تجهيزات عرايس البحرين ( الجزء الثاني )

نـــــــارا 20-09-2006 501 رد 21,978 مشاهدة
ن
أيوة اختي موجودة هالعطور عند الأثنين.. دبنهامز والحواج
ا
الدانـــــه
و
نـــــــارا
مشكووووووووووووووووووورات واحسنتم ووفقكم الله
ا
مشكورة الدانة والبطة السودة
بس وين أحصل أكسسورات حلوة وراقيه؟؟؟؟؟؟؟؟
ا
بنات انصحكم جربوا هالعطورات

"فرساشي الوردي"
"صبايا" من مكياجي بس هذا حق بنات مش سيدات وممكن سيدات يستخدمونة إذا كوول مرره
"Cartier" الحمرة لجديدة

صج رااقيين مرره

وعليكم بالعافية
ا


أختي على عيني

اذا تبين أطقم حلوه للأعراس عندج اللؤلؤه

وفي محل مجابل قاهر الاسعار اسمه لاتيني واعلانه أصفر

هاي المحلين سوق محرق

وعندج أسرار ساره لايف ستايل مجمع اللولو

تحصلين عندهم اشكال رووعــه ونقي واختاري

والله يوفقج ان شاء الله:flower:


أختج الدانـــــــه




ا


أختي الشيخه

تسلمين عالافاده

كارتير الحمره روووعـــــه وحلوه للعروس

وفرساشي الورديه شكلها حلوه بشتريها ان شاء الله قريب:cool2:

الله يعطيج العافيه ودمتي بخير

أختج الدانـــــــه




@
مراحب بنات

ودي اتحنا مع اني عروس عتيجه:bigsmile: بي خاطري في الحنا شاسوي وما عندي الا ارقام هند الحنايه وكريمه في حنايات احلى حناهم
جربت خلود من ارفاع وسميرة بس ابي اغير
سمعت عن فاطمة من راس لرمان !!! تسوي للعادي ولا بس عرايس واللي عندها رقمها اطرشه لي وابي اعرف اسعاها الله يجزيكم الف خير مقدما
س
بنات البحرين ابي محلات تأجير او تفصيل فساتين الاعراس
ياليت تعطوني المحل وين بأي منطقة ؟؟؟
وكم الاسعار تتراوح ؟؟؟؟
ا


هلا وغلا

أختي الغاليه @بنت ابوي@

تحني حلو التجديد والتغيير :cool2:

بس رقم فاطمة اللي من راس رمان ماعندي

عندي رقم زهره وروووعــــــــه حناها بس ما تحني الا عرايس

عندي رقم عواطف ومنيره هم روووعــــــــه حناهم

اذا تبينهم بطرشهم لج عالخاص

والله يوفقج ويسهل لج أمورج يارب

أختج الدانـــــــه




ا


هلا وغلا

أختي الغاليه سنفـورة

محلات تأجير عندج

منارس + ليالي الأفراح بسوق واقف

ليدي مون +فرشة العرايس بشارع البديع

والزهراء جنه سمعت في جدحفص

تيجان ما ادري في وين يصير بالضبط

وبالنسبه للأسعار يمكن تتراوح من 80-200دينار

محلات التفصيل

سوان في القضيبيه

أحلى الوصايف في بوكواره

الأنامل الحريريه

ليدي مون في شارع البديع

مودا غالري و السعفه وكنزا ورومان ديزاين و وكي دي

في بوكواره كلهم على ما اعتقد

الأولى في محرق

والاسعار على حسب الشك والموديل

أخذي لج فره عالمحلات وشوفي شنو الأنسب لج

والله يوفقج ويسهل لج أمورج يارب

أختج الدانـــــــه




ا
سنفورة
إذا تبين شيئ مررره راقي

في بنت تبي تأجر فستان خطوبتها
مسويته بالانامل الحريرية
وما فات عليه شيئ
m
مرحبا بنات

اليوم شفت هالإعلان و قلت افيدكم:shy:

في مهرجان اسمه مهرجان صحاري للأفراح او الاعراس ماني ذاكرة:bigsmile:

راح يقام في مركز المعارض

القاعة رقم (1)

من 13 الى 15 ديسمبر

فيه كل ما يخصص الاعراس و الافراح

و فيه مصممين خليجيين و لبنانيين

روحو شوفوه

و الله يوفق الجميع:flower:
@
تسلمين اختي الدانه وطرشي لي الأرقام الله يخليج

وبالنسبة لمهرجان العرايس ماراح ايكون بأرض المعارض اعتقد بيكون في جزر امواج اعتقد
ا
المهرجان تاريخ كم يبدأ
ومتى ينتهي

كملي جميلش الشيخة

ويسلموا عالافادة
أ
ايه المهرجان كان في جزر امواج بس الحين غيروا المكان
حتى كان المفروض يكون الويك اند اللي راح بس الحمدلله أجلوه
وان شاء الله انا بروحه ونظمت جدول أعمالي خخخخخخخ
س
الدانة
بوكواره وين تصير لأني ما ادلها
ياليت تفيدني


الشيخة انا ابي فستان زواج يعني افصل او استأجر عندكم لأن اللي عدنا جدا غالية وحراام اجار بـ 3000 ريال يعني افصل عندكم افضل وياليت القى مكان راقي
س
بنات وين المهرجان اللي تتكلمون عنه ومتى يصير بالضبط لأني ناوية اجي ؟؟؟
@
أنا الشوق:
ايه المهرجان كان في جزر امواج بس الحين غيروا المكان
حتى كان المفروض يكون الويك اند اللي راح بس الحمدلله أجلوه
وان شاء الله انا بروحه ونظمت جدول أعمالي خخخخخخخ


اختي الغاليه انا قريت الأعلان من فترة بس نسيت متى بيسونه
صار خاطري اروح متي بالظبط بيصير ؟؟؟؟؟؟؟؟؟؟



بنات متى معرض الخريف؟؟؟؟؟؟؟؟؟؟؟؟؟
ن
بالنسبة للمهرجان سمعت عن الإعلان ماله في الراديو ( بحرين إف إم ) وايد يحطون دعايته

بس يا ريت تقولون لي كم سعر تذكرة الدخول؟؟
ا
سنفورة عزيزتي
هذا فستان رفيجتي مسويته بالانامل الحريرية
ومشهور هالمحل انه راقي وفساتينه ما عليها كلام
اهي تبي تأجره مش تبيعة

وإذا تبين التفاصيل عالخاص افضل

وعالفكرة الفستان لخطوبة مش زواج
X