زوجي تغير.. وأخاف المشاكل توصلنا لطريق مسدود

والله اختي اغلبية الرجال مايديم حالهم بس انتي لازم تكونين ذكيه وتعرفين كيف تكسبين زوجج

اول شئ اهتمي بمظهرج يعني سويليه نيو ستايل غيري شكلج البسيله لاتقولين مالج نفس لاوم تحاولين عشان تحافظين على بيتج..
حاولي تتقربين منه حاولي تفتحين معاه اي موضوع عشان تسلفون ويابعض ابدي انتي..
في الاجازات اطلعوا ويابعض لأماكن عامه او مطعم وعبريله عن حبج..
الريال مثل اليهال كل مادلعتيه كل مايتعلق فييييييييييج...

ولا تنسين الثلث الاخير من الليل ادعيله من كل قلبج وان شاء الله الله يسرلج امورج وترجع احسن من الاول

السلام عليكم ..خواتي اللي ساعدوني .. إني أحبكم في الله.. والله حصلت منكم كلمات تريح القلب ..الله يجمعنا في الجنة .. بس ما قلتولي أروح لأهلي أغير جو كم من يوم ولا؟؟؟؟؟الله يدخلكم الفردوس الأعلى أنتم وأهليكم

عذب القوافي:
هلابك

اول شي اطلبه منك

الهدوءءءءءءءء

خلك كوووووووول

عشان تقدرين تفكرين صح....

ثانيا.....

انتي يوم تتزوجين ما تدرين ان الزواج عالم له اصولة وصعابة وحلوة ومرة

تأكدي 100% لو لفيتي العالم كلة ماراح تحصلين على رجل كامل ويتشغل بالرموت

الحل بيدك


اولا ...لاتتناقشين معاه ولا تطلبين منه توضيح عن سبب برودة وابتعادة عنك وعن البيت....لأنك عارفة السبب....
الرجال بطبعه سواء كان فقير او غني

سواء كان مثقف او أمي

يحبون الأهتمام والعناية الفائقة...( حشى اولويز)

حتى لو على حساب عيالهم

لازم تهيئين له جو حالم ...والسالفه هنا مش شموع او ورود لا

حسسية انك تنتظرينة وكل مافي البيت يريحة

العيال لهم اماكنهم ولهم غرفهم ولهم وقتهم والرجال بس يدخل البيت لازم تتفرقين له

فزي له من مكانك وهللي ورحبي فيه وبوسية ..عانقيه

حسسية انه ولهانه عليه حييييييييييل

سأليه عطشان جوعان مشتاق ...تبي تنام...تبي تاخذ دش

سوي خدمة فنادق 7 نجووووم

هذا زوجك ويستاهل العنى

تعالي على نفسك شوي

وراح تتعدل الأمور

بس اهم شي بادري يالتغير من غير كلام ومصارحة ونقاش لآنه مو من صالحك ابداااااااا

الأخت كلاهما عين العـقل وبالنسبة لبيت أهلك مادري والله إذا حاسه إنو راح يجيب نتيجة روحي بس لاتطولي يومين بالكثير وممكن تروحي اليوم بما أنه خميس وعطله لأن أغلب المتزوجات إلي أعرفهم يروحو أربعا وخميس والجمعه يرجعو لأزواجهم ...

وإذا أنتي متردده استخيري ربك والله ماراح تخسرين ولارجعتي ارجعي بمظهر جديد ونفسيه جديده وحتى وانتي هناك دقي تطمني عليه وودي له مسجات حلوة صدقيني كثر الدق والحن يفك اللحام


والله يهيه يارب ياقيوم ... طمنينا عنك يالغاليه

كلام عذب القوافي اهو الصح

ولاتنسين ان الحياة فيها الحلو والمر يعني ماكو حياة بدون مشاكل

بس بطريقتج راح تحلين المشاكل بهدوووء وبدون ماتوصلين لطريق مسدود على قولتج


اهتمي في زوجج قعدي معاه كلميه خلي بينكم جلسة مصارحة خليه يتكلم ولاتقاطعينه وتعصبين حتى لو شنو قال

والله يهديكم يارب

ولاتنسين القرآن ع طول اقريه ترى هذا علاج لنا من رب العالمين والحمدلله على هذي النعمة اللي كثير منا غافلين عنها

اقري آيات المحبة كذا مرة تكلمت عنها في المنتدى

اتمنى تقرينها واكيد راح تحسين براحه واهو راح يتغير لان من اسرار هذي الآية الربانية ان لين تقرينها على اي طعام وتعطينها لشخص طالبه محبته تلاقينه يتودد ويتقرب منج ... عن تجربة ترى

يعني يومين
تغيرجو ونفسيه
وطلعي مع اهلج تمشي

افا عليج يالغاليه احنا امج وخواتج ولا تخلين فى بالج اتلاقينه متضايق من شى ويمكن اهملتينه اشوى من يوم يبتى الياهل ترا الزوج يبى بعد حنيه اجلسى معاه واتنا قشو فى هالشهر الفضيل اللى على الابواب والى القلوب فيه اتكون صافيه والله ايوفقج يالغاليه ويرجعلج زوجك مثل قبل واحسن انشالله سمعيناالاخبار الحلوه

اللله يعينج حبيبتي

اختي كيف كانت علاقتكم في بداية الزواج؟؟؟

اذا كانت في منتهى الروعه وبدا يتغير بعد ولادتج فاحتمال تكونين انشغلتي عنه بالبيبي ....واللي يسويه كنوع من التعبير عن زعله

فحاولي اختي تنظمين وقتج علشان يكون عندج فرصة تجلسين معاه ....واذا جلستي معاه خلي الجلسه كلها سوالف حلوه وفرفشه

اختي الريال مثل الطفل الصغير كلما حسستيه بالحنان والاحتواء والتفهم لاحاسيسه كلما حبج اكثر

يعني كوني مثل الام بالنسبه له

واهتمي بنفسج اختي

يعني لو كان وزنج زاد بعد الولاده حاولي تنزلينه لان زياده الوزن تؤثر وايد على جاذبيه المراه وجمالها وبالتالي على العلاقه العاطفيه بين الزوجين


اتمنى لج كل السعاده

حبيبتي أنا ما أنصحك تروحين لبيت اهلك ، لأ ، بالعكس ، ماتخلليه يشعر بانك متضايقة وبعد علشان ماتفتحي عيون أهلك ، ستبدأ التساؤلات وعلامات الاستفهام ؟ لأ ، خلليكي قريبة منه ، روحي الصالون ، اعملي حمام مغربي ، اعملي منيكور وبيديكور واشعريه باهتمامك بنفسك - علشانه طبعا" - ، غير تسريحة شعرك ، روحي لغرفة النوم اعملي بعض التغييرات و الديكورات وغيري مفرش السرير وعطريه بعطر خاص بمفارش السرير ، وجيبي لك قميص نوم جديد ، لون جديد ، كل شيء جديد ، يعني بمعنى آخر " أحبّي نفسك " قبل ان تجعلي الآخرين يحبوكي ، لانه اذا ارتحت من الداخل سوف ينعكس عليك بالخارج ،،،
بعدين لا تسأليه ؟ لانه لو اراد التحدث لكان تحدث من البداية ، الظاهر طبيعته مش من نوع الرجال اللي يتكلمون ، ماتشعريه بانك مستائة !! لأ ، بالعكس ، خلليه يمشي ويحكي حاله ويقول هاي شو بلاها ؟ يعني أحسن خلليه يكلم عمره مثل ما انت تكلمي عمرك الحين ، يعني صدقيني الرجال دواهم هو الاهمال - ما تفهميني غلط - أقصد اهمال السؤال عن ما هو الشيء الذي يزعجهم لانه معظم الرجال مايقولو الصراحة ، وتحياتي لك بالتوفيق وماتنسي دائما" انك تنفسي عن نفسك يعني ما تتضايقي وتفشي قهرك فيه ، ما تعطيه مجال يتضايق ولا يضطر يكلم اي بنت ثانية ، لانه الرجال كلهم وجوه لعملة واحدة ،،، وماشاءلله بنات هالإيام مش مقصرين ورجالنا بعد ، مايقصروا عيني عليهم باردة - الله يخللي لك زوجك وزوجي باذن الواحد أحد ،،، وماتنسي تبشرينا شو صار معاكي حبيبتي وبالله التوفيق ،

اختي الحلوه ارسلي له بالبريد رساله رومانسيه او سوي شهاده تقدير باسمه وارسليه لمكتبه او حطيها في سيارته واكتبي فيها انت الوحيد اللي يستحق الشهاده لانك اغلي رجل في حياتي عامليه كعشيقه مب كزوجه خصصي له ليله رومانسيه مفاجئه له او سجلي صوتك بشريط وحطيها في سيارته وخليه يسمعها والله يوفقك

المثل بقول البعد جفا

يمكن انتو بعاد عن بعض مش في المكان ولكن بالعاطفة

شكلك مشغولة في بناتك عنه

حبيبتي دايما معروف انه اول 3 سنوات من الزواج تكون كلها توتر بين الزوجين ويصابان بنوع من الملل والبرود وتزيد المشاكل وكل واحد يرى اطباع سيئة في الآخر

الحل جددي يوم عرسك

باللبس والمكياج والكلام الرومانسي وتغيير اسلوب المعاشرة والطبخ اللذيذ والحلويات واحضري له هدية كمان لانها سحرية تقرب القلوب

الرسول الكريم قال ( تهادو تحابو ) والهدية فيها سر المحبة ومن منا لا يحب الهدية ولا يفرح بها !

حطي بناتك عند اهلك يوم او يومين وخصصيهم لك وله