° ˚◦ღ♡ஓ دردشة رمضانية خاصة مع ( ............... ) ஓ♡ღ* ◦˚°

P!NK:
الله عليج مجد

انا دايما اتابع منتهى الاناقه

زين لقطنها اهنيه

فديتج كل عام وانتي بخير

انا عندى لج اساله وايد بس بنزلها بتدريج

اول سؤال يالغلا

عن مستحضرات العنايه اي مستحظر حسيته انه ياب مفعوله وحسن من بشرتك ؟

وافضل واحد عندج ؟

بعد قلبي أنت :)

وأنت بألف خير و صحة و سلامة و مبارك عليج الشهر الكريم (f)

سأل يقد ما تبين حبوبة تدللي بس..:shy:

شوفي الغسول اليومي ما شفت أحلى من deep cleaning foam rinse off من chanel منظف عميق .. يشيل الدهون و بقايا الغبار والمكياج بقوة.. أحس أن بشرتي تتنفس و تقلل من البثور...

التونر من kanebo اسمه Lotion 1 ينعش و يسكر مسام البشرة..

المرطب مجموعة كبيرة:
Emulotion 1 من كانيبو .. ما كو دهون لفترة طويلة و الأماكناللي يبلليها ترطيب مترطبة و ماكو قشور..
Energy Move من ديور.. ممتاز..
Maximum Radiance Cream من chanel يعطي إشراق دائمة للوجه..

المقشر فيه من ماركة St Ives مقشر بالمشمش ما أذكر اسمه.. أروع ما استخدمت..

ماسك Hydrating Relaxing Mask من Dior يريح و يعطي رونق للبشرة الباهتة و المتعبة..

جل العيون Age Delay Eye Gel من شانيل خفف من الهالات السودة..

هذولي اللي أذكرهم :)

مجـد:

بس شوفي ما راح أعطيج جم يوم لاااااا ,, أعطيج يومين بس :D ,, وإذا تأخرتي بتلاقيني

حاجزة أول طيارة جاية لـ عمان :D ,,

بانتظارج ,, والله يوفقج يا رب :) ,,

إن شاء الله الليلة أو باجر أنزل أول دفعة...

تنورين عمان بجيتج.. لو ما شالتج البلد تشيلج عيوننا :)

تعالي زورينا :shy: ..

على خير إن شاء الله :)

ما حد يبي يدردش معاي اليوم??? :sad:

موضوع حلو

الاخت منتهى الاناقه

انااا وايد متابعه لردودج .. وايد استفيد منها

ماشاء الله البنات ماخلو شي

بس انا بسألج عن فرش المكياج وايش اللي تفضلينها

ويعجبج مكياج من المشاهير ؟

الخلطات الطبيعية تجربينها ولاتكتفين بالكريمات العادية

وايش واقي الشمس اللي تفضلينه ،،

ومشكورة :)

منتهى الأناقة:



التونر من kanebo اسمه Lotion 1ينعش و يسكر مسام البشرة..

المرطب مجموعة كبيرة:
Emulotion 1 من كانيبو .. ما كو دهون لفترة طويلة و الأماكناللي يبلليها ترطيب مترطبة و ماكو قشور..
..

هذولي اللي أذكرهم :)

انا هالجم يوم بروح ان شاء الله اخذ المجوعه من كانيبو بس حاطه ابالي اني اخذ Lotion 2 و Emulotion 2
انا بشرتي مثلج يعني بصيف الدهن بس اللحين اشوف بدت تصير مناطق جافه و خايفه اخذ 1 احس خفيف وايد
انتي اشرايج..

كوكو شانيل:
موضوع حلو

الاخت منتهى الاناقه

انااا وايد متابعه لردودج .. وايد استفيد منها

ماشاء الله البنات ماخلو شي

بس انا بسألج عن فرش المكياج وايش اللي تفضلينها

ويعجبج مكياج من المشاهير ؟

الخلطات الطبيعية تجربينها ولاتكتفين بالكريمات العادية

وايش واقي الشمس اللي تفضلينه ،،

ومشكورة :)

تسلمي يا عسل على الكلام الحلو :)

تدرين ما عندي ماركة معينة في الفرش.. يعني فرشاة الكونسيلر و المشطوفة و مالت الدمج والإسفنجية من MAC و كلهم حلوين..
فرشاة الجل ايلينر من بوبي براون.. تهبل
فرشاة الشدو من مكياجي.. حلوة و رخيصة :)
فرشاة البلاشر من body shop..روعة
فرشاة الروج من for ever .. تجنن..

أحب المكياج الناعم.. ما في شخص في بالي.. بس يعجبني مكياج حليمة بولندا.. :)

زمان كنت أسوي خلطات طيعية.. يعني سدر و ليمون وماي ورد..بس بطلت..كسل :sad:

أحط بس مكعبات ثلج.. ماسك الروب بعد الحف خاصة..:)

ام عفاس:
انا هالجم يوم بروح ان شاء الله اخذ المجوعه من كانيبو بس حاطه ابالي اني اخذ Lotion 2 و Emulotion 2
انا بشرتي مثلج يعني بصيف الدهن بس اللحين اشوف بدت تصير مناطق جافه و خايفه اخذ 1 احس خفيف وايد
انتي اشرايج..

اللي أعرفه أنو 1 أنسب للدهنية و المختلطة اللي تميل للعادية.. و 2 أنسب للجافة و اللي تميل للجفاف..

بشرتي بعدها مصيفة.. يعني كلش دهون.. عشان جي استعمل 1..:sad:

بس عشانج.. 2 أحسن.. لأن مثل ما قلتي 1 خفيف :)

رجعت لج حبيبتي :shy:

العنايه ما تكتفي بالويه والميك اب

الايدى والرجل اهم نقاط الجمال عندنا

عشان جي يليت يالغاليه

تخبرنا كيف تهتمين بالايد والرجل

وشو الكريمات المرطبه الي تستخدمنها

وجربتي شي من ذا بدى شوب ؟

ولا تنسين افضل صبغ اظافر واحلا لون جربتيه

هلا اختي منتهى الاناقه

مابكثر اسئلتي خفيفه

شلون تطورين نفسج بالمكياج بحيث تواكبين موضة المكياج دايما
وشلون تعلمتي رسمات لعين

P!NK:
رجعت لج حبيبتي :shy:

العنايه ما تكتفي بالويه والميك اب

الايدى والرجل اهم نقاط الجمال عندنا

عشان جي يليت يالغاليه

تخبرنا كيف تهتمين بالايد والرجل

وشو الكريمات المرطبه الي تستخدمنها

وجربتي شي من ذا بدى شوب ؟

ولا تنسين افضل صبغ اظافر واحلا لون جربتيه

أنا وياج.. الجسم مهم العناية بيه مثل الوجه..
جربت كريمات وايد للأدي و الأرجل من بودي شوب وclarins و Diorو فازلين ..كلهم تأثيرهم مؤقت.. ما لقيت أحسن من الزيوت..

أنا أدهن أقدامي و كفوفي بزيت لوز كل ليلة قبل النوم..:shy:
بعد السباحة.. أدهن جسمي كله بزيت الزيتون و بعدين لوشن أو بودي بتر..تعالي شوفي النعومة والريحة الحلوة..

ترى بشرتي حساسة وما يناسبها كريمات معطرة..:confused:
جربت من body shop لوشن جسم بالمانجو.. body butter بالمانجا و البابايا.. روعة
Africa Spa Scrup و حتى البدي لوشن ماله .. تحسست منهم :sad:
مقشر القدم عندهم حلو.. بس اللوشن ما يفيد..
مقشر الفواكه حلو..

أفضل صبغ أظافر من Givenchy.. كان عندي لون بني نحاسي .. ما عاد يجي منه :confused:

elegant_QR:
هلا اختي منتهى الاناقه

مابكثر اسئلتي خفيفه

شلون تطورين نفسج بالمكياج بحيث تواكبين موضة المكياج دايما
وشلون تعلمتي رسمات لعين

هلا عسولة..

أتابع المنتدى و المجلات النسائية فيها صور واضحه .. أحاول أقلدها لحد ما أضبطها..

تعلمت بالتجربة.. لحد ما صرت أتقن الرسمات.. إشتري باليته رخيصة.. و أقعد أجرب خلطات الألوان و الرسمات.. خاصة قبل مناسبة كبيرة..

المتزنة:

اهلين حبوبه بغيت اسئلك عن الغسول والمنظف والميلك :shy:


انا ماعندي ابدا منهم انا بس استخدم مقشر للويه وبس بعد كل اسبوع فياليت توضحين هل لها اهميه للي تستخدم مكياج وايد

والغسول هو المقشر انا استخدم من جونسون هل تنصحينني بغيره


المنظف هل هو اللي ينظف المكياج انا عندي مناديل منظفة من نيفيا هل تنصحيني فيها ؟

الميلك هذا عاد ماادري وشو :gum: ارجو التوضيح ودي استفيد :shy:


وشاكره لك مقدمااا والله يعينك علي :salam:

هلا يا عسل...

الغسول: هو المنظف اليومي .. عادة يستعمل مرتين في اليوم.. مثل الصابون السائل.. في اللي يكون قوامه جل و في اللي يكون رغوة.. في نوع لكل بشرة.. للبشرة الدهنية يكون عميق و أحيانا يكون مثل مقشر يومي.. البشرة الحساسة يكون الغسول خالي من العطور و الكحول.. الجافة يكون فيه نسبة ترطيب..

المنظف هو الغسول..

الميلك: عادة يستخدم لإزلة المكياج.. عادة يكون ي نوع للوجه و ثاني للعيون.. منه أنواع فيه اللي قوامه جل و في كريمي و في سائل... ممكن إستخدامه كمنظف للوجه .. بس عادة يزيل الدهون و الأتربة السطحية ما يكون عميق مثل الغسول..

المقشر حسب نوع بشرتج ..يمكن استخدامه 1 إلى 3 مرات في الآسبوع.. يكون مكتوب عليه طريقة الإستخدام..فائدته إنه يزيل الطبقة الميتة من الجلد اللي عادة تسبب قشور تبين بوضوح لما تحطين الأساس..

أنا جربت الغسول من جونسون و تحسست منه و نفس الشي المناديل.. بس إذا ماشية معاج.. خلص خليج عليهم..
بس لا تعتمدين على تنظيف المناديل .. استخدميها لما تكونين برا البيت.. لما تردين لازم الغسول..

ما أدري شنو نوع بشرتج عشان أفدج بأحسن منتج?? يا ريت تخبريني عشان أساعدج أكثر :qaq:

هـــــــلا والله يالغاليه ,,

انا بغيت سالك استخدمتي احد خلطات بنت عذاري الروعه ؟؟

اذا ايه وشو ماهيالنتايج

مشرفتنا مجوده

مشكوره على الفكره الحلوه و الممتعه ،، وبدايه روووعه مع الغاليه منتهى الأناقة

حبيبتي منتهى الأناقة
استمتعت وايد وانا اقرا الاجابات و التفاعل الحلو ،، واذا عندي سؤال ان شاء الله بطرحه لج


متابعه معاكم :)

محتاجه لك:
هـــــــلا والله يالغاليه ,,

انا بغيت سالك استخدمتي احد خلطات بنت عذاري الروعه ؟؟

اذا ايه وشو ماهيالنتايج

نورتي يا قمر :)

لا والله ما جربتهم... :confused:

وايد كسولة :gum:

المتزنة:

بشرتي جافة بالشتاء لكن بالصيف عاديه مو دهنيه ولا جافه مرره مثل الشتاء :shy:

وشاكره لك يالله انا استنى ردك

لازم تغيرين المستحضرات اللي تستخدمها .. بالشتا غير عن الصيف.. بالصيف عندج هالمنتجات الحلوة من St Ives تلقينها بالسوبرماركت و الصيدلية..
مقشر من St Ives


غسول من St Ives


ماسك من St Ives


في الشتا أنصح بأشياء فيها نسبة أعلى من الترطيب مثل منتجات Himalaya:

عندج مقشر اسمه Gentle Exfoliating Walnut Scrub
عندج مرطب اسمه Intensive Face Moisturising Lotion
عندج غسول اسمه Gentle Face Wash Cream
ماسك اسمه**************ing Fruit Pack

نصحتج بهالماركتين .. لأنه مكوناتهم كلها طبيعية.. أسعارهم حلوة.. تحصليهم بكل مكان.. جربيهم و خبريني رأيج.. إن شاء الله يفيدوج

Marshmallows:
مشرفتنا مجوده

مشكوره على الفكره الحلوه و الممتعه ،، وبدايه روووعه مع الغاليه منتهى الأناقة

حبيبتي منتهى الأناقة
استمتعت وايد وانا اقرا الاجابات و التفاعل الحلو ،، واذا عندي سؤال ان شاء الله بطرحه لج


متابعه معاكم :)

بعد عمري أم خالد..(f)

نورتي جلستنا.. أسعدني مرورج..:shy:

وأنا حاضرة باللي تامرينه :)