التعاسة تترياني تبي اتعيشني معاها للابدزز ساعدوني

مجنونة زماني
حبيبتي كلامج منطقي مليووووووون بالمية
انا حبيته
بس كلامه ومواقفه عن البيت كرهتني فيه
صح الواحد ما يبي شي بالقوة
بس الللي قاهرني انه ما يبي يطلعني عسب اهله
لو المشكلة مادية جان هانت
انا ما اقدر اكلم ابووووووووووووووووووووووي
احنا ما تعودنا
واصلا اعرفه ما راح يكلمه
بالعكس بيحطونه على راسي
كلمت اخوي العود وما شي نتيجة
ابوي معتمد على خواني
اخوي كلمه وهو ما طاع
قلتللكم رده بالرسالة
انا قلت حق اخوي ما ابيه
ما حد سمعني
وقلت حق ريلي
بعد ما فهمني
شو تبيني اسووووووووووووي
اللي مسكتني اني صليت استخارة قبل لا اوافق
وعسى انه يكون خيرة لي
بس والله كل ماا افكر اني بسكن ويا اهله اتضااااااااااااايق
والله ما تدرون كيف بيتهم وحياتهم كلها
ضيييييييييييق وحشرة

عزيزيتي ندى اولا انا احسك زبدة كلامك كلة انك ماتبينة شخصيا يعني حتى لو تكلمتي عن اختة مثلا ، لازم ماتفكرين في اختة اتفكرين في الي تعيشين وياة بس وبالنسبة عن مشاكل اهل الزوج او خواتة لازم تكون هناك مشاكل .
والمشكلة الثانية الي تقولين عنها هي بيتهم كيف بتعيشين فية. اسمحي لي حبيبتي اقول انك انتي غلطانة من اول يعني انتي تعرفينهم من قبل يعني تعرفين حالتهم وكيف يعيشون ليش ماطلبتين سكن بروحك وجان كتبتي هذا الشرط في عقد اللزواج حتى لو كنتوا اكثر من اهل هذا الشي لو طلبتينة مابيزعل احد هذا من حقك .

وثاني شي عن مشكلة امة اتقولين انة ماعندة شخصية بصراحة انا زوجي مثل زوجك لكن زوجي مع ابوة جدام ابوة ماينطق بحرف لدرجة ان ابوة يدخل في حياتنا واذا كلمت زوجي يقول لي هذا ابوي وانا اعرف طبعة واعرف ان هو الي غلطان لكن ماابي ارفع صوتي علية لان ابوي بصراحة بعض الاحيان تصير مشاكل بالنسبة الى هذه السالفة لكن اذا اقعد بروحي اقول انشاء الله اولادنا يصيرون مثلة ابوهم .حبيبتي المفروض اتكونين فخورة بزوجك ادري ان صعب عليكي تتقبلب الموقف لكن بعدين تتعودين .
حبيبتي وبالنسبة الى البيت ممكن انك تقنعينة .قعدي معاه في مكان وكلمية بصراحة وبهدوء حتى لو كان بعد الزواج .
والمفروض انك تفكرين في كل هذه الاشياء قبل الخطوبة

اسمحي لي ان كنت طولت عليج بس هذه وجه نظري واتمنى لكي التوفيق في حياتك ونبي نسمع عنك اخبار حلوة عن قريب انشاء الله.

اختي لا تزعلين انتي تسبقين سلبيتج قبل التجربه ..

جربي و بعدين قولي اعرف ما بيصير

سويي اللي عليج عشان ما تندمين في يوم على عدم التجربه ..

كلمي ابوج و بأيدج القرار .. و لا توهمين نفسج انج مب قادره على شي

مصيركم تطلعون من بيت اهله خاصة بعد وجود العيال


وان بعد العسر يسرا

المهم لا تخربين عليج حياتج استحملي اغلب البنات عاشوا بيت اهل رياييلهم

قولي الحمدلله الريال طيب ويحبج ومامقصر عليج بشي


وهو بحس بغلطته وهو بعد بيحس بعدم الراحه مع زوجته في بيت اهله المزدحم

بس لا تحنين وتعاندين وتكررين عليه نفس الكلام

ولا تسمعينه هالكلام انج ماتبينه وماتحبينه خلاص انسي هالكلام

وابدي بالتجهيزات والعرس والفستان

الشهور تمر بسرعه

استمتعي بشهر العسل وخليه ذكرى حلووه