عمري انتي عندي سوال عيوني شوي صغيرة كيف اقدر اكبيرة ياقلبووووووو انتي
وكيف ياقلبي اقدر اكبير الجفن ياليت تعلمني لاني بصراحه اشوف ناس الجفن كبير وفيه لمعه غيربه ياليت تقدري تخبرني ياقلبووووووووووووو واسفه بصراحه طولت عليك
تقدرين تخلين عينج كبيرة عن طريق التلاعب بالمكياج وطريقة وضع الشادووو ,, شوفي إقري اللي بقولج عليه
وجربيه وشوفي شنو يناسبج وامشي عليه :)
- حاولي تبتعدين عن وضع الكحل القلم بالألوان الغامجة داخل عينح ,, وحطي بدل الألوان الغامجة الألوان الفاتحة
مثل الأبيض أو اللون العاجي أو اللون اللؤلؤي أو اللون الكريمي ,,
جربي قلم شانيل الأبيض
أو
قلم بورجواه الكريمي
أو جربي قلم بنفت
- ألحين دور الشادووو ,, أختي بالنسبة لجفنج هذي يسمونها الجفون المبطنة ممكن تغطينها بالمكياج وراح أقولج الطريقة ,,
وممكن تستعينين بهذا القلم من بنفت هذا القلم يشد منطقة الجفن يرفع الحاجب ,, طبعاً ما جربته بس من خلال موقعهم عرفته
ويعتبر من أفضل المبيعات وهذا هو القلم
ممكن تغطين الجفن المبطن من خلال وضع طبقة من الشادو الغامق مثل الأسود أو الرمادي أو البني أو البترولي أو الكحلي أو
الزيتي على الجفن المتحرك وتموهينه على فوق شوي ,, ممكن تحطين على الجفن الثابت شادو فاتح
أو
ممكن تحطين الشادو السموكي راح يطلع حلوووو وهو حيل حلووو للعيون المبطنة ,,
وإن شاء الله راح أزودج بالصور وراح تكون الطريقة واضحة
