تـــجــــمع لبنات التقويم (اللي حاطين تقوووووويم اسنان)

مساء الخير ياحلوووات

أنا ماكان العيب واضح باسناني بس انا حاسه ان فيه بروز

وباخر سنوات اسناني اللي تحت صار فيها ازدحام مع انه قبل كانت مرتبه جدا

وقررت اسوي التقويم ورحت له تخيلووا وش قال

قال فيه بروز بالفك العلوي وازدحام بالاسنان الللي تحت

بصراحه انا رحت له ما اعرف وش السالفه تهي تهي

سوا لي تقويم معدني بست الالآف ريال

بأول يوم رحت له خذ المقاسات وخلع لي ظرس
وعطاني موعد بعد يومين وجيت خلع لي ظرس وركب التقويم

وش فيه ابو الشباب مستعجللللللللللللللل

وبأول الايام كرهت نفسي بمعنى هالكلمه وكرهت التقويم والحياه

ووشريت معجون لتخفف الالم هو جل تسنين الاطفال يخفف الالم الموضعي وطبعا
بنادول

واكل سوفت وانا لسى اول موعد اليوم ما رحت له

ودي أجله بعد اسبوع عشان الامتحانات الاسبوع الجاي

ومعجوني كرست وفرشات الاسنان

اشتريت فرشاه عريضه ورفيعه بس ماعجبني الوضع

وعندي اورال بي بس ما تنظف ورجعت لفرشاتي القديمه

قبل التقويم احسن بكثير

اسمها تريسا واجلس وقت كثير قدام المرايه عشان انظف اسناني زين

لان التفريش ما طلع مثل اول سهل وخلصنا

وبعد سنه ونوص بشيله

وافكر احط تقويم شفاف شلون ماخطرت لي هالفكره من قببببببببببببببببببببل

هلاااا وغلاااا أختي رشة عطر

مبروووك على التقويم:bigsmile: ، وعلى الإبتسامة الجديدة..

أختي كلنا في البداية كرهنا حياتنا بسبت التقويم ، لكن مع الأيام تعودنا ، لا تخافي ان شاء الله بتتعودي وبيصير الأمر جداً عاااااااااادي..

تحياتـــــــــي ...

قوه الربع
شلونكم
شلون التقويم عسا مو معذبكم>>تستهبل الاخت

شوفو شسويت لي.. سويت لي الي يحسب مدة التقويم :P>>متخرعه لاتلوموني

بنات فرشاتي نسيتها لما سافرت

ولا حصلت بالصيدليات مثلها احس اها عاجبتني

اللي يجي فرشاة والطرف الثاني فرشاة صغيرة

وين احصلها وشنو نوع الفرشاة اللي تستخدمون

هلااا أختي طقم ألماس

ان شاء الله تلاقي مثل فرشاتج اللي نسيتيها...

وإذا لا فيه فراشي خاصة للتقويم .. جربيها وان شاء الله بتكون زينة...

هلااا وغلااا فيج أختي ..( سحاب الأمل )..

ومرحبا فيج ويانا .. ومن قال بنطردج أنتي مكانج على العين والراس ..

والتقويم صح حلو وحاجة مميزة في الواحد ،، بس إن شاء الله ما تحتاجينه لأنه بصراحة ألم وتعب:sad:

والله يعيننا ويسهل على الجميع ..


تحيـــــاتي لك وللجميع .. لجيـــن ..

:qaq: اما انا ركبت البريسز من سنتين تقريبآ والحمد لله فكيته من يومين بس يابنات انتبهو من الدكتور لما يشيله والله يعور:sad: يعنبي اتشهدي قبل مايشيله وحاولي تهونين على نفسك والمتحرك حلو بس فيه عيب وهو انه يقلب يقلب كلامك ومحد فاهم انتي وش تقولين والله يعينكم >>>>>وحده افتكت منه:shy:

إن شاء الله ألف مبرووووك يا أنالولو ... وعقبالنا إن شاء الله ...

وأكيد لما يشيله يعور ،، إذا يوم يحطه ويبدله كل شهر أموت من الألم ،، عاد كيف لما يشيله ...:sad:

لكن ما أقول إلا الله يصبرنا إن شاء الله ...

ومرة ثانية أقول ألف مبروك يا أنالولو ...

مرحبا كيفكم صديقات التقويم انا حاليا يا عزيزاتى وصلت للمرحله اللي احط لى اليستيكات اللي لازم اغيرها كل يوم جهة اليميمن من تحت لين فوق واليسار من فوق لين تحت ااخ الله يعينا

سلاااااااااااااااااااام

شلونكــن بنات

انا اول مرة ادخل على هالموضوع وبصراحه ترعبت

حاطه ببالي اسوي تقووويم فقلت لازم المشورة

كذا دكتور اروحله ويقولي مايحتاج بيخرب اسنانكـ وانا

عندي بروز خفيف بالفكـ العلوي وتحت تمام التمام الحمد لله

بس مع كل هذا مصره عليه وفي نفس الوقت خايفه اخلع

موفرة اسناني للزمن البعيد ههههههههههههههه

فشرايكم اعمل ولا لا

ووين اسوي التقويم وانا من جـدة

فكرت اعمل عند دكتور البزرة ببقشان وشرايكم

وآسفه عالاطاله

اول شي حبيت اشكر اسيرة قلبة على هالموضوووع الاكثر من رائع ......
انه عندي موعد خلال هالشهر وباحطة بس حدي خايفة .....
مااادري شاسوي... واكيد في نفس الوكت مستانسة لاني احسه ستاااايل......

السلام عليكم ورحمة الله تعالى وبركاته
انا لي سنه و3 شهور من حطيت التقويم وبأذن الله قريباً راح اشيله وسويته في الرياض عند سيجال لطب الاسنان د- سليمان العمران الله يجزاه كل خير بصراحه روعه والحمدلله خذ مني 15000 بس يستاهل والحمد لله رب العالمين على كل شي
واي استفسار انا جاهزه

مرحبا فيج أختي دلع العروس ..

لا تخافي وتوكلي على الله وحطي التقويم ..
صحيح في البداية راح تتضايقين من الشي اللي حاطتنه على أسنانج :bigsmile:
لكن بعدين راح تتعودين ويصير أحلى ستااايل ..


:9_33:

وأنتي أختى امجاد .. مرحبا فيج ويانا ..

وإن شاء الله عن قريب تفرحين بالإبتسامة الجديدة والحلووة ..
وباللوك الجديد ..

اهلين متقوووووووومات اخباركم

وش الجديدعندكم

انالاجديد
عندي موووووووعد باول يوووم امتحانات بس اسال انالي سبع شهوووروالى الان ماتقفلت
الفتحاااااات ليه انااكذ؟متى تتوقعوون تتقفل لان باقي فتحه بسيطه لليمين واليساراكبرشوووي
تصدقوووووووون زهقت بالحيييل ودي يجي رمضان علشان يكوون لي سنه وتهوون علي شوووي
بنااات اللي وصلت عندسنه كيف صارت اسنانهااا :2_106:
اهات// رجاءاذاحسيتي ان ضحكتك موبشعه كثيرلاتسوووووووووين تقوويم وتتعبين
تراه مشواروراعي طووويله

موفقين

صباح الخير ياحلوات انا اليوم اول مرة اقرا لكم الله يديكم العافية بلييز في احد يعرف طبيب كويس في المدين
في المدينة يقولي لاني مرة خايفةاعمل تقويم وتجاربي مع اطباء الاسنان اسود من جبال الحرةالشرقي
الحرة الشرقية علىالغربية وابغى اعرف ايش يختلف الثابت عن المتحرك وكمان عن التبييض لاني منح
من حوالي سنة عملت تبييض صارتصفير كراهني في نفسي

السلام عليكم

شخباركم ياحلوووين ؟؟
رجعت لكم :pain:
تعالوا شوفوا وش صار معي ::( الله لايوريكم اللي شفته

انا بديت في تركيب التقويم في الاسنان الاماميه والباقي بعد الخلع بيركبهم بس
عندي الضرس اللي تحت مكانه صعب وطالع من جنب فقالي الدكتور الافضل
انك تخلعينه عند جراح لان مو اي دكتور بيخلعه لك واذا احتاج جراحه بيسويها

انا طبعا مدري عن شئ ورحت امس وبعد ماكشف قالي شرايك اخلعهم كلهم الحين
وتخلصيين واحد تحت ع اليمين والثاني فوق ع اليسار قلت اوكي ع اساس اخلص وارتاح

بس يووم جا يخلع اللي تحت وبدا فيه عيااااااا لايطلع :sad: حاول ومافي فايده
سوووا لي اشعه قال جذوره ملتويه داخل ولازم اشق اللثه عشان اقدر اطلعه

انا ذاك الوقت بغيت امووت من الخوف والالم احس راسي كله يألمني قلت حاول
انك تطلعه بدون شق قااال ابد مافي فايده بتتعبين ولا بيطلع لااااااااااازم شق :confused:

وبس بدا يشق ويطلعه وهو ناشب عللللللللله هالضرس :angry: وبعد طلووع الروح خلعه
الحمدلله :sad: طبعا سووا لي خياطه وقالي تعالي الاسبوع الجاي عشان افكها

وتركيب التقوويم بيتأجل :confused: لان الضرس الثاني ماخلعته للحين
ااااااااااااخ الله لايعيده من تقويم وربي سالفه روح وتعال واخلع شغلانه :cry:
متى اركبه واخلص الله يعيين بس
..
بسألكم يابنات انا الحين وجهي مورم ومتنفخ واذني تعورني اخذت مضاد وبروفين
بس وش اخذ عشان يخف التورم تعبني والله ؟؟:confused::confused:
وسامحوني طولتم عليكم

هلا أختــــي .. صمت الدروب ..

الله يعينك إن شاء الله .. وبإذن الله عن قريب تحطي التقويم وتفتكي ، لأنه بعدين الموضوع بيصير أهون شوي..
لكن المتعب في السالفة كلها قلع الأسنان ، وعاد حالتك صعبة يا حرااام ، لكن إن شاء الله يصير كل شي تمام يااارب..

بالنسبة للورم إللي يصير في الخدود والوجه هذا عادي حتى أنا صار عندي لما قلعت أسناني ، ويصير من التخدير والجرح والألم.. بس لا تخافي بإذن الله بيزول الألم .. حاولي تاخذي مسكنات ولا تاكلي الأكل الخشن خليك على السوائل أحسن ..

وإن شاء الله الأمور تتيسر وتتسهل لك وللجميع ياااااارب ..

والله يعطيكم العافية جميعاً ..

الله يعينكم وان شاء الله تفروحون باجمل ابتسامه

صديقتي بتسوي تقويم في جده وماهي عارفه فين تسويه وكم يكلف فيه ناس مدحو لها المدار

الله يسعدكم الى تعرف تساعده

صمت الدروب كمدي المكان بالثلج وان شاء الله يروح التورم

وبالنسبة للعيادات تبع التقويم بجده انا كمان ابغى اعرف وين اروح اسوى ابغي واحد شاطر

عشان الدكتور قالي لازملك استشاري عشان ماتخرب اسناني

وفيه ناس مدحوا لي نجيب فرعون والاسعار على حسب الدكتور هو اللى يحدد

واللى اعرفها عملته بـ 14 وكمان صديقتي عملته بالمدار بـ 5 بسسس تخيلي

بس في النهاية مو مشكله السعر اهم شي يكون تمام والنتيجة ترضى

وسورى عالاطاله