السراب 2:
بنات الله يخليكم اللي يعرف عن مكياج مريم معرووف
يخبرني بسرعه ويعطيني رأيه والله لا يحرمني منكم يا الغالييات
السراب 2:
ويييييييييييييييه اشووه اللي قلتي لي اليوم صديقتي بالدوام تمدحهاااااااااا
الحمد لله خبرتيني عنها جان بطلع بعرسي أكسر الخاطر
مشكوره حبيبتي
السراب 2:
انا محتاره بفستان العرس ؟؟
رحت احلى الوصايف ورحت بعد فرشة العرايس بس هناك شاب عمره 15 سنه
وهو اللي يصمم بصراحه حدددددي ترددت ؟؟
عطوني رايكم ؟
في قلب سعود:
حبيبتي السراب..
فعلا فرشة العرايس تخسينهم ما عندهم خبرة... شوفي خياط سوان في القضيبية اليي عند ريفيرا على الشارع.. تخيلي بيخيطون الفستان مع الشك ب 150 دينار بس.. طبعا بدون القماش.. بس السعر ممتاز... و خياط أحلى الوصايف في بوكوارة يخيط ب 250 دينار تقريبا...
شكلي باسوي عند سوان.. لأن بصراحة خياطتهم روعة! مع اني كنت باسوي عند الأنامل الحريرية.. بس بصراحة طلع أي كلااااااام.. راؤول المصمم يازعم قليل أدب.. و ذوقه وايد دفش!
و لما رحت سوان وايد حسيتهم فاهمين.. بس كنت مترددة لأن السعر مو وايد لكن عقب ما شفت الشغل و قلت باتوكل على الله... و بصراحة لو تفكرون فيها ترى حرام.. يعني الأنامل بس شغل يده 700 دينار؟؟ والله قلت حق أمي حرااام... أشدعوى عباله إيلي صعب الأخ!
و المكياج بدون شك صالون سلوى.. خاصة حق العرايس البنوتات يعني صــــــج ناعم و يطلعج فوتوجينك.. أما مع أحترامي لعايشة البلوشي و نورة الكعبي.. والله يترسون الويه مكياج و خطوط و ألوااان.. طبعا الناس أذواق... بس من رايي ان العروس يوم عرسها لازم تكون طبيعية و عفوية.. و مكياجها ناعم و يعكس جمالها الطبيـــــــــــــعي...
بس قولوا لي يا حلوات.. الكل مركز على المكياج؟؟؟
انزين المسرح؟؟؟ لا تقولون جندل..لأن شفتهم و ايجار على 2800 دينار!! يعني هبل والله
والتصوير؟؟؟ في ناس تمدح المستقبل و صحاري... شنو رايكم؟؟
@بنت ابوي@:
يمكن الولد عنده موهبه جان طلبتي اتشوفين شي من شغله
هنوف المملكة:
[frame="2 80"]يسعد لي صباحكم يالغاليات...
اااااااااااااااااااااااااااااااااااخ يا راسي
والله تعبت .. وانا افكر اي صالون اروح لعرسي؟!؟
فاطمة شويطر ؟!؟
والا سلوى ؟!؟
والا العفراء؟!؟ " مع اني سمعت ان تعاملهم مع الزباين موشي"
شرايكم يا عرايس يا مجربات؟!؟ وين اروح؟؟؟؟
وبالنسبة للتصوير ... انا في خطوبتي رحت صحاري .. صج تصويرهم روعة بس حابة اغير...
شرايكم...
سكوب
والا الدانة
والا المجال
والا المستقبل؟؟؟
بليييييييييز انقذوني وساعدوني في الاختيار,,
يالله يالله عاشو بنات البحرين[/frame]