لاحظت ان اكثر سؤل ينطرح بالمنتدى يتعلق بالتبيض
فجمعت لكم اليوم مجموعه وصفات للتبيض طبيعيه ميه بالميه في موضوع واحد .
تنقوا اللي يعجبكم من هل وصفات ..
بس هذولي وصفات طبيعيه يعني يبيلها مداومه مش تستخدمونها اسبوع ومااتشوفون نتايج وتتركونها :angry:
الوصفــــه الأولى
هذى الوصفه اتبيض البشره وتعطيها اشراقه
- ملعقه اكل حليب بودره
- ملعقه اكل عسل
- ملعقه اكل عصير ليمون
- نص ملعقه زيت اللوز الحلو
حطي الخلطه على بشره نظيفه لمده 10-15 دقيقه ( لا تنسين الرقبه )
الوصـــفه الثانيه
اخلطي بكميات متساويه
شوفان
+
عصير طماطم
+
زبادي
اتحطين الخليط على الوجه والرقبه لمده 20 دقيقه .
الوصـــفه الثالثه
شرايح البطاطس
( قطعيها لشرايح ومرريها على البشره برفق ) يفتح لون البشره وآثار الحبوب
الوصـــفه الرابعه
كركم + عصير ليمون
هل وصفه زينه لكامل الجسم .. واذا بشرتج حساسه ممكن اتضيفين لها زبادي .
الوصــفه الخامسه
3 ملاعق كبار قشر برتقال مجفف ومطحون
ملققه ونص زبادي
هل وصفه مفيده لتخفيف الحبوب وآثارها .
الوصـــفه السادسه
نقعي 4 حبات لوز في ماي ورد ليله كامله
اليوم الثاني هرسي اللوز وضيفي له ملعقه اكل حليب .
ممكن اتنامين بهل وصفه واليوم الثاني تغسلين ويهج
هل وصفه اتسوينها كل يوم لمده 15 يوم ... بعد هل فتره ممكن تستخدمينها مرتين بالاسبوع بس .
الوصـــفه السابعه
ملعقه اكل طحين
ملعقتين صغار حليب طازج
2-3 قطرات عصير ليمون .
خلي الوصفه 15 دقيقه
ممكن تستخدمين هل وصفه 3-4 مرات بالاسبوع لمده 4 اسابيع وبعدين مره بالاسبوع كافي .
الووصفه الثامنه
(( مجموعه وصفات خاصه بالابط و الاماكن الغامجه الثانيه اللي بالجسم ))
فيتامين E
تمسحين كل ليله ابطج بزيت فيتامين E وممكن تضيفين زيت الورد ( يعطي نعومه وبياض )
2- ليمون + جلسرين
هل وصفه مع المداومه تعطي نتايج حلوه
3
ملعقه اكل زبادي
ملعقه اكل طحين
نص ملعقه اكل كركم
ملعقه صغيره حليب
اتخلين الخليط 20- 30 دقيقه قبل الاستحمام ( 3 -4 مرات بالاسبوع)
4
ماي ورد + بودره الصندل ( تلقينها عند العطاريين )
5
ملعقه اكل عصير خيار طازج
ملعقه اكل عصير ليمون
نص ملعقه صغيره كركم
خلي الخليط لمده 20 دقيقه قبل الاستحمام
6
هذي الوصفه للتبيض وتوحيد لون البشره120 جم زبادي
ملعقه كبيره بقدونس ناشف ( ممتاز للي عندها حبوب )
ملعقه كبيره نعناع ناشف
ملعقه كبيره شاي اخضر
ملعقه كبيره نشا
اتخلينها لمده 30 دقيقه
انشاءالله الوصفات عجبتكم وانشاءالله اتكون وافيه
واللي عندها اي وصفه فادتها ممكن اتضيفها
