الف مبروك............200

وردة العتبان 13-09-2006 52 رد 3,790 مشاهدة
و
السلام عليكم ورحمة الله وبركاته





الف مبروك يا بنات ديرتي عالمنحة الاميرية وعسي الله يخلي لنا الشيخ صباح


بس بغيت اسال من الفضاوة اللي فيني كل وحدة تقول شتبي تسوي بالـ200
د
وعليك السلام ورحمة الله وبركاته
الف مبروك حبيبتي
انا مو من عندكم بس دخلت ما حبيت اطلع بدون ما ابارك لكم
د
وعليك السلام ورحمة الله وبركاته
الف مبروك حبيبتي
انا مو من عندكم بس دخلت ما حبيت اطلع بدون ما ابارك لكم:shy:
:flower: :flower: :flower: :flower: :flower:
و
الله يبارك فيج حبيبتي يلا محد يبي يتكلم شدعوة
ج
لاذكريني كل رفيجاتي نزلت بحسابهم الا انا

لان عمري ماكمل يلا شسوي الواحد لازم يحمد ربه هههههههه

بس والله قهروني يدزون لي مسجات يحروني

المهم خطتي لحد الحين ماني عارفه محتاره حيل

قلت بخليها حق عطلت الربيع حق التسوق

انشاءالله بسافر دبي تدرين البضاعة هناك احلى ومتميزة

ومرات ودي اشتري ساعة ماني عارفه لحد الحين محتارة

انتي شنو ناوية تسوين فيها قولي خطتج يمكن اقلدج ؛)
ن
آنـــــا جهزت فيها بدلات حق الجامعــة ,,, راحت لطريــقها قبل لاأستانس فيها

وااللـــه يحفظ الكويت من مكــروه ,,, ويعطونـــا كل جم شهر منحة
ا
مبرووووووووووووك حبيباتي بات جيراننا الكويت


محسوبتكم سعودية بس تعرفون حركات الحريم واللقافة اهي اللي دخلتني الموضوع قلت ابارك لكم


عقبال الألفين يارب



عائدااااااااااااات
ب
الله يبارك فيج

انشالله كل سنه لووووووووووول

بس بسرعه تطيير
ب
يبارك فيكم ..

اي والله عماااااار ياكويت ..

ومشكوووره العااااائدات فديت اهل السعوووديه والله :)

انا بصراحه راح تطير حق عرس اخواني اثنين مع بعض ..

والحمدلله يت بوقتها ..

بس كل شي صاااااااير نار .. وكل ماتروحين حق هندي وتبين تنزلين من السعر

يقول انت فيه 200 بعد جم يووم..

200 امحطووك بعقااااال هكككككككككككك

يقهرووون ..

حاسدينا على كل شي ..:)
ن
ايو الله سكـــتي

قبل المنحة بيوم جارتنا موكــــويتية طبت ع أمـــي الظهـــر تبي تتســلف ,,
بس آنــا رحت وحرشت أبــوي لأنها هالحرمــة ماتستحي من تسمع زيادة ولا منحة تلاقينها عند
أمـــــي لا وماترد الفلوس لأمـــي تقول خيركـــم واااااايد

حاسدينا على كل شي ..:)[/QUOTE]
ا
مبرووووووك
ا
:clap: مبرووووووك ياعسل:salam:
.
جت حزة رمضان و العيد ..

بوقتهااا يعني :)

مبرووووووووووووووووووووووك

للحلوات بنات الديره ..
ت
:clap: :clap: :clap: :clap: :clap:



الف الف مبرووووووووووووووووووووووووووووووووووووك

سعوديه بس مابغيت اطلع لا لما ابارك لكم حبايبي(f)
&


الف مبروك
تتهنوا ان شاء الله

و
الله يبارك فيكم كلكم والله انا بقول خطتي


اول شي رديت 40 دينار سلف خذيتهم من زوجي ايام السفر حرام خليته يسحب من الفيزا قلت خن اردها علشان اطلع مره كفو (كلش عاد)


وبعدين ماكو بشتري بوك من شارلز جوردان بـ45 بس مترددة


والباقي اكيد مكياج


انتوا قولوا واللي عندها عيال شسويتوا منو خذاها
ن
وردة العتبان:
الله يبارك فيكم كلكم والله انا بقول خطتي


اول شي رديت 40 دينار سلف خذيتهم من زوجي ايام السفر حرام خليته يسحب من الفيزا قلت خن اردها علشان اطلع مره كفو (كلش عاد)


وبعدين ماكو بشتري بوك من شارلز جوردان بـ45 بس مترددة


والباقي اكيد مكياج


انتوا قولوا واللي عندها عيال شسويتوا منو خذاها



آنـــا ماعندي يهال ,,, بس خواتي أنــواع في اللي ريلها عطاها كل شي وفي اللي فلوس اليهال النص بالنص وفي اللي زعـــلت وألحين قاعدة عندنا بسبة هالفـــلوس

ومــرت أخـــوي أعتقد والله العالم اهي اللي أخذت فلـــوس عيالها كـــلهم

بيني وبينج أخـــوي (( رقلة )) يموت عليها وأهــم شي رضاها مالت عيهم اثنينهــم
و
نانسي شنو هذا حشيتي بخوج يلا يستاهل والله في ناس جذي يعطي المره كل شي والله انا بشتري لبنتي شغلات حقها يمكن ذهب للعيد
أ
السلام عليكم :clap: :clap: :clap: ألف ألف ألف مبروك وعسى الله يخليه لكم انشا الله أناسعوديه بس ما حبيت اطلع فاضيه
و
هلا فيج اميرة الله يبارك فيج
X