زوجي والحل

كل شي الا الصلاة
اختي لازم تنصحيه بطريقة حلوة .. اللي مايصلي وهو في هالسن مصيبة

قولي له الله يغفر لك عن الفترة اللي فاتت ورمضان فرصة تلتزم بالصلاة
الله يهديه

شو رايج تيبين شريط عن الصلاه وتشغلينه يوم تركبين معاه السياره
انا سمعت شريط جميل جدا اسمه الصلاه للداعيه عمرو خالد وايد حلو واسلوبه مقنع جدا

هلا حبوبه
اول شي مبروك الزواج و بالرفاء و البنين

بالنسبه للصلاه

تراها اهم شي في حياة الانسان
و هي الفرق بين المسلم و الكافر

حبوبه لازم تنصحينه و تعودينه عليها و لا اللله ما بيبارك لكم حياتكم

نصحيه بس مو باسلوب مباشر و جاف
مثلا بقولج

بعد ما تصلين احد الفروض و انتي بلبس الصلاه قوليله صليت حبيبي ...
شوفي رده
لو قال لا
قوليله يالله انا ما شلت السياده تعال صل و بعدين شيلها

مثلا اقول
و لا مثلا وقت التراويح
قوليله يالله قوم روح ثل التراويح و انت راجع اتصل بي ابيك توديني بيت امي و لا ابيك توصلني المكان الفلاني
حسسيه انج منتبه للموضوع
انتي مو اول الايام كان المفروض تبتدين معاه مو تخلينه شهرين من غير صلاه حرام بعدين بيحس انه هالموضوع مو هامج و ممكن يتركها للأبد و العياذ بالله
نصيحتي لكي اخيتي ان لا تقصري باس جهد يخطر ببالج في سبيل ان تجعليه من عباد الله المخلصين

الراكعين الساجدين


عسى الله ان يفرك بشوفته رايح للمسج على كل فرض يا رب

فكرة الشريط وايد حلوة حبيبتى ياريت تجربينها الله يهدى ويوفقك

مشكورات خواتي ....................................... تعرفون انا ليش سكت عنه لانه هو قبل الزواج كان يكلمني دوم عن الصلاة ويتم ينصحني ويقولي كل شي ولا صلاة الانسان كل شي ولا ترك الصلاة عشان جذيه انا انصدمت فيه عقب الزواج ومب بس في ها الشي انا انصدمت في اشياء وايد .... لكن لازم افتحله الموضوع

الغاليه النصيحه مهمه

لكن احذري انج تنصحينه بأوامر


فكري بطرق توصليله النصيحه بشكل غير مباشر

مثل تتعمدين تقرين قران فيه ايات عن الصلاة جدامه

او تطلبين منه تصلون جماعه

تقوليله ابغي اسير اصلي التراويح وياك في المسيد

والله يطمن بالج

انا المشكلة انه هو يعرف كل ها الكلام والنصايح بس مادري شو فيه كسل يمكن ما ادري .... حتى مرات يوم اقوله انته ليش ما تصلي في المسجد يقولي يعني صلاتي في بيتي حرام؟؟؟ ... بحاول ادور طرق ثانية

الله يهديه والبنات ماشاء الله ماقصروا
لكن اذا هو مب حاب يروح المسجد انتي قوليله ليش مانصلي جماعه فالبيت
ومع مرور الوقت يروح المسجد

لاحولا ولاقوة الا بالله

اختي انصحييييييييييييييييييييه اهم شي الصلاه والله الانسان ما يتوفق في حياته اذا ماكان يصلي حاولي لا تيأسين

الله يهديييييييييييييييييييييييييييييييييييييييييييييييييييييه

الله يهديه انشاءالله

انصحيه بطريقة بعيدة عن الامر والنهي والتخويف

يعني مثل ما الزوجة تنصح زوجها يلبس هاللبسة احلى عليه من وحدة ثانية

بطريقة حبوبة وبلطف لانه لا اكراه في الدين وزوجك اكيد عارف اهمية الصلاة وهو مش جاهل ولكن يحتاج الى التشجيع ..

كوني لينة معاه ووحدة وحدة مثل الطفل ابدأي بالفروض ثم السنة ثم بصلاة الفجر لانها تصعب على الكثيرين ثم تعالي الى التراويح وغيرها

اكثري من الدعاء له في صلاتك وحاولي انك اتصلي امامه حتى يشعر بالخجل من نفسه ..
هذة نصائح جدا رائعه وجدته في منتدى جزها الله خير كاتبته وحبيت انقله لك........

انصحيه برفق

اولا بيني له انك حريصه على الصلاه
اجعلي كتابا عن الرقائق لطيف وصغير **كتيب** في مكان جلوسكم
اجعلي في غرفة النوم مصحفين
واحد بجانبه والاخر بجانبك**الكومدينو**
دائما اجعلي عملك اوماسوف تعملينه له بعد الصلاة
يعني الغداء بعد الصلاه
العشاء بعد الصلاه
يعني قولي بعد مااصلي راح اسوي يكون العشا جاهز
برفق طبعا اذا رفض اعملي مايريد
اذا نمتي قولي له صحني على الصلاه بالله
اذا اذن قولي بروح اصلي واجي
اذا اخرتي الصلاه قولي له تصدق اليوم ماصليت ....الا متاخر
دائما قولي اخاف تفوتني الصلاه
ضعي على خلفية الكمبيوتر دعاء طيب
ضعي برواز به دعاء لزوجك بخط يدك
مثال اللهم وفق زوجي الى مايحبه ويرضاه
وضعيه في غرفة النوم

وهكذا

خلاصه كلامي اجعلي اسلوبك غير مباشر
لمدة شهر شهرين ثلاثه
ان لم ينفع
فواجهيه برفق ايضا
ويكون باله مرتاح

وقولي له اني اخاف عليك مثل نفسي واكثر
واريد ان يجمعنا الله في الجنات
بلطف


وان شاءالله ربي يهديه

الله يهديه يارب

حبيبتي حطي في بالج الساكت عن الحق شيطان اخرس..

هذي الصلاة ياعيوني لازم تكلمين ريلج بطريقة حلوة عشان يتقبل كلامج فهميه يمكن اهو عاش في بيت اهله محد منهم كلمه ولا احد يصحيه عشان يصلي الفجر من جذي يواصل مايقعد

انتي الحين زوجته وامه واخته وكل شي بالنسبة له انتي انصحيه انتي قعدي معاه وحاولي تفهمينه وانتو قاعدين تسولفون كلميه عن الموضوع

والله يهديه ياااارب

الله يهديه ان شالله يارب ويصلح حاله 0000

حبيبتي انتي انصحيه ارشديه 00 علميه عقوبه تارك الصلاة في الدنيا والاخره 0000



كاسكو