الي موعد ولادتها شهر مايو 2007 تدخل بسرعة

سلامات يا كروشات كيفكم إنشاء الله بخير كلكم...(}) ({)

themoon كيف اخبارك إنشاء بخير كلامك صح الشهر الثامن بطيءجدا بس لمن تدخلي التاسع راح يجري بيك جري.......:gum:

علوجه يابسه....والله خوفتيني موت من إبره الظهر بس خلينا كلنا ندعي إن ولا وحده فينا تاخذ الإبره....كيف عامله إنتي إنشاء الله احسن....

ظبيانيه...كيفك إنشاء بخير بصراحه الترجيع صعب بس حاولي إنك ماتاكلي وجبات كبيره خلال اليوم كثري منها وقللي الكميه وإنشاء الله تتحسني....

طير السلام ....كيفك إنشاء الله بخير وإنشاء الله الحموضه خفت حاولي إشربي حليب بارد وإذا ما تحبي الحليب إعملي زيي انا اقطع الخيار مع الزبادي والحمد لله علي طول يروح لي الحموضه

sadbeat.....كيفك حبيبتي ما تقلقي إنشاء الله دمك بيرتفع بس كثري من التمر وإنشاء الله تطمنينا عليك...

مجبوره.....كيفك انا وإنتي شكلنا راح نولد مع بعض ....إما عن الرجول فانسي انا اصلا ما عندي إي إحساس فيهم من كثر التعب بس الحمد لله نستحمل عشان خاطر البيبي.....

سنا الوجد ....اخبارك إنشاء الله كله تمام

danamoon ...كيفك يا ريت لو تعرفي شنو إسم الابره عشان لو إحتجنا لها.....

باقي الحوامل وينكم إنشاء الله تكونوا بخير....

...

مبرووووووووووووووووووووووك تستاهلين
وانا لين الحين ماتزوجت :sad: وانشاء الذريه الصالحه يارب:bigsmile

بنات سالت عنكم ونسيت احكيلكم علي إلي حصل لي امس ...كان عندي مواعيد مع الدكتوره رحت وعملت لي الإجرائات الروتينيه بس المره دي اخذت مني عينه من الدم عشان تشوف الهموجلوبين،،وعينه تانيه من المنطقه عشان لو في إي إلتهاب لازم يتعال قبل الولاده لانها قالت لي إي إلتهاب ممكن يسبب ضرر للجنين إثناء مروره في مجري الولاده ..المهم قمت سالتها قلت لها إن الممرضه قالت لي إن وزني ما زاد من إسبوعين بالعكس نزلت باوند قامت خوفتني وقالت لي إن ده شيء غير طبيعي ولازم حالا تروحي علي المستشفي عشان تعملي الإلتراسوند وإنا في اللحظه ديك دكلت عالم ثاني:confused: :confused: وقلت اكيد في مصيبه ورحت المستشفي وعملت الالتراسوند والحمد لله كل شي تمام بس من الخوف نسيت اسال الدكتوره من جنس البيبي قمت سالتها وانا طالعه قالت لي اصلا صعب في الشهر التاسع انه شوف جنس البيبي ،،،بس الحمد لله إني إطمنت علي البيبي بس بعد ما روحي طلعت من الخوف:sad: :sad:

sad beat
nanna2
the moOoOn
علوجة يابسة
danamoon
والله انا محتارة اوي من كتر ما الدكتورة بتتحايل على لدرجة انها بتقولي لو طلبتيها حديهالك وكله قاللي من الالم حتطلبيها انتوا خوفتوني انا اصلي مش عاورة انام في الولادة وهي بتقوللي لازم اتخدر اول ما الراس تظهر علشان التنظيف والخياطة وانا خايفة اتخدر بقول لجوزي انا حاسة اني لو نمت مش حاصحي تاني فلما عرفت هي بخوفي ده قالت لي يبقى الابرة دي وختكوني صاحية في كل حاجة حتى التنظيف والخياطة
تخيلوا انا مش خايفة من الم الولادة بس خايفة من التخدير مش غريبة دي ولا عادي
حتى انا بقولها مش عاوزة ولا الابرة ولا المخدر بتقوللي ما ينفعش لازم حاجة من ال2
انا والله خايفة مووت يا بنات دلوني بالله عليكم اعمل ايه
انا الخوف كل يوم بيتملك مني اكتر من اليوم اللي قبله

السلام عليكم jassylovly....بصراحه دكتورتك حيرتني وحسيت كانه عندها مصلحه فإنها تديك الحقنه لان اصلا الدكاتره بشجعوك علي إنك ما تاخذيها وفي النهايه القرارا قرارك ما ممكن تفرض عليك حاجه إنتي ما عاوزاها ،،،،وحتي اثناء التنظيف والخياطه في ناس مابحتاجو للتخدير لانه المنطقه بتكون إتخدرت طبيعي ،،انا لسه ما ولدت لكن دي كلها معلومات من ناس ولدوا قبلي ....وما تخافي وإتوكلي علي الله:shy: :shy: :shy:

اختي

jassylovly

بصراحه محد ياخذ كلام الدكاتره ومثل ما قالوا خواتي

يكبرون السالفه عاى ماشي

وانا او منك اسمع الكلام من صوب واطلعه من الصوب الثاني

وتسلمون خواتي عالنصايح وبحاول اكثر من التمر

وتصبحون على خير

السلاااام علييكم

اشحاالكم ياحواامل الحلواات


نحن عندنا ابرة الظهرهذي اااااااااااااااااااااااااخر حل ايقووولونه الدكااتره
ماااعرف ليش هالدكتووره مصره عليها
وعن التخديير اصلن انتي وقتها مابتحسيين بشي وبيسوون الخيااطه وانتي مب دااريه
عشاان جذيه اتوكلي على الله ولاتحاتيين
خوااتي كلهن ولدن بدوون ابرة الظهر ولا اي شي الحمدالله

الغاليه sad beat


كثري من التمر والاشياااء الخضرااء مثل البقدوونس والخس ...الخ
وكلي كبده لأنها جدا مفييده
وكل صبح على الرييق كلي كيوي صدقييني ان شاء الله بترتفع عندج نسبة الدم



خلوونا اخبركم شوو صارلي البارحه

امس على الفجر قمت على الالم في بطني والحووووض
حسييت بنفس الم الدوره مع وجع بطن (مغص)
وكاان ايرووح وايرد علي بين فتره وفتره ليين الضحى تقريبا

الله يعييين وحااسه نفسي تعباانه ارييد اناام بس مب قادره

سألت اختي قالتلي هذي اشيااء عااديه بتييج نفس الالم فتره قبل الولااده وبعدين بيزييد شوي شوي
ليين ماتكوون فتره الالم طويله ومتقااربه في فتراتها

والله يستر ياحواامل

شكلي بنسى الرقااد خير شر


*_*

[CELL="filter:;"][ALIGN=center]السلام عليكم

nanna2
اخبارك حبيبتي ؟؟ ان شاء الله انتي والبيبي بخير
بعض الدكاتره الله يهديهم يبالغو في الأمور وما يعرفو ان هذا الشئ يوتر المريض واهله .... بس اهم شئاتطمنتي على البيبي اما على الجنس مو مهم اهم شئ يجي بصحته وبالخلقه التامه يارب ....
ها ايش صار على تجهيزاتك ان شاء الله خلصتي ....




jassylovly
حبيبتي ما عليكي منها وقوليلها انا وقتها اذا حسيت اني ما بستحمل الألم راح اطلب منك تعطيني الأبره وان شاء الله ما تحتاجيها ولا تحتاجي مخدر
وبعدين الأغلبيه يولدو من غير مخدر ولا أبرة ظهر ولا صارلهم شئ ... كيف تقولك لازم واحد من الأثنين !!!!!!
وصحيح كلام اختي nanna2.. المنطقه بتكون اصلا مخدره وما بتحسي بألم
صحيح يمكن هي الدكتوره قصدها على الابره الي تعطيكي هي قبل لا يطلع الراس بثواني عشان لما تقطع وتوسع المنطقه ما تحسي بألم .... اذا قصدها هذه الأبره (تخدير بسيط للمنطقه) فلازم منها ولا بتحسي فيها ... انا كذا كنت اشوف بالمستشفى لأني كنت ادرس علوم طبيه وكنت احضر الولادة واشوف كيف تتم الولادة سواء طبيعيه او قيصريه......
وانتي اهم شئ اتوكلي على ربنا وكل شئ يتسهل بأذنه




عيو*_*ون
هلا اختي وينك من زمان ما شفناكي
كيف الحمل ؟؟؟ وكيف البيبي ؟؟؟ وانتي بأي اسبوع .. دخلتي التاسع ولا لسه[/CELL]

هلا بكل الحوامل .......................

nanna2
هلا والله ، صراحة ما اعرف اسم الابرة ، بس هي تعطى في العضل ، وما تحسيبن بخروج الراس ، وفي وحدة من اهلنا والدة من فترة بسيطة وعطوها الابرة وتقول ما حسيت وقت الولادة ، مع انها مش اول ولادة ، اما انا ما عظوني اياها الا اول ولادة ، وان شاء الله الموعد الجاي بسأل الدكتورة وبخبرج ............. الله يهون عليج وتقومين بالسلامة .............

jassylovly
اخبارك حبيبتي ، استغربت من كلام الدكتورة معاك اشلون التخدير يكون كامل ، اول مرة اسمع فيها ، في البداية افتكرت انها ولادة قيصرية ، بس اتقولين خياطة وتنظيف وهذي الاشياء ما تحتاج تخدير ، او يكون تخدير موضعي وخلاص ، ما عليك من الدكتورة ولا تفكرين بهذي الامور ، وصدقيني بتكون المسألة ابسط مما تتوقعين ................ الله يقومك بالسلامة .

عيون
شاخبارك حبيبتي ، ترى الالم في التاسع عادي جدا جدا ، عندنا نسميه ( منان ) مثل الطلق بس اخف شوي ، لاتخافين والله يقومك بالسلامة ...............

تحياتي للجميع : themoooon علوجة يابسة مجبورة sadbeat ظبيانية طير السلام سنا الوجد وباقي الاخوات

themoooon

انا الحمدالله بخير وعافيه والبيبي بعد بخير
ودخلت التاسع صارلي اسبوع ونص تقريبا
وماشي حالي في الحمل

انتي اخباارج؟
وشووو الحمل وياج؟

danamoon

فدييتج اعرف انه هذا مناان
انتي اشحاالج؟
وشوو الحمل وياج؟


واخباار باقي الحواامل الحلوااات؟


الله يسهل علينا ياااااااااااارب


*_*

كيفكم يا حوامل مايو
ما احد ولد ؟ :cool2:


الحمد لله على كل حال انا بالاسبوع 34+5 ايام والحمد لله قبل خميس ايام كان عندي موعد والحمل تمام وانا الحمد لله
اتوقع ان اللي احس فيه مثل الموجودات مثل الام الدوره اللي تجي وتروح وانتفاخ الاطراف وحرمان من لذة النوم غير النفسيه التعبانه والحساسيه الزايده

اما امور تجهيزي فالحمد لله جهزت كل شي وبقى ننتظر الولاده على خير والاستعداد النفسي لها


حوامل مايو كيف استعدادكم ؟ وان شاء الله اموركم بخير ونشوف الكل بصحه وسلامه


دمتم بحفظ الرحمن (f)

سلامات يا حوامل كيفكم....(}) (}) ({) ({)

عيون....شكلك خلاص قربتي الله يعينك إنشاء الله:shy:

the moon.....سلامات كيفك إنشاء بخير شكرا علي سوئالك والحمد لله كل شي طلع تمام إما عن التجهيزات فالحمدلله ماشه فيها كويس بس لسه ماخلصت:sad:

danamoon...الله يسهل علينا إجمعين إنشاء الله

قلب إنثي .....كيفك وماشاء الله عليك خلصتي اغراضك عقبالي إنشاء الله..:clap:

بنات عندي لكم سؤال غريب بس انا مخوفني إنه كل وحده تشوفني تقول لي إنه بطنك صغير ومستحيل تكون هذه بطن تسعه شهور مع إني عملت إلتراسوند من قبل يومين وقالوا لي كل شي كويس والحمد لله بس الكلام ده بخوفني :sad:

هلا بنوتات :)

واخباري تمام وانتي اخبارج ذا مووووون كيف الايام معاج ...

واليوم عندي موعد والعصر بخبركم شوووه صار معاي ..

مرحبا يا حوامل حبيباتي شخباركم شو الحمل صاير ممل جدا انا صراحة عني ما اقدر انام في الليل والله احس ان عوار ظهري ذابحني وايد ما اقدر اتحمل وقت اتقلب من صوب الى صوب الثاني اتعذب ...

وعن عوار تحت البطن صراحة فضيع ايضا ..
وعن تجهيزاتي حمدالله خلصت ...
بس اتريا الولادة
بنات لا تنسون المشي و التمر وايد مفيد جدا ....

تحياتي للجميع حوامل : -
themoooon , مجبورة , sadbeat , ظبيانية , طير السلام , سنا الوجد , nanna2 , jassylovly , عيو*_*ون ....

nanna2

شو اخباارج حبيبتي؟ ان شاء الله اكوون قربت يارب
خاطري افتك وارتااح

وعن سؤالج ياحياتي هذا شي عاادي انه اتكون بطنج اصغيره لانه مب كل الحريم نفس الشي
انا بعد بطني اصغيره واللي يشوفني ايقووول مستحيل اني في التاسع
قولي الحمدالله عشان ماتتعبيين من الكرشه بعد الولاده *_*

سناء وجد

ان شاء الله ايكوون كل شي تماام ويااج يارب
وطمنينى عليج

علوجة يابسه
الله يعيينج ان شاء الله وصدق الرقاااد شكلنا بننسااااه طوول


قلب إنثي

شو اخباارج؟شي طيب انج جهزتي كل اغرااضج
والله يقومج بالسلاامه يارب


اتعرفوون يابناات انا باقلي اشياء بسيطه الحمدالله
مثل اني بعدني مااشتريت العسل الاصلي والدبس هذا كله بخليه على الريل بس للأسف ريلي دايما في الدواام واخااف مايكوون عندي ,وقت الولاده واايد افكر في هالشي....

:)




:)



مساء الخير على الكروشات الحلوات

اخباري تمام ...كل شيء تمام ...

تسألني الدكتوره عندج اي شكوى ؟

قلت بكل بروده لا ماشتكي من شيء :)

واول ماقمت من السرير عندها الله لا يرويكن الشد العظلي مع العصبه تو كذر :)

اونه مافيه شيء :(

وقالت كيف الفتامينات (( ابتسمت ابتسامه مشاكسه )) قلت ماحبهن ارجع بسببهن بس اكل (( تمر ))

وعلى طول فحص دم حولتني :)

وموعدي اللي قبل الولاده بتاريخ 24 - 4 ....حتى يشفون تحليل الدم مع السكر وصوره للبيبي

وهذي اخباري

وانتن اخباركن

[CELL="filter:;"][ALIGN=center]السلام عليكم

كيفكم يا حوامل؟؟؟


قلـ انثى ـب
حبيبتي انا دقيت على الدكتوره الي قلتيلي عليها وكان مشغول وبعدين قلت خليني اتصل على المواساة اسأل كيف الاسعار عندهم بس قالولي كلمي بكره لأن الدوام خلص....
المهم انتي اخبارك ؟؟ واخبار البيبي؟؟؟




nanna2
الحمد الله انك بديتي بالتجهيز وان شاء الله تخلصي قبل لا تولدي
وعلى فكره حتى انا كل مين يشوفني يقولي ليش بطنك صغير ويعطوني شهر قبل الشهر الي انا فيه بس عادي لأني لما اعمل سونار كل شئ طبيعي ...




علوجة يابسة
والله حتى انام ما اقدر انام بسهوله واتقلب مره يمين مره يسار ....
والحمد الله انك خلصتي تجهيز وعقبال ما تقومي بالسلامه....




عيو*_*ون
كيفك ؟؟؟ وكيف الحمل؟؟
خلاص كلها فتره بسيطه نفتك ....راح الكثير ومابقى غيرالقليل.....





سنا الوجـد
ههههههههههههه ... اما انتي واثقه ولا تشتكي من شئ !!!!
يلا ان شاء الله تطلع نتيجة التحاليل كويسه والله يسهل عليكي وعلينا يارب[/CELL]

هلا بحواملنا والله اشحالكم اليوم إن شاء الله أحسن ...

يلا حبيباتي هانت فات الكثير وما بقى غير القليل.. اتصبروا اشوي والله يكون في عونا كلنا يارب قولوا آمين

اسمحولي الغاويات لأني ما أشارك وايد بس شو أسوي المشاغل كثيرة وخصوصاً إنا على ويه ولادة فلازم نخلص أشغالنا أول بأول

وأنا ألحين بالأسبوع 37 + 2 يومين .. وطبعا + أسبوعين على موعد الولادة لأني عادة اتأخر في الولادة (في عيالي كلهم ) وباجر عندي موعد الله يستر لأن راس البيبي ما ثبت بعده وتقولي الدكتورة بعده يلف فإن شاء الله يثبت الراس تحت (ادعولي انتو بس) ...

بس في شي من دخلت التاسع وأنا أحس بألم في بطني وريولي تقولي أمايه هذا منان بس ذابحني وايد وخصوصاً لما يتيبس بطني وفي شي ثاني (ادري مصخيتها) بطني وانتو بكرامه أحس فيه غازات وفي اليوم على الأقل أروح الحمام من 3 إلى 4 مرات ما أدري من شو ...

وإن شاء الله جريب أشرب زعتر وأمشي والله يفرجها علي وعليكم يا رب


سلام ,,,,,,,,,,,,,,,,,,,,,,,

هلا بكل الحوامــــل

انا عطوني موعد ولادتي المتوقعه 11\5 بس والله ما اعرف انا الحينه باي شهر بالضبط؟
وبأي اسبوع ؟ اللي تعرف تخبرني ^_^

ويارب ايمر ولادتي على خير وبسلامه
لاني تعبانه من الحمل اداوم فالجامعه + واللوعه اللي للحين فيني من بدايه حملي
والم الظهر وانتفاخ اليدين والريوول
بس الحمدالله على كل حاال

ويارب نفرح بولادة كل الحوامل وربي يقومكن بالسلامه ان شااء الله

هلا بالحوامل .. شخباركم ..
مدام انفينيتي انتي بالاسبوع 37 ؟ ما شاء الله سابقتنا .. الله يوصلنا لهالأسبوع ونفتك ..
الأخت ام علي : هلا فيك بالرابطه مع انك انضميت متأخره .. اختي انتي في الاسبوع 35 + 4 ايام .. وكل جمعه تدخلين اسبوع جديد .. يعني على الجمعه الجايه راح تكون 36 اسبوع .. وانتي الحين في اول اسبوع من الشهر التاسع .. الله يسهل عليش ..
مجبورة : لا يكون ولدتي قبلنا .. وينش ما لش صوت ؟ ونفس الشي دلوعة محرقيه .. لا يكون تولدون بدون ما عطونا خبر تره نزعل منكم ..

اخوات : من بدا يمشي ... وكم دقيقة تمشون يوميا .. لاني بدات امشي بس ما اقدر اكثر من 5 دقايق احس روحي ثقيله ورجولي متنفخه ما تساعدني .. وش اسوي ؟ ابغي امشي علشان تسهل وتسرع الولاده ... الظاهر محد من الرابطه يمشي علشان جدي محد ولد للحين ... الله يعين الجميع