تـــجــــمع لبنات التقويم (اللي حاطين تقوووووويم اسنان)

تقويم ملون;9229429:
اختي rine بالعكس الاسود مجربينه البنات يقولوا انه كشخة ويخلي الاسنان تبين انها بيضاء اكثر من طبيعتها...
والازرق والله بس يومين ثلاثه يتغير لونه يصير لوعة,,
الا اذا درجت غنيّة او غامقة ,,,

الالوان احب الاخضر الاحمر النفسجي الفوشي-مع انه يتغير- بس مانستغني عنه
البرتقالي
تدري؟؟ كل الالوان هههه
...

هههههههه
مبين من الإسم انج تحبي الألوان :D
ما أدري ما دخل مزاجي اللون الأسود .. يمكن عشاني ما شفته في أحد من قبل !!
بعد أتخيل شكل الأسنان كأنها مسوسة فيه خخخخخ
والأحمر عاجبني بس مادري يتغير او لآ ؟

مرحبا بنات شخباركم وشخبار تقويمكم

آنه تقويمي صار له أسبوع مغربلني .. حلجي من داخل مجروح

أثاريه السلك جارحه و أنه مادري .. طبعا السلك في نهاية الأسنان صاير طويل شوي

لازم أروح للدكتور ويقصه .. و يوم الأحد موعدي و أفتك من هالعوار

ضروسي طبعا صارت صفتهم مرتبة وتسكرت كل الفراغات والحمد لله بقى مشكلة وحدة

ألا وهي ان الفك العلوي تقدم على الفك السفلي لأني استخدكت المطاطات لفترة طويلة

و أيضا الفك السفلي صاير وايد لجهة اليسار مادري اذا الدكتور يقدر يعالجه والا يبي له جراح والا الموضوع ماله حل

مرحبا بنات رحت لموعدي وحطتلي المطاطات في مقدمة الاسنانتقول عشان يتطابقون
مع بعض بس قرف طفشتني ماستمريت عليهم
والي تسأل عن اللون الحمر حطيه وانتي مغمضه مره حلو وما يتغير

بقايا روح

بس أول ماتستخدمينهم يمللون بعدين تتعودين عليهم

واظبي عليهم ترا زينين لج صج بيطابقون ضروسج على بعض

آنه تطابقو ضروسي الين ماتطابقو زيادة عن اللزم وصار الفك العلوي متقدم ع السفلي

عاد انتي استخدميهم الين مايتطابقون بعدين شيليهم او اخذي راي الدكتور اذا لازم تشيلينهم والا تستمرين عليهم

مرحبا يابنات
انا من شلاث اسابيع تقريبا الدكتور عطاني المطاطات أمة الله
رايك ان بس تتطابق الفكين مانستخدم المطاطات انا احس ابتدو يتطابقون يعني اوقف ماحط لي مطاطات

بنات انا صار لي اربعة شهور علي التقويم واسناني متباعدة الحين تسكرت الاسنان الامية شوي والظاهر ضغط شوي على اللثة وانتفخت شوي وصارت على الاسنان شوي هل هذا طبيعي؟؟ لان سألت الدكتور يقول بعدين بترجع اللثة طبيعية ولان انتيما تنظفين اسنانج عدل بس بالعكس انظفهم زين يتراوى لي لان مسافات الاسنان تتسكر فتضغط على اللثة من جذي تنتفخ ؟؟؟ صح او لا

مهذبة

استشيري الدكتور .. اتصلي بالمستشفى و خبري الدكتور انهم تطابقو

و سأليه إذا توقفين لو لاء .. عقب شوي بقول لج ليش


العروس الفاتنة

في أي عيادة ركبتي التقويم ؟

بالنسبة للفراغات لا تخافين بتتسكر جريب

أما بالنسبة للثة .. أغلب اللي يركبون التقويم

تنزل أو تتضخم اللثة شوي وهذا عادي

يا اما بيسوي لج قص للثة وتراها جدا سهلة و ماتخرع

أو ممكن بروحها ترجع طبيعي .. الدكتور أدرى



بنات بقول لكم شصار في موعدي اليوم

موعدي الساعة 8 الصبح و آنه مسوية في جوالي نوع التذكير

وكنت مخلية الجوال صامت وهالتذكير مايرن اذا كان الجوال صامت

كنت بضبط المنبه بس تكاسلت مالي خلق .. وتروح علي نومة

ما أقعد للساعة عشر .. طالعت الساعة والا الساعة عشر اخترعت خخخخخخ

اتصلت بالمستشفى والدكتورة قالت لي عادي تقدرين اتيين ألحين اذا تبين و رحت

الدكتور ماكان موجود .. صار لي كم موعد مايكون الدكتو موجود

وبالعادة في ممرضة مادري مساعدة تساعد الدكتور هالمرة هي بعد ماكانت موجودة

ويايبين ممرضة تلبس أبيض نفس اللي بالطوارئ و المستشفيات

مع انها حبوبة و وجهها بشوش بس ان شاء الله ما تبقى بالمستشفى على طول

المهم .. اشتغلت الدكتورة وقالت لي تستخدمين المطاطات قلت لها أي

و آنه صار لي شهر ما استخدمتهم هههههه .. قالت لي بنخلع لج ضرس من فوق على اليسار

لأن عندي ضرس من فوق على اليمين مخلوع فلازم تخلع لي على جهة اليسار علشان تترتب ضروسي

لأن مادري أي خط مدري وشو مب مضبوط فالخلع بيساعد ان تترتب جميع الأمور

بس في الفك العلوي ماغيرت لي السلك ولا قصته مادري ليش أما الفك السفلي

يمكن غيرت لي السلك ماذكر وقالت لي ان في فراغ من جهة اليمين فوق ماتسكر لازم تسكره

ما انتبهت له الا لما رجعت البيت وغيرت لي اللون اخترت أحمر لأن مرة حطيته وما استانست فيه

و المرة الياية بختار أسود .. بس أول ماقعدت ع الكرسي الممرضة قالت لي أي لون تبين

عشان جذي ما أبيها تكون موجودة على طول وان شاء الله الموعد الياي يكون الدكتور والمساعدة مادري الممرضة موجودين

في الفك العلوي حطت لي الألزان على الحاصرات مب على السلك .. استانست

لكن في الفك العلوي من جهة اليمين حطتهم على الحاصرات والسلك .. بس من جهة اليمين

مادري ليش يمكن علشان تسكر الفراغات .. أما الفك السفلي حطت لي الألوان على الحاصرات والسلك

وعطتني مطاطات مرة ثانية وقلت لها ان هالمطاطات خلت فكي العلوي يتقدم وايد على الفك السقلي

قالت لي أحسن احنا نبيهم جذي .. بصراحة ماعجبتني الفكرة ولا سألتها ليش تبيهم جذي

أتوقع يمكن لأن ضروسي صاير شكلهم نوع الدائري .. مادري شلون أوصف لكم

شوفو هذي الصورة الأسنان مستوية فأظن ان عادي تتطابق مع بعض تماما





أما آنه ضروسي شكلهم نفس اللي بالصور .. بس عاد ضروسي مب محفرين جذي هع



فأظن مايصير يتطابقون تماما .. مابيكون شكلهم مرتب

بس مادري اذا لازم دايما الفك العلوي لازم يكون متقدم ع الفك السفلي .. والا بس حالتي

آنه ما سألت الدكتورة يمكن أسألها المرة الياية .. عشان جذي يا مهذبة ماقدر أقول لج وقفي

لأن آنه كنت أظن ان بس يتطابقون لازم أترك المطاطات واليوم الدكتورة قالت لازم يكون الفك العلوي متقدم

ع الفك السفلي .. بس أحسهم تقدمو زيادة عن اللزم .. جان زين يرجع الدكتور علشان أتأكد منه

السلام عليكم

كيفكم بنات .. وين بطلتو تبينو

بالنسبة لتقويمي لاجديد عليه .. بس الحمد لله اسناني تزبطو عن أول بكتير وصارو حلوين

أختي أمة الله

الفك العلوي لازم يكون متقدم على الفك السفلي .. هادا الطبيعي

والله يعينك على دكتورك .. مرة بكون موجود ومرة لأ وعلى فوقتك الصبح بدري لتروحي الو

أنا الحمد لله موعدي بكون الساعة 4 العصر وانا بعيادة خاصة والدكتور هوا هوا بقدرش يتأخر ولو هههههه

كمان يومين موعدي الجاي ..

سلااام

السلااااام عليكم ..
والله اني اشتقتلكم موووووووووووووت حبيباتي واشتقلت لسوالفكم .. طمنوني عنكم ان شاء الله كلشي تماااام التمام .. الله يسعدكم ياااااارب

اعذروني انقطعت فتره بسبب ظروف وغير كذا كان عندي امتحانات والله الاسبوع هذا والاسبوع الجاي كله امتحانات واقل من شهر بيبدى الفاينل يعني ضغط ضغط علينا وغير المشاريع وهالسوالف دعووووولي يا بنات الله يوفقني ..

اخبار تقوميمي تماااااام والحمد لله اسناني صارت حللللللوه وصرت متعوده على التقويم صار جزء مني مستحيل اتخلى عنه <<< عياره هع هع
وهالشهر حاطه بنفسجي وكلهم يقولو طالع حلو عليك وصايره بنوته حليوه <<< عاد انا ما صدقت هع هع

مهم طمنوني عليكم .. وان شاء الله اشوفكم دووووووووووووووووووووووووم بخير وصحه وسعاده
قولو امييييييين

كاتمة الدمعة

شدراج ان الفك العلوي لازم يكون متقدم ؟

الدكتور قال لج ؟ وهل لازم يكون في كل الحالات متقدم ؟

اما بالنسبة للقعدة من الصبح .. عادي مب مشكلة

لأن المستشفى قريب من بيتنا .. تقريبا ثلث ساعة والا آنه واصلة

وبسرعة أدخل ما يأخروني

اما دكتوري .. حتى ابوي يقول ان صاير له فترة غايب مو مبين

صج ان علاقته فيه مب ذاك الزود ولا هم معرفة وايد .. بس يعني

يمكن مسافر والا شي

مشكورة حبيبتي سويت تقومي عند مركز العربي للاسنان بس سويت بس اسناني الفوقية اما تحت ما سويته والحين عندي واحد تحت مكسور نصه ومسوس >> هع هع وصايرة عندي تحت فراغات صغيرة كلش بسبة هالضرس لان كانو مو جذي والحين مو عارفة شسوي فيهم ما بي احط تقويم تحت لاني مابي اتأخر اكثر لاني وراي عرس للحين ماحددت بسبة هالتقويم مالهم حل غيير التقويم...؟؟ خصوصا ان الفراغات صغيرة كلش

اي صح الا بسألكم شنو يعني مطاطات خخخ لان ما اشوف عطاني اسمعكم تقولون يعطونكم وتركبونه بروحكم ؟؟؟

هلا بنات مقومات كيفكم

يارب كلكم بخير

طبعا انا عجبني جدا هالموضوع وسجلت بالمنتدى بسببه ^^


انا مشكله اسناني تراكب في الفك العلوي وضحت لكم بالصوره




عندي السنين اللي اشرت عليهم واحد طالع شوي برا وراحد داخل شوي جوا ههههههه


اما الفك السفلي الانياب راجعه شوي ورا ><


سويت لما كنت صغيره تقويم وصارت ضروف سفر اضطريت اشيله وعطاني التقويم المتحرك
بس كنت صغيره وبصراحه الدكتور عليه الحق ما قال لي لازم تلبسينه فتره مجرد عطاني وقال لبسيه الله يسامحه


المهم بعد مرور 7 سنوات سويت تقويم لان اسناني رجعوا مثل قبل وهم اصلا ماكون تضبطو 100% بالتقويم الاول


التقويم سويته في جامعه عجمان قسم VIP
عند دكتور اسمه د. امجد


طبعا عملت حشوات وضبطت الوضوع قبل ما اركب التقويم
كلفه التقويم لحاله 6000 من غير الحشوات والاشعه وما الى ذلك .. انا كنت متفقه مع الدكتور على هالسعر من شهر 8 تقريبا ولما جيت شهر 11 سالت الدكتور كم يكلفني التقويم قال 8000 !! قلت له كيف ما احنه اتفقنه على 6000 اممممممم فكر شوي قال انا هيك قلت لك .. يلا خلاص مثل مااتفقنا هع اخذ 6000 طبعا دفعت 1800 والباقي كل موعد 200
صار تقريبا 5 شهر ركتبه 24/11 /2008

اول شي ركب لي الفك العلوي وقالي يلا خلصنه قلت له والفك السفلي
قال لااا هذا بعدين

اسناني حاليا ترتبو 85% تقريبا الفك العلوي اقصد << اسناني اللي تحت قبل اربع ايام ركب لي عليهم التقويم

اما الالم فعادي بس اول يوم وبعدين اكل كل شي ومرات في لحظات جنوني هع حتى الخيار اكله واقطعه باسناني لكن بحذر ^^

لكن لما ركبت الفك السفلي صراحه يومين شفت فيهم الم ال 5 شهور الفاتو

بس حاليا الحمد لله الالم اختفى تقريبا وصرت اكل عادي


وطبعا في اياماللي احس فيهم بالالم اكل اندومي لان سهل المضغ

بالنسبه للالوان التقويم ابدا ما اناقش فيهم ولا عمري خليت لون اما سلفر اما شفاف انا اصلا قرفانه من التقويم وهو بالنسبه لي علاج فقط ×_×

اه صح انا عندي سؤال مثل سؤال اختي فاتنه شو هي المطاطات ؟؟ لان ما عطاني الدكتور ولا عمري شفتهم ^^

اختي امة الله انا بعد اللي اعرفه ان الفك العلوي لازم يكون متقدم شوي عن السفلي بس لاحظي قلت شوي ^^

موعدي القادم يوم 11 /5
طولت عليكم

بس حبيت اعرض عليكم تجربتي
في كلام كثير بعد ان شاء الله لي باك

بنات نسيت أقول لكم ان في احدى المرات

الدكتور ركبت لي حديدتين صغار على السلك في الفك السفلي

اللي شكلها مثل السنارة على قولتكم خخخخخ

ألحين ركبت لي بعد وحدة في الفك العلوي على جهة

اليمين وربطت فيهم اللون وبقية الأسنان

والمطاطات هالمرة مضايقيني لأنهم أقوى من المطاطات القديمة

المطاطات القديمة كنت أقدر آكل فيهم وأبطل حلجي

هالمطاطات ماقدر آكل فيهم لازم أشيلهم وماقدر آخذ راحتي وأبطل حلجي

يصير حلجي كله يعورني .. يع ماحبيتهم هالمرة


العروس الفاتنة

هذي المطاطات أستخدمهم لربط الفك العلوي مع الفك السفلي

كأني أوصلهم ببعض .. تخيلي تمارين الرياضيات والتوصيل بين عمودين هههههه

هذا الله يسلمج علشان يعالج تطابق الفكين ويخلي الفك العلوي شوي لجدام



دلوعة

يللا الحمد لله ان ضروسج بدت تتعدل و ماصادتج مشكلة

وبالنسبة لسؤالج جاوبت عليه فوق

وننتظر رجعتج

بال امة الله :eek:
الله يساعدج عليهم :rolleyes: ان شاءالله مايعطيني الدكتور منهم بعد :tongue:

مرحبا بنات
انا امس صار لي اسبوع من ركبت التقويم ^_^
بس نسيت اسير عليكم واخبركم
اممم
ركب لي في الفك العلوي بس
والموعد الجاي بيركب لي الفك السفلي
وقال لي لازم يركب لي من داخل بعد
بس وايد قالوا لي انه من داخل يذذذذذذذذذذبح
واااي الله يعين .. هئ:confused:
اممم
طبعا انا لايعه جبدي من شكلي لان للحين اسناني مو مرتبه ف مكعب مايل ومكعب طالع يدام شوي وجي يعني مو مرتب:ss:
ومو عاجبني
بس الكل قال لي حلووو
وركبت لون وردي فسفوري
اللون حلو:D
بس حسيت روحي غامرت شوي لان اووول مره واركب لون فسفوري
حتى الدكتور قال لي الناس غالبا اول مره يركبون فضي عشان يجربون فالبدايه
بس انا ماقدرت اقاوم الوردي الفسفوري
اينن ^_^:wink:


واممم بالنسبه للألم اول 3 ايام ماكلت شي غير دانيت وانتف ورق العنب انتتتتفه واكله
والحين عادي اكل كل شي بس شوووي شوووي
وللحين ماجربت اكل سندويش
من يومين مشتهيه ماك تشكن
بس ااخاف يعورني:confused:

مشكوووورين ع الموضوع

تذكروني بمعاناتي سابقاًَ

اها هاذي هي المطاطات ^^
ما اقول الا الله يعينج ولا يوريني مو ناقصه ><


غرام احباب انا الصراحه اكل كل شي عدا الجزر مو لان خايفه على التقويم ههههههه لا ان انا اصلا ما احبه

كنت بالاول مثلج اخاف اكل حتى اخاف اعمل بروش لاسناني لاني كنت اتصور ان التقويم راح يطيح يوم اضغط عليه .. بس الحين كلشي اكل "خلج من جنوني وخلي بالج من التقويم ^^"

بس الحين عااادي جدا اكل ومتمتعه بحياتي تصورو بنات كان ان وزني زاد بعد التقويم وايد مستانسه ^^

انا بقه اللى عندى مش تجربه دى ماساه انا اصلا اسنانى مكنتش حتاجه تقويم اوى في يوم رحت انضفها الدكتور ربنا يسامحه عرض عليه خيراته وعقدنى من اسنانى بعيدن قولتله خلاص اعمل عملت متحرك لان اسنانى اصلا مكنتش محتاجه اوى بعدين كل شويه يقولى اخلعلك درس لان عدد الاسنان اكبر من حجم الفك لحد ما خلعلى درسين والحمد لله الفرغ بدا يختفى حبه شويه بشويه وفضل فاتحه كده في الجنب زى ما يكون خالعه درس وشكلها مش حلو المهم انا كنت متفقه معاه على 6 شهور قعدت سنتين ونص واخر مازهق منى وخلص على فلوسى قالى بحححححححححح والفتحه كل يوم بتكبر اكتر من اليوم اللى قبله

العروس الفاتنة

شسوي أمري لله أتحملهم

و ان شاء الله هالشهرين آخر شهرين أستخدمهم



غرام أحباب

مبروك ع التقويم

بالبداية مابتكونين حابته لأن شكلهم مو مرتبين

بس بتلاحظين ان أسنانج يتعدلون بسرعة وبتستانسين بالتقويم

أما اللون أظنه حلو ماجربته .. واذا عاجبج .. خلاص لا مغامرة ولا شي

أما بالنسبة للأكل .. لما تلاحظين ان ألم الشد خلاص راح

اكلي اللي تبين حتى ساندويش ماك شكن وبالعافية عليج هههههه



ريم

لا بالعكس .. ذكريات حلوة

انزين قولي لنا .. ترتبو أسنانج وصارو حلوين ؟



دلوعة

تقريبا تعودت عليهم

وان شاء الله جريب أفتك منهم



برينسيس

ياحرااام .. الله لا يسامح هالننصاب

انزين انتي قبل لاتركبينه منتي استشرتي أهلج

اذا شكل أسنانج صج محتاج تقويم لو لاء

لأن مو دائما الدكاترة على حق في منهم نصابين

انزين حاولي تروحين لدكتور غيره أحسن منه وعنده ضمير

حرام جذي يتشوه منظر أسنانج



إلا أقول بنات .. من ركبت تقويم وبعدين الدكتور قال لها بنخلع لج ضرس ؟

لأن الدكتورة تبي تخلع لي ضرس ومادري بتفك التقويم وتخلع الضرس

والا مايحتاج تفك التقويم .. بس أظن لازم تفكه .. وهل بترجع تركب التقويم بعد الخلع ؟


ملاحظة هامة : دكتورة حلوة حايل .. وينج وين غايبة عسى ماشر