تـــجــــمع لبنات التقويم (اللي حاطين تقوووووويم اسنان)

أنـــــــــــــــــــــا الشــــــــــــــــــوق

نصيحة مني روحي بعد رمضان احنا في ايام الفطر ما نرتاح من الالم
وخاصة اذا فيها خلع لازم تاخذي اشياء باردة لمدة يوم حتى يلتئم
مو عشان الاكل لان اكلي سوائل شربة لبن اندومي في الغالب
وشوف صحون الاكل وابكي عليها بس اول ثلاث اسابيع
بعدين عادي

وبالنسبة لفتره التقويم حسب الحالة تحدد الدكتورة

والشكل بعد التقويم ..

^^^^^^^^
أأيد كلام فراشة قطريه

صراحة طالع علي حلو مع اني نحيفة موت
والكل يقول طالع عليك لايق

ما ودي اشيله بس بعد العيد بشيله << وداعية

واي استفسار .. أديني رنه
ههههههههههههههههه

أنا الشوق;6919324:
السلام عليكم

شخباركم بنات؟؟؟ وشخبار التقويم؟؟؟

انا عندي استفسار بسيط وياليت تساعدوني من خبرتكم
ان شالله انا ناوية اروح للدكتور حق التقويم على نهاية الشهر، بس فكرت انه بعد كم يوم بيدخل علينا رمضان
فهل تشوفون انه عادي ومايأثر ولا فيه الم وهالسوالف؟؟؟
وبعدين شنو أقل مده حق التقويم؟؟ يعني اذا ماكانت حالة مستعصيه؟؟

امممم وبعد ماتحسون شكل الويه يتشوه مع التقويم؟؟ يعني الحلج يصير كريه خخخخخخخ
لان اعرف وحده كانت لما حاطه تقويم ماتقدر تسكر فمها كامل ويبين اذا سكرته ان في شي غريب
وانا خايفه من هالسالفه، لان ما احب شكل التقويم :o

هلاااا والله
اممم شوفى ياقلبي الالم يختلف من وحده لوحده وعلى حسب يد الدكتور كمان \
وتقريبا اقل مده اتوقع 6 شهوووررر انا بنات عمى ركبوه 6 شهور
وهو يختلف طبعا
بالعكس التقويم مايشوه الشكل انا قبل ماركب كنت خايفه مررره
ان فمى مايتسكر>>>لان كان وحده من المدرسات مدرستنى مركبه بريسز وكان فمها مايتسكر
لان هى عندها بروز بالفك على سان كذا
وانا الحين يوم ركبته عادي اسكر فمى واذا مسكر عادي
\ الشكل حلووو وطبيعى

وحياك الله
واي شئ انا تحت امرك
بندق

بنات انا خلاص الدكتور توه امس ركب لي التقويم باركوا لي هههههه:bigsmile: بس ماكان فيه وقت اسأله عن نوع الفرشاة اللي اقدر استخدمها لأن الصراحه الدكتور كان عنده زحمة مو طبيعيه حتى يوم يركب لي التقويم حسيت انه مستعجل على العموم ماعليه اذا ماسألت الدكتور قلت خلني اسأل البنات اللي في المنتدى يمكن عندهم خلفيه اكثر مني ابي اسألكم اول ماركبتوا التقويم شنو قال لكم الدكتور؟ وعطاكم شي والا لأ؟ وشنو نوع الفرشاة اللي تستخدمونها الحين ؟ وياريت تقولون لي شنو سالفة الشمع ومتى احطه ؟ أنا ادري اني ثقلت عليكم بس انا سألتكم لاني موعدي الجاي بعد شهر واعرف انكم ماراح تقصرون معاي ويعطيكم العافيه ..

ملاك الدوحة;6928314:
بنات انا خلاص الدكتور توه امس ركب لي التقويم باركوا لي هههههه:bigsmile: بس ماكان فيه وقت اسأله عن نوع الفرشاة اللي اقدر استخدمها لأن الصراحه الدكتور كان عنده زحمة مو طبيعيه حتى يوم يركب لي التقويم حسيت انه مستعجل على العموم ماعليه اذا ماسألت الدكتور قلت خلني اسأل البنات اللي في المنتدى يمكن عندهم خلفيه اكثر مني ابي اسألكم اول ماركبتوا التقويم شنو قال لكم الدكتور؟ وعطاكم شي والا لأ؟ وشنو نوع الفرشاة اللي تستخدمونها الحين ؟ وياريت تقولون لي شنو سالفة الشمع ومتى احطه ؟ أنا ادري اني ثقلت عليكم بس انا سألتكم لاني موعدي الجاي بعد شهر واعرف انكم ماراح تقصرون معاي ويعطيكم العافيه ..

ألف ألف مبرووك أختي ملاك الدوحة وان شاء الله تحصلين عالنتيجة اللي تبينها
سمعي حبيبتي أنا دكتورتي ماعطتني الفرشاة بس قالتلي اشتري فرشاة من ماركة Gum وسمعت البنات يمدحوون ماركةOral-B وناوية أشتريها ان شاء الله ، بس الشمع الدكتورة عطتني اياه وقالتلي لو خلص واحتجتي بعد روحي الصيديلية وعطتني اورقة ارويها للصيدلي عشان يعطيني الشمع بس الحمد لله مااحتجت الشمع مرة ثانية كفى اللي عطتني الدكتورة وزيادة وعلى فكرة الشمع بعد من ماركة Gum , ممممممم ايه وفي فرشاة صغنونة عطتني وحدة بس منها وقالتلي اشتريها من الصيدلية وهم هذي من ماركة Gum

اايه ماانتبهت لسؤالج عن متى تحطين الشمع ، الشمع الله يسلمج انا كنت احطه اول اسبوع تقريبا كل وقت عشان ماتنجرح شفايفي وخاصة لما اتحجى بس وقت الأكل اشله وقطه وارد احطه مرة ثانية بس لما اشرب ماكنت اشله اخليه هههههههههه عيزانة كل مرة اشل واحط بس وقت الاكل اشله .

شوفي حبيبتي فيه نقطه مهم وهي اي مشكله تحصل لك
لازم تعلمين الدكتورة
لاني انا فجاء جتني الم باسناني مو طبيعي وكنت ساكته اتوقعه الم التقويم في النهايه طلع عصب ( خاش عرض هذا وقته )
ورجعت قصة التحفير والحوسه والدوسه

وانا بعد مربكه تقوويم ....


في البدايه ارتحت بس الحين الالام الله لا يوريكم

وحتى انا ابغى اركب تقويم بس ماني عارفه فين ابغى عيادات ممتازه ومو غاليه وفيها نظام التقسيط الله يسعدكم يابنات الرياض دلووووووووووني

وكيف العيادات الاستشاريه غالي ولا يعني الله يوفق اللي ترد لان عندي نيه ارحلهم بس خايفه:sad:

فراشة قطريه
سولافة ولا أحلى
بندق

مشكوراااااات واايد حبيبات ألبي
وانا حاليا قررت اني انتظر بس يمكن اروح حق استشاره او شي جذي
لأن انا مشكلتي مب بروز في الاسنان، صايره العكس، الاسنان داخله على داخل
وصج صج كارهة شكلي وصايره استحي ابتسم واحس ابتسامتي كريهه خخخخ :o
مادري اذا تعرفون احد مشكلته جذي وهل يصلح التقويم ولا لا ؟؟؟
يعني اسنانه صايره مثل katherine heigl ، ازي اللي في grey's anatony اذا تعرفونها

اممم وبعد فكرت بالتقويم الشفاف اللي يصير مثل التلبيسه حق الاسنان

بس أمس قلت حق أمي اني آبي وقالت لي نطري لين تنخطبين :dd: تحاتي محد يبيني بتقويمي هههههههههه

محد رحب فيني :( هههه
هلا بنات عندي كم سؤال

لم رحتو تحطون تقويم باول جلسه عمل لكم الطبيب اشعه ؟؟

و كم الفتره الا بتحطون فيها التقويم المتحرك الى يحطه لم يشيل الثابت بنهايه ؟؟؟

جالسه اقري موضوع وكاتبين انه سنه كامله صحيح ؟؟

معقول بظل على هالحال سنتين ونص !! سنه ونص ثابت وسنه متحرك ّ!!

:( :( وااااااااااااااااااايد كذا ؟

اتمنى بصدق اشوف نتيجه ترضيني

بسالكم متى لاحظتو الفرق في اسنانكم بعد كم شهر من التقويم ؟

تسلمين يافراشة قطرية ويعطيج العافية على ردج لأسئلتي بس انا مقهوره من الدكتور لانه ماقال لي شي عن الفرشاة والشمع :poster_spam: اراويه الشهر الجاي ههههههههههههه:sm179:
يعني فراشة تنصحيني بفرشاة Oral_B بدال GUM ..؟ وياريت توضحيلي عن الفرشاة الصغيره اللي قلتي عنها
حقت شنو مافهمت ؟ ومتى استخدمها ؟

محد رد عليا وين بنات الرياض:sad:

ملاك هذا كل شي عن التنظيف

JUST ONE LOVE;4178018:
للجديدات في عالم التقويم
بحط لكم ادوات تنظيف الاسنان المخصصه للتقويم وكيفية التنظيف بالصور واي استفسار انا حاظره..

1.الأغراض المطلوبه>>طبخه مو تنظيف اسنان لووول


اولشيء الفرشاة الصغيرة لتنظيف الاوساخ المتراكمة ماحول الحواصر(ملاحظه:هذه الفرشاه غير مهمه البته)

ثاني شيء الفرشاة الرفيعة لمابين الاسلاك(هذه مهمه جدا)

ثالث شيء الفرشاة العاديه( طريقة التنظيف 45 درجه فوق السلك و 45 درجه تحت السلك كما هو موضح)


ملاحظه:ممكن استبدال الفرشاة الثالثه بفرشاة مجوفه من الوسط مخصصه لتقويم الاسنان بحيث يتم تنظيف الاسنان بطريقة عادية دون الانتباه للسلك.

ابي احد يجاوبني على اسئلتي

هلاااااااااا أختي رورو خانو ومرحبا بج في منتدانا يا الغالية وعذريني لاني ما انتبهت لاسئلتج

لم رحتو تحطون تقويم باول جلسه عمل لكم الطبيب اشعه ؟؟ انا سوتلي الطبيبة الاشعة في نفس اليوم اللي ركبتلي التقويم يعني اول ماركبته سيدة ودتني عند غرفة وصورت اسناني وعقب خذتني لغرفة الاشعة
و كم الفتره الا بتحطون فيها التقويم المتحرك الى يحطه لم يشيل الثابت بنهايه ؟؟؟ هذا بصراحة مااعرف عنه شي لاني توني في التقويم الثابت

جالسه اقري موضوع وكاتبين انه سنه كامله صحيح ؟؟ ممكن ليش لاء بس انا سمعت أنه نص سنة يمكن كل وحدة تختلف عن الثانية

معقول بظل على هالحال سنتين ونص !! سنه ونص ثابت وسنه متحرك ّ!! ليش لاء ههههههه نتحمل كل شي عشان الابتسامة الحلوة
وااااااااااااااااااايد كذا ؟ نوعا ما

اتمنى بصدق اشوف نتيجه ترضيني <<< ان شاء الله يا رب

بسالكم متى لاحظتو الفرق في اسنانكم بعد كم شهر من التقويم <<< انا صراحة لاحظت ان اسناني بدت تتغير من اول شهرين واحين تقريبا لي 4 اشهر والفرق وااااااضح والحمد لله

اتمنى اكون جاوبت على كل اسئلتج

ملاك الدوحة;6944803:
تسلمين يافراشة قطرية ويعطيج العافية على ردج لأسئلتي بس انا مقهوره من الدكتور لانه ماقال لي شي عن الفرشاة والشمع :poster_spam: اراويه الشهر الجاي ههههههههههههه:sm179:
يعني فراشة تنصحيني بفرشاة Oral_B بدال GUM ..؟ وياريت توضحيلي عن الفرشاة الصغيره اللي قلتي عنها
حقت شنو مافهمت ؟ ومتى استخدمها ؟

الله يسلمج حبيبتي ولاتنسين تخبرينا عن الهوشة اللي بتصير الشهر الجاي ههههههههههه
ممممممم بصراحة مااعرف عن ماركة Oral-B اي شي وGum حلووة بعد بس الكل يمدح Oral-B وان شاء الله البنات يخبرونا عنها اكثر بس لازم تقولين للصيدلي فرشاة التقويم عشان مايعطيج فرشاة عادية لان كل ماركة فيها اشكال وانواع في فرشاة للتقويم وفي بعدالفرشاة العادية فلازم تقولين له.


الفرشاة الصغيرة الله يسلمج حق المسافات اللي بين الاسلاك اللي ماتوصل لها الفرشاة العودة وبحطلج صورها وأنا استخدمها كا ما ارفش اسناني عشان اشل كل الاكل اللي بين الاسلاك




وحتى أختي رورو خانو حاطة صورتها وهي الصورة الثالثة

بس انا الدكتور ماسوالي اشعه :( ؟ هل هي شي ضروري ؟

انا ع طول اخذ القياس وثاني يوم نظف اسناني وحطلي التقويم.؟

يسلموو فراشه ياذوق

وانا نفس شئ ماسوي لى اشعه
اممم اتوقع مو ضروريه لكل الحالات

رورو خانو;6951871:
بس انا الدكتور ماسوالي اشعه :( ؟ هل هي شي ضروري ؟

انا ع طول اخذ القياس وثاني يوم نظف اسناني وحطلي التقويم.؟

يسلموو فراشه ياذوق

الله يسلمج أختي رورو خانو

أختي رورو خانو ما اتوقع ان الاشعة ضرورية لانه خذ قياس اسنانج،،، والله اعلم ويمكن مو ضرورية لكل الحالات على قول اختي بندق وعلى فكرة انا الكتورة ماخذتلي قياس اسناني يمكن كل طبيب وله طريقته الخاصة وعلى حسب حالة الأسنان بعد

اختي رورو خانو انتي شلون خذولج قياس اسنانج يعني شالطريقة؟؟؟

اهلين مممممممم حط لي ماده لونها ازرق فيروزي كذا لمدة عشر دقايق كذا

يمكن مو ضروري مره خايفه على اسناني ههههه وانتظر النتيجه وبكره بكمل اسبوع من يوم حطيته ههههه مستعجله مره
مره ودي ابتسامتي تصير ابتسامة هوليود > متفائله البنت

شخباركم انتو