تجهيزات عرايس البحرين ( الجزء الثاني )

نـــــــارا 20-09-2006 501 رد 21,978 مشاهدة
ا


ما شاء الله عليج الشخيه مكفيه وموفيه

الله يفرح قلبج ويسعدج دوم يارب

وبالتوفيق لكل العرايس ان شاء الله

أختكم الدانـــه




ا
مشكوره حبيبتي الشيخه واسمج على مسمى عن جد انتي شيخه بأخلاقج

خجلتيني وانا بعد بقول حق نفسي كلووووش << تجننت البنت :shy: ههههههههههههههه

وحبيت اسألكم سؤال ابغي اسوي اكسسوار حق شعري

ادري ان اللي بسوي لي الفستان يقدر يسوي لي الاكسسوار

بس أنا ابغي شي حلو ومميز اللي عنده خبره يقولي

وجزاكم الله خير
ا
وينكم يا بنات ردوا عليي بسرعه بليزززززززززززززززززززز
o
هلا حبيبتي...
شوفي هالشيء يعتمد على التسريحه اللي انتي ودك تسويها لشعرك...
مثلا انا افضل التاج...ترى موضته ردت...بس لازم شي ستايل وناعم...ويفضل يكون كرستال...

والله يوفقك حبوبه



عيووون
b
بنات حبيت أسألكم .. وين في صالون يسوي الحفاف مرتب وشغل عدل يعني ؟؟ :shy:
ا
سراب صج تبين اكسسوار مميز للشعر
ما لش إلا اخت وحيدة .. الي بصالون الرونق
شفتها مره مسويه اكسسوار شعر .. شيئ خيالي
كأنه مصممة ماشاء الله
حتى كانت بتسوي لي شغل اكسسوار شعري بس لما درت انا وين سويت فستان قالت لي لا مايحتاج هم اوردي شغلهم WoOw

وعلى فكرة اثنى على كلام الاخت عيون الله يحفظها
لانها شفت هالشيئ على بنت طلعت كأنها ملاك بالتاج


*****

بنسبة للحفاف الغالية
عندش ناس تفضل وبكثرة وردة الي بصالون لطيفة
وتخيلي ان الحفاف عندها اهية بالذات بالحجاز وتحجزين قبل يومين عالاقل

وعندش محل متخصص في الحفاف في الرفاع
اسمه اعتقد الاطراف الناعمة شغلهم مضبوط وسويت عندهم في خطوبتى قمت منقهرة!
احس ما عجبتني
لكن لما الكل قال لي حفتش حلووة .. تشققت على روحي
ههههه
لانه الوحدة وهي بنية غير لما وهية تحف بترتبط صح

*******

اختى الدانـة و عيون
عزيزاتي يسلموووا على اطرائكم الجميل
انتوا وأهل ديرتي في عيوني
وان شاء الله اخدمكم بالي اقدر عليه


تحيتي،،
o
فديت قلبك يالشيخه...
عسى ربي يوفقج دوم:shy:

***

اختي السراب...
والله بالنسبة للحفاف...احسن من الهنديات في الحفاف مافي...

انا اللحين اتعامل مع صالون غصون بعراد، عند وحده هندية اسمها ليزا..


حفها نظيف وحلو
ا
هلا عيون حبيبتى
شلونش؟ وشخبارش؟
عسى بس امورش على احسن ما يكون

بنــات بقولكم شي
والله دايخة على شغله ومعورت لي راسي
ادور على ساعات حلووه وتنفع لعروس مش لاقية

وين محلات الي تبيع ساعات
وكم الرينج الي تكون فيه الساعات الكشوخية
الذهب والالماس

وهل عندنا الماركات العالمية بالبحرين؟؟

وهل توجد مواقع عالنت ممكن نشتري منهم

تكفون رفيجتى مدوختنا السبع دوخات بالسوق
مش عاجبنها شي!!!


في انتظاركم
إ
مرحبا اختي عندش ساعات الصفوة فيمجمع البحرين ومجمع سترة ساعاته حلوة

وفي في مجمع البحرين الطابق الأرضي اخذت منه ساعة زواجي ماركة ويستر

مرصعة بالكريستال ولنهه سلفر بسعنده تشكيلات حلوة

وفي بعد محل رونا في سوق واقف عنده ساعات ماركات وحلوة وتصلح الى زواج

أما الحف فما أغير عن صالون نور العين في جد علي تخصصهم حف يا أخلي دلال أو جميلة أو هندية شوي متختخة وقصيرة ما اعرف اسمهه تحفني بس نظيف الحفاف وتعدل الحواجب اذا كانت وحدة غير عن الثانية
ن
السوع عند مجوهرات آسيا عندهم ماركات
وعندج محل جس في مجمع البحرين
وجيفينجي في السيف
o
حبيبتي شواخه أنا بخير يامال الخير:shy:


حبيبتي عندنا كل الماركات العالمية يالحلوة...

عندك آسيا=الكارتيه+الشانيل+الفاندير دي بودي+ريموند ويل+كروم.....إلخ
وكلهم حلوين وفيهم العادي وفيهم المرصع..

عندك الكوهجي بالشيراتون=الرولكس

المديفع بالعالي= الكونكورد+ إيبل

ويووووووه كثار والله...بس انتي قولي الماركه اللي حابتها وانا بقولك وين...

وانشاء الله يعجبونك...


واذا تبين ساعات مش ماركات بس ألماس، عندك مجوهرات سحر في السيف حلوين بعد...بس الاحلى اللي يجون في معرض المجوهرات...



عيوووون
م
شلونكم عروسات ماخلصتو تجهيز :)

مثل ما انتو عارفين موضه التاج راجعه هاليومين بس المشكله درت على محلات الاكسسوارات ما حصلنا شي حلو و ناعم

خبروني حصلتو شي حلو و نعوم بمكان عندنا هني قبل ما نطقها للسعوديه
ا
مشكوووورين ياقلبي
الهام ونارا وعيون

ربي يسلمكم
ويحفظكم
بنحاول نزور كم محل من الي تفضلتوا بهم
وخبركم شنو طلع معانا


تحيتى،،
ا


أختي الغاليه butterfly_bh

بالنسبه للحفاف عندج صالون الأنامل السحريه روووعـــــــــــه

وخصوصاً للعروس تحجزين عندهم قبل بيوم ولا يومين

واذا رحتي اطلبي أم عباس تحفج صاحبة الصالون

وهم صالون الأطراف الناعمه بعد حفافهم حلووو

أختي الغاليـه الشيخه

بالنسبه للساعات عندج مجوهرات ديلووو في الرفاع

وساعاته كشخـــــــــه ماركات عالميه والألماس

وحالياً مسوي تخفضيات عالألماس من 30% الى 70%

لغايـة 20/2

والله يوفقكم ويسهل لكم أموركم يارب

أختكم الدانـــه




ا
يا بعد شبدي انتى والله الدانــه
يسلمووا على هالخبرية

ان شاء الله نلحق عليهم بكرة
واخبرش شو صار


تحيتى،،
م
مشكورين عالرد :(
ن
يا ريتني اقدر افيدج يا مراوي
بس حسب علمي الاكسسوارات في البحرين مو ذاك الزود

بس في محل قريته في الوسيط هذا الأسبوع
اعتقد اسمه كريستال هوم.. هو محل جديد وكل شي من كريستال موجود عندهم
لوازم خياطة واكسسوارات
يمكن تلقين اللي تبينه

وللأسف مو مذكرة مكانه
يا إما في مدينة حمد أو في الرفاع
وعلى الأغلب في الرفاع جنب اسواق المنتزه

تأكدي من الوسيط

واذا تروحين السعودية احسن تلقين كولكشن كبير عندهم
ع
فعلا اختي الاكسسوارات في البحرين مو ذاك الزود مع انه رامز يجيب اشياء حلوة ساعات

اذا تعرفين احد بيروح مصر او سوريا يجيب لج من هناك

او اطلبي من قسم التسوق في المنتدى
إ
بالعكس عندنة لايف ستايل اكسسواراته وايد حلوة ووو اكسسوريز

وعندنة محلات وايد في سوق واقف والمنامة ومجمع البحرين ومجمع اللول فيه محل بالطابق الأول اكسسواراته وايد حلوة
ا
بنــات ديرتي
شحالكم عساكم بخير

بعد لفات عن الربع والبنات
وكل وحده تطلع ما لديها من احلى الفساتين
وكل فستان يقول الزود عندي
فقررت اني اخبركم عنهم


عرض
واتمنى تستفيدوا منه
للي زواجها او خطوبتها قريب وفي ربيع
وما عندها وقت تجهز او حتى خواتها يجهزون
وتبي تتأجر فساتين شيك تخبرني عالخاص
عشان بعطيكم الأرقام وتفاهموا مع الناس

دامكم توثقون بذوقي

تفضلوا

فستان عرس تصميم "قلن" إلى بالرفاع .. للأيجار
فستان خطوبة تصميم "قلن" نفسه .. للأيجار
فستان خطوبة تصميم "رائول" إلى بالأنامل الحريرية .. للأيحار
فستان حنه أخضر مبتكر .. للأيجار
فستان سهرة أبيض على بيج مع كرستالات .. للأيجار
فستانين سهرة منوعة .. منها للايجار ومنها للبيع


وأي سؤال انــا حاضرة

والله يتمم لكم على خير بكل أفراحكم
X