تـــجــــمع لبنات التقويم (اللي حاطين تقوووووويم اسنان)

اهلا ااختي أحـ!!..عاشقة ومعشوقة..!!ـبك

اذا بتنتظرين نعيم.. نطري لين 2012
لان ناس اعرفهم مقدمين من 1995 وتوه الحين طالع لهم نهاية السنه هذي

والاحسن والافضل انج تروحين خاص

اعرف دكتور في مركز جوسلين للسكر
يسوي تقويم وممتاز
واسعاره جدا معقوله
اسعاره تبتدي من 800 لين اخر شي 1200
وتقدرين تدفعين اقساط تريحج وايد
واذا اسنانج تحتاج تقويم لاتسكتين
قولي لاهلج عشان لاتزيد مشاكل الاسنان عندج

حبيباتي طيب وش رايكم يعني اخليه وقت زفتي ولا اشيله لأن انا فستاني موف وسكري
اخلي لونه موف ولا اشيله لاني حاسه بفشله وقت التصوير شكلي يطلع مو حلو
وانا بيني وبينكم حاسه ان خطيبي يتضايق منه هو ما قال لي بس انا حسيت شنو رايكم؟
بالله ردو علي

بنات قالتلي الدكتور مو لازم اخلع من الضروس لان اسناني فيها فراغات وعندي ضرس خالعتة من زمان

سؤاااااااااااااااااالي

هل الاسنان حتميل الى الاتجاة الاوسع يعني اتجاة الضرس المخلوع او لا مجرد خوف مني

لاني لقيت وحدة بالمستوصف خلعت لها الدكتورة ضرس واحد ومالت اسنانها اتجاة الضرس المخلوع

طقم الماس

ليه تميل الاسنان ؟؟ المشكله بالدكتور اما الميلان ماله دخل بخلع الاسنان

انا نفس حالتك عندي اسنان مخلوعه من قبل عشان كذا ما احتجت للخلع

والفراغ انسد من شد الاسنان وضغطها على بعض ورجوع الفك

الأسنان ماتميل ياقلبي الطبيب هو اللي يحركها ويغير موقعها
وعادةً لابد يكون تناظر بين الطرفين يعني لما يخلع لك ضرس من طرف الأكيد أن عندك ضرس مخلوع مسبقاً بالاتجاه الثاني أو مفقود
هنا مراح يكون في ميلان بالعكس راح يعدل خط الوسط وترتيب الاسنان بطريقه طبيعيه
إذا توك بمشوار المعالجات هذا طبيعي لان بأول المشوار عادةً تكون في تغيرات مزعجه مثلاً تفرغ الاسنان وبروزها للأمام وبعد تترتب على حسب الخطه العلاجيه اللي يرسمها طبيب التقويم

موفقه عيوني ولاتحاتين وبإذن الله مافي إلا الخير

ولكم فائق تقديري وإحترامي
دمتم بخير

JUST ONE LOVE:
اهلا ااختي أحـ!!..عاشقة ومعشوقة..!!ـبك

اذا بتنتظرين نعيم.. نطري لين 2012
لان ناس اعرفهم مقدمين من 1995 وتوه الحين طالع لهم نهاية السنه هذي

والاحسن والافضل انج تروحين خاص

اعرف دكتور في مركز جوسلين للسكر
يسوي تقويم وممتاز
واسعاره جدا معقوله
اسعاره تبتدي من 800 لين اخر شي 1200
وتقدرين تدفعين اقساط تريحج وايد
واذا اسنانج تحتاج تقويم لاتسكتين
قولي لاهلج عشان لاتزيد مشاكل الاسنان عندج

هلا والله يالغلا..
مشكورة عالرد ..


حـــــــــشى .. من 95 توه الحين ؟؟؟؟؟؟؟

هذا الواحد يموت ويرد يحيا .. وهذيل للحين ماعطونا موعد ههههههههههههههههه

حرام عليهم .. شنو هالتأخير كله ..

وإن شاء الله أقول للبيت ..

ويعطيج العافيه حبوبه ..:)

..

اسيرة قلبة يعطيك العافية

كم ضرس مخلوع عندك انا ضرس واحد

أنا بعد مركبه تقويم من كم شهر

أختي أرتعاش الندى
أنا سمعت بدكتور في مستشفى المانع اللي بالدمام بس ماذكر وش أسمه

وفي عندك بالاحساء المدار لطب وتقويم الاسنان الدكتور إباء قداح وزوجته الدكتوره أسماء مشاء الله عليهم قمه في التعامل وشغلهم تبارك الله الدكتور إياء إستشاري وأخصائي تقويم
وأسعارهم تختلف على حالة الاسنان
ماعرف رقمهم أتصلي على السنترال وطلبيه إذا ماخنتني الذاكره مكانهم بشارع الظهران عند مكتبه

بالتوفيق

بنات انقذوني شو اسوي افك التقويم بيوم زواجي ولا وشلووووووووووووووووون؟؟

هلا حبيبتي طقم الماس انا كان 3 اللي شايلتهم ويوم حطيت التقويم قلت لها تشيل الرابع عشان يصيرون متساوين

وعوووده الله يهديك بس شكلي بجي اسحبك للدكتور واخليه يشيله لك

يابنت احنا مانقدر نقيدك ونقول ايه شيله بعدين تهملينه او نقول لا لاتشيلينه بعدين زوجك ينزعج

اللي تشوفينه مناسب سويه

اذا انتي مب عجازه ومارح تهملينه وبترجعينه بعد الزواج براحتك تشيلينه

اما اذا بتتكيسلين لاتشيلينه لأنه بيروح عليك وبتخرب اسنانك

طيب ليه عصبتي اسيرة قلبه كله سؤال وبغيتك تفيديني فيه لا اكثر ولا اقل

عموما الله يسامحك على ردك ومو ضروري انتي اللي تردين علي اذا مابغيتي عادي



ثانكس

هايات لك اسوووورة ولكل الحلوات الحسنوات صاحبات الابتسامة السلكية(نسبة الى اسلاك التقويم)ههههههه


ابشركم وبحمد من الله فكيت تقويمي وانا الآن بالمتحرك بصراحة شكله رووووووووعة بس ياهو يطفش وينحف

ماعندي شغله غير المراية والعلبة

ياما افك وياما البس اشغلني والله الثابت احسن بكثيييييييييييييير

يالله عقبال كل الحسنواااات الحلوات وعقبال الابتسامة اللاسلكية يارب


عائدااااااااااات

وعوده شدعوه تراي امزح معك يوم قلت اخذك للدكتور تفكينه بس حيرتيني من جد هههههههههه

عموما الله يوفقك واللي تشوفينه مناسب سويه او شاوري زوجك

العائدات

مبرووووووووووووووووووووووووووووووووووووووووووووووك ماشااااااء الله اخيرررررررررراااااااااا

عقبااااااااااااالي ادعي اخلصصصصصص بسررررررررررعه اهئئئئئئئئ

مرحبا لصاحبات الابتسامة السلكية على قول اختي العائدات
من زمان دخلت الوضوع وشاركت فيه..شخباركم مع التقويم..

اختي اسيرة قلبه ودك تفكينه بس انا لا والله ما ودي
صح يطفش بالتفريش بس احس اذا نزلته بترجع اسناني .

حفيدة الصحابه ايه والله ودي الليله قبل بكررررره :(:confused:

احب زوجي وعيالي العصب لاتشيلينه لأنك مارح تقدرين تركبين تقويم لأن الدكتوره قالت لأختي ماينفع احط لك تقويم وانتي شايله العصب عالجيه بالحشوه والافضل ليزر

وبالنسبه للبني لازم ينشال لأنه من الطفوله ماطاح فيضطرون يشيلونه

معقوله الي تشيل العصب ماتقدر تسوي تقويم اتمنى احد يفيدني تحطمت والله الله يستر اي واحده شايله العصب وعملت تقويم تخبرني الله يجزاكم خير

هلا بنات

أنا كنت مركبه تقويم وألحين خلاص بطلته من سنه تقريبا

بس لازم ألبس التقويم المتحرك وأرووح المواايد بس انا متعايزه ومسويه طااف

وأحس أسناني بدت ترجع نفس قبل شوي

لكن يوم ارد ألبس التقويم المتحرك تتعدل

والله العياااازه برووحها سالفه

احب زوجي وعيالي:

[grade="00008B FF6347 008000 4B0082"]
السلام عليكم وش مسوين يامتقومات عقبالي ان شاء الله حبيت اسالكم انا عندي ناب لبني وطلع وراه الاصلي اذا رحت اركب تقويم لازم يشيا الناب اللبني واجلس كذا من دون سن (r) صح احد مر بالتجربه هذي
وبعدين اذا الاسنان مسوسه هل تحتاج شيل العصب ولابس تنظيف ومتى يحتاج شيل العصب وهل كل شي يتم ببنج ردو وحده غشيمه باطباء الاسنان [/grade]

حبيبتي اذا شال اللبني ماراح يكون المكان فاضي لأنك تقولين طلع اللي وراه

واذا ماكان وراه شئ عادي اذا ركبتي التقويم بيتسكر الفراغ يعني على قولة الاماراتيات ماشي مشكلة

انا كذا كان عندي لبني ولما شلته مافيه شئ طلع وراه اثاري ابو الشباب متخبي فوق بالجيوب الانفية وشالوه بعملية جراحية وبعدين ركبت التقويم والحمد لله فكيته قبل شهر تقريبا واسناني صارت شئ من الاشياء هههههههه


وبعدين اذا كان التسوس سطحي مايحتاج شيل عصب اما اذا كا عميق ويوجعك بيشيلون العصب بس من ناحية احسن شيل العصب تشربين بارد ولا حار ماتحسين بشئ(لاتصدقين عاد قد ماتقدرين تحافظين على اسنانك حافظي ترى مافيه مثل خلقة ربي)


ومن ناحية البنج لازم اي شئ فيه (حكحكة) ودريلات يحطون البنج بس علشان ماتوجعك الابرة خليهم يحطون لك بنج موضعي لما يتخدر الموضع بعدين الابرة وماراح تحسين بألمها انا كذا يسوون لي

وبعدين حبيبتي العصب ماله دخل بالتقويم اللي ممكن يسبب اشكالية اذا كان باسنانك الامامية تلبيسة هنا بيصير فيه منعطفات

انت الظاهر ماعمرك شلتي عصب علشان كذا تحسبينهم بيشيلون من فمك توصيلة

العصب مثل الشعرة الصغيرة مرة ومايوجع اذا شالوه

يالله عاد بلا دلع بنات وخبرينا متى بتصيرين سلكية

(تلاحظون اني طولت وسويت سالفة معليش )




اسووووورة عقبالك يارب ويعلك هالغثيث وتقعدين وتوقفين وتنامين والمراية والعلبة معك ههههه

عقبال ماتصيرين صاحبة الابتسامة اللاسلكية







Dr.عائدات .com