الي موعد ولادتها شهر مايو 2007 تدخل بسرعة

هلا وغلا حبيباتي ...

ومرحبا بكل من دخل اليوم ....

عن التعب : متشابه وانا حتى الحين زايده 9 كيلوات وكلها :) في الافخاذ وجسمي الباقي ضعيف بصير بطه بعد الحمل :)

الالم الظهر متعب وتنفيخات الحمدلله ماعندي .. بس نصيحه قللن من الملح وعليكن بالمساج اليومي للساقين حتى يمشي الدم فيهن ..

المشتريات : باقي اشيء قليله وجزاج الله خير يا اختي danamoon ذكرتيني بشاء كنت ناسيتنهن :)

اليوم ركبت الجنج تيبل ورتبت الاغراض فيه ...

هلاوالله بالحوااامل العسل


انا اليووم دقوولي تيلفوون من عيادة الحوامل وقالولي موعدي بيكوون 14 - 4
عشاان اسوي صووره واشووف البيبي
وبعد عشاان اسوي فحص دم لاني ااخر موعد قالتلي الدكتوره عندي نقص دم

بس انا مب قادره اصبر خاطري اشووف البيبي واطمن عليه
بروح عياده خاصه اليوم وبطمن عليه


البارحه مشيت وااااااااااايد وحسيت ظهري واريوولي رايحات فيها
بس الحمدالله على كل حال كمن يووم وبدخل التاسع والله يسهل


واختي ذه مووون
الخشه = هيه للفراااش اللي يحطوون اليااهل داخله وقت الطلعه


*_*

السلام عليكم
كيفكم يا حوامل ان شاء الله بخير وحشتوني واشتقت لسوالفكم
بالنسبه لي الحمد لله بخير والبيبيز بخير طبعا مثل الموجودات الثقل و(انتفاخ الاطراف + الحكه ) والسبب عندي التهاب في البول الله يكرمكم شديد واخذت عليه علاج واللي مستغربه منه ان وزني زاد وبعد كذا بدأ يتراجع حتى وصلت الزياده فقط 6 كيلو وحاليا انا في الاسبوع 32+5 ايام ومثل ماقالو الاخوات الثامن ممل وبطيء نوعا ما وطبعا كل هذا من العد الانهائي للأيام علشان نخلص ونولد على خير ان شاء الله
بالنسبة للاغراض الحمد لله خلصت اغراض الطفل وباقي لي بعض الاغراض الخاصه فيني واخلص وبعد كذا ببدأ اجهز شنطة الولاده ان شاء الله على خير

The MoOoOoN كيفك ان شاء الله تمام حبيت اسأل حولتي الى مستشفى ثاني والا لسه ؟ ونفس السؤال لدندونه ؟ وان شاء الله انك بخير مالك حس ؟

The MoOoOoN عجبتني فكرة الإيميل وان شاء الله برسلك ايميلي واللي حاب اني اضيفه بالماسنجر اهلا وسهلا

باقي الحوامل كيفكم وياليت نشوفكم متواصلين بالرابطه لان ما بقى الا القليل تمنياتي لكم بالتوفيق والولاده الميسره ان شاء الله

دمتم بحفظ الرحمن (f)

السلام عليكم

و هلا بأحلى حوامل

اليوم سرت موعدي عند الدكتورة و ترجستها تسوي لي صورة اطمن على البابي بي ما رضت

قالت بعد ثلاث اسابيع!!!

تخيلو انا مو مسوية صور للبابي الا لما كان 20 اسبوع

و اذا بنطر 3 اسابيع بعد يعني بكون 35 اسبوع !!!

هل هذا الشي عادي يعني ما تسوي لي صورة لين ادحل الناسع ؟؟؟

شو رايكم انتو؟؟

اروح خاص أحسن؟؟

الغليات اخباركن ...

والله يعين الكل ...

عيوني ظبيانية .. اذا انتي حابة تطمنين عليه عادي صوري انا من 3 اسابيع مصوره واليوم مصوره حتى يشوفونه دار او لا :(

وطلع لا :( وانا في بداية 34 اسبوع وعندي موعد بعد اسبوعين على دخولي التاسع بيوم ..

حتى تطمن الدكتوره والحمدلله اكتشفت اليوم اني زايده بس 8 كيلو :) والجنين صحته طيبه .. والحمدلله

وطلع ويع الفخذ :( عرج النساء قالت الدكتوره وماله علاج غير البنداول

والله يسهل على الجميع

[CELL="filter:;"][ALIGN=center]child_face
هلا والله فيكي .... ولا تصيري مرعوبه ولا شئ انا مثلك اول حمل وقد ما اقدر احاول ما افكر بالأشياء الي تخوفني
اما على التوقيع اتوقع ما تقدري تحطي توقيع إلا اذا كانت عدد مشاركاتك عدد معين والله ما ادري كم بس عند عدد معين تصير عندك خاصية التوقيع




عذ به
بالتوفيق اختي





danamoon
ان شاء الله تقومي بالسلامه وتتهني بالأشياء الي اشتريتها على البيبي

واحس بألم عند فتحة المهبل ، واحيانا احس المنطقة منتفخة ، الدكتورة تقول عادي من ضغط البيبي ، بس ما اعتقد لانها حتى ما اكشفت .............

والله حتى انا نفس الشئ بس استحيت اسأل الدكتور عنها





سنا الوجـد
هلا فيكي حبيبتي .... ولا تشيلي هم الوزن الي زاد ان شاء الله بعد الولادة كله يرووووح





عيو*_*ون
مشكوره حبيبتي على التوضيح
وان شاء الله تطمني على البيبي





قلـ انثى ـب
اقول حبيبتي من وين اشتريتي او بتشتري الجلابيات او القمصان حق الأم ... طبعا الي تنفع لأستقبال الضيوف؟؟؟





ظبيانية2007
غريبه والله ... يعني من اول حملك للحين ما سويتي سونار غير مره وحده بس !!!!
حاولي مع الدكتوره تسويلك الفتره هذه واذا ما سويتي عادي خليها على بداية التاسع وان شاء الله البيبي بخير [/CELL]

السلاام علييكم
ان شاء الله اليوووم اتكونووون بخير وعاافيه

انا البارحه ماقدرت انااام عدل حسيت بالآم نفس الآم الدوره.

بس الحمدالله مب واايد واايد

والبارحه بعد رحت العياده والحمدالله قالتلي كل شي تماام التماام
ورااس الياهل تحت والماي زين ووزنه بعد
الحمدالله رب العالمين

وعندي احسااس اني لازم ارتب الشنط بسرعه
اخااف اربي وانا بعدني مارتبت الشنطه بس واايد متكااسله والله يعيين

واليوم راح ريلي يحجزلي في المستشفى ايخااف اربي وهو بعده مب حااجز
وبعد عشاان ايغير الموعد اللي عطووني ايااه ايقوول انه واايد بعيد .

انتوا طمنوني علييكم شوو حاسين هالفتره؟
*_*

هلا ببنات مايو شحالكن ؟؟

اليوم كنت ميته تعب

ما رقدت الليل

ابني الاول جاته سخونة و تميت سهرانه معاه طول الليل لين بعد صلاة الفجر

و بعدين سرت الداوم و دوامي لين الخمس

الله يعين

ادع لابني يطيب

و بالنسبة للحمل أفكر ِأروح خاص اسوي صورة للبابي بس ما اعرف وين أماكن زينة في بوظبي حد عنده فكرة ؟؟؟

السلاااام عليكم ...
كيفكم حوامل أحلى رابطة وكيف كروشاتكم ...

انا الحمد لله بخير وراس البيبي خلص الحمد لله صارت تحت
ومثل ماقلتو الوقت مايمر في الشهر الثامن بسرعه
بس خلص هانت وباقي العد التنازلي

بالنسبه للتجهيزات باقي لي فراش لسرير البيبي وسريري
ومهادات حق البيبي واممممممممممم وملابس داخليه لي تقريبا خلصت باقي التجهيزات

بطني احسه يتيبس بين فتره وثانيه حده بس من غير ألم
خالتي وأمي يقولون هذي التقلصات مثل بداية الطلق بس طبعا بيكون مصاحبها ألم في الظهر
ولا أدري الموعد الجاي بعد أسبوع بسئل الدكتوره

danamoon , مجبوره عاش من شافكم اشتقنا لكم والله
والسموووحه قلبي على القصور وعدم السؤال
وباقي دندونه مالها حس ان شاء الله المانع خييير يارب

ظبيانية2007
سلامة ولدك مايشوف شر ان شاء الله
غريبه كل هالوقت ماسوو لك تصوير
تدرين انا من بداية حملي للحين كل موعد اروح فيه تصوير التراساوند لازم
لو انا مكانك مااصبر بس شكل دكتورتك خايبه والا مووووو :shy:
الله يسهل عليك وعلينا قلبي

سنا الوجد
الله يعينك على عرق النسا ذا وسلامتك

عيو*_*ون
عندي احساس انك أول وحده بتولدين في الرابطه :gum:
الله يسهل عليك وعلينا كلنا ان شاء الله بولادة طبيعيه وميسره يارب

قلـ انثى ـب
كيفك ... لاتشيلي هم الوزن كله بيروح بعد الولاده ان شاء الله
بس اهم شي مايطلع لنا كرررررررررررررررررررررررش
الله يستر

The MoOoOoN
هااااااااه بطيخه شخبارك
وينك مسنجرك على طووول بالخارج
شكلك تنامي على الكيبورد :gum: :shy:
خلينا نشوووفك عنوووني

تحياتي لكم
شوق العيووون :shy:

الله يسلمج ياغلا ...

هانت على قولتكن شهر واسبوعين والله يسهل علينا

شوق العيوووون:
ا
عيو*_*ون
عندي احساس انك أول وحده بتولدين في الرابطه :gum:
الله يسهل عليك وعلينا كلنا ان شاء الله بولادة طبيعيه وميسره يارب

:shy:

اتمنى اني اربي بسرعه ياااااااااااااااارب
صايره حسااسه زياده عن الزووم
ومتعبه ريلي من كثر الزعل, احااول اني امسك اعصاابي بس مااشي فايده.


الله يسهل علينا جميع يارب

*_*

اللهم آمين

صباح النور أحلى حوامل

اولا ابشركم ابني الكبير الحمد لله طاب و حرارته خفت

بالنسبة لي بصراحة من كلامكن و من كلام صديقاتي ما تحملت أكثر و قررت اسير عيادة خاصة أسوي تصوير

و الحمد لله اطمنت على البابي بس الوزن قليل شوي قالت لي الدكتورة خلال هل الكم اسبوع يكبر بسرعة البابي

ادع لي تتسهل الولادة

لكن الحمد لله كل شي تمام :)

طير السلام مشكورة اختي ع الرد ........

والله يقومنا بالسلامة :)

سناء الوجد
اشحاالج ؟ ان شاء الله اتكونين بخير
طير السلام

حلو يااختي الدلع بس انا قمت مااقدر اقهر عمري
ورووحي خيطي اخيرلج لانه ماشي وقت لين مايزهبوونهن الخياييط وتغسليينهن واترتبيينهن
وشنطة المستشفى انا بعد مازهبت شي وامي دووم اتواجعني اتقوولي زهبيها وانا عيزااانه .

ظبيانيه 2007

الحمدالله على سلامت ولدج يالغاليه
والله ايقومنا جميع ان شاءالله
وايذا على وزن البيبي لاتخافيين انا الدكتوره قالتلي البيبي في الشهر الاخير ايزيد كيلو كامل.

child-face

يارب الله يقومج ويقومنا الجميع بالسلاامه يارب.


*_*

مجبورة
كلنا نعاني من آلام الظهر والله اختي ما تصورين عوار حد يقطع ظهرج ... الله يعينه و يسهل علينا

عيو*_*ون

أنا مثلج أحس بألم في ظهري وريولي وان شاء الله تربين اول وحدة في الرابطه بس اتخرينا موب شوفين البيبي تنسين ونحن طاف ههههه
ان شاء الله نحن وراج بدور لنربي يارب يسهل علينا والله تفكرين في ولادة تخافين بس نفس وقت انسى عن ولادة


ظبيانيه 2007
الحمدالله على سلامت ولدج يالغاليه والله يعافيج ...

The MoOoOoN

شخبارج والبيبي...
انا ابا استخدم المشد الاندونيسي
بس بتيلي داية بتمسحلي وللبيبي ما اعرف استخد ام لا

هلا ببنات الرابطه .. كيف أحوالكم .. انا الحمد لله كملت كل اغراضي واغراض البيبي .. وبقى شنطة المسشتفى اليوم جهزتها لأن كل وحده فينا تترقب الولاده في أي وقت .. فأحسن شي تجهززين اغراض وشنطتش بروحش احسن من يجهزها الزوج او الاخوات ..
المهم يا بنات بقولكم وش حطيت في شنطتي .. وان شاء الله تستفيدون من تجهيزاتي .. واذا نسيت أي شي ذكروني فيه ..
الشنطه هذي خاصه للام مو للبيبي .. وهي عباره عن هاند باك .. وحطيت فيها
قميص للنوم خفيف ويفضل يكون قطني
قميص نوم كشخه لإستقبال الضيوف
فوط صحية للنزيف وللنفاس ( المستشفى عادة توفرها بس للإحتياط )
ثياب داخلية عدد 2 ( هافات ضاغطه ولونها غامق للنزيف وصدريه للرضاعه )
نعال او شبشب لتنقل في الغرفه
مشط للشعر + كريم للشعر
شي تربطين فيه شعرك
مجفف الشعر
فوطة للإستحمام
صابونة جسم + شامبو + صابونة للوجه
مزيل عرق
شاحن للتلفون
كاميرا فيديو مع الديجيتيل مع كل مستلزماتها من ذاكره وشاحن واشرطه
بطانات الصدرية لمنع تسرب الحليب
شال او شي تتغطين فيه اثناء الرضاعه
دعاء صغير + مسجل للإستماع للقران الكريم
العباية + الشيله + بدله للطلعه من المسشتفى
إلي مثلي نظرها ضعيف لا تنسى تجهز العدسات ومحلول التنظيف
وذكروني اذا نسيت أي شي

ظبيانية2007
اللي اعرفه المفروض من تدخلين الشهور الاخيره يصير التصوير كل اسبوعين وفي الشهر التاسع كل اسبوع صوري في مكان ثاني اذا هي رافضه والله يوفقك والحمد لله على سلامة ابنك

سنا الوجـد
الله يعينك على الالم والله يسهل عليك

The MoOoOoN
حبيبتي عندك بالدمام محل اسمه روز بشارع الحب وعندك محل السعر المنافس اما بالخبر عندك محل جابر في الدور الثاني بالخبر بلازا والله يوفقك

عيو*_*ون
نفس الالم يروح ويجي علي بس اتوقع عادي اما الشنطه فمثلك احس اني كسلانه والى الحين ما رتبتها ويوم تحسين انك خفيفه ويوم ما تقدرين تتحركين والله يعينا جميع والزعل عندنا وعندك خير

شوق العيوووون
هههههههه حبيبتي انا احاتي ان وزني ما زاد كثير ولا ادري الموضوع طبيعي والا لا وان شاء الله ما يطلع لنا كرش وبالتوفيق عيوني

طير السلام
الحمد لله انتي كيفك

tatee82
مشكوره يالغاليه على القائمه ذكرتيني باشياء ناسيتها وموفقه عيوني

علوجة يابسة
كيفك ان شاء الله بخير


child_face
منوره كيفك ان شاء الله بخير

باقي الحوامل اخباركن والغايبات وينكم عساكم بخير ؟

دمتم بحفظ الرحمن (f)

السلام عليكم و رحمة الله و بركاته
أنا في الاسبوع 33 و 4 أيام ....
أشعر باكتئاب شديد ،فأنا في بلد أجنبية أدرس فيها أنا و زوجي و لا أعرف أحد بها...
كوني سألد دون أن يكون أهلي بجانبي يجعلني أشعر بخوف شديد و لا أعرف ماذا أفعل
أرجو أن تدعوا لي