يعني شنو ممكن تكون قالت!!

السلام عليكم

شحالكم بنات

بصراحه ضاق خلقي من شيي ويت لكم اشكي لكم هالهم هذا
وكعادتكم ترفعون معنوياتي او تهبطوها اهم شيئ اني القى تجاوبكم .. وحب تلك الاراء المستفيضة الواعية الي تفهمني جوانب انا مش شايفتها


الله يسلمكم
انا واعوذ بالله من قوله انا جامعية ومجدة ومجتهدة وفي الفترة الاخيرة تخطبت واموري سايرة من احسن ما يكون ولله الحمد والشكر في ذلك

مشكلتي في الجامعة .. كنت اولت العام في محاضر وياي فيها ناس ماشاء الله عليهم اكبارية .. ومن ضمنهم وحدة شذي لله في الله كارهتني ! ولا ادري شنو مسويت لها !
وهذه المحاضرة احرزت فيها نتيجة عالية الفل مارك A

اوكي قالوا لي كل انسان ناجح له ناس يحبونة وناس يكرهونة
بس مشكلت هالبنت انها لليوم هذا كارهتني ..


لو اقتصر الامر على شعورها فقط بقول ماعليه .. إلا الموضوع وصل فيها انها من تشوفني تجلس تساسر للبنت الي تكون معاها .. والبنات الي يكونو معاها يتغيرون ..

ياترى شتقول لهم ما ادري!!!

اختها .. الغريبة انها تشوفني تسلم علي!
واحيانا لما تشوفني وهي ماشية معاها ما تسلم!!!

بس انا الي مو شايفت له تفسير .. ومتأكدة منه انها تتكلم عني بشئ سيئ مع بعض الزملاء
لدرجة ان في بعض الزملاء تغيروا علي وصاروا لما يطالعوني يخزوني !! واكون انا اسلم عليهم، لا ويردون من طرف خشمهم!!

انــا ادري ان امر تشويه سمعة اي احد سهل للنفوس الضعيفة
كما ادري اني مظلومة من كلام يسئ لي .. لكني اعرف انه لي رب بياخذ حقي
إلا المظلوم حتى لو كان كافر دعائة لربه قريب وما بينه حجاب


ولكني انسانة مسالمة وما ابي ادعي عليها حتى



كل الي ابي اعرفة هي شتقول عني !!
كيف ! مش داريه !
وكا ما اقول خلها عني وبشيلها من بالي .. ارجع واشوف زملاء من الي حدثتهم وهم بالتغير الجديد
ارجع اسأل هالتسائل
مع انه حتى الي تغيروا علي ما راح يضيفون لي شيئ او يأخرون
لانه في النهاية هم ناس ياخذهم القيل والقال .. بس اتسائل ايضا ليش ما يتيقنون!




وسلامتكم
مع اني دوشتكم