...خطيبي يدخن...

وعليكم السلام ورحمة الله وبركاته

يالغاليه استخيري ربج كثري من الاستخاااره والله مافي احسن منها صدقيني 0000 وربي يكتبلج الخير ان شالله 000 خلي اخواانج يكلمونه ينصحونه يعلمونه انج انتي ماتحبين الدخااان 000

وبعد الزواج ان شالله بيترك الدخاان باذن الله عزوجل 0



والله يوفقج


كاسكو

هلا إختي كاسكو..
تسلمين على الرد عزيزتي.. والله يعلم إني للحين أستخير.. الحمدالله ...
انا وصلت لخواته إني ماأحب الدخان...
ومشكوره مره ثانيه...

الله يسلمج يالغلا ماسوينا الا الواااجب 000

بس دام وصل لخواته انج ماتحبين الدخان اكيد بيوصله وذا بيخليه ان شالله

بيراجع نفسه وبيتركه ان شالله يارب وخلي اخوانج يكلمونه بعد احسن 000

وكثري من الاستخاااره والله يوفقج 0

هلا حبيبتي
انا ريلي يدخن
طبعا قبل الخطوبة ما كنت اقدر اكلمه مثلج
بس الحين بعد ما ملج كلمته
كل مرة احاول وياه طبعا مب اهدده وللا شي لا
اييبه بالزين واحاول ابينله مخاطر التدخين
وابينله اني خايفة عليه
شوي شوي ودره على طول
من فترة قريبة مودرنه
لا تخافين حبيبتي
عقب الملجة بيودره

هلا أختي .........

أولا : مبروك مقدما على الخطوبه .......

ثانيا : عندي لك حل وحيد سمعته اليوم من الأستاذ جاسم المطوع


يقول فيه شخص راح البقاله إشترى علبة عصير وعند المحاسبه


إنتبه إن العصير منتهي الصلاحيه وقال للبائع حرام عليك تبيع


عصير منتهي تريدني أموت ........


الخلاصه من القصه أن هذا الشخص كان يدخن ويشتري الدخان بنفسه

يقوم بتهزئة البائع عشان عصير ..... أليس من المفترض أن يمنع نفسه

من الدخان أولى من العصير ........

أخيه : بعد الخطبه أكيد بتشمين رائحة الدخان المهم كل ماجاء زوجك يقرب يمك

إبتعدي عنه وسوي روحك جاك الغثيان بسبب الدخان بعدها يمكن يتخلص منه .....

خذي تفاحه فاسده وضعيها في طبق مع البرتقال طبعا هو بيشاهد التفاحه

وبيقول وش جايبه تفاحه فاسده قولي مافيه إلا هذه ويقول فيه أحد يأكل تفاحه

فاسده قولي نعم فيه قولي إنت تأكل السجائر وأكيد الرئتين صارت سوداء .......

إشتري أشرطه دينيه عن التدخين وأرسليها له ليسمعها ويسمع مخاطر التدخين

ويقتنع بذلك ويتركها بإذن الله ......


أخيه : في مراكز تساعد المدخنين الإقلاع عن التدخين هذه متواجده في السعوديه

ماأعرف إن كان عندكم مثل هذه المراكز في دولتكم ..


أتمنى أن اكون قد أفدتك .

اختي العزيزه

لا تغصبينه ،، لأن الغصب في هالموضوع ما ينفع .. يمكن يتركه فتره عشانج ويرد من جديد .. لأن اللي يترك بدون اقتناع مرده يرجع .. بعدين ماعتقد لمجرد كلام يتركه .. لو الكلام يفيد اكيد بروحه كان ترك .. يمكن قول لج انه تركه ،، لكنه يدخن من وراج ..

حتى النصائح والتذكير ،، نتائجها مب مضمونه .. لأن كل المدخنين يعرفون اكثر منا مضارها وأخطرها ..

الشي الوحيد النافع لترك التدخين هو وجود الاراده ..

الاراده هي الحل الوحيد ،، ولو خطيبج ماعنده اراده ،، اعذريني عمره ما راح يتركها ..

انتي حاولي تكرهينه فيها .. و حاولي تبينين له انج ماتحبين ريحتها وتتضايقين منه ..

بيبني له خوفج عليه منها ،، وذكريه انه في فترة حملج راح تتأذين و يتأذى البيبي .. والجو راح يكون مؤذي للجميع ..

جيبيها له بالاقناع والاسلوب الحلو ،، لأن الغصب و اسلوب النصائح الجامده ما يفيد

ونسيت اقول شي

حتى لو ماعنده اراده ،، شجعيه و وقفي جنبه و حمسيه

الله يصلح الحال ياررررب

واهم شي اذا جيتي تكلمينه لاتحسسينه انه انسان فاشل او فيه عيب

علشان مايعانك


والله يسعدكم ويوفقكم يارب

هلا ندى الورد..
تسلمين على الرد.. وإن شالله أسوي إلي قلتي عليه... أنا فعلاً أريد أقنعه بالغة العقل علشان يقتنع...
مشكلوره ماقصرت..
وتحياتي...

هلا ربى ملوح...
مشكورة على المساعدة... وتسملين على الرد الجميل...
تحياتي...

هلا Marshmallows
فعلاً كلامج صح.. أنا ما أريد أغضبه.. ومع التشجيع مثل ماقلت والإرادة يمكن يتركها...
وتحياتي العطرة أختي...

هلا محتاجة لك.. مشكورة أختي على الرد.. والله يسمع منج ويصلحه...

اسمعى كلام ربي ملوح ههههههههههههههههههههههههههههههههه انا عملت زى ما هى قالت كدة
تخيلي صار لي سنتين اتحايل علي خطيبي انه يبطلها و مكنش بيسمع الكلام
كنت اقوله ترضي تشرب كوبايه احطلك فيها شويه زفت و قطران ؟؟؟ يقولي لا
اقوله طب ما السجاير مصنوعه من الزفت و القطران اللي بنسفلت بيه الشوارع
و برضه مكنش يسمع الكلام لدرجة انى علشان ابطلهاله قولتله كل ما هتدخن سيجارة اخد منك جنيه
ههههههههههههههههه
و كنت فعلا اخد منه فلوس و اقول لما يحس انى باخد منه فلوس كتير يبطل و لكن و الله ما بطلها برضه
لحد ما كل ما يقعد جنبي او اشم ريحته سجاير ابعد عنه و اقوم من جنبه و كل ما يقرب و يحاول يقعد جنبي ابين له انى قرفانه و من الاخر قلتله انا بكره ريحه السجاير عايز تشربها متقربش منى و لا تشربها ادامى و لا تقرب جنبي علشان ريحه السجاير كلها في هدومك
لحد الحمد لله بقاله شهرين الحين مبطلها
و الفضل لله طبعا و اعملى زى ما انا عملت

الله يكون في عونك
وعون الجميع وحاولى يااختى فيه لاتيئسي منه
والله معك

الله يساعدج

حاولي تشجعينه انه يتركها واليوم واني اتصفح الجريدة اللي يحطون فيها دعايات كانو حاطين ان عندنا بالبحرين فاتحين محل في مجمع الدانة عشان الشباب يبطلون من التدخين اهو المكان عيادة طبية

يسوون له طريقه عشان مايدخن والنتيجة 90بالمئة انه يتركها وبدووون اي الم

تقدرين تكلمينه واذا اقتنع توكلو على الله

بما انه خوش ريال...فبالنصح ان شاء الله...
ومع الايام استخدمي كلمات طيبه..لان الريال كلهم يجون بالكلام الحلو..
قوليله اترك التدخين عشان خاطري..ومن هذا الكلام..
مثل وحده اعرفها والله طايحه تدليع في زوجها عشان تخليه يترك التدخين وفعلا تركه ....

والله يسعدج يا رب...

هلا خواتي...
موري..
خنفورة...
قلم أنثى...
مشكورين على المساعدة... وإن شاااالله أعمل بنصايحكم....
وتحياتي العطرة...