حلمت ان

السلام عليكم ورحمة الله وبركاته

فضيلة الشيخ

حلمت اني يالسة في البيت مع واختي الصغيرة يالسين في الصالة
وشوي تدخل علينا جدامتنا وتقولي ان في حد يدق الباب الخارجي للبيت فعلى طول
رحت لغرفة الرجال لان اخوي يالس هناك وقلت له ان في حد يدق الباب رووح شوف من هو قبل ما يطفش ويروح...بس اخوي طنشني
وبعدين قلت لاختي الصغيرة انها تلبس الحجاب وتوح تشوف من على الباب
بس تاخرت وااايد وهي تلبس فرديت مرة ثانية عن اخوي وانا اصارخ فيه بس مافي فايدت
وذيك اللحظة رحت ابي بصوت عااااااالي بس ماحد فاكر فيني
ورحت للباب الخارجي وقلت من قالي واحد انا ساعي البريد
ففتحت طرف الباب ومديت بس ايدي علشان يعطيني الطرد لاني مب لابسة حجاب
بس شفت الجال من طرف صغير ومواصفاته انه واحد افريقي جسمه عريييض وبعد رياضي كأنه لانه لابس قميص ازراره فتوحة وشفت صدره الي مثل الرياضيين وبعدين روح
وكان الطر عبارة عن 4 ظروف بنية ( الي تستخدم في المدارس او الوزارات) ظرفين منهم كبار واثنين صغار
وكان مكتوب في الظرف الاول مب ذاكرة عدل شو مكتوب بس المعنى ( ان بيتنا بيكسرونه علشان يبنون لنا بيت يديد)
والظرف الصغير مكتوب فيه( 13 الف زيادة راتب او هو الراتب ما ذكر ) اما الظرفين الاخرين ما ادري عنهم شو مكتوب فيهن
فيوم رحت عند اخوي قال لي اذا بيكسرون بيتنا ولييين ما يبنون الجديد فبنعيش في امارة الشارقة والله يعينا على المصاريف

وانتهى الحلم

واعذرني على الاطالة

المعلومات:
انا مخطوبة /معلمة /عمري25
اخوي طالب جامعي عمره23/ساكن في الشارقة سكن جامعي
اختي الصغيرة في الصف السادس عمرها11 سنوات
حنا ساكنين في مدينه العين
وبالنسبة لبيتنا هو بيت شعبي...