هالمبلغ هو حيلتي في هالدنيا شسوي فيه !!!!!!!!!

بسمة ملاك

ممكن تشوفين لج وحده من الاهل مثلا تشاركح و تفتحون فيه صالون صغير

الصوالين هاليومين ماشي شغلهم عدل

و لا تسوين لج تجاره معينه
يعني تشترين شي مش موجود في الاسواق و تبيعينه على البنات و شوي شوي بتربحين شي بسيط بس بعد فتره بتلاحظين انه هالمبلغ بدى يكبر و يكبر شوي شوي

في فكره انا شفت وايدين مسوينها و ما شاء الله يربحون منها وايد

شفتي هالبنايات اليديده اللي تنبني الحين
يسيرون و يحجزون المحلات اللي فيها

و عقب ما تجهز البنايه

يدغعون عربونها و يحجزونها و يحطون ارقامهم عليها للاجار
و يوم ايي حد يبا ياجر يرفعون عليه سعر اجار المحل مثلا اذا ماخذينه باربعين يقولون له لو تباه ادفع خمسين و لا خمس و خمسين خلو عشان تاخذه

و وايديدن يكونون محتايين و يدفعون

بس انا اشوف الرياييل لهم مجالات اكثر في التجاره

جربي تستشيرين حد من اخوانج يمكن يقدرون يفيدونج


كل التوفيق

سحايب دبي فديتج كلامج سليم 100% ةفعلا ماشي احسن من الرياييل في الاستشارات التجاريه بس صدقيني سئلت ومالقيت حل وللحين محتاره وهالمبلغ هو حيلتي في هالدنيااااااا \\\\\\ فكرة العمارة وارده وبحطها في بالي

الله يسعدج ويوفقج وين ماتروحين ياااااااااارب

فديتكم يابنات بلادي ماتقصرووووووووووووووون ابد

بالتوفيق ان شاء الله
وايا كان المشروع استخيري رب العالمين
والله يوفقك في الدارين

تسلمين لولو ويوفقج

السلام عليكم ورحمة الله وبركاته
عزيزتي لو كنت انا مكانج جان مزهبه الشنطه ومسااااااااافره
على بانكوووك لان فعلاا اعرف حريم ما شاء الله عليهن وبالتوفيق من الله
يشترووون بضايع تقليد ماركات من الدرجه الاولى يعني ممتاز وياخذون كميه تكون مقبوله من الكل
من شنط وما اسكارفات وسعات وااايد اشياء تكون رووووووعه وتكون موظه يديده ويبعونها ف البلاد بسعر رهييييييب
فكررررررررري ونفس الوقت تكون لج اجازه هناك وتقريبا ما يبالها للسفره لبانكوك غير 15 الف منها للتذكره ومنها للاغراض ...........
وبالتوفيييق الغاليه

الله يوفقج اختي ويسر لج امرج
اذا بغيتي راي تراني مع راي اختي feedback
مشروعها ممتاز

الله يوفقك
ويرزقك بالحلال

شوفي يالغاليه انا ما بقولك مشروع

لكن اذا جزمتي على مشروع معين لالا لا لا لا لا لا لالا تحطين كل قروشك فيه

انتبهييييييييييي حطي في بالك احتمال الخساره الله لا يجيبها

بس هذي نصيحتي ....

و هذا مو كلامي لحالي كلام واحد من التجار الكبار عندنا يقول لا تحط قروشك كلها في مكان واحد


و ادعي لي

فكرة السايق والسيارة حلوة ..........

ولا تتوقعين يرجع راس مالج في نفس السنة ...

الله يوفقج ومثل ما قالت الاخت / لاااااااااااااااااااااااااا تحطين راس مالج كله نصيحة من ذهب.

الله يوفقك
ويرزقك بالحلال

اريي...افتحي صالون...يروح البيوت...يعني تستاجرين شقه صغيره وتيبين لج عماله ..مب شرط تبتدين بوايد..ابتدي ب مانيكير وباديكير وحلاوه وسشوار...وهالسوالف البسيطه...وفي سايق يوصلهم اي مكان في المنطقه الي انتي فيها...ان شاء الله بتربحين لان الناس قامت تخاف تروح صالونات من السوالف الي تصير...وخاصه اياه الاعياد...الزحمه بتلقين شغل...وفيه ناس ما يقدرون يظهرون من بيوتهم....هااي فكرتي .واذا تبين الكوتيشن ممكن اخبرج كيف......والباجي حطيه في الصكوك الوطنية...يمكن تربحين وفي اي وقت ممكن تاخذين فلوسج...وموفقه...

أختي الغالية أول نصيحة بقولها لج لا تركزين على (كم المبلغ اللي عندج عشان تشوفين المشروع اللي يناسب فلوسج)!!!!!

ركزي على انتي شتبين وشنهو طموحج

هاي من نصايح الوليد بن طلال..

وترى 80%من المشروعات الفاشلة بسبب هالشي..........

يعني بداية شنو ميولج شنو الشي اللي يجذبج ؟؟الشي اللي تحسين بحماسة لما تسمعين حد يشتغل فيه؟؟؟

يعني هل هو العقار؟؟

التجارة؟؟

موهبة وممكن تطورينها؟؟؟

أكثر حد بيساعدج هو نفسج...

جاوبي على هالأسئلة واي سؤال حاضرين وما يكون فالج الا طيب

[CELL="filter:;"][ALIGN=center]أختي أنا أنصحج بما أنج عايشه بالامارات تفتحيلج محل حلويات وقتوهات لان هالنوع من المحلات للحين موموجود بكثره عندكم ومطلوب وايد وتيبيلج اي أندونسيات كانوا يشتغلون بمحلات مشابه بالكويت وصدقني وايد بتربحين.[/CELL]:ok: :ok:

http://www.3roos.com/forums/showthread.php?t=207519

اقري هالرابط والله يوفقج انشالله المهم تشوفين انتي بشو ممكن تبدعين عشان تخلين هال100 الف 100 مليون وما فيه شي بعيد عن ربج

حبيبتي فكره السواق والسياره ممتازه وحلوه
بس انتبهي اول شيء ماتخلينها سايبه يعني مو تقولين روح اشتغل وعطني فلوس نصهم بتروح عليك وانت ياغافل لك الله
انه تربطينها بطالبات مدرسه اوكليه يدعفون لك نهايه كل شهر راتب معين افضل لك
والاهم والاحلى انه لو في حال خسرتي لاقدر الله ماتخسرين راس مالك كله لانه السواق تنقلين كفالته والسياره تبيعينها والحمدلله

ما بقولج سوي مطعم ولا كافتيريا

بس خفايف الاكل الشعبي بكشك باي مول

شفتي ايام المعارض..نشوف كشكات لقيمات وخبز الرقاق بجبن او اي شي غيره

شغله خفيفه ومش متكررة نهائيا بمولاتنا

والاقبال على هالسوالف مضمون باذن الله

الكشك ما اتوقع ايجاره هاك الزود بس اختاري له موقع حلو وطباخ نظيف والاغراض
توفيرها سهل...وعقب ممكن اطورينه وتزيدين الاصناف

هذي فكرتي وان شاءالله تتوفقين

انا كانت عندي 100,000

ودخلت في الأسهم والحمدلله

الله وفقني واستون 350,000

واتمنالج التوفيق

نصايح البنات حلوة
اولها السيارة مع السايق

وبعدها توصيل الطلبات واحس هاذي بنتفع معاج في المنتديات بدل شركات التوصيل

وثالث شي البناية تقدرين تشترينها عن طريق البنوك الاسلامية
تدفعين 25 % من سعر البناية يعني اذا عندج 100 خي عمارة في حدود 400 او 500

والباقي يندفع عن طريق الايجارات

وانا اقول مثل يعض الاخوان اللي قالوا
لا تدفعين كل فلوسج في مشروع واحد

وفي نصيحة مني
عندج الصكوك الوطنية منها تنزل ارباح كل سنة وغير الجوائز اللي تنزلها كل شهر

وانتي حرة في اختيارج

ماشاء الله البنات ماقصرو معك كل فكره احلى من الثانيه والله يرزقك