زوجي يحب وحده غيري

أول شي ربي يصبرج على مابلاج ..
وتحملي تقولين لزوجج .. لانه خلاص بيلعب عالمكشوب ولا بيفتكر فيج ..
خلج مغمضة لين أخر يوم في عمرج ولا تحسسينه إنج تتجسسين عليه ..
وصدقيني بلبسج أنتي الغلط .. وبيقول أنا أدري إن أنتي تدرين وهذي مسرحية أنا مسويها ..
لان كنت أدري أنج تتجسسين من وراي .. لان الرياييل عندهم أسلوب يخلي السالفة ..
تقلب عليج أنتي وهو يطلع منها مثل الشعره ..
مثل ماقالوا كل البنات أهتمي بنفسج .. قولي له من هالكلام الحلو ..
لاتنادينه بأسمه لا .. دوم ناديه بالاسم اللي يحبه قلبه وغيري ..
عشان مب كل ما يسمعج يتخيلها تطلع منها هالكلمة ..
وتحملي إنج تتغيرين تغير مفأجا وكبير في الاسلوب عشان مايشك فهمتي علي ..
ثقفي نفسج .. سوي أشياء تخليه يستغرب منج .. لانج مامسويتها له من قبل ..
سوا كان جنسي ولا بإنج تمسكين كتاب ولا تهتمين بالقراءة جدامه ، خاطرج تغيرين مثلا في البيت
ويرتب هو معاج وين تحطون هالكرسي ولا تغير مكان سريركم ..
يعني سوي شي ماكنت تسوينه من قبل ..
وأنبهج مره أخيره حااااااااااسبي من إنج تقولين له إنج كنتي تتجسسين عليه ..
والله يعطيج على قد نبيتج يارب ..
ويبعد بنات الحرام عن عيون رياييلنا .. ونكبر في عينهم ويكبرون في عينا ..
يالله ياربي .. تهدي أزواجنا لنا .. وتهدينا لأزواجنا ..
وتبعد عن عينا وعينهم الحرام .. وبنات الحرام ..
اللهم آآآآآمين ..

السلام عليكم

شكرا لكم بنات

قريت ردودكم بنت بنت ماقصرتواا بس اسمحوا لي موقادره ارد عليكم وحده وحده

انا ماعرف احذف البرنامج لان صديقتي المهندسه مسافره الحين

واريد اقول للبنات اللي ارسلوا لي رساله خاصه انا اسفه كثير لان صديقتي مسافره وماعرف اسم البرنامج ولاشي اذا رجعت من السفر راح ارد عليكم

غصبا عني موقادره ماقرى اللي يصير والمحادثات

بنات انا مومقصره معاه بشي وكل اللي قلتوه اسويه انا كل مره اكشخ واسوي له كل شووي وهو بالعكس يبادلني وقول لي انتي طيبه وماتقصرين معاي بشي ويمدحني دايما عن هله بنات احسه منافق بعد اللي قريته يوم يقوول سواء كنتي بحياتي اوماكنتي ماراح احب زوجتي الوضع عادي الحب موبالعافيه القلب هو اللي يحب شفتواا كيف بنات هو مو مهتم انا من قبل اسوي له كل شي ماقصر عليه يقول لي ماتقصرين دايما ولايبنين عليه احسه انسان ماله قلب منافق انا جد كرهته لوبعيش معاه بعيش لبنتي وبس

نصيحه اختي اذا في احد طالب منك اسم البرنامج على الخاص من الاخوات لاتعطينهم اياه واعتذري لانك كذا يمكن تسببين مشاكل لبعض البيوت

والله يفرج همك

المعذبه

الله يعينج إن شاء الله

بس حبيت أزيد عالكلام اللي قلته

حاولي تشغلين وقته بإنه يساعدج في المطبخ عشان رمضان

خليه يطلع بنته يوديها الألعاب بنفسه

يعني حاولي تشغلينه ببعض التصرفات

والله يساعدج إن شاء الله

الله يعينج اختي و عليج بالدعاء والصبـــر

الغالية مالج غير الدعاء....................
الله يهديلج أياة أنشاء الله..........................

شكرا لكم

اخر شي صار

المشكله مو في البنت المشكله في ريلي مايبي يهدها

اليوم قريت البنت هادته ماتبيه اتقول له ماابي تعبت وهو كل وقت يقول لها انا جنيت عليج يوم خليتج اتحبيني وتتعلقين فيني وكل وقت يدعي لها ربي يرزقها بالزوج الصالح اللي يعوضها عنه تخيلي ويقول لها حتى لوخلاص افترقنا بس بيتم حبنا كبير وبنسال عن بعض كل وقت مهما طال الزمن بس نسال ونتطمن على بعض وحبنا وايد كبير لوبالمستقبل نقدر انخلي عيالنا يرتبطون ببعض انعيد قصه حبنا اللي انحرمنا احنا نرتبط ببعض يعني ريلي مافي امل ينساها

حبيبتي قصتك مره تعور القلب
والي تقول لك صارحيه اقول لك غلط
والي تقول لك اكشخي وحاولي تشغلينه اقول لك برضو ماينفع هذا لو انتو بالبدايه او في حب موجود ومات بس اصلا الحب مانولد سامحيني حبيبتي على هذه الكلمه بس هذه الحقيقه
فكيف تبغين تحيينه وهو مو موجود
وزوجك مو شايف الحب الا عن طريق المسينجر وعن طريق هذه البنت
ولو صدقيني راحت هذه البنت ونسيته راح يدور على غيرها ويحب غيرها لانه مو شايفك انتي
بشبهه بمثال شوي مو محترم بس عشان تفهمين
الشباب الي بيمارسون العاده السريه الله يكرمك قبل الزواج صعب يتلذذوا بزوجاتهم بعد الزواج وهذا الي صاير معاك
زوجك تعود على الحب من بعيد
وعشان كذا مو شايفك وعشان كذا مايحبك
وعشان كذا حبيبتي ادخلي له من هنا
اضيفيه عندك في المسينجر ولو يعرف مسينجرك سوي واحد ثاني
وابدئي معاه لاتبينين انك داخله على حب وحاولي تكون اونلاين في الوقت الي تكون هي مقاطعته او مو موجوده
بالاول تحدثي معاه حديث يجذبه اليك
بثقافه باسلوب حلو
خليك محترمه معاه
هو راح يبدا معاك
الفتره راح تطول
طولي بالك واستمري
شوفي اذا ناسبتكي فكرتي قولي لي وانا بكمل معاك خطوه بخطوه ونتراسل على الخاص وان شاء الله يرجع لك زوجك

الله يعينك ويوسع خاطرك واسأل الرحمن اللي قلوب العباد بين اصبعين من اصابعه ان يملأ قلبه بحب الله ورسوله ثم بحبك
اختي كل بيت وفية مشكلة الله يعين لاكن اسال الله ان يسخره لك هذي الدنيا يا اختي كبد في كبد

لاحول ولاقوه الا بالله

يا غاليه مو مشكله بسيطه اي مشكله ولها حل

والحل يا عمري بيدك انتي .....من غير اي نصائح تفصيليه استخدمي سحر الانثى وجمالها الداخلي لتجعلي زوجك يحبك حتى لو كانت هي ملكه جمال انتي اكيد جواك جمال ممكن يتعداها في عيون زوجك بس لازم تعرفي كيف تظهريه وعليك بالتغير حتى في العلاقه الخاصه بينكم

يلا ياقمر شغلي مكر الانثى ودهائها في استعاده زوجك وربي معك:shy:

ترى فكره (فجر الخيول )تجنن انا لو مكانك اجربها

ترى فكره (فجر الخيول )تجنن انا لو مكانك اجربها:ok:

وتحملي تقولين لزوجج .. لانه خلاص بيلعب عالمكشوب ولا بيفتكر فيج ..
خلج مغمضة لين أخر يوم في عمرج ولا تحسسينه إنج تتجسسين عليه ..
وصدقيني بلبسج أنتي الغلط .. وبيقول أنا أدري إن أنتي تدرين وهذي مسرحية أنا مسويها ..
لان كنت أدري أنج تتجسسين من وراي .. لان الرياييل عندهم أسلوب يخلي السالفة ..
تقلب عليج أنتي وهو يطلع منها مثل الشعره ..

كرستاله قطر والله صدقتي(f)

عزيزتى المعذبة اولا صديقتك هذى مو صديقة هذى فتانة كانت سابتك لحالك كان افضل لك من الحين يقول المثل يا غافل لك الله.اختي أنا عندي مشكلة اكبر اذا عرفتيها تهون عليكي مشكلتك أذا انتى زوجك يكلم على النت أنا زوجى يروح للمراقص ويشوف البنات والفاجرات اشكال والوان وغير كذا يصرف عليهم بعد.طبعا كل هذا اكتشفتة عن طريييق صديفة الله يسامحها قلبت حياتى فوق تحت كنت اول سعيدة وراضية بحالى بس هذا مو معناه انى كنت مستغفلة لا صدقينى ربى ما حيسيبنى .وغير كذا اذا عرف زوجك انك عرفتى الموضوع بيتجراء ويكلمعا قدام عينك ويقهرك زيادة زي ماهو حاصل معى .بلعكس خلية يعملك حساب ويخاف منك وشوى حيطفش من هل الشغلة بس أنتى ادعمية بحب والحنان والدلع هذا هو ايلى شاغل اكثر الرجال والله يعينك

الله يكون بعونج اختي موقفج واايد صعب ..احذفي البرنامج عشان ترتاحين

هلا اختي حبيت انبهج تري بنت اللي تقولين عنها ابد مب طبيه هي لو صدق ما تباه كانت خلته بس هذا مخططها عشان تخليه ينهار و يتزوجها والله يعلم بس انا احس جذي مهما كان زوجج يحبها ترى صدقيني بشطارتج ترومين تخليه يحبج خليج غامضه وتغلي عليه وتدلعي وخليج مثقفه واعرفي هو شو يحب وتسويه اطلعوا ويا بعض شوفوا موفي

الله يكون بعونج ويرد لج زوجج ويسخره لج
حبيبتي لاتحزني كل الرجاجيل مثل بعض ماعليج من كلامه انه حتى لو هي موب في حياته ما بيحبج تراه كلام رجاجيل ما ينخذ عليه لأنها البنت شكلها صعبه وذكيه وما قدر يوصل لها واي وحده بتسوي له نفس الشي بيقولها نفس الكلام وشكله كان زواجكم برغبه من الاهل يعني ما اخذج بقتناع منه اهو فلازم يصير هذي الشي انا انصحج انج تطنشين للموضوع وما تصارحينه وتبتدين تهتمين بنفسج وتحبين نفسج اكثر خلي بالج على كلمة تحبين نفسج لانه اذا انتي حبيتي نفسج بيحبج لكن اذا كنت انتي اصلن ما تحبين نفسج كيف تبينه هو يحبج حاولي انتي تعدلين من روحج وطورين من نفسج عشانج انتي بالدرجهى الاولى وعشان عيالج بالدرجه الثانيه ثمن عشانه اهو واهتمي فيه بالحد المعقول ولا تقطين نفسج عليه خليه اهو يجي لج موب انتي تروحين له واطلعي مع هلج مع صديقاتج روحو تعشو تغدو برى ولا يهمج فيه وطلبي منه يطلعج بروحج اتعشون او اتغدون بروحكم بدون العيال ولا تقولين ما اقدر بتقدرين لا تخلينه يشوف غيرج احسن منج تدلعي حتى لو ما يعطيج ويه ماعليج منه تدلعي وعيشي حياتج خليه يحس بوجودج في حياته موب مجرد زوجه على الفراش وام العيال لا شوفي يا حبيبتي دام انج صغيره تلاحقي على نفسج بعدين لي كبرتي وفلتي من كل شي ما بفيد الندم كملي دراستج تثقفي ادخلي دورات كمبيوتر او حتى خليه اهو يعلمج على الكمبيوتر بالعكس شي حلو تقولين له يعلمج علىالكمبيوتر والنت عشان يحس بج اكثر من كلامج اختي انج مو محسسته بوجودج وهذي نصيحتي لج
واهم شي انج تـــــــــــــــــــــــــــــــــحبين نــــــــــــــــــــــــــــفــــــــــــــســـــــــــــــــج

لاحول ولاقوه الا بالله ربنا يسهلك و يرجعلك زوجك ابقى طمنينا