تاجرة وتسوي جذي انا من يجيب حقي .

فراولة سويت 24-09-2006 41 رد 540 مشاهدة
ف
السلام عليكم ورحمة الله وبركاته ..

كيف حالكم ومبارك عليكم الشهر ,,, بنات انا حابه اذكر موضوع وانتو انصفوني فيه .

قبل السفر بأسبوع تقريبا طلبت مني وحدة من التاجرات كمية كبيرة من اللعبة وانا قلت لها الاسعار وعن الشحن والتحويل وخلافه واتفقنا ووافقت على كل شيء

على اساسا التحويل يتم يوم ثاني وانا دايم اراسلها واقول لها اكيد تبينها مو تحرجيني مع اللي يوفرون لي الالعاب وهي تقول اكيد

يوم يومين ثلاثة وهي تماطل وانا قريب بسافر راسلتها قلت لها تبينها اكيد قالت اي ابيهههههها فشريتها من حسابي الخاص ومن فلوس سفري اللي كان إلى علاج والله يعلم اشكثر اثر علي المبلغ

بس قلت انها بتحول يوم ثاني عادي وانا اخلي اهلي يطرشون لها

وبعدها تماطل وتقول عيد الاستقلال ومرات راتبها مانزل للحين وكذا

ومع الايام وهي كل يوم اتقول بكرة اليما قالت تبي نصف الكمية وماعندها المبلغ لكل الكمية قلت معليش لأنا نا اساسا متوهقة بالخارج ابي مبلغ اكمل فيه العلاج وهي كل يوم بكرة !

وانا اختصرت المشكلة بس كل يوم تتمادى والحين اراسلها تلفون وخاص ماترد وقاعدة تعرض وتبيع

نشتكي من عدم جدية البنات يطلعون لنا التاجرات

اللعبة لاخوف عليها حتى لو كانت عندي 1000 حبة يروحون بلمح البصر اللعبة ماشية وما تنتظرها بس اللي سوته مو عيب وهل هذه اخلاق تاجرة !


اريد كلمة حق قبل ما تعرفون من هذه !
u
لا حول ولا قوة إلا بالله العلى العظيم

الله يساعدج على جذى ناس وما أتمنى منج إلا انج تحتسبن الله فيها

حسبى الله ونعم الوكيل


وما تتساهلين يالغالية
ر
طيب ياعيوني احنا ما نقدر نحكم واحنا ما سمعنا الطرف الثاني
كذا يصير ما انصفنا ولا حققنا العدل الي امر فيه ربي
اصبري لما نشوف راي البنت يمكن عندها عذر مقنع؟؟؟؟
ا
و فراوله سويت يا عزيزتي ميخالف مو مشكله هذا درس عشان تعرفين ما تسوين شي الا اذا الفلوس وصلت لج والله العظيم انا كذا مره صارت معي وعالخاص ويقولون اي ابيها من شنط او ملابس او اكسسوارات و بعدين لا رد و لا خبر و لالالالالا يقولون احجزيلي اخاف لا الكميه تخلص من هالحجي الماصخ 000 يعني احسها جااااااده بالموضوع وبالاخير يطلع كله كلاام فقط

والله يشفي مريضج يا فراوله سويت ما تحتاجين لعلاج ان شاءالله
وان شاءالله الطرف الثاني معذور (f)
م
الله يعينج .. يارب ..

صدق التجارة بالنت ما تخلى من هالحركات
ب
هلا اختي فراوله الحمدالله على سلامتج ومبروك عليج الشهر


الله يعينج اختي وان شاء الله ان ترد لج المبلغ قريب
D
الشي الصعب في الموضوع انها الحركه تظهر من تاجره...تعرف اكثر من غيرها كيف هالحركات ترفع الضغط..و لكن بعد في تاجرات يسوون هالحركات

بس شو نقول ..كما تدين تدان
أ
الله المستعان
م

السلام عليكم ورحمة الله وبركاته

هلا بيكي أختي فراولة سويت...

حمدا لله على سلامتك...

ممكن أختي يكون في ظرف صار لها...عموما...ما بنقدر نحكم إلا لما نسمع رأيها....

لو هي تاجرة مسجلة معانا..يا ريت تبعثي لها رسالة تدخل الموضوع و تعطينا ردها...
ف
اهلين خواتي ..... الله يسلمكم

انا مب قايلة شي انا نطرتها الحين شهر وشويه وكل يوم من هذه الحجج ..

انا مأكدة عليها قبل لا تحرجيني قالت اكيد ابيها . وليومج هذا قبل كانت اترد الحين لا حس ولا خبر

يا خواتي الكمية مو سهلة انا حسيتها جادة وجادة جدا جدا

الكمية اللي طلبتها 50 حبة ؟؟؟؟؟؟ وانا وفرتها لها مع ان الظروف ماكانت ذاك الزود لأن المبلغ اللي شلته كان لظروف علاج

مرة تقول عيد الاستقلال ومرة تقول تنطر الراتب ومرة بتاخذ من زوجها ومرة تقول راحت والمصارف معطلة بعدها من عيد الاستقلال وبعدد كم يوم اتقول بصراحة ماعندي المبلغ كامل ابي النص واختفت

من حقكم تسمعون الطرف الثاني انا الحمد لله رب العالمين متأكدة من كل كلمة خلها بس تظهر نفسها اهني ؟؟

ويا حياكم الله خواتي
أ
هلا فراولة سويت ... حمدا لله على السلامة ..


وأنا أقول فين رحت أختفيتي مرة واحدة .. هههههههههههه

لكن عن جد وحشتينا ...

أنا كنت أبيك ترسلين لي بعض العبارات اللي على البطاقات ... في رساتلة خاصة إذا ما عليك أمر الله يكرمك في أخت تبي تشوفهم.
ع
الله يعينج اختي
ما تستاهليين يالغاليه
ك
أول شي أختي خطاج الشر

والله يخليج لأهلج لكل من تعزين عليه

والله يكون في عونج في مصيبتج ذي

واتمنى من التاجرة الثانية تمر الموضوع ونسمع رأيها
ف
عزيزتي الظاهر البنت مب مشاركة في ركن شؤون التاجرات


انا راسلتها الحين للمرة الألف وبصراحة لو عندها الف عذر ما اعذرها لأنها مب جادة حتى لو بنسبة 1%

التاجرة هي : ترانيم قطر

حسبي الله ونعم الوكيل عليها

بس الحمد لله مب محتاجتها ترد انا مشيت البضاعة من عندي لكن رب العالمين ما بوفقها على هذا الشيء عيب عليها كل يوم مسجات وتأكد ابيها وابيها

ااحلل كل البنات بس هذه ما احللها ابدااااا
ك
الله يهديها إن شاء الله
ر
بصراحة الله يعينك يعني وفرتي من جيبتك ومالك الخاص كل البضاعة ومع داك مااخدتها منك واختفت عيب والله عين العيب الواحد لازم يظل في كلمته يعني قالت تبي البضاعة واكدت خلص مالها داعي حركات التراجع اللي مالها معنى التجارة مش لعب عيال هده فلوس بندفعها ونصرفها ونتعب لنجيب البضاعة وناخدها نشحنها في مراكز التوصيل وبيطلع دمنا من الروحات والرجعات يعني الزبونات لازم كمان يقدرو ها الشيء ويا حسرة الاخت تاجرة لازم تكون ادرى بهاد الامور


مانقول الا الله كريم
ب
لا حول ولا قوة إلا بالله العلى العظيم
فعلا نذاله
انا ما احب هالصنف ابدا
h
لقد حصل معي نفس الشئ عده مرا ت حيث انها تأكد 100% انها تريدها وبعدين لا حس ولا خبر لذلك قررت ان لا أشتري قبل الدفع من المشتريه
بس هذا حرام ولا يجوز
م

السلام عليكم ورحمة الله وبركاته

الأخت ترانيم قطر تم إضافتها لمجموعة التاجرات...

و بعثت لها على الخاص حتى تشوف الموضوع و تعطينا ردّها...
ت
وعليكم السلام ورحمة الله وبركاته


أول شي اخت فرولة الغايب عذره معه.......

.وثاني شي مسجاتك كلها عندي الي 24 ساعه ترسلينها لي طول اليوم حتى الواحد الي راقد يصحى عليها صبح وليل من الازعاج ..

ثالث شي انا ماطرشت لك المبلغ ولا أكدت لج بالاكيد أنب ابغي اللعبه قلت لج للحين اجمع المبلغ بس انت اني طرشتي مسج انا شريت اللعبه لاتحرجين مع الجماعه انا ماقلت اشتري ولا احجزي
صح انتي الي تسرعتي وشريت عقب قلتي انا بسافر وانج خذيتي المبلغ من فلوس السفره
مب ذنبي انا انك شريت اللعبه وانا لم طلبت اللعبه على اساس انج المصدر يعني عندك انتي

بس انتي لم قلتي لي دبري المبلغ الي يقول انك ارسلتي لي شي وانك خذتي المبلغ لرحلت علاج3500ريال قلت لزوجي يدبر بس المشاكل وفاة خالتي ويوم الاستقلال اجازات المصارف عندنا كله هذ حال دون ذلك انا زوجي ما اشوفه الا كل فتره بحكم وظيفته يعني ازرع المبلغ ولا اسرق!!

وبعدين لما انج ترسلين مسجات وانا ما ارد لاني جوالي انقطع عن الخدمه
يعني الظروفكانت كلها ضدي !!

لا !!وتقولين اني اشارك في المنتدى شوفي متى كانت اخر مشاركة لي

بس اكتشفت بعد ماقريت :

اني استعجلت اني ارسلت لج رساله امس فيها اعتذار وماكنت ادري بوجود هذا القسم بس صراحه انتي الي ماتستاهلين

الف والف وحده تعاملت معهم وتعاملو معي بس انتي الوحيده المزعجه والحنانه فيهم والي ندمت اني عطيتها رقمي ولا جوالي مافي الامسجتها



-----------------------------------------------------
هذي الرساله الي ارسلته لها امس ... قبل لا ادري عن موضوعهااا



إقتباس:
الرسالة الأصلية كتبت بواسطة فراولة سويت
اختي انتظر تفسير للي صار قبل ما اعرض الموضوع بشؤون التاجرات

---------------------------
[grade="FF7F50 FF6347 008000 4B0082"]
العذو والسموحة اخت فراولة ماقدرت اجمع المبلغ ظروفي حالت دون ذلك

بروحه جوالي مقطوع وعلينا فواتير 4000الالف ريال


و الاغراض الي عندي احاول ابيعها بارخص الاسعار عشان اسدد الدين وان شاءالله بالمستقبل لنا تعامل .. لا وراي عرس ...


وبحط بالقريب اعلان لج في الجرايد عندنا ...



واتمنى انج ماتدعين علي وتدعين بالنوفيق وفرصة سعيده والله يوفقج[/grade]

---------------------------------


واخر شي حبيت اقوله بخصوص انك تسامحيني او لا او انك تحلليني ما ابي مسامحتج لانج ماتهميني وانا ماغلطت ..........
X