طلبتكم ساعدوني

السلام عليكم ورحمه الله وبركاته،،،

انا مشتركه يديده وياكم واتمنى ا ني احصل الدعم اللازم لحل مشكلتي اللي ابتليت بها


حد فيكم سمع عن الشركه المتوسطيه للاستثمارات السياحيه

اذا لا انا بخبركم عنها

هي شركه تعرض عليكم خدمات الاجازه المحوله سنوياً في منتجعات العالم وهي من النوع الرخيص يعني 2 ستار ولا 3 ستار


المهم كيف تتعرفون عليهم


اذا كنتو في مول ولا اي مركز تجاري بيكم واحد يقول مبروووووك فزت معانا في اقامه مجانيه لمدة اسبوع في اي من هالدول (ماليزيا، تايلاند، امريكا، تونس، المغرب، مصر)


وتعال مكتبنا تستلم الجائزه


بس قبل اكيد بيراود في ذهنك ليش ربحت وبدون اي منافس


الرد هو

بيقولكم والله انا اختار في اليوم مثلا 10 اشخاص ارشحهم للفوز بالجائزه بس كل ما عليكم هو حضور محاضره عن السياحه واهميتها



المهم اختكم الخبله سارت على اساس انه ساعتين بس،، وامتدت المده لين 5 ساعات متواصله من الاقناع لتوقيع عقد شراء وحده سكنيه


بيتمون يزنون عليكم ا لا تشترون عقد وكيف انت مواطن ما تشتري وغيرك الوافدين يشترون والعقد مايكلف وبيتم ويام 33 سنه،،بتحصل على ديسكاوند وغيره غيره


المهم انا الخبله نشيت ووقعت العقد ودفعت 34200 الف كاش ( طبعاً درهم اماراتي)

حسافه والله


المهم انا قلت انه استثمار وببيع الوحدات السكنيه وبستثمر ليش لا وخاصه انهم قالو بيعطوني خصم على التذاكر بيوصل 50%
وانه العقد اقدر ابيعه وارجعه لهم في اي وقت وبيرجع لي المبلغ نفسه ويمكن ضعفه بس مش اقل على قولتهم

المهم زوجي ما كان موافق بس انا معانده ا لا اشتري ودفعت بالفعل المبلغ


المهم يتني ضروف واحتجت الفلوس الحينه على العلم اني ماستخدمت العقد لليوم


بغيت ارجع العقد او اخليهم على الاقل يبيعونه لي قالو والله العقد ماينباع
انصدمت شو ماينباع قلتولي بترجعون لي فلوسي كلها ويمكن اكثر مب اقل وين هالكلام؟؟؟ قالو نحن ماقلنا
ووين خصومات التذاكر ،،؟؟ قالو نحن ما اولناش انه في خصم تزاكر
وفي اشياء ثانيه قالو وماستوت
وفالعقد مكتوب ، العقد لايلغى من الطرفين (هالنقطه اللي ذابحتني) لاني سالتهم قلتلهم بس كيف بترجعون لي فلوسي اذا بيغيتها قالو عااادي بتترتب

المهم هالاشياء مش مذكوره فالعقد عشان جيه انا ماقدر ارفع عليهم قضيه،، ا


بس ودي في شخص بعد وقع عقد وندم معاهم عشان اسير انا وياه ونرفع دعوه لانه انا شاورت محامي وقالي لازم شهود غير ريلج وانا بصراحه محتايه للفلوس الحينه وبصراحه المبلغ مب بسيط.

ادري اني كنت لازم افكر قبل ما اتهور بس هم مايعطون حد مجال انه يرجع البيت ويشاور،، قالولي يا توقعين العقد الحين ولا ماشي لانه اونه مسوين عرض واذا ييت يوم ثاني يمكن يكون السعر اعلى بوايد.

يعني ماتتخيلون كيف اقنعوني ماخلو شي ماقالوه عشان اقتنع بس



اتمنى انه حد يشور علي شو اسوي

المحامي موجود بس كيف احصل شاهد