين اول الكوشة وسط اضاءة مظلمة نوعا ما وبرجع اطلع وانا اتمشى بين المعازيم لين ما اطلع من القاعة تماما والاضاءة تصير مظلمة تدريجيا وتظلم القاعة


وبكذا بخلي الناس في حالة ترقب


وبعد 3 دقايق برجع ادخل وانا ماسكة المظله فقط بدون اي شي ثانية

وبمشي نفس مشية عارضات الازياء بس برقة ودلع لين ما اوصل للكوشة ولما اوقف على الستيج تجي بنوته صغيرة وتعطيني مسكتي واجلس فيها وطبعا اثناء دخلتي الثانية الاضاءة بتكون فيها تناسق مع الموسيقى الي مسويها مهندس الصوت وبتكون وردي واخضر تفاحي


اتمنى انك فهمتي الشرح


رحت اليوم الصبح للشركة الي بسون لي الكوشة وخبرتهم بالفكرة

السكرتيرة عارضت وقالتلي مش حلوة

اما الثانية قالتلي فظيعة رووووووعه وجديدة جدا

خواتي زوجي خبروني بانها تجنن وبتخلي الناس منبهرين


زوجي لما خبرته فيها

قالي المهم انت شو رايك ؟

قتله حابتنها لان خاطري اسوي حركة غريبة في عرسي

قالي خلاص توكلي على الله عيوني وسوي الي في خاطرك



حبيبتي الوان الف شكر

والله تفيدني كثير آرائكم

حلــو .. بس بعد بيكون كثير عليش .. يعني المظلــة الكريستــال والمسكــة ... اعذريني .. لاني هذه الايام ما اركز تمام ..

يعني لما تمسكي المسكــة بتخلي المظلـــة ؟؟؟

ع العموم اختي ما دام الفكرة عاجبتنك .. خلاص عليش بالعافيــة ..

وتهني فيهــا ..

والله يهنيش دوم يا رب . :shy:

العروس العمانية:
حلو وايد الفستان

والفكرة مالت الورق الي داخل الفستان روعه وجديدة


بس حاولي سعرهم ما تسوونه سيده حاولي تسونه لهم بالرول بيطلع روعه مع الفستان



الله يحميهن بينورن العرس

الله يسلمك ..

وان شالله عرسك يكون احلى ..

وبالنسبـة لشعرهــم .. ما ادري اذا يضبط مع فــاطمــة بنت اختي .. لانها دبدوبــة وفيها خدود (ماشالله عليها)

انا خايفــة ذولا البنات .. يسويها فيني وتروح لهم نومــة .. واظل انا انتظــر :sad:

العروس العمانية:
صراحة حلو كثير

بس حاولي اللون الازرق الي يتركب عليه يكون افتح من اللون الازرق الي راح يلبسه زوجك

والله بيطلع انعكاس الدرجات في الصور جنان


الله يوفقك

لا اختي .. لما تكون لون الكريستالات مال الفستان متناسبــة مع لون المصر .. بيطلع احــلى ..

وبعديــن الكريستالات بتكون تحــت .. وشوي فوق ع الصــدر ..

واتمنى ان يكون لون المصر نفس لون الكريستــال .. بيطلــع احلى

العروس العمانية:
وااااااااااااااااااااااااااااي

صدقون نسيت ارد على هذي الفكرة


بس قبل ما ارد عليها


وينك يا مسزز غموضة شو صايرلك صايرة مثل الثلج


ابوي من قدك صرت مشرفه وقلتي خلاص اكشت فيهم ههههههههههههههههههه:gum:



المهم

حبوبتي قصة تعارفي بزوجي قصة طويلة وغريبة ومتشعبة


وبختصرها لك

هو مرة شافني وانا وعمري تقريبا 13 سنه في بيت عمي في صحم

رايحة ركض افتح الباب وطبعا ما كنت محجبة وشعري يسحب وراي وكنت لابسه ثوب احمر مطرز


وهو الي كان عند الباب يسلم على عمي سلام العيد

هههههههههههههههههههههههههههههههههههههههههههههههههه

المهم اختك العروس فتحت الباب من هنا واسرت قلب الفارس الملثم من هناك هههههههههه


وهو بعدين خبرني انه حطني في باله ومستحيل يتنازل عني لو يكلفه الثمن عمره

كان عمره بين 17-18 سنه

تقدم لي ورفضوه اهلي

ورجع يتقدم مره ثانية وثالثه ورابعة وخمسين والواسطات والدنيا والاهل


لين الله يسر لنا في هذا الشهر الكريم وملكنا الحمدلله



توته توته خلصت الحتوته




بس تعاااااااااااااااااااااااااااااااي عغموووووووووووووووووضوووووووووه


ردي علينا عبرينا عطينا فيس :angry:

ماشالله .. ما شالله ..

الله يعطيكم الصحــة والعـافيــة

وفعلا الحمدلله ع ان الله توج هذا الانتظــار بهذا الشهر المبـــارك ..

مبارك اختي .. وبالتوفيق

العروس العمانية:
والله التفصيل روعه وتحطين الموديل والدانتيلات الي خاطرك فيها


فكرة حلوة اختي


البيجامات روعه وكيوت الله يهنيك فيهم


حاولي تنزلي صورة ثوب اول ليلة




والله وناسه نشوف تجهيزات بعض


الله يوفقنا كلنا ان شاء الله

الله يسلمك يا عسل ..

بحاول انزل لكم صورة قريبــة ان شالله ..

مشكورة

العيــون الذباحــة:

لا موب وايد يالغالية

بيطلع رووعة على اللبس البلوشي

عادات وتقاليد

تتهني فيهــم يا رب .

انا شاريــة 4 وحاســة انهم وااااااااجد :sad:

العروس العمانية:
احم احم

وصلت عروستكم اللعياااااااااااااان

البر تراني ما اسكت

كله جرجر جرجر

وش اسوي تراني عروس لازم اجرجر :shy: معلش تحملوني

[line]


اخبركم اليوم شردت من الدوام الساعة 9ونص كان عندي موعد الساعه عشر مع اخصائية التغذية

الصراحة رحت لها وقالتلي اشياء عجيبة عن دكاترة الرجيم وسوالفهم الكذب وعطتني رجيم لمدة شهرين انزل فيه عشر كيلو واصير بعد غزال باذن الله


والله رجيم حلو يجنن وما تحسين بالجوع ابدا وفيه عيش وخبز وعصاير وفواكه واجبان


ان شاء الله ببدا فيه بعد العيد مباشرة

[line]


وبعدبن رحت لمحل الكوش

شف بروفه للإضاءة وبروفه للثلج ومدافع الورد والبخار يجنن مع الموسيقة

يعني صدق حسسوني بجو العرس

خبرتهم بفكرتي للدخلة ورتبنا لااضاءة والموسيقى على هذا الاساس


وربي ييسر ان شاء الله


[line]



بعدين رحت عند اكثر من مصمم

اول واحد رحت له لبناني كنت شايله معاي كتالوج فيه صورة للفستان الي انا اريده

ولكن ضربني بالسعر ضرب مجااااااااانين


قامت اختكم العروس وخذت الموديل وراحت عند مصمم فلبيني وفرق عنده السعر واااااااايد الحمدلله

وطلع بسعر معقول نسبيا

وهذا الرابط الي فيه الموديل ثالث فستان الي لونه سكري


بس قلت للمصمم ارفع فتحت الصدر شوي لانها مفتوحه كثير ( بس شوي )

وطرحته اربع امتار عليها فصوص كرستال صغار واااااااااايد على شكل قلوب ( روووووووعه شكلهم )



وعلى فكرة فيه طوق كرستال مثبته فيه الطرحة وانا طلبت من الخياط يسويلي هالكسسوار عليها

والورق الابيص الي في الاكسسوار كله كرستال سكري

وشعري بيكون معمول 95% بنفس الطريقة الي مسوتنها العارضه الي لابسه الفستان مفتوح


وهذا هو شكل الاكسسوار




والنعال عزكم الله بشتريها من اي محل وبيكون لونها قريب من الفستان


ان شاء الله بينتهي منه على نص 12


وهذا الفستان الحمدلله خلصنا من همه :shy:




ها بنات شرايكم

اذا عندكم اي اقتراحات ارحب فيه بكل سرور

ماشالله .. تتهني يا رب ..

اهم شيء الرجيــم .. والفستــان ما طلــع علشان نشوفــه بس اكيد بيطلع حلو لان صاحبتــه حلوة ..

حاولي تنزلي صورة الفستان مرة ثانيــة