فخر الحجاب .. قصيدة عيون الغزال ..

قرأت هذي القصيدة في احدى الصحف و هي للشاعرة عيون الغزال .. و اعجبني موضوع القصيدة .. فأتمنى ان تنال على اعجابكم و رضاكم ..


*******************************
العفو منكم يا أهل هذا الزمن
كمٍ زمن من قبلكم ولّى و غاب

كثرت علينا البلاوي و المحن
لا تتركوا عاداتكم يا ذا الشباب

شفت الخطا باسم التحضر مرتهن
و باسمه بعد هو يرتكب ياللعجاب!!

و العري اصبح للبعض موضه وفن
و الفن اضحى تبع ضحضاح السراب

ضيق العبايه زادت الفتنه فتن
اكثر عن اللي إلبسن جنزٍ و كاب

يا للاسف هذا يمارس بالعلن
و الستر يبكي من تصاميم الثياب

وين اللي هن بالعز والحشمه افخرن
ظني أنا في بعضهن بالحيل خاب

وبعض النسا عندي بهن حسنٍ وظن
أصايلٍ يمشن على نهج الكتاب

هذي حقيقة و أنا اعلنا علن
الفخر للي تفخر بلبس الحجاب

*******************************

صح لسان الشاعرة .. أتمنى بعد هذي القصيدة و هذي الخصال النبيلة الي تنادي بها الشاعرة بنات جنسها انهن يتركن عنهن الفتنه بالموضه و خرابيطها … و سبحان الله الي الموضه ما خلت العباه الستيره على حالها و لحقتها و خلت النفوس الضعيفه ترتديها … و الله يستر على من بغا الستر ..

مع خالص احترامي