الآن الحل لأكتئاب الحمل الولاده

السلام عليكم ورحمة الله وبركاته
الصراحه مشكورين والله على ردكم علي بس بقولكم الحل السريع الحاله اللي كانت فيني عشان اللي تحس بهذا الشعور اتعرف لانه الصراحه شي غير طبيعي اول شي كنت احس بضربات في بطني كأنه في بيبي والشي الغريب كم مره في اليوم احس انه في شي يدخل جسمي مثل حراره وتطلع لين راسي اكون طبعا عصبيه وتجيني دوخه وبعد كانت عندي حساسيه في جسمي واستوي مثل المجنونه اركض واصارخ من الحرقه والله العالم في حالي الحمد لله على كل حال رحت عند شيوخ وناس يعالجوني قالو يابنتي مافيج ولاشي .....وبعدين قال زوجي خلاص نروح نجرب دكتور نفساني وطبعا رحت وتم يضحك علي وقال لي لج عشره شهور على هاالحال ولاراجعتيني طبعا النوم مافي والأكل بعد مافي اعطاني علاج وقال لي هذا طبيعي عندي علاج للأكتئاب اللي بعد الولاده واللي فترة الحمل وهذه الأدويه ماسووها الالشي موجود بس الناس على بالها عين او.... المهم العلاج يتم مفعوله بعد اسبوعين والله بعد اسبوعين كأني ولدت من جديد وتذكرت انه عندي بيبي وزوج واهل واضحك وحبيت الناس واهتميت بمظهري طبعا بعد اسبوعين لازم تراجعين الدكتور واعطاني علاج لمدة شهر في هذا الشهر مرت الحاله مره الشهر اللي بعده ماجت الحاله نهائيا وماتوقفين العلاج الا لما يقولج الدكتور نفسه والله يابنات اني شفت الموت لدرجه اني سمعت حد ينادي اسمي في البيت من شدة الخوف والرعب والغريب ان الدكتور نفسه سألني وقال لي هل سمعتي حد وانتي بروحج ينادي اسمج انصدمت ...طبعا عشان يحدد مستوى حالتج طلعت حالتي الدرجه الثانيه والحاله الثالثه والعياذ بالله الإنتحار او قتل البيبي فلا تهملون اعماركم قبل ماتزيد الحاله لأنها بدت عندي اكتئاب وفقدان شهيه بعدين تضاعفت لان الحاله تبدا باكتئاب وتنتهي بأعراض مرضيه............واسمحولي على الشرح المطول