تـــجــــمع لبنات التقويم (اللي حاطين تقوووووويم اسنان)

كملت سنة و 6 اشهر
لا جديد للحين استخدم المطاطات ..قصدي الجنون

بنت البلد الحرام

والله مادري آنه مب من السعودية

ان شاء الله البنات يساعدونج

بنات بكره عندي موعد الساعة 10 ومدري جم هع ؟

آنه بطلع من البيت السعة عشر ومتى ما أوصل أوصل عادي

أمس أبوي يقول لي قولي للدكتور اذا ممكن يفك لي التقويم يوم واحد

علشان أسوي أشعة و يرجع يركبه .. أقول لأبوي يمكن مايقدرون لأن

تكلفة التقويم وايد غالية فمايقدرون يخسرون مواد التقويم

بعدين يمكن لو انفك يوم واحد يمكن يخرب كل التصليح اللي صار

إلا يقول لي غريبة للحين ماخذو منا بيزات حق التقويم

أقول لأبوي ليش مب على حساب المستشفى ؟ يقول لي

قبل اللي يركبونه في المستشفى ياخذون عليهم يمكن نص التكلفة

ألحين ماعنده فكرة عن الموضوع ياخذون نص التكلفة لو لاء

آنه خاطري أجرب الألوان اللي ماجربتها وبس خلاص أفك التقويم

ويييي صج ما قلت لكم .. مرة لما كنت مسافرة حلمت في تقويمي

كالعادة خخخخخ .. ليش محد يحلم بالتقويم غيري

بس بقول الحلم بعديين .. مشغولة شوي

زهرة

يعني صار لج سنة ونص بالتقويم والا سنة و نص بالمطاطات ؟

لأن مستحيل سنة ونص بالمطاطات وماتغير شي

Lo0onley Night;10452755:

السلام عليكم ورحمة الله

بقولكم

انا ابي اسوي تقويم في الداخليه .. يعني على حساب المستشفى
بس غربلوني .. كل مره يأجلون الموعد

3 مرآت يأجلونه

وكله بعد شهرين بعد شهرين

الصراحه لاعت جبدي .. ف ابي عياده رخيصه وزينه في البحرين
وانا مشكلة اسناني ماهي بكبيره

اللهم الناب رايح على داخل مو صاف مع ربعه .. وشوووي اسناني متقدمه شوووي شوووي

وموعدي بيكون يوم الأحد 18-10 .. وحاطه في بالي 100% راح يأجلونه

مع انه اهو خذ علي اشعه .. وسوالي تنظيف
يعني لو بروح راح ياخذ الطبعه ويركبه لي دايركت

ولا ياخذ الطبعه ويعطيني موعد ثاني حق تركيب

:(

وطلعت لي مشكله احين ..
رحت ابي انظف اسناني اليوم عن التسوس حق يوم الأحد
قالو لي مانسوي كم سن في يوم واحد ..
وماراح يمدي لي تاريخ 18-10 تخلصين

تقولي الدكتوره مابيمدي اجلي موعد التقويم ..
من صجها هذي ..؟
الحين انا مابقيت ايي هالتاريخ بعد ااجله

يعني اذا رحت خاص يخلصون لي في يوم واحد ..
والتسوس بسيط .. وفي سنين بس

:confused:

ردو علي بليز

:confused:

هلا حبوووبه

انا ما عندي فكره عن تنظيف اسنانج والتسوس كم ياخذ ؟؟
بس اتوووووووقع بنفس اليوم مرة وحده ليش التاجيل؟؟؟؟

بس انتي اذا رحتي الموعد للتقويم قوليله ينظف هو ويحشي التسوس وان شاااااااااء الله حطي ببالج انه راح يحط لج التقوويم هالمرررررررة وخلاص

وان شاء الله تنضمين لنا ههههههههههه

بالتوووووووووفيق

(f)

Lo0onley Night

لا ان شاء الله ما يأجلونه بعد

إلا ما قلتي .. عند أي دكتور ؟

مافهمت شلون يعني تسوين تنظيف حق التسوس ؟

إذا عندج ضروس متسوسة التنظيف ما بينفعهم لازم حشوة

التنظيف حق ينظف الأسنان من الجير وجذي

وتقدرين تركبين التقويم بعدين تسوين حشوات و تنظيف

آنه جذي صار لي .. لكن في بعض الأسنان لازم الحشوة قبل التقويم

واذا مستعيلة سوي الحشوات في المركز الصحي

آنه لما قالو لي عندج موعد بالتاريخ الفلاني للتقويم

كان عندي فترة طويلة وخلال هالفترة سويت حشوات

Lo0onley Night

لا حبوبه ما بياخذون الطبعه ويركبون التقويم بنفس اليوم
بياخذون الطبعه وبعدين يعطونك موعد حق التركيب ... وبذاك الوقت سوي حشوات للأسنان المهمه
أما الباقي فخليها بعد التقويم عادي ... سوينهم وفيك التقويم
ودام أخذ عليك أشعه فهذي بداية طيبة :)

ما قلت لكم شصار اليوم رحت المستشفى وسجلت موعد

رحت للحجرة بعطيهم الستكر .. الممرضة قالت لي خلي الستكر ع الطاولة

و بناديج لأن كان عندهم واحد أظن يركبون له تقويم .. كانت الدكتورة

موجودة بس ما انتبهت لها لاحظت بس الممرضة و الدكتور قاعد ع المكتب

رحت بحط الستكر ع المكتب .. ماعطيته الدكتور .. حطيته على طرف الطاولة وطلعت بسرعة خخخخ

نطرت برع الا عقب شوي اتيي وحدة عندها موعد بعد و يايبة معاها الخدامة

الخدامة دخلت الحجرة بتعطيهم الستكر والله مادري شسالفتها الاخت تعودت ع الدلال خخخخخ

المهم ماعلين منها .. عقرت فيها البنية مسكينة

الا عقب شوي تطلع الدكتورة .. تقول لي متى موعدج قلت لها في الستكر 10 وربع

وطالعت ستكر البنية هو أظن دورها لأن على الوقت اللي فالستكر بس آنه ييت قبلها شوي

فودتني حجرة ثانية للدكتور الهندي مال آخر مرة .. انقهرت ما أبيييي مهما كان فاهم

الدكتور الأصلي هو يعرف حالتي أكثر .. ياخي مابي الدكتور أبي الدكتورة

حجرة فيها دكتور و دكتورة و ممرضة .. الدكتور يركب للي عنهدم بالحجرة والممرضة تساعده

و الدكتورة تغير لي تقويمي .. ما يصير يعني ؟ المهم تحملت هالدكتور

يتكلم انجليزي .. زين فهمت عليه و ماتوهقت خخخخ .. آنه زينة بالانجليزي بس مب ذاك الزود

ركب لي على الجهتين مطاطاة علشان تسكر الفراغات على ماظن وغير لي اللون

اخترت Orange على قولته خخخخخ .. بس حطهم لي بس على الأربع الضروس اللي تحت

فوق ماحط لي ألوان .. حتى آخر مرة سوا لي جذي و عطاني مطاطات جددد

كبار شوي .. قياسهم 5 / 16 ( 7.9 mm ) .. شوفو الصورة و بتعرفون

قبل كنت أستخدمهم من الناب فوق الى الطاحن تحت .. الحين العكس

من الناب تحت الى الطاحن فوق يقول علشان يصير الفك العلوي شوي متقدم ع السفلي

لأن ألحين الفكين متطابقين ولازم ما يكونون متطابقين

بس آنه في شي شاغل بالي .. آخر مرة الدكتور لما عطاني مطاطات علشان

يعدل الإنحراف اللي في الفك السفلي .. أظن جذي قال لي

انزين الفك السفلي ماتغير ولا تحرك .. مب لازم يتعدل شوي الانحراف

بعدين يرجع الفك السفلي شوي لورا ؟ يعني حبة حبة

الموعد الياي لازم أخلي أبوي يروح معاي المستشفى

يمكن الدكتور يجوف أبوي و يعالجني هو وبعد بالمرة أبوي يشرح له

أبوي والدكتور مب ربع ولا طايحة الميانة بينهم بس في علاقة معرفة شوي

أي صج ما قلت لكم

قبل لا يبدي الدكتور شغله يات له الدكتورة

مادري شقالت له بالانجليزي .. تحجت بسرعة

كانت مستعيلة وبعد آنه مب ذاك الزود بالانجليزي

بس الظاهر قالت له شنو لازم يسوي

نادتني الدكتورة للحجرة بس علشان الدكتور هو يشتغل

الا تقول لي احنا فكينا التقويم صح ؟ لأن كان على أساس

بعد أربع أشهر يفكونه بس آنه تأخرت عن موعدي شهرين هع

قلت لها لاء مافكيتوه .. كنت بقول لها فكيتوه طل .. ليش ماعندهم ملفي

وكل شي أول بأول .. المهم خلصت وطلعت برع أنتظر يسجلون لي موعد

الا البنت بعد دخلوها الغرفة الثانية .. آنه هني استنتجت انهم في الحجرة الأصلية

يمكن قاعدين يركبون تقويم لمريض بالغرفة لأن الدكتورة مستعيلة و تأخرو شوي و دخلونا لدكتور ثاني

أي صج من قط مرة الدكتور سوا لها التقويم هلون .. آنه مرتين

لاحظو طريقة الفك العلوي غير السفلي

آنه أقصد العلوي بس سوا لي هالطريقة فوق وتحت

أو ثلاث ركبهم لي بهالطريقة وليش يركبهم بهالطريقة

أصلا هالألوان شفايدتهم ؟ يعني شمعنى ركبهم تحت وماركبهم فوق ؟









وألحين في الفك العلوي مرتين ماركب لي ألوان .. يركب بس في الفك السفلي

موووووفقه حبوبة

امة الله

والله الدكاااااترررره يخوووفووون خخخخخخخخ

بس ان شاء الله خيررر حبيبتي

انتي اذا مو مرتاحه لاحد لا تغصبين روحج وتكلمي قولي ابغي هذي الدكتوره مثلا؟؟

وكل تاخيره فيها خيره باذن الله

الله يقضي هالفتره على خيرررررررر

انا اخر مرة من اسبوعين رحت موعدي

واحس ما فيه تغييررر كلش مع انه قال لي هالمرة بتلاحظين التغيير الحقيقي؟؟؟

صح تغيروا بس هالمرة لالالا مب وايد خخخخخ >> يمكن انا مستعجله بعد هههههه

الله يسهل اسبوع الجاي عندي موعد بعد وربك كررررررريم

دموع وردية

أي والله يخوفون .. آنه قبل كنت واثقة فيهم

ألحين صرت أقلق مرة ثانية

خصوا اني اليوم شيكت على الفك العلوي

بما ان الدكتور الهندي ما سوا فيه شي

بس قلت أشيك إلا ألاقي ان السلك مب مقصوص

تذكرت ان الدكتور ماقص السلك

حتى لو هو قاعد يشتغل ع الفك السفلي لازم يشيك العلوي

ترا كانت لي فرصة أقول للدكتورة أبيج انتي تعالجيني

خصوصا ان صار لي فرصة أكلمها دكتورة عادي ما استحي منها

بس خفت انهم فعلا قاعدين يركبون تقويم لأحد و مضغوطين

وخفت أضغط عليهم زيادة و أثقل عليهم

ترا آنه دايما جذي دمي ثقيل

بس ان شاء الله الموعد الياي الدكتورة هي تعالجني

وبستفسر منها عن كل شي

أمة الله;10471480:
دموع وردية

أي والله يخوفون .. آنه قبل كنت واثقة فيهم

ألحين صرت أقلق مرة ثانية

خصوا اني اليوم شيكت على الفك العلوي

بما ان الدكتور الهندي ما سوا فيه شي

بس قلت أشيك إلا ألاقي ان السلك مب مقصوص

تذكرت ان الدكتور ماقص السلك

حتى لو هو قاعد يشتغل ع الفك السفلي لازم يشيك العلوي

ترا كانت لي فرصة أقول للدكتورة أبيج انتي تعالجيني

خصوصا ان صار لي فرصة أكلمها دكتورة عادي ما استحي منها

بس خفت انهم فعلا قاعدين يركبون تقويم لأحد و مضغوطين

وخفت أضغط عليهم زيادة و أثقل عليهم

ترا آنه دايما جذي دمي ثقيل

بس ان شاء الله الموعد الياي الدكتورة هي تعالجني

وبستفسر منها عن كل شي

هلا والله امة الله

كيفك الغالية؟؟

هههههههههههههههه اي والله انا بعد ثاني مرة كانوا مستعجلين ليش ما ادرررري؟؟؟
وقالت لي يلا قوومي >> مساعدة الدكتور
قلتلها ما قصيتوا السلك اخر شي خخخخخخ

والله حاااااااااالة :(

&الخزاميه&;10475086:

السلام عليكم

اخباركم صبايا

بغيت اسألكم انا ناويه اسوي لي تقويم بأسناني العليا:o

فحبيت تعطوني تجاربكم يوم سويتوا التقويم وشلون يعور ولا:confused:>>>مووووت خايفه

ووش افضل تقويم احطه دامكم مجربين

واللي من السعوديه وبالاخص جده تقولي وش احسن مشفى يسون تقويم

عسا الله يفرج هم اللي ترد علي ياررررررررب

(f)

هلا الغالية .. الخزامية

بالنسبة لتجربة التقويم حلوووة وصعبة بنفس الوقت

ويعتمد على حسب تحمل وحالة كل وحدة؟؟

يعني ناس يتحملون الالم ناس لا
انا الحمدلله احاول اتحمل خخخخخخ والله يقضيها على خيررر

بس الي يبي الززين لازم يتحمل خخخخخخ

واذا انتي بس فوق التقويم يمكن الالم اقل على حسب حالة اسنانك اذا تحتاج تعديل وايد او لا

وترى مو هذاك الالم بصرااااحه يحتمل كلها كم يوم وبعدين عااااااااادي

وانا حاطة التقويم العادي
ولحد الان الحمدلله ماشي الحال خخخخخ

انا مو من السعودية فما اقدر افيدك بخصوص المشفى .. ان شاء الله يفيدونك الي يعرفون

بالتوووووووفيق حبوبه

قبل يومين كان موعدي ورحت

وكانت جلسة انما ايه .. الدكتور ضلو يبرم ويبرم

دخل بالسياسة والجامعة ومش عارفة شوو

ووكل شوي وهوا حاكي شو رأيك .. أرد بكلمتين واسكت

واختي كانت معي .. اطلعت عليها لقيتها بتضحك

وانا كنت ماسكة حالي من الضحك فلما شفتها انفجرت وصرت اضحك

وماقدرتش امسك حالي لهوا الدكتور صار يحكي الي ليش بتضحكي

ومش عارفة شو .. لهوا التاني صار يضحك ..

هيك الدكتور طيب كتيير مو متل باقي الدكاترة بخوفو

كان في خرزة مفكوكة ركبها اللي واخدت منو مطاطات

والموعد الجاي كمان شهر يعني عبال مايسكر الفراغ

الي بين الفكين وبعدين بفكو التقويم

بنات احد عنده فكره عن المركز اللبناني لتقويم الاسناني فمستشفى ابن النفيس عن عرضهم
تقويم الاسنان 75 شهريا بدون دفعه اولى مقدم
شلون نظامهم
لان عرضهم واايد اووكي قلت بروح اسويلي

.. كاتمة الدمعة ..

أي والله .. الله يعينني

هو يمكن بعد دكتور يديد .. حاطيني فأر تجارب

لأن آخر مرة لما كنت عند دكتوري .. دكتوري نادى الدكتور الهندي

وأظن قاعد يعلمه .. بس مب متأكدة اذا هو فاهم شغله لو لاء

أحس مجال الأسنان والتقويم مانقدر نحكم ع الدكاترة .. صح ؟

المهم .. والموعد اللي عقبه ودوني للدكتور الهندي


أما دكتورج مطيح الميانة وياج و سوالف

أشوه ان دكتورب مب هلون

حلو ان الدكتور تكون نفسه طيبة

بس مب لهالدرجة يكلم مرضاه ويضحك معاهم

حبيبتي انا شلتة واااااااااااااااالحين علي المتحرك يضاااااااااااايق مرة

ووووووووسلامتك

والله هذا الصباح فقط ذهبت عند طبيب الأسنان لأجل التقويم ..............يوم الثلاثاء يركبلي التقويم والله ندمت أني لم أعمله قبل ................صحيح فيه عيوم لكن لازم أجمل أسناني ..........الإبتسامة عنوان الشخصية وقررت أن لا أتراجع...............وشكرااا على طرح الموضوع..
أنا سأضع هذاا النوع من التقويم نتائجه مضمونة....................وبعدين التقويم أصبح موضة هههههههههههههه

تسلمين دموع ورديه


وياليت البنوتات بعد يفيدووووووووووووووووووني

بليززز