تبـين تصيــرين احلــى وحـــده بالعيــــد؟؟ تعـــالي وراي ((الجــزء الرابـــع))

كوكو عادي تكونين حاطه ماسكات وتقشير تدرين ليش؟؟ لان التقشير يطلع الشعر ويعدل منابته فأكيد بينفعج قبل الليزر....... بس اهم شي يكون تقشير خفيف ........


زيوووووون غناتي صابونة الكركم سوق الاحمد طفحااان منها ...سوبرماركت لندن الحديث يبيعها (في سوق الاحمد ) ...انا عمدا ماقلتلج ابيج تشاركين وتهتمين فديتج

دوحانيه ........زيت اللوز من الصيدليه ..... بس القمح مااادري

اقول ممكن تولون لي شو يعني الهردة او الطحينية لاني احس عمري ما شفته ممكن تحطون لي صورته بليييييز او توضحولي يااااه يمكن عندنا بالبيت وانا ما اعرف اسمه...

بنت الغالي فديتج والله مشكوره وماقصرتي ..


في وحده في المنتدى تبيع صابونه الكركم وحجزت من عندها يعني مالا داعي اروح سوق الاحمد ..

سوق الاحمد يبيع صابونه الكركم؟؟؟

وين باي محل بالضبط؟؟

بنت الغالي

مسكينه زيون ماكان يشتغل عندها النت ومالقيت غيري تسأله وين تحصل هالصابونه ..
خخخخخخخ .. إن شاء الله بس تعذرينها .. لانها خلاص داشت وسألت بنفسها وأشتغل النت عندهم ..


وبخصوص المقشر والماسكات ..
سويت لي اليوم ماسك الرمان من كريستالة فديتها (( تمدح في نفسها عشان تعرفونها )) ههههه ..
وإن شاء الله عقب الليزر بيبين كل اللي سويته لان مع الشعر الكريه أحس لو وشو كنت أسوي مايبين كثر لو مافي ..


الله يوفقني بكره مع الليزر ومايسبب لي حساسية إن شاء الله ..
وتسألني الدكتور .. وشو ذي الويه الحلو .. وأقول لها كل ذي من بنات عروس ومسكاتهم وخلطاتهم .. ههههههههههههههههههههههههه ..

بنات بسالكم
صابونة الكركم زينة حق وشو بالظبط ؟؟؟

وابي اعرف شنهي خلطة مادري كريم شهر العسل؟؟؟؟؟؟

ريـــــانة العود

صابونة الكركم من فوائدها لو إني لين ألحين ماجربتها بس حجزت لي وحدة بشتريها وبجربها إن شاء الله ..
ومن فوائدها اللي قزيتها :- وهي صناعة هندية مفيدة جداً للبشرة الدهنية والمختلطة، لأنها تنشف البشرة وتشدها وتبيضها وتوحد لون البشرة ..

وبخصوص خلطة شهر العسل .. هي للمشرفة بنت عذاري .. تقدرين تدخلين على ملفها الشخصي وتدورينها بمواضيعها ..

كريستاله اي والله مادري ايش بسوي لو ماعرفتج ..


بقول لكم اليوم ايش سويت ..

اول شي غسلت ويهي بصابونه دوف الخضره وحطيت كريم روك حق الويه وحوالي عيني كريم loreal وفازلين الفواكه على شفايفي ورحت المسيد حق صلاة التراويح ..

وعقب مارجعت من صلاة القيام سويت ماسك الرمان من ابتكار كريستاله حلو وايد عجبني وعقب ذوبت ثلجه ماي الورد على ويهي وحطيت كريم lorealالازرق مال الليل وتحت عيني loreal مال العيون .. وبس ..

وانشالله الحين قبل مانام بحط فازلين جليسوليد في ريلي ( كرمكم الله )
وبحط في يدي كريم جونسون ..

وبس ..

[mark=00CCCC]اللهم إنك عفو تحب العفو فاعفُ عنا. اللهم إنك عفو كريم تحب العفو فاعفُ عنا. اللهم إنك عفو تحب العفو فاعفُ عنا.[/mark]


من يومين ماكتبت شي في الموضوع ولو إني كنت مشتغلة على نفسي ..

أمس سويت ليزر لويهي أول ماخلصت حطت لي كمادة ثلج يمكن نص دقيقة ..

أول ماوصلت البيت ذوبت مكعب ماي ورد على ويهي عشان أسد المسامات ..

ووقت صلاة التراويح للأسف أنا ماأصلي فأستغل هالوقت لان محد يكون في البيت ..

سويت لي ماسك النيدو مع الزعفران وماي الورد بدون العسل ماأدري أحس مايناسبني ..

بس قبلها شفت أناناس في الثلاجة خذت لي نتفة صغيرة وكنت حاطة ماسك النيدو في الثلاجة

عشان يبرد وأحطه وهو بارد أحسه وايد أحلى من الحار (( جربوا )) ..

بس قبل ما أحط الماسك مررت قطعة الآناناس على ويهي .. خخخخخخخخخخخ ..

بس ماأدري حسيت أن ويهي يأكلني .. سفهته وعلى حطيت الماسك فوقه 20 دقيقة ..

وعقب مسحته من على ويهي ورقبتي .. ومررت عقبها مكعب ماي ورد مثلج ..

وحطيت زيت بيبي أويل على ويهي ..

والفجر سويت لي سكرب المشمش بدون سكر لجسمي (( يعني مب تقشير بنت الغالي )) ههههههههههه ..

وعقب بخيت زيت اللوز من جونسون .. وسهرت عالنت لين الصبح ..

وقبل لا أنام حطيت كريم كلينك عشان الترطيب وووووايد أحبه وقرب يخلص (( من يشتري لي )) ؟؟

ونسيت أحط لي كريم جليسوليد ..

واليوم أول ماقمت فتحت لي كبسولة فيتامين E وحطيت من الجل اللي فيها تحت عيني وهذي الطريقة من بنت عذاري عشان تخخفين الالانتفاخ .. لكن أنا حطيت الظاهر كمية كبيرة ..

ولو إني أصلا وزعت هالجل على مكان الليرز (( من عندي )) خخخخخخخخ ..

بس ماأنشبت بسرعة يعني يطوووول لين ينشف .. كان عندي مشوار للصالون بس كنسلته لانه مانشف بسرعة ورقدت مره ثانية .. ههههههههههههههههه ..

وقاعدة أفكر شاسوي لي اليوم وبرد مره ثانية عالموضوع ..



[mark=00CCCC]اللهم إنك عفو تحب العفو فاعفُ عنا. اللهم إنك عفو كريم تحب العفو فاعفُ عنا. اللهم إنك عفو تحب العفو فاعفُ عنا.[/mark]

كرستاله مشالله عليج كل هذا سويتيه اليوم انا قعدت من النوم شفت التيفي لحد الاذن فطرت وبعد صلاة التراويح قعدت على النت :dd:
تحسين جدولي ماله خص بسالفه صح ههههههههه:shy:

[mark=00CCCC]اللهم إنك عفو تحب العفو فاعفُ عنا. اللهم إنك عفو كريم تحب العفو فاعفُ عنا. اللهم إنك عفو تحب العفو فاعفُ عنا.[/mark]



حور قطر

أول شي إن شاء الله إذا الله كتب ورزقني ببنت خاطري أسميها حور لانه وووووووايد حلو ..

بس بدون قطر .. هههههههههههههههه ..

المهم .. جدولي ذي أمس سويته مب اليوم ..

اليوم ماأدري شأسوي .. بس الصبح حطيت فيتامين E تحت عيني ورديت رقدت خخخخخخخخ ..



[mark=00CCCC]اللهم إنك عفو تحب العفو فاعفُ عنا. اللهم إنك عفو كريم تحب العفو فاعفُ عنا. اللهم إنك عفو تحب العفو فاعفُ عنا.[/mark]

واااااااااااااااااااااي اعجبج اسمي وين اروح من كثر الوناسه:shy:
بعدين مافي داعي تسمينها حور من غير قطر:mad2: اصلا بتكون حور قطريه يعني مافي فكه الاسم لازق لازق ههههههههههههه:dd:
ويارب ياسميع الدعاء ارزقها بذريه الصالحه وانشالله يمتلي البيت عليج ابنيات واصبيان وتلحقينهم بكل مكان بس مب تنسينا ومادشين النت كل شي الا كيرو يعني انتي كرستاله هههههه مانقدر على بعدج :shy:

هلا اختي دلوعه قطريه ..

تسلمين عل موضوع وانشاءالله كل البنات يستفيدن

واذا لقيت شي حلو في الجدول معاكم باسويه اكيييييييييييد



http://www.3roos.com/forums/showthread.php?p=2792019#post2792019

كريستالة قطر:
أمس كنت ماعطه نفسي إجازة وماسويت إلا الأشياء اليومية ..

بس كان يومي بكريمات ترطيب أول ماقمت وقبل لا أرقد ..

لوجهي ويدي وريلي (( الله يعزكم )) ..

وألحين إن شاء الله جهزت ماسك النيدو وبجهز سكرب بنت الغالي إن شاء الله ..

وعقبهم الترطيب إن شاء الله ..

وشعري كريم بديل الزيت وعقب بأخذ شور وشامبو وبلسم ..

وبس ..

سماح يا حلو

بس لو نزلت تحت ومالقيت رد يبرد القلب بنزعل

محتاجه لك:
دلوعه قطريه

الكاب الحراري قبعه تلبسيها على الراس
بعد ماتحطين حمام الزيت وتشتغل عالكهرباء
وفيها تدريجات للحراره
مثل الي يستخدمونها المشااغل عرفتيها ؟؟؟



انا اليوم كسوله ومعيطه نفسي راحه
بس استخدمت خلطة شهر العسل لبنت عذاري
وجلسزيد على رجلي والفازلين على شفايفي

اي حبيبتي عرفته بس ماكنت اعرف اسمه خخخخ

بعدين شفيكم محد يبي يهتم صادكم كسل مفاجئ؟

أمل 2005:
ربي يعطيج العافية الغالية على هالمجهود الرائع

أول مرة أشارك معاج بهالجزء هذا

بس كنت متابعة لمواضيعج بالأجزاء إلي قبل

سؤالي الغالية بخصوص التقشير والخلطات للجسم

كتبتي إنها تستخدم 3 مرات بالأسبوع

يعني ما نستخدمها بنفس الوقت ؟

مثلا إذا بسوي خلطة اليوم أسوي باجر تقشير للجسم

صح ؟؟

وإلا عادي استخدم خلطة وأسوي تقشير للجسم بنفس اليوم ؟؟

الله يوفقج ويرزقج إلي تتمنينه ويرزقج بشرة حلوة صافية كلها نضارة وإشراق

لي عودة ثانية أخبركم بتجاربي


تحيااااااااااااااااااتي لج (f)

هلا فيج حبيبتي السموحه عالتأخير بالرد

بالنسبه لسؤالج اي لامقشر 3 مرات بالاسبوع والخلطات غالبا تكون قبل المقشر عشان تعطيج نتيجه مضاعفه واحلى

وعادي جدا ممكن تسوين الخلطات اللي تبينها وبعدها أي تقشير

وننتظر عودتج

بنت الغالي:
[grade="00008B 00BFFF 008000 FF1493"]أمل حبيبتي بالنسبه للتقشير اذا كنتي من المبتدئين طبعا 3 مرات فالاسبوع وبعد فتره بتصير تكفيج مره اومرتين ..... الخلطات تقدرني تحطينه كل يوم عاااادي ويكون افضل عشان نتايجها تبين ...... بالنسبه للتوقيت اول شي تحطين الخلطه وبعدها لماتاخذين الشور التقشير ....... اتمنى اكوون افدتج ....وطبعا دلوووعتنا مابتقصر معااج[/grade]

تسلمين حبيبتي بنت الغالي عالرد

وجزاج الله خير عالتفاعل الحلو

بنت الغالي:
جدول أمس يوم الجمعه ...


الشعر :
زيت شعري بزيت الخروع يوم الخميس فالليل ونمت فيه لييين ثاني يوم الجمعه الظهر ..... سويت خلطه ( زبادي + عسل + صفار بيضه + زيت زيتون + كريم كاب ) وحطيتها على شعري وسويت مساج لفروة الرأس عشان أضمن ان التغذيه تووصل لجذور الشعر ..... لبست الكاب البلاستيكي وخذت فووطه بللتها بماي حااار جدا وحطيتها فوق الكاب لمدة خمس دقايق واول مابردت رجعت حطيت ماي حار عليها ......كررت هالعمليه لين مرت عشرين دقيقه ...


الوجه :
وانا عامله الماسك لشعري في نفس الوقت ماسك لوجهي

( زبادي + عسل + نقطتين ماي ورد ) مدة نص ساعه تقريبا



الجسم :
لمادخلت الحمام الله يعزكم بللت جسمي بمااي حاااار اعلى درجة يستحملها الجسم وبعدها استخدمت كريم كاب لتفتيح الجسم حطيته على جسمي كااامل لمدة 5 دقايق وعملت مساج للمناطق اللي لونها مختلف ...... بعدها بليفة البودي شوب بديت عملية الفرك الخفيف ....... ثاني خطوه كانت صابونة الاسكينول توني بديت اجربها وهي لتقشير المناطق الغامجه ...... وثالث خطوه كانت البودي شوور بالفراووله .......


العنايه الليليه :
زيت اللوز على كامل جسمي ... وكريم كلينك للترطب على الوجه .... وكريم كامليا على ايدي ........


وسلامتــــــــــــكم

وااااااااااااااااااو

شنو هالدلع كله؟؟؟

عاد انا غرت لازم لازم اليوم انا بعد اشتط ولو اني ماقدر اسوي خلطات وايد لان توني حافه

كريستالة قطر:
بنات وين أحصل صابونة الكركم ؟؟!! (( زينة قطر تسأل )) لان ماحصلتها في الجمعية ..




واليوم سويت بعد الفطور لوجهي ورقبتي ماسك الروب وماي الورد وحطيت كمن حبة رمان وعصرتهم في الروب وحطيت أشوي ماي زهر .. وعقب غسلته ومسحت على ويهي قطعة ثلج ماي ورد ..
للعلم الماسك من فكرتي .. خخخخخخخ ..

فديت ام الافكار

يالله دامج مشتطه نبي شي يديد كل فتره اخترعي لنا شي حلو