صور فستان عرسي الي الكل انجن عليه ^_^

بسم الله الرحمن الرحيم

انا عرست من كم أسبوع 24/8

وحابة أبيع فستان عرسي الي هو من تصميم المصمم أحمد البدوي الي كلفني 25الف درهم ونا زدته كرستاالات وسوارفسكي ب10 الاف ((الفستان + الطرحة + الباقة )) يعني الفستان طلع علي بالكامل ب35الف درهم ((ملبوس مرة وحدة ولمدة 3 ساعات))

والحمدلله الكل عجبه الفستان يعني المصمم بيض الويه



الفستان
طبعا هو بدون حمالات وعبارة عن كورسيه بس لاصق في الفستان وشفاف(دانتيل) وكله مشغول بالسوارفسكي والكرستالات الكبار وفصوص الريمبو الصغار وله ذيل طويل بعد مشغول بالكرستالات يبرق

الطرحة
طويلة وكلها مشغولة بالسوارفسكي ومنثرة بالكامل بفصوص الريمبو يعني تبرق ومن صوب واحد الشك ياي مثل التاج يعني تحطينه فالوسط ولا على صوب وهي مشكوكة من كل الجوانب بس اكثر شي جهة التاج يعني ((الوسط))

الباقة
باقة طالعه منها ورود بيضا مشغولة بالكرستال وكلها فصوص يعني تلق عدل وفيها ليتات صغار بعد ونازله منها سلاسل كرستال وماعليج الا تركبين الورد الطبيعي فيها بس صج شي خيال وغريبة ((محد سواها مول))

هذي صورة جزء من الشك الي على الكورسيه والاحمر هذا مانيكان مالقيت مانيكان ابيض:gum:





والي يعجبها الفستان تتفضل عندي وتشوفه ماقدر اطرش الصور حفاظا على حقوق الي بتشتريه ^_^

والسعر المطلوب فيه 15 الف درهم


****************************

وهذا فستان ملجتي سويته عند نفس المصمم ^_^ وببيعه ب 5000 ملبوس مرة وحدة



************************
وهذا فستان خالتي في عرسي :hahaha: وهي طالبه فيه 3500 وعند نفس المصمم ^_^



(( البنات الي طلبو مني أأجر الفستان سوري ماقدر أنا ابي أبيعه))

والي حابة تشوف الفستان تتفضل عندي البيت واي استفسار انا حاضرة