تـــجــــمع لبنات التقويم (اللي حاطين تقوووووويم اسنان)

مملكة القلوب انا بالنتظار موضوعك لاتتأخرين
وجزاك الله خير مقدما

ايه والله يامملكة القلوب جزاك الله خير الحقينا

انا امس رحت موعدي وركبت لي بدال اللي طاح وفكت لي اللي بالسن الامامي ونزلت موقع البرايكت لتحت شوي

المهم يوم رجعت للبيت اللي قدام ماطاح لكن اللي طاح الثاني وركبته رجع طاح مره ثانيه مادري شسالفته هالضرس ذبحني

هذي ثاني مره تركبه ويطيح بروح وبتركبه للمره الثالثه :(

أن شاء الله عن قريب بس أرتب للموضوع وراح أنزله

أختي أسيرة قلبه
كثير تحصل وممكن تتفك أكثر من مره
لكن الأهم أنه ينظف مكان الكومبزت من على السن وترجع ثاني تعيد خطوات الإلصاق هنا راح تثبتها بشكل أفضل
وأن شاء الله مراح تفك

حنا .. لما تتكرر معنا هذي الحركه أكثر من مره نلزقها بالكومبزت الضوئي لأنها بتكون غالباً أقوى وماعاد تتطيح

ولكم فائق تقديري وإحترامي
دمتم بخير

السلام عليكم ورحمه الله وبركاته

كيفكم متقوماااااات مااشتقتوالي ولاحدسال عني افااااااا:angry:

المهم كيف الاخباراسورره والبقيه

احب زوجي وعيالي ياقلبي اسمحي لي على التااحيروالله جتني ظرووووووووف

واشغلتني اني ازورالمنتدى الله لايشغلناالابطاعته

المهم كيف اوصف لك شكله هومربعات على كل سن وتكووون سيراميك شفاف بس اذاقربتي
من قدام لونهازي طبقه الاسنان
والسلك جاي شفااااااف في كذابنت بهالمووضوع مركبته ومثل بنوتة اماراتي

والصوره ماعندي بس داايم تلاقينهاابالمبوبه وحتى بالمستشفياات اتمنى حديفيدك والاسوي بحث
وبتشوووفين الصوره

وهي ميزته انه يصلح للي متعقدين من شكل التقووويم مثلي ومثلك وشرواناواناانصح اللي
فيهاعيب باسنانهاوماتحب تركب التقويم
تصلح اسنانها بهذاالتقوويم لان مايعطيك احساس الضيق بالشكل
وخاصه انك تنحرجين من شكل التقوويم وانتي بذاالسن
وانااقوولك ركبي التقووويم ويصلح لعمرك
موفقه


اسوره وش رايك بالمعجوون بعدمااستخدمتيه تحسين بياض وانتعاش والاانتعااش فقط

والفرشه ماتصلح لتقوويمي كم راس لهاا:shy:
موفقه

بنات هل صحيح ان التقويم يسبب نزول باللثه وعلاجهاتقطيع اللثه عن طريق الجرااحه
من فيكم صارفيهااكذاا؟؟؟؟؟؟؟؟؟:sad: :sad:

سلام عليكم جميعا

اخر التطورات اللي عندي رحت لموعدي الاخير و اكتشف الدكتور اني للحين ما وقفت العاده البايخه اللي عندي

اللي هي عض الشفايف عشان جذي يقولي ماراح يتقدم العلاج عدل لانه كل مايدخل الاسنان لداخل بالتقويم انا اطلعهم لبره بالعض و هكذا و عقابا لي و ردعا لأمثالي حط لي إلاستك 4 وحدات تشد الاسنان لبعض و هذول المفروض ثابتين ما اشيلهم انا هم يشيلونهم و ثنتين مشبوكين من الفك العلوي للفك السفلي ( مادري شنو شغلتهم ) بس اشيلهم وقت الاكل و التنظيف

بس لاني كنت رايحه الموعد الظهر بعد طلعتي من الدوام مادري شقالت لي الممرضه عن الألاستك فرجعت البيت و شلت الثابتات اللي المفروض ما اشيلهم و الله يا ني تعذبت معاهم ساعه كاملة احاول اشيلهم لانهم صغار ماينشدون باليد هم ركبوهم بملقط خاص .. اخرتها جبت لهم مشبك شعر و شديتهم وركبتهم بس ودي اذا منكم احد مركب هالمطاطات يعرف شنو شغلتهم يقولي


و بس هذا تقرير مفصل عن موعدي الاخير :)

عن نفسي خلصت وافتكييييييييييييييييييييييييت الحمدلله
عانيت منه وووووووايد

لدرجة اني ما كنت آكل من الاحراج ويعلق الأكل في الضروس
طبعا المشكلة انه كان فكي صغير ويبون يكبرونه شوي

والحمدلله سنتين ونص وطلعته

من عمري 16 الى 18..هذيج السنة طلعته


التقويم اللي كنت حاطته ما أدري شو نوعيته لكن الاحظ حلجي جاف ومتشقق
اعتقد من سبة جفاف التقويم لأني ماكنت أهتم وايد بالتنظيف

بعد ماطلعلي الجير طبعا كنت كل شهرين أسوي تنظيف وأرتاح وايد

وأحين عندي فرشاة الأسنان المتحركة بالبطارية شكلها دائري وأنصح كل وحدة محطية تقويم تشتري هالنوعية من الفراشاة وكل شهرين تسير تسوي تنظيف
وتحافظ على اللثة





يله عقبال كل وحدة محطية التقويم تطلعه

^_^

عن نفسي خلصت وافتكييييييييييييييييييييييييت الحمدلله
عانيت منه وووووووايد

لدرجة اني ما كنت آكل من الاحراج ويعلق الأكل في الضروس
طبعا المشكلة انه كان فكي صغير ويبون يكبرونه شوي

والحمدلله سنتين ونص وطلعته

من عمري 16 الى 18..هذيج السنة طلعته :qaq:


التقويم اللي كنت حاطته ما أدري شو نوعيته لكن الاحظ حلجي جاف ومتشقق :confused:
اعتقد من سبة جفاف التقويم لأني ماكنت أهتم وايد بالتنظيف

بعد ماطلعلي الجير طبعا كنت كل شهرين أسوي تنظيف وأرتاح وايد:ok:

وأحين عندي فرشاة الأسنان المتحركة بالبطارية شكلها دائري وأنصح كل وحدة محطية تقويم تشتري هالنوعية من الفراشاة وكل شهرين تسير تسوي تنظيف
وتحافظ على اللثة





يله عقبال كل وحدة محطية التقويم تطلعه

^_^

اماراتيه حيل شكلها مشكلتك مثلي

انا بعد فكي اللي تحت صغير فيبين وجهي ضعيف و عندي بروز الفك العلوي

الحين الدكتور يشتغل على انه يخلي البروز اللي قدام يدخل لجوانب الفك العلوي عشان يعرض وجهي

بس سنتين وايد وبعد السنتين تحسين فكك توسع وشنو التغيرات اللي حسيتيها؟

مملكة القلوب :(:(:(:sad: تخيلي اليوووووووووم طااااااااااح اللي ورا مررررررره :(:(:(:confused: يعني لازم اروح لها تركب لي الاثنين اللي طاحووووووووا

وهج ياهلا والله وغلا شخبارك حبيبتي الفرشه ممتازه يجي معها 4 رؤوس وحده تستخدمينها و3 غيارات رررررررررررررررررهيبه والمعجووووون يهبببببببل بصراحه انتعاش ونظافه وكل شي

مراوي :eek: انتي اللي تفكين البلاستيكات اللي على الاسنان ؟؟:qaq:

وعلى فكره يابنات رحت للموعد الاخير يوم الاثنين اللي راح وفكت لي البرايكت اللي قدام وحطت بداله واحد وركبت مكان اللي طاح وللأسف رجع طاح مره ثانيه اما اللي قدام اشوا ماطاح
بس والله يوم فكت البرايكت يعوررررررررر وغيرت لي السلك والالوان
واليوم طاح البرايكت اللي ورا اخر شي

اسيره قلبه .. المطاطات اللي ثابتين المفروض م اجيسهم لان صغااااار و بالقوه ينشدون بالملقط و حضرتي قعدت عليهم قعده لين شلتهم و انا اقول في خاطري من صجهم ذلين يبوني اشيلهم و احطهم وقت الاكل و وقت الغسل

اثاريهم يقصدون النوع الثاني اللي يوصل بين الفك العلوي و السفلي ذلين كانو مرنين اكثر و سهل تركيبهم

بس هذي غلطه اللي يروح الموعد الظهر حزه زحمه الشوارع و بعد تعب دوام الواحد ما يثبت شيقولون له :)

و بعدين شنو اهو البراكيت اللي طاح .. تقصدين الحديد اللي لاصق عالاسنان؟

قوة بنات


مملكة القلوووب والله انا اول مرات طاحوا لي ما كنت اكل شي خشن كنت كل جبس عاادي و طاح!!!!!!!!!!! يعني مو خشن ولا كليته بقوة
المرة الثانية كنت راقدة و ضغطت على اسناني
اخر مرة كليت شي خشن يعني يمكن مرة او مرتين بسبة الاكل و باقي المرات الله اعلم
بنات قولوا لي شسوي في هالمشكلة لاني صج تفشلت من الدكتور

والله بنات ما تتصورون صرت اول ما اقعد الصبح من الرقاد أتحسس أسناني بلساني أجيك عليهم طاح شي ولا لا لاني صج تعقدت من هالسالفة
و المصيبة ان كل ما طاحوا يأخر مدة العلاج و انا ابي اخلص بوقت أسرع


أسيرة قلبه شكلج صرتي مثلي كل يومين وحدة طايحة:qaq:


وهج الحنين والله انا سمعت بهالشي و هاي اللي مخوفني بصراحة اخاف تنزل اللثة تره انا شفت وحدة بعيني لثتها نازلة و الشكل مأساة:angry:

مراوي في وين سويتي تقويمج؟؟

مراوي هههههههههههه اشوا على بالي البرايكت
والبرايكت هو اللي لاصق عالاسنان << لقطت الكلمة من خبيرتنا ودكتورتنا مملكة القلوب :bigsmile:
من اول ماعرف وش الكلمه خخخخخخخ كنت اقول قاعده << حشا قاعده جويه خخخخخخخ << ترا ماتقصد تنظيم القاعده خخخخخخخخ

وردة صددق الشكوى عدوى :( اعديتيني :angry:

انا مسويه تقويمي عند دكتور فاضل العلوي و الحمد لله للحين ماطاح شي لاني اساسا للحين ما اكل على اسناني شي لدوب امضغ على خفيف و ابلع على طول كله اخاف يدخل الاكل بيين التقويم

اسيره زين علمتينا مصطلح جديد نتفلسف فيه على اللي معانا في الدوام هههههههههههههههه

اهليييييييين بنات والله زهقت كل ماابي ادخل عالمنتدى يصيربطئ ومايفتح الابطلعه الرووووووح
ليه شمعنى هذاالمنتدى اللي يتاخرعندي

والله طفشت وصرت بس اطل عليكم واطلع يسدالنفس والله

المهم اسوووره البرايكت تقصدين فيهاالمربعاات على الاسنان غريبه تطييييح دكتوري اقول له وش اسوي علشان مايطيحووون

اول ماركب لي التقوويم قال لي مايطيحوون واذابيطيح يطيح وانااركبه الحييين وطاحت وحده بنفس
الووقت وركبهالي

انااصراااحه احيااناانسى اني مركبه تقوووويم اذاشفت اكل اعجبني واقعدافتح فمي كله خخ:qaq:

خاصه الهمبرجر والله خوفتوووني وقريب باخذ فرشاتك ومجوونك بس كم سعرهم كلهم يالغلااا؟؟

الحين اناابي اعرف ليه ماعلمتوووني عنكم وش سالفتكم صايرين زولات ماتبوون تطولون بالكلام:angry: ابي كل وحده
حاطه تقووويم تقول لي لثتهانزلت والالاااا لان يقولون التقوويم ينزل اللثه وممكن بعدماتفكه يسوون
جراحه هل صحيح الخبروالاا؟؟؟؟؟؟

ثاني شي كيف تستحملوون خاصه اللي مطولين اكثرمن 6شهوروهم ماعملواتنظيف لاسنانهم
اناباقوول حق الدكتوورلازم تسويلي تنظيف صرااحه لي شهرين واعاني من الصفار
شلووون لوبكمل كم شهرالاواشوووف الجيرطابوووق :sad: باسناني والحيين هم يسوون تنظيف عادي مجاناوالالازم ندفع

بنااااااااات حاولواا ترفعووون المووضوع لاتنامون :angry:

وهج الحنين ليش اللثه لازم تنزل

بالعكس انا الدكتور قاعد يشتغل على انه يرفعها من خلال التقويم شلون مادري وبعد التقويم قالي نشوف اذا تحتاجين لجراحه ولالا

بعدين تعالو علموني يعني اذا اكلنا على التقويم شيصير؟؟؟ تراني توني باديه بسم الله اجرب اكل على التقويم شممكن يصير يعني يخترب العلاج؟؟؟

بالنسبه للصفار انا الحين صارلي تقريبا 3 شهور من ركبت التقويم و الحمد لله ما احس بتجمع للجير لاني ورا كل اكله حتى لو سناك ادخل اغسلهم بالفرشاه العاديه و الفرش الصغيره و في محلول منظف و مطهر يعطيني اياه الدكتور بعد استعمله لونه ازرق حق التبييض يمكن بعد كم شهر اسوي تنظيف

حلو الواحد يهتم باسنانه...............والتقويم وايد يرتب الاسنان..................بس في ناسو ايد يحطونه دلع..................والله يعين ترجع اسنانهم ورى.....................ويخترب الشكل العام للأسنان.............والفك....................الله يسهل عليكم بنات..............

هلا والله وهج
فرشتي ب 30 والمعجون ب 16

وفعلا انا لاحظت نزول باللثه بس بشكل طبيعي ومو ملحوظ

مراوي عادي حبيبتي تاكلين ولا كأنك حاطه تقويم والاكل ماله دخل بخراب العلاج لكن اهم شي ماتتمادين بالاكل القاسي على الثقويم عشان مايطيح البرايكت

انسه فله اللهم امين الله يسهل علينا ونفتك من التقويم وتصير ابتسامتنا مثل روبي << للحين تهذري فيها

صاحبة السمو ان شاء الله بنات الشارقه يفيدونك

السلام عليكم ..

يعطيج العافيه (اسيره قلبه) على هالموضوع ..

قعدت سمته وحده على ماخلصت قرايه ال47 صفحه :qaq: ..

لانه بركب تقويم بهالجم يوم اللي يايين ..

واستفدت وايد من سوالفكم :clap: ..

معنه بعضها يخرع و بعضها يشجع ..

احس و انا اقرى ردودكم ضروسي تعورني :D ..

مادري اذا احد مجرب مركز البيان لطب الاسنان بالكويت اشلون شغلهم ؟ ..

وعلى سالفه العمر ..

وايد قالوا انهم مركبين التقويم من الثانويه ..

انزين واللي عيوز مثل حالتي و عمرها بيصك ال23 بيطول معاها ؟..

ضروسي الحمدلله مو حوسه ..

بس عندي فجات بينهم و ابيهم يتصكرون و يصيرون صفه وحده :shy: ..

تهقون بيشلعون لي جم ضرس؟ ..

لانه اذا السالفه فيها شلع ضرس معناته فيها بنج ..

واذا فيها بنج معناته فيها ابره ..

واذا فيها ابره وما ادراك ما الابره معناته راح اكنسل المشروع بكبره :sad: ..

ادعولي بس انه الابر تطلع برى الموضوع ..

واكيد بنرجع لكم بالقريب العاجل ..

ويعطيكم الف عافيه عالمناقشات المفيده ..

والله شجعتوني ومن يومي خاطري اركب التقويم لان عندي شوية بروز في ضرووسي
ومايت الفرصه المناسبه بس ناوية مع نهاية الشهر اسافر لسوريا واركب تقويم هناك
لان هناك ارخص وبالمرة ازور اقارب لي عايشين هناكي
مع اني حامل بالشهر السادس وسالتي دكتورتي وقالت لي مو مشكله
ادعو لي يابنات اسير احط تقويم يباسرع وقت
مشكورة الاخت (اسيرة قلبه) ع فتح الموضوع وتسلمين عالمجهووود الطيب