سااااااااااااعدوني مهم

لا تخافين اختي الموضوع ماشي أسهل عنه ..بس يباله صبر وطولة بال.. أنا بقولج على كذا
طريقة أو أسلوب تستخدمينه ...في البداية خذي بطاقة مكتوب عليها مثلا حرف الباء..
وخليها تقرا الحرف.. وعقب حطيلها صورة مثلابطة.. وخليها تقول وراج باء بطة ..
وعقب ما تشوف الحرف.. عطيها كذا كلمة مكتوبة يكون فيها
حرف الباء وخليها مثلا تحط دائرة على الحرف.. وأنا صراحة أفضل انج تنفذين
كل اللي قلتلج عليهبطريقة مرحة .. يعني مثلا قوليلها أنا بغمض عيوني و انتي حطي
دائرة عالحرف وادري انج بتحلينصح لأنج شاطرة .. يعني ادمجي بين المرح والتشجيع ..
وبعد اكتبيلها الحرف بشكل منقط وخليها تمشيعليه بالقلم.. و نسيت أقولج لا تنسين تراوينها
كيف يكون الحرف في بداية الكلمة وفي وسطها ونهايتها.. وعقب عطيها مثلا صورة بطه
وخليها تلونها .. وممكن بعد تحطيلها كذا بطاقة لكذا حرف.. وقوليلها انه
اظهرلج حرف الباء.. وكل ما تجاوب صح .. عطيها جائزة لأنه اليهال وااايد يتشجعون بهالطريقة ولاا
تصارخين عليها ابدا ابدا .. ادمجي بين الجوائز وتشجعيها بالكلام... ولا تضغطين عليها ..
يعني لا تعلمينها لفترة طويلة .. بالكثير خمس دقايق وعقب
بريك تلوين مثلا او أي شي ثاني تحبه لمدة دقيقتين.. صح بالنسبة للجائزة ممكن يكون شي بسيط.. أنا
مثلا شو أسوي لبنت أخويي.. مرة أطبع على ايدها بالطباعة .. ومرة اييبلها عصير.. وكل ما تحل صح
أصبلها شوية.. فتستانس.. ومرات يوم تحل صح.. أصارخلها واقوللها صححححححح شااطرة..
وممكن مثلا اتييبين استكر لحرف الباء وصور لمجموعة أشيا.. وخليها تقولج شو في الصورة ..
مثل كلب.. وعقب تسألينها فيه حرف الباء.. ويوم بتقريلها الكلمة شددي عالحرف عسب تبدء تلاحظه..
وعقب مثلا سمك.. وتسألينها وتجاوب... وخليها بروحها تحط الاستكر.. لأنهم يحسون إنهم أنجزو شي..
صراحة
في بالي كذا طريقة.. خصوصا إني في القريب العاجل بكون مدرسة رياض أطفال.. وأدرس هالاشيا.. بس
صراحة انا ما ادري اختج في أي مرحلة.. وبقولج شي لازم يكون هدفنا انه اختج تفهم مش تحفظ ..
بس صدق استخدمي أساليب ممتعه .. اذا في شي ما فهمتيه من كلامي .. أو أي سؤال أنا حاظرة .. والسموحة
طولت عليج .. بس موضوعج وايد مهم..

اختي لا تخافين من موضوع انها تلخبط بين الحروف.. هذا شي جداااا طبيعي
ويحصل لكل الأطفال.. يعني مثلا بنت اخويي كانت في الكي جي تو .. كانو يعطونها
كل اسبوع حرف.. ويكون عليه أنشطة وواجبات .. انتي حاولي كل يومين تعلمينها
حرف.. وممكن تستخدمين كذا اسلوب لتعليمها الحرف.. وأنا أفضل انه الحروف
المتشابهه تعلمينها اياهم على فترات متباعدة .. يعني انتي قلتي انها تلخبط بين حرف الباء
والتاء والثاء.. وفعلا مثل ما قلت من قبل هذا الشي طبيييييييييييييييييييييييعي ...

بعطيج مخطط ... عندج أول أسبوع أو أقل .. الفترة اللي تناسبج وتناسب مستواها الذهي.. حرف الباء :
1. أول شي اكتبيلها على السبورة الحرف وخليها تنطقه وراج
2. اكتبيلها الحرف بشكل منقط وخليها تمشي عليه بالقلم
3. خذي عدة بطاقات مكتوب فيها كلمات تحتوي على حرب الباء وخليها تلاحظ الحرف
4. عطيها ورقة عمل تضع دائرة حول حرف الباء في الكلمات
5. ممكن تطبعين حروف مختلفة مثل الباء و الجيم وغيرها بس ما تكون من اللي تتلخبط
امبينهم .. وتعطينها مغناطيس وتقوليلها دوري حرف الباء وعلقيه على السبورة .. وطبعا تطبيعلها أكثر من ورقة تحتوي على حرف الباء.
تدرين شو ممكن تسوين بعد؟ ممكن تسجلين صوتها وهيه تنطق حرف الباء وتحطينه عندج عالكمبيوتر
وتحطينه في الباور بوينت ويا الحرف نفسه.. اليهال يتشجعون يوم يسمعون صوتهم ..

واطبقين نفس الشي مع الحرف اللي عقبه.. بس ما يكون حرف التاء أو الثاء.. دوري حرف مستحيل تتلخبط
بينه وبين حرف الباء.. ممكن حرفين ما تتلخبط فيهم .. وعقب تردين تعلمينها حرف التاء وهكذا...
ولاتنسين المراجعة المستمرة شي مهم عشان الطفل ما ينسى بس بدون ضغط ...

عندي طريقة ثانية ممكن تعيب اختج .. ممكن اتييبين الها طين عقب ما تعلمينها الحرف وقوليلها
شكليلي حرف الباء..أو ممكن اتييبلها معكرونة وصمغ.. وتقوليلها سويلي حرف الباء بهالمعكرنة ..
بتستانس وفي نفس الوقت بتتعلم ... وصح في صمغ خاص للأطفال في القرطاسيات .. و إذا في أي سؤال
أنا حاظرة حبيبتي... ومثل ما قلتي اختج ذكية بس عنيدة .. فعشان جيه استخدمي وياها طرق عملية وفيها حركة
عشان تتحمس للدراسة .. وبالتوفيييق ان شاء الله