يبيها تدفع مهرها معقولة

ما أنصحها ابد تسوي الشي هذا ابد
وشلون رجال يرضى على نفسه ان زوجته هي الي بتدفع مهرها
واحتمال انه مايبيها ويبي يعجزها عشان تهون عن الزواج من نفسها
هذا رجال غير طبيعي خليها تنتبه منه وخليها ترفض وتقوله اذا تقدم لي احد وصار طيب ما راح ارفضه وخيها تشوف ردة فعله
الي هذا اوله ينعاف تاليه

والله بيعوضها احسن منه

لا توافق

انا من رايي انها تشل فكرة الزواج منه لانه من البداية يبين انه مخادع وجذاب ويبي يستغل حبها له


هذا رايي والله يوفقها

اصلا كيف رضي انها تدفع له المهر
هذا حتى لو دفع هو المهر وشد على نفسه فيه بكره اي شيء يقول يالله انتي ادفعي
بصراحه هذا مو رجال هذا واحد نفسه رخيصه عليه يقبل المذله على نفسه

من رايي ماتاخذ سلفيه ولا شي ومن البدايه الضاهر هو مايحبها حيث انه راح تكون حياتهم كلها نكد لان اقل مشكله بينهم بعد الزواج راح يعايرها انها ادفعت مهرها وهذي الشي ماتتحمله اي حرمه وثاني شي اي حب الي يوصل لي هذا الدرجه هذا قاعد يستغل حبها لصالحه \

تواجه بالكلام الي مايدش العقل وبعدها تحدد موقفها تراه من البدايه معتمد عليها بكل شي وماعنده احساس بالصح والغلط

وتفكره مره ثانيه يستحق اني اتزوجها او لا

[glow=CC9933]السلام عليكم ورحمة الله وبركاته..[/glow]

والله ما اعرف شو اقولج.. بس ان بدت بدايتها بالغلط والحرام.. تعتقدين بتترقع في حياتها!؟

اي ريال يطلب من الحرمه تسلف ويعقها في دين هي في غنى عنه؟! لو شارنها جان ما رخصها بالهطريقه..

خلها تفتح الموضوع لاهلها اول شي اتشوف رايهم وعقب تخطي الخطوه الثانيه.. بس نصيحتي لا تسلف لا تسلف لا تسلف..

وشكرا..

أكبر غلط انها تورط نفسها بقروض وسلفيات عشان تدفع مهرها !!
بعد لو هم متزوجين مثلا وزوجها احتاج مساعدتها يمكن الموضوع يهون
بس هم للحين على البر ويبيها هي اللي تدفع مهرها
خليها تفكر زين في مستقبلها مع هالعلاقة

تقدر تقول له وظيفتها مو مضمونة وانها للحين ما تثبتت .. صعبة تاخذ سلفيات او قروض
ولو دروا أهلها اكيد ماراح يرضيهم هالشي .. حتى لو كان خطيب بنتهم يقرب لهم
لا تهون عليها نفسها وخليها تفكر زين .. ياما سمعنا قصص عن شباب سووا نفس الحركة وبعدين عيشوا البنات في عذاب وديون
لازم تفكر بعقلها قبل قلبها
هو لو جاد صحيح يقدر يشد على نفسه مو كل مرة يماطل وفي النهاية يبيها تدفع مهرها

الله يوفقها

اسمحيلي اختي ...

بس هذا مو رجال ... ملفيه رجال يطلب هالطلب من وحدة بيتزوجها ...

والله عينه قوية اذا من بدايتها جذي عيل شبيسوي فيها عقب ...

احسن لها ما ترتبط فيه خير شر حتى لو جاب المهر وفوقه مليووون ... خل تنساه وبيجيها اللي احسن منه انشالله

qshark

نسرونة

عاشقة شانيل

فشفاشه

نوووسه

غلادبي

فجر الخيول


نوورره


أم سعيده


RoOoOmy


little kitten

بنات مشكورين على اهتمامكم وهي قررت انها ماتاخذ السلفيه ابدا

انا من راييي انها تختصر الدرب وتودره....

اعنبوه من اول شي يبين استغلاله؟؟
يعني مارام يصبر؟؟؟؟؟؟؟

عنده فلوس حق سلفية السياره وما
عنده عشان العرس؟؟؟
حبيبتي هاي حجة أغلب شباب
الخليج....( ما عندنا فلوس حق
العرس....المهور غاليه ...تكاليف
العرس ناااااار)........ويا سبحان الله
ما ادري من وين يطلعون فلوس حق
سياره قيمتها من 150 الف وطالع
ويعرفون يطلعون فلوس حق المظاهر
والكشخه والسفر ووو وحتى حق
الخرابيط

اذ الريال عنده استعداد يتسلف حق
سياره وهي مجرد حديد....جمااااااد

عيل الاولى انه يتسلف حق العرس...


اختي لا تخلينها تعق عمرها في النار
ولا تأمن له...شو دراها انها عقب ما
تعطيه البيزات بيتقدم لها؟؟ يمكن
ياخذ وحده غيرها....

وبخبرج بسالفه استوت حق اخت ربيعتي
حبت واحده وتحسبته يحبها وكل ما تطلب
منه يتقدم لها يتحجج بالديون اللي عليه
وبمشاكله ويا طليقته اللي مبهدلتنه، والحل
انها تتسلف عشان تساعده وبعدين يتقدم
لها، وكانت صدق بتتسلف من ورا اهلها بس
الله كشفه........الحبيب طلع تخصص في
النصب على بنات الناس......نفس السالفه
ومن مدينه لمدينه وياكثر ضحاياه...ووحده
منهن، لين الحين تدفع ديون بسببه (400 ألف
درهم)

وطبعا ما بعيد الكلام اللي رمسن عنه بعض
الخوات....الحذر من انها تتحول هي الريال
وتصرف على البيت...

الأخ ممكن يجمع فلوسه حق زوجه ثانيه
او خرابيط او او او و

لو اني ما أأيد انها تستمر وياه بس اختي هذا اختبار لازم تحطه فيه ولا ما تقدر
خله يولييييي.........والله بيعوضها باللي
اخير عنه

رايي ترفض هالزواج ....

خل تقوله انا ما طلبت شي و انا انسانه قنوعه معاك و لا مع غيرك ما بطلب عليه 200 الف ..
و ما أظن ترضى اختك تسوي هذه الحركه و انا ما ارضاها على نفسي اذا تباني باللي عندك و اقلهن مهرا اكثرهن بركه ..


و اذا هذه اولها الله ينعاب تاليها

قوليلها لاتصير

مع احترامي

غبيـــــــــــــه

صج الحب اعمى

مينونه هذي تتسلف عشانه.؟؟

الريال المفروض تكون عنده عزة نفس وكرامه

احسن لها خليها تقطع علاقتها معاه

لانه مايستحي وانسان مب مسؤول يوم طلعت منه هالكلمه

وخل تقوله

فلوسي وفلوسك وحده

بس انت ترضى على عمرك انا ادفع مهري؟؟ حتى لو سلف

وتقوله لو انت ترضاها انا مارضىوتقوله بعد لو صج يبيها خل يكلم اهله بالموضوع عالاقل يكون متكلم عليها والناس تدري انهم بيملجون لما يتخرج

وعععععععععععععععععع عليه رجال

بذمتج هذا رجال ؟؟

في واحد عاقل يطلب هالطلب @_@

حبيبتي لو انه يحبها بيسوي المستحيل اقلها بيشد حيله وبيتخرج ...

شهالطططططططططططططلب اللي ماله معنى ، وبعدين ايش هالسلبيه اللي فيها شلون ماردت عليه في حزتها ؟؟؟
بس عشان يحبني اسكت ؟؟؟
لا والله برررررررد وبمسح فيه الارض على هالطلب واحتمال كبير اخليه .

اسمحي لي بنت عمتج لو سوتها بتعيش طول عمرها مذلووووووووووووووووووووووووووله له وبيتم يقول لها انتي اللي خذتيني وشبصتي فيني مب انا .

حبيبتي في هالوقت الزوجه اللي عندها درزن عيال من زوجها تاخذ بالها وماتسوي هالحركه عشانها عشان مايوهقها ويعطيها طاف ، وهذا شلون بتاخذ هالمبلغ عشانه وهم مابينهم شي .

شكله حاط عينه على سياره وقال اشفط منها المبلغ واعطيها طاف .

حبيبتي حتى لو كان صادق معاها مفروض ماتسوي هالشي . خل تنتببببببببببببببببه

البنات كفوا ووفوا.......في شو تبغي تفكر بعد؟؟؟؟؟؟
أنا أقول لا تقوله إي ولا لا..
تقوله على قولة إخوانا المصريين (يفتح الله).....
هذا شكله ويهه لووووووووووح، ومن ألحين ما يستحي..كيف يفكر مجرد يطلب منها ها الطلب؟؟
وبنت عمك تفكر كيف ترد عليه بدون ما تجرح إحساسه؟؟؟!!!! يعني سبحان الله هو ما راعا مشاعرها يوم طلب منها ها الطلب.......خل تقوله باجر ترضى تاخذ سلفيه عشان تدفع مهر أختك؟؟
وبعدين مو مضطرة تعطيه أعذار، البنك وافق والا حلال وحرام وغيره....تقوله ما أبي وخلاص.. لا تخليه يستغل حبها وطيبتها...

رايي تشييييييييييييله بكبره من راسه،
هذا شكله مو مال زواج، والله يعوضها

feedback:
لا ولاولا قوليلها تنتبه اتسويهااااااااااااااااا والله باجر بتندم ترى محد في هالزماااااااااااان يستاهل كل هذا توهق نفسها اذا اهو يباها راح يسوي المستحيل عشان يتزوجها ماله اي عذر


الله يهديها والله مدري كيف تفكير البنات يرخصون اعمارهم ......................

أنا معاك أختي في رأيك ...

ترى هي كده بترخص نفسها حتى لو قدمه مهر لها ...



وإذا كان من أولها ما قادر يتحمل مسئوليه كيف بعدين لما تصير في عصمته؟


وبعدين بصراح ما بعرف ويمكن غلطانة لكن شايفة إنه فاشل تبعد عنه أحسن لها فإذا كانت هي اتخرجت هو أيه اللي مخليه لليوم ما تخرج أكيد بيرسب معناها إنه مو قد مسئوليه نفسه فكيف ببيت وعيال وغيره ..



خليها تصحى وتشوف إنه تحكم عقلها في اللي يتقدمون لها.

البنات كفوا ووفووووووووو

بس بصراحة من قهري قلت لازم أعلق..............

ولا قرش واااااااااحد
حتى لو أنه زوجهااا ... الرجال ما ينعطىىىىىىىىىىىى وجه ...

والأصل انه هو الرجل والمسؤوووووول عن كل شي ..

حسبي الله ونعم الوكيل
جد قهرنييييييي واللي قهرني أكثر انها خايفة تجرحه ........!!!!!!!!!!!


ولاااااااااا قررررررررررررششش

لااااااااااااااا لاااااااااااااااااااااااااااا لااااااااااااااااااااا اسمحلي اختي ......... بس كيف رجل يسمح لنفسه ينزل من نفسه بهذا الطلب

يعني يا اختي مثل ما يقول المثل

ان لم تستح فا افعل ما شئت

واضح من طلبه انه يريد يستغلها.. واحتمال ياخذ الفلوس ولا يتزوجها

الريال لو يريد البنت من قلب هو يتعب علشان يحصلها ويكافح.. مب يخليها هي تتوهق... وبعدين هي مب رخيصه علشان تدفع مهرها له..

لاتخليها تتصرف هالتصرف.. ولو يباها فعلا ماطلب هالطلب .. لو خذها باجر بيعايرها

الجوهرة:
هذا انسان كذاب

ونصيحتي تغسل يدها ومخها من هالحب وبلاخرابيط

ومثل ماقالوا البنات مايبي يتزوجها ،، بس أعذار

خله يولي

والله يرزقها باللي يعزها

واضح انه يقص عليها

وإذا تزوجتة بتعض اصابع الندم

خلها تروح يوم واحد للمحكمة وتشوف كيف الناس يتضاربون على المصايب والفلوس

هذا مو رجال بس شكلة يشبة الرجال.....(w)