حوامل الإمارات...خلونا نفيد بعض..

bj3a:
هلا وغلا بالحوامل ..

شو هاي الافكار الجهنميه ..

عن عن نفسي ..

فصلت 4 جلابيات للاستقبال في الشارجه يسوي حق المربيات والاستقبال .. ما اذكر اسمه بس اظن اسمه الطلعه وهو قريب من جسر الخان

وخذت 8 جلابيات خفيفه فيها دانتيلات على الصدر (بس المشكله كلهم نفس المديل ) بس الالوان غير فيهم عقم من جدام جق الرضاعه

اما الصدريات خذت 7 صدريات للرضاعه من نعومي .. بس المشكله ما عندهم الا شكل واحد ولونين بني وبيج ..بس الصراحه وايد مريحين ...

اما الشيل خذتهم عاديات نفس مال الصلاة بس بالون الجلاليب ..

وبالنسبه للبيبي .. ولانها بنوته ..

خذتلهم من كل مكان .. اي محل جدامي ادخله ..

الملابس خذتهم من

بانكوك ..

البحرين (خاصتا محل شيكو ) ..

من الامارات خذت من ادمز .. بيبي شوب .. مذر كير .. ومحلات برجمان وابن بطوطه .. ومول الامارات ما خليت مكان ما خذت من عندهم .. غير الي اختي يايبتلي من امريكا وماليزيا .. وبعد خذت من ماري كلير ..

اما فرش البيبي خذت الكيس الي ينحط فيه البيبي مع الشنطه من عند محل الينا ... وفصلت طقم المستشفى (الكيس ..والشنطه .. والسبوحه.. والقماط.. ولبس المرضعه 2 ) عند حرمه مع فرش سرير لي انا كله بالشرايط والطرابيش ..

اما السرير خذته صغير وهو عبارة عن سله واكيد الكل شافه في بيبي شوب .. مرسوم عليه فراشه كبيرة وورده .. مع الشنطه والفرش الي ينحط على الارض والكرسي خذته طقم كامل ..

بس تعبت واذا تذكرت شي برجعلكم ...