كل المعلمات اللي طلبو ديكورات لتزيين الصفوف ... تعالو معاي شوفوا الصور :)
ا
21-09-2006 | 09:25 PM
تسلم ايدج فعلا روعة يا ريت لوكنتي في الامارات كنت خليتج تسوين غرفت بنتى
ا
18-11-2006 | 01:11 AM
ما شاء الله من الشرح شكله الصف صار روووووووعة
ب الصور مو طالعة
يا ريت تحطيهم مرة ثانية
ب الصور مو طالعة
يا ريت تحطيهم مرة ثانية
&
18-11-2006 | 01:20 AM
معقوووولة ولا صورة طالعتلي :(
على كل حال تسلمين يا عمري
على كل حال تسلمين يا عمري
ا
18-11-2006 | 01:30 AM
الصور مب ظاهره غناتي
س
18-11-2006 | 12:06 PM
ماشي ولا صوررة تفتح عندي ..:(
ح
19-11-2006 | 04:48 AM
الله يعطيك العافيه اختي وشكرا على الموضوع ..
بس ياليت تحاولين تحملين االصور من موقع ثاني .. لان الصور مش ظاهره عندي ..
وميرسي يا عسل ..
بس ياليت تحاولين تحملين االصور من موقع ثاني .. لان الصور مش ظاهره عندي ..
وميرسي يا عسل ..
ح
19-11-2006 | 04:49 AM
الله يعطيك العافيه اختي وشكرا على الموضوع .. :clap:
بس ياليت تحاولين تحملين االصور من موقع ثاني .. لان الصور مش ظاهره ..
وميرسي يا عسل ..
بس ياليت تحاولين تحملين االصور من موقع ثاني .. لان الصور مش ظاهره ..
وميرسي يا عسل ..
ض
19-11-2006 | 12:36 PM
يا هلا و مرحبا بكل البنات الحلوين:salam:
آسفة خواتي بس يمكن الموقع اللي حملت منه الصور تسكر:qaq:
فألحين بارجع احملهم مرة ثانية
و اللي ردو على موضوعي أشكركم كلكم على المرور
و اسعدتني مشاركتكم:clap:
أدري اني تأخرت عليكم
السموحة منكم يالغاليات
بس حدي مشغولة:sad:
على العموم أبغي من كل وحده تقرا الموضوع و مالها مزاج ترد علي أبغيها بس
تدعيلي دعوة صادقة من قلبها:bigsmile:
و ارجع اقول السموحة يالغاليات على اللي صار :flower:
على العموم ألحين بارجع أنزل الموضوع كامل مرة ثانية مع الشرح :shy:
يلا حبيباتي بنبدأ
بس خل اقولكم أني وحدة لون ديكوري بلوني المفضل
اللي أهو البنفسجي و درجاته و أنتو بتلاحظون هالشيء :bigsmile:
الصورة الاولى ( 1 )
طبعا هاذي الخزانة مثل ما أنتو شايفين
لفيت المقبض بنوع من شرايط الزينة المتينة
اللي تجي مثل الأسلاك بس طبعا أهي من الورق المقوى الملفوف
و حولين الخزانة قطعت ( Tissue paper ) بعرض مناسب و لصقته على هيئة موجات
و في زاوية ألتقاء الأطراف حطيت ثلاث ورود صناعية من نفس اللون تقريبا
وفوق الخزانة حطيت إناء زجاجي مدور زي تبع السمك بس كبير شوي
و لزقت فيه من الداخل ورود من نفس النوع طبعا و ملأته بورق الزينه المقطع
اللي ينحط في داخل الهدايا يشبه القش بس من ورق و لو لاحظتو أني حطيت نفس اللون بعد
علما بأن ال ( Tissue paper ) كان بالون البنفسجي الفاتح
و فيه خطوط فضيه ضعيفة تضفي لمسة جمالية عليه
الصورة الثانية ( 2 )
و هاذي الصورة توضح الوضع أكثر
الصورة الثالثة ( 3 )
أنا طبعت ورود بنفسجية و في الوسط أصفر بالكومبيوتر و قطعتهم
و بعدين حولين الصف لزقت زيج ضعيف مرة بنفسجي فاتح و وزعت الورود بمسافات متساوية
و هاذي الصورة
و حولين الباب
و طبعا لفيت مقبض الباب بنفس الشي اللي لفيت يه مقبض الخزانة
و حتى المروحة ما سلمت من لمساتي:shy:
الصورة الرابعة( 4 )
هذا هو المصباح اللي فوق اللوح
أولا غطيته تغطية كاملة بورق أبيض عادي لأنه كان متسخ
و بعدين حطيت عليه ال ( Tissue paper ) البنفسجي الفاتح
و قطعت ال ( Tissue paper ) البنفسجي الغامق بشكل مستطيلات أو طواليات
و طبعا هذا كان فيه لمعة فضية يعني كل شي له أرتباط باللون البنفسجي
و مثل ما أنتو شايفين لزقتهم بخطوط طولية مايلة مكونة شكل جميل
الصورة الخامسة ( 5 )
لوحة الصف
بما انها كانت خضراء فغطيته بالبداية بوسيلة بيضاء
و بعدين غطيته بال ( Tissue paper ) البنفسجي الفاتح
و مثل ما أنتو شايفين في الزوايا قطعت مستطيلات عريضة من ال ( Tissue paper ) الغامق
و لزقتهم بشكل موجي مثل الخزانة و في الزاوية ثلاث ورود بشكل مثلثي
الصورة السادسة ( 6 )
كما اطلقنا عليها الكورنر البنفسجية او الزاوية البنفسجية
كانت أروع ما بالصف
طبعا شغلها طويل و مستلزماته قد ما قدرنا جمعنا أغراض باللون البنفسجي لهذه الزاوية
لزقنا طاولتين مع بعض و اخذت ال ( Tissue paper ) الفاتح و مثل ما نقول كفسته بحركات عشوائية
على الطاولة و نثرت ورود بين الثنايا
و كتغطية لرجل الطاولة ثبت ال ( Tissue paper ) الغامق بشكل عادي حولين الطاولة بالكبس ( كباسة الخشب )
و طبعا لقيت إنائين زجاجين بالتدرجات البنفسجي مثل ما تشوفونها و مليتها ورد مجفف و معطر
و لفيت حولينا شريطة صنعتها بال( Tissue paper ) الغامق و حطيت كل واحد منهم بطرف
على اليمين بتلاحظون وجود ثلاث قوارير بنية اللون و هي عبارة عن فواحات عطرية
و اليسار فيه جرة ( فخارة ) صغيرة تحمل باقة ورود بنفسجية
و بجانبها للأمام فيه قارورة بها رمل ملون بالوان زاهية اهمها البنفسجي
و في الوسط طبعا فيه فواحة عطرية و يمينها و يسارها إنائان زجاجيان داخلهما شموع
و طبعا من هاذي الزاوية كانت تفوح باجمل الروائح أهمها رائحة ال ( Oceanus ) المحيط
و طبعا أعواد الثقاب و الشموع كانت على طول موجودة في الصف
لأن على طول كنا نولع الشموع و نعيش بأحلى جو :shy:
و أنتو بكرامة كنت حاطة تحت قطعة زل بنفسجية اللون بس للأسف ما صورتها
و حتى الزيله كان لونه بنفسجي غامق و منقشه و ملزقة عليها نفس الورود اللي طبعتهم بس صغار لاحظو تحت
و طبعا هاذي صورة جانبية للوحة و مبين فها قطعة صغيرة من الكورنر
الصورة السابعة ( 7 )سامحوني مو واضحة
بس هاذي تحت المكيفات و فوق النوافذ
كنت حاطة سلال صغار
خلفهم يتدلى قش بالون البنفسجي الفاتح كقاعدة لهم و طالعة منهم باقة ورود بنفسجية
كنت حاطة بس ثلاث فوق لأن المسافات كانت صغيرة فماله داعي المبالغة ^^^ البساطة أحلى
الصورة (8 ) و الأخيرة
طبعا هاذي لوحة فنية أهدتنا إياها معلمة الأحياء
فعلقته بجانب اللوح إلى اليسار يعني تكون بين الخزانة و اللوح
و بس سامحوني على الإطالة و على القصور
و لو الود ودي جان صورة لكم طاولة المعلمة بعد
بس هذا كان آخر يوم و كنا شايلين الأغراض من عليها
و باقولكم فكرتها
كنا حاطين شرشف بنفسجي و لافين رجل الكرسي بنفس الشرايط اللي على المقابض
و حاطين علبة كلينكس فيها ورود وردية و علبة طقم معاها فيها كرستالة من فوق
و مقلمة لأقلام المعلمات بالون البنفسجي أيضا
و حاطين فيها قلم رصاص بنفسجي و عليه فراشة نفس اللون و قلم سبورة بنفسجي
بعد أهدتنا إياه معلمة الأحياء
و طبعا حاطين بوكس أبيض صغير شفاف فيه أوراق صغيرة للحاجة
و بعد على الجانب مثل الشجرة الصغيرة تحمل ورود بنفسجية
بس هاذي وقعت و انكسرت من اول أسبوع:angry:
على العموم كانت أحلى ذكريات و آخر يوم أهدينا كل الأغراض اللي بالصف للمعلمات و لم يبقى شي بالصف
و حتى الكورنر البنفسجية استلموها مكتبة المدرسة و حطوها لهم مع توقيعنا و اهدائنا عليها :shy:
و وزعنا بالونات بنفسجية في آخر يوم و بكينا مع آخر لحظات و أصعب لحظات
و حملت كل واحدة منا احلى الذكريات معها عن احلى مراحل حياتها
و تبقى الجدران هي الشاهد الوحيد على أحلى و اسعد و أجمل اللحظات التي عشناها في آخر مراحل الدراسة:sad:
و تحياتي للجميع
و اي سؤال أنا حاضرة (r)
ت
19-11-2006 | 01:37 PM
الصور ما اطلعت
ا
25-11-2006 | 08:27 PM
يعطيج العافية ضيا
بس لك الصور مو طالعة عندي
ودي أشوفها ودي بأفكار للفصل
بس لك الصور مو طالعة عندي
ودي أشوفها ودي بأفكار للفصل
ض
26-11-2006 | 07:18 PM
مو معقولة يا بنات :qaq:
:sad: :sad: :sad:
أنا الصور كاملة تظهرعندي إلا اللهم اللي في البداية اللي اول الموضوع
و اظن مثل ما قلت من الموقع اللي حملتهم
بس ألحين كلهم ظاهرين و غريبة أن مو ظاهرين لكم:angry:
على العموم جربوا اضغطوا رايت كلك عليهم و بعدين اختاروا properties
و بعدين اعملو كوبي للأدرس بعد تظليله طبعا و جربوا افتحوا صفحة جديدة و بيست (لصق )
للعنوان و انتر و شوفواتفتح الصور أو لا علشان لو ما تفتح
نشوف لها حل :sad:
و تحياتي لكم يا حلوات :sad:
ب
02-12-2006 | 04:49 PM
للاسف اختي ولاصورة طلعت معاي :(
الله يخليج اريد اشوفهن لانه انا ان شاء الله بتخرج معلمه واحتاج مثل هالافكار
الله يخليج اريد اشوفهن لانه انا ان شاء الله بتخرج معلمه واحتاج مثل هالافكار
ا
04-12-2006 | 11:38 AM
حبوبه مافي صور
ف
05-12-2006 | 02:20 AM
:sad:
للاسف ولا صوره طلعت عندي
للاسف ولا صوره طلعت عندي
ا
05-12-2006 | 02:56 AM
واااااااااااااااااااو
بالصراحة رووووعة الديكور ويفتح نفس الطلاب
مشكوره عزيزتي على الصور الروووعة
أنا الصور ما ظهرت لي في البداية بس يوم رجعتي وحملتيهم شفت الصور
يسلموووو مرة ثانية على الذوق الرفيع
بالصراحة رووووعة الديكور ويفتح نفس الطلاب
مشكوره عزيزتي على الصور الروووعة
أنا الصور ما ظهرت لي في البداية بس يوم رجعتي وحملتيهم شفت الصور
يسلموووو مرة ثانية على الذوق الرفيع
a
05-12-2006 | 07:19 PM
ما طلعولي الصوررررر
ا
05-12-2006 | 07:33 PM
السلام عليكم:shy:
ما شاء الله تبارك الله خووووووووووووووووووووووووش ذوق
ر
08-12-2006 | 12:10 PM
ما تظهر عندي خسارة
ع
09-12-2006 | 07:15 PM
سلام عليكم ورحمه الله وبركاته
عفوا ماطلعت عندي ولا صورة
وبصراحه الموضوع كلش عجبني بس يا حسافه
ماكمل لان الصور هي الي تكمل الموضوع
وشكرا وتسلم ايدك يا ضياء القمر
عفوا ماطلعت عندي ولا صورة
وبصراحه الموضوع كلش عجبني بس يا حسافه
ماكمل لان الصور هي الي تكمل الموضوع
وشكرا وتسلم ايدك يا ضياء القمر
ض
12-12-2006 | 08:08 PM
و الله قهر يا بنات
:angry: :angry: :angry:
هاذي آخر مرة بانزل فيها الصور و لو ماطلعت بارجع أفتح
موضوع جديد و انزل الصور و الموضوع مرة ثانية
:sad: :sad: :sad:
إن شاء الله تضبط هالمرة :qaq:
و بس :gum:
و إن شاء الله يطلعون:sad:
و أي طلب أنا حاضرة
و آسفة على القصور:shy: