شلـون أقـدر أساعـد رفيجتـي ..؟

السـلام عليكـم ورحمـة الله وبركـاته ,,

بنـات عروس شلونكم ..؟ ان شاء الله طيبين ..؟

أنا عندي صديقتي من اعز واقرب صديقاتي لي تعاني من مشكله ... وانا بحكم صداقتي لها لابد

اني اقدم لها المساعده ..لكن شلون؟ ماني عارفه ... :sad:

هي سلمكم الله تعاني من مشكلة الوسواس ... مادري انا سميته جذي ..لأنه هي دايما تحاتي

الوضوء والصلاة .. يروح وقت الصلاة وهي تعيد الوضوء .. والصلاة تعيدها مرتين او 3 او حتى

اكثر ..يشهد علي ربي مو قاعده ابالغ ..يعني ممكن تصلي ركعتين بـ نص ساعه ..

ومشكلتها هذي مسببة لها نفسية تعبانه ..وحاستها كثير صايره بعيده عن خواتها ورفيجاتها

يعني حتى لو قعدت مع النااس تحسينها شاردة الذهن وسرحانه .. طبعا هالكلام اختها قالته لي

لانه هي ما قالت لي شي .. ولا حابه تتكلم عن هالشي ,, من كم شهر قالت لي انها تعاني من

هالمشكله لكن ما حسيتها تعاني منها كثير ... لكن الحين الواضح من كلام اختها انها متعبتها كثير

وانا حاستها متغيره ..اسألها عن اللي مضايقها مو حابه تتكلم ..

فـ انا مابي اضغط عليها وبنفس الوقت ابي اريحها واهدي بالها واخفف عليها مشكلتها ..


انا اسفه يمكن طولت عليكم ..ويمكن كلامي باللهجة الكويتيه في ناس ما تفهمني ..لكن السموحه

قاعده اتكلم من قلبي لانها والله حيل معوره قلبي وحابه اساعدها ... لكن ماني عارفه شلون

اكلمها او اوجهها بالصوره السليمه ..



القـى عندكم صدر رحب ومساعده ..ان شاء الله ..


(f)