تـــجــــمع لبنات التقويم (اللي حاطين تقوووووويم اسنان)

انا التقويم سعره بـ 4000 ريال
لان حالتي بسيطه مره
ومدته 7 شهور راح منها 4 شهور وباقي 3 شهور
اخر موعد يوم 20 رمضان الدكتور بس غير اللستك
وقالي المره الجايه يبغالك مطاطات

مشكلة اسناني ان عدي القواطع اللي فوق طالعين شويه على بعض
وتحت اسناني مو مرتبه كثير بس مو باينه مره

الموعد الجاي على اساس اليوم بس انا كنسلته باجله لكمان اسبوعين
لان عندي اختبارت ومافيااا اسناني توجعني وما اقدر اذاكر

انا عن نفسي استخدم فرشاة التقويم الصغيره
وكمان فرشاة عاديه على البطاريه
انضف اول شي بحقت التقويم بعديم استخدم الفرشه العاديه
المعجون استخدم كلوس اب

مره شدلي الدكتور اسناني لدرجة مو قادره انام على خدي
اخذ بدنول اذا مره وجعني اسناني
وطبعا ما اقدر اكل شي قااسي لان يوجعلي اسناني
ابلع الاكل بلع

نسيت اقلكم حاجه مهم
الدكتور ما خلع لي ولا سن
وقالي مافي حاجه للخلع

ضحى يسسسسسس البرد حرام


لولو حلو الحمد لله ماشال لك ضرس والله زييييييين تطلع اسنانك فله ان شااااء الله

انا حالتي ماتحتااااااج ابدا ابدا لكن السنه ونص مادري ليه ؟! راح منها 7 شهور

أختي أسيره قلبه
أشكرج ع الموضوع الأكثر من رائع
و انا الصراحه كنت أتابعه من خلف الكواليس
لأنه شدني عنوانه و الصراحه البنات هنيه متعذبين بس ان شاء الله يطلعون بنتيجه حلوه
و انا يا حلوين عندي مشكله أنه أنا
خااااايفه أركب التقويم لانه لي معاه تجربه فااااشله
أخليكم تسمعونها


هذا يا طويلين العمر تقريباً من 3 سنين رحت للدكتور أبا تقويم
حالي حال هالبنات
و ان الصراحه عندي مشكله في الأسنان الاماميه
اللي هم أول ثنين بارزين بروز خفيف
أما الباقي كله تمام
ف هالدكتور قالي انتي تحتاجين تقويم متحرك
يعني ما قال بيركب لي تقويم ثابت
و وافقت و في نفس اليوم خذا القياسات و جيه
و عقب بأسبوع استلمت التقويم <<<و ياليتني ما خذته
و لبسته و تقريباً كان اول شهور تمام مع الم بسيط و هذا عااادي
بس بعدها قاموا يطيحون اسناني لأنه أنا صغيره و بعدهم أسناني لاوم
يتبدلون و جيه
فخرب التقويم و ما عاد ع القياس
و سويت غيره و هنيه عاااد
حلت المصيبه و الكارثه
ما اقدر أتكلم
و الله من أتكلم الحرووووف كلها تطلع غو هذا غير النوافير اللي تطلع
و الله احراااااااج
و بعدها خلاص ما قمت احطه
و قطعت عنه

أما الحين خواتي
فانا ناااااااويه احط التقويم الثابت لكني وااااااااايد
خاااااااايفه
و اتمنى انكم تشجعوني و تسادوني

و بعطيكم معلومات عن مشكلتي و انتوا حاولي تقولون لي شو اقدر اسوي


المشكله : بروز الأسنان الأماميه الاثنينه بروز خفيف
مع العلم انه عمري 15 سنه

سوري والله ادري اني طولت عليكم
بس
ش سوي
منقهره من الدكتور

اسمحولي

لوافي

هلاااا حبيبتي

لاتزعلين ياقلبي بالعكس فرصتك الحين تزينين اسنانك

عمرك مناسب جدا جدا للتقويم وهذا افضل شي

انا انصحك تركبين التقويم ظروري خلال هالفترة

روحي هاليومين اكشفي عند دكتور ممتاز ويشخص حالتك

بس نصصصصصصصيحه لاتهملين تركيب التقوييم

يللا حنا هنا نشششششششجع بععععععععععض :clap: :clap:

اوكي حبيبتي

لوافي
انا كنت مركبه تقويم قبل هذا رحت عند دكتوره ما تفهم
قالتلي يبغالك سنتين وخلف ضروس
المهم قلتلها لا تخلعيلي ضروسي لاني انا عارفه ان البروز اللي عندي مره خفيف
ومو محتااج المهم قالتلي طيب بابردهم بردتهم
والدكتوره مره عفشه ووسخه في شغلهااا لدرجة انها جرحتلي شفتي ولما تحط الغرى
ما تحطه على كل حبه بحبتها حطته كله على اسناني تقولي بتدهن سندوتش
وخبطتلي فمي بالحديده حقتها المهم ركب التقويم وانااا مره قرفاانه منه
واصلا انا ايش اللي خلاني استخف واركبه عندنا ما ادري
لان عيادتهااا مره زحمه وهما يهمهم الربح اكثر ما يهتمو بالمريض
المهم جلس التقويم شهرين ما استفدت منه ولا شي
كل شويه يتفك ويطيح لدرجة ان الحديده المدوره طلعت من مكانها وكا ما اروح
لها اقلها غيرلي تقلي ما عدى شهر على اخر زياره ماينفع
بس هي كذابه عشان ما تعطل نفسهاا في زباين كثير

المهم بعد ما دفعت 2000 رحت فكيته عند دكتور اسنان ثاني
وقلت ما عاد باركب تقويم
جلست سنه وبعدها فتحت عياده جديده رحت عندهم والدكتور ركبلي التقويم
حسيت فرق السما عن الارض بين الدكتوره وهذا الدكتور
طبعا الفرق في طريقة شغله ونظافته

المهم انت قبل ما تركبي التقويم عند اي عياده او مستوصف
حاول تسألي عنهم

عارفه طولت عليكم
وتحياتي

ثانكس تسلمو
ع النصايح الروعه
بس انا و الله خايفه من الالم بتقولون لي
اخذي بندول بس مشكلتي ما عرف اكل الحبوب

بس ابا كل وحده من الامارات و خصوصا من
دبي و الشارجه تدلني ع دكتور شاطر في التقويم

و قولولي ش يصير في الجلسات و جيه
لأني انا ما عرف شي عن التقويم الثابت

و سوري ثقلت عليكم


لوااااافي

شوفي يالوافي
انا كمان ما اعرف ابلع الحبوب بس اكسرها مية وصله وابلعها

اول ما تروحي عند الدكتور
1- يطلب منك اشعه للاسنان " وانا عرفت من دكتوري ان الاشعه هذه امور شكليه عشان يحطها في الملف وكمان عشان يعد عدد الاسنان "

2- راح ياخذ لك مقاس الاسنان كيف ، يجيب قالب ويحط عليه معجون طعمته زي طعم معجون الاسنان
ويقلك افتحي فمك ويحطه ويضغط عليه مدة بسيطه مره وبعد ما يطلعه راح تلاقي اسنانك مطبوعه
في المعجون .

3- راح يحط لك لساتك " مطاط " لونه ازرق بين الاسنان عشان يوسح بينهاا
راح يوجعك وما راح تقدري تاكلي زي الناااس بس استحملي

هذه ممكن اول زياره

ثاني زياره اذا ما يبغالك خلع او من هذه الامور ما ادري كيف
انا ما خلع لي ضروسي المهم راح يبداء في تركيب قطع التقويم
وانت اذا ركبك هو اتاكدي ان الحلقات في ضروسك داخله زين وما بتجرح لك خدك

وكمان انا دكتوري قالي اذا اشياء طالعه من الغرى من ورى قولي عشان يشيلها
عشان ما تضايقني

ممكن يركب لك التقويم على يومين عشان يريح لك اسنانك

طبعا راح تحسي بالب وما تقدري تسكري اسنانك على بعض بس استحملي من اجل
" ابتسامه افضل "

المهم اي سؤال يا الوفي اسئلي
واهم شي تلتزمي بالمواعيد وما تاكلي لبان واشياء قاسيه عشان التقويم ما يطلع
وبالتوفيق ان شاء الله

السلام عليكم

كيفكن يا حلوات

بنات انا ما فهمت طريقة الطق و لا فهمت شلون الحديد على البلاستيك او على الاسنان خخخخخخخخخخخخخخ
استنتجت ان السالفة وحدة من ثنتين
يا فهمي بطئ يا ان الدكتور للحين ما سوا لي الحركة اللي تتكلمون منها


بنات امس رحت سويت شد و انا صار لي تقريبا شهر و شي مع التقويم بس الدكتور قاعد يشد ي على خفيف كل مرة بس امس كان الشد اقوى شوي و قال لي ان هو يبي ما يستعجل على شد الأنياب لان حركتهم المفروض تكون بطيئة وة قال لي ان الناب غارس في اللثة بمساقة اكثر من باقي الاسنان و ان لازم ما يتحرك بطريقة عشوائية

انا ما ابي التقويم يطول عن سنة الله يستر

و الله خوفتيني يا لولو كاتي

من سالفه انه تجرح لي خدودي كله و لا خدودي
ما عندي غيرهم
و يا ويلي بعد اللبان ما اكله
و الله بلشه

عندي سؤال
أنا سمعت انه التقويم يضعف بصوره مب طبيعيه
هذا صح و لا غلط لأنه أنا مابا أضعف
ما انزاد ضعف

و السؤال الثاني
أبا كل وحده من الامارات تقولي على العياده اللي سوت فيها التقويم
و كم كلفها


أختكم لوافي

لا عادي يالوافي تقدرين تحطين واكس(شمع) على المكان اللييجرحك وخلاص يختفي التجريح

وبعدين مب الكل يضعف على حسب

ثانكس اسيره قلبه
بس
ادعيلي اني اتجرأ بس اخذ موعد
و عقب الله يعين

و الله خاااااايفه

للتو ضيح
اسمي لوافي
و ليس الوافي

لوااااااافي

و شكراً

لوافي:
و الله خوفتيني يا لولو كاتي

من سالفه انه تجرح لي خدودي كله و لا خدودي
ما عندي غيرهم
و يا ويلي بعد اللبان ما اكله
و الله بلشه

عندي سؤال
أنا سمعت انه التقويم يضعف بصوره مب طبيعيه
هذا صح و لا غلط لأنه أنا مابا أضعف
ما انزاد ضعف

و السؤال الثاني
أبا كل وحده من الامارات تقولي على العياده اللي سوت فيها التقويم
و كم كلفها


أختكم لوافي

لا ما يضعف ممكن اول كم اسبوع بعدين تتعودي عااادي
وتاكلي الاخضر واليابس
واللبان مو كووويس :gum:
وخصوصا اذا كان اللبان طري لانه يلصق بالحدايد وانت اللي راح تحوسي
كيف تطلعيه
انت قوي قلبك وركبيه بتتالمي شويه بعدين تتعودي
وزي ما قلتلك اسيرة قلبه
الدكتور يعطيك شمع كدا يجي صغير تاخذي قطعه منه وتكوريها وتحطيها
على الحدايد اللي ورى وتنامي عادي ما يجرح لك خدك
بس هذا اول اسبوع بعدين عادي

اسيرة قلبه:
ايه صح نسيت لاقول لكم عن الفرشه

فرشتي العادية اورال بي وبالبداية عطتني هي فرشه مجانا مادري وش ماركتها بس مخيسه ماعجبتني :down:

بعدين رحت اشتريت لي فرشة اورال بي للتقويم جا معها راسين واحد رفيع والثاني عادي بديت بالعادي وينظف اووكي يوم غيرته للرفيع مااااااعجبني لأنه ماينظف زين ومب قوويه بالتنظيف (n)

والحين ابي اعرف ماركة زينه وممتاز بالتنظيف ولاتخرب دلوني عليها

ومعجوني توني مخلصه كلوس اب الأحمر << روميوا وجولييت ههههه :shy:

وبديت بكلوس اب بالفراوله تراه ليميتد اللي تبيه تروح تلحق عليه :cool2:

معليش يابنات دخلت عليكم عرض,,

أنا قريت أول صفحة بس وشدني رد أسيرة قلبه فحبيت أعقب عليه,,

أنا مو مركبه تقويم بس زوجي طبيب تقويم أسنان,,

وصراحه أنقهرت من طبيبتك ياأسيرة قلبه!!!

ماأدري بس من سواليف زوجي لي أحسها لاعبه عليك!!!


أبسأل لك زوجي عن فرشاة نوعيتها حلوة للتقويم,,

دايم أشوف معه أشكال وألوان فرش تقويم شي من هنا وشي من برا,,


آسفه لو كنت ضايقتكم,,

ولو حابين تستفسرون عن أي شي أنا مستعده أخدمكم,,

ولو ماحبيتوا وجودي معكم أبضف قشي وأنقلع!!:sad:

هلاااااااا والله ابغى هدوء الله جابك :D

فعلا الدكتورة شكلها لاعبه علي

عندي ميت سؤال وسؤال

:D تحملي

ابعرف هل اقدر اغير الدكتورة واروح مستوصف ثاني ؟!

والفك له دخل بالتقويم يعني يدخل على داخل ؟

واذا تذكرت اسأله بقول لك

بالنسبه للوافي

عارفه حبيبتي بس انا قلت بصيغة نداء يعني يا لوفي مثل يااسيرة قلبه << احلفي

فصارت بجنب بعض كأنها الوافي

الله يسعد قلبك على الترحيب ياأسوووووورة<<<قامت تموووووون!!ههههه

شوفي يالغالية زوجة أخوي ركبت تقويم عند وحده من جنسيه عربيه ولعبت عليها فيه,,

عاد قالت لي أسأل زوجي نفس سؤالك يعني ممكن أحد يكمله لها؟؟

زوجي قال مافيه طبيب يرضى يكمل شغل غيره!!

لأن الطبيب اللي بدا يمكن يكون بادي غلط أو بطريقة غير طريقة الطبيب الثاني,,

تصدقين حتى فك التقويم موكل أحد يرضى يفك شغل موشغله,,!!

بس أنتي قبل كل شي استخيري رب العالمين,,

ترى الإستخاره مهمه,,

والمفروض صليتي استخاره قبل ماتسوين عندها,,

بس مادامك ركبتيه استخيري على فكه,,

يمكن يكون فعلاً شغلها زين,,

ولو ماأرتحتي بعد الإستخارة دوري لك طبيب يكون شاطر والمهم إنه يرضى يفكه لك!!!!!!



وبإذن الله اليوم أبسأل زوجي عن سالفة الفك ذي وأرد عليك,,

وأي شي تبينه آآآآآمري بس,,

بعد قلبي والله ماتقصرين

وهي شغلها حلو بصراحه للحين كل شي اوكي الحممممد لله

أسورة ليش تبين تبدلينها اذا شغلها حلو؟؟؟

رفيجتي سوته في مصر و تواصل علاج في البحرين و يتراوى لي عادي اعرف ناس وايد يبدلون دكاترتهم


بس اذا انتي مرتاحة لها واصلي عندها وان شاءالله تصير اسنانج احلى من روبي

وش هالموضووووووووووع الخطير
تو طحت عليه

شلونكم صبايا التقويم ؟؟؟ اكيد الشد لاعب فيكم :(

اسيرة قلببببببببببببه تسلمي لي على هالموضوع الكاشخ

انا حاطة بريسز من 6 شهور تقريبا وباقي فترة طويلة لين اشيله
سعره 8400 ريال
اول يومين من حطيته كان يضايقني في كل شي
يعني ما كنت اقدر اكل ولا شي حتى بطاطا مهروسة ماقدرت اكلها .... وما اقدر احك اسناني ببعض مجرد ما يلامسون بعض انقز مثل المقروصة ... بس بعد يومين كل شي صار اوكي
كنت أخذ حبوب بروفين عشان اخفف الالم شوي ... بس ما خف شي

الدكتور شغله نظيف مررررررة وطبعا ااذيه كل شهر مسكين لازم يغير وحدة من البراكتس لاني اكسرها <<<من الاكل

بالنسبة للبان صراحة انا ما اقصر رغم انه يحذرني الا اني ما استغني عنه
لكن مشكلتي الحقيقية مثل ما يقول الدكتور ان اسناني استجابتهم ضعيفه :(
التقويم المفروض ياخذ سنة بس
بس مع حالتي يمكن يوصل سنتين
خصوصا انه شايل لي اربع ضروس


اختي ابغى هدوء ماعليك كلافة اذا تسألين زوجك
شي عادي ان الدكتور يقلع اربع اسنان من اسناني الدائمة
2 فوق و2 من تحت بحيث يكونوا متناظرين يعني كل واحد ونظيره ؟؟؟

ومشكورة مقدما