تـــجــــمع لبنات التقويم (اللي حاطين تقوووووويم اسنان)

حلوة حايل;7779894:
تمام ياعساك تمام التمام :)
واذاالدكتوره ماعطتك مطاطات انا بعطيك :tongue:

*بندق*;7780247:
هلا والله بتقويم

انا بخير نشكر الله

وان شاء الله ماتلبسين المطاطات >>لانى اكرهم من جد هههههههههه

Gone With The Wind;7783927:
بندق

انا مانزلت بس جهة الاضراس الخلفيه اللي فوق بدت اللثة تنزل عليهم :confused:
بس خايفه بعدين لمن اوصل للمراحل المتقدمه اذا الله احياني وعافاني.... تنزل زي البنات اللي اشوفهم خاصة الناس اللي مابقي لهم شىء مره قهر اللثة نازله والاسنان صغييييييرة وتحت

ان شاء الله بس مايصير كذا ولا لوحده فينا :)

أمة اللـه;7791214:
جمولة .. نقصتي 2 كيلو بأسبوع مدري أسبوعين !!

متفاجئة ومقهورة بنفس الوقت .. عيل شمعنى آنه مانقصت

آنه بس في الشهور الولى لما الدكتور يشد ضروسي أول يومين أو ثلاثة أيام ماآكل كل شي

بعدين آكل كل شي ولا يهمني ولا يعور ولاينكسر التقويم هع

بس مرة وحدة كليت ذرة .. عضيت عليها شوي زيادة ومادري شصار بالسلك حسيته يتحرك بسهوبة

حطيت يدي داخل حلجي على آآآخر ضرس يعني نهاية السلك واحركه فوق وتحت يتحرك بسهولة

ومن بعدها ماكليت ذرة .. بس آكل مكسرات والخيار بقشوره والتفاح بقشوره .. حتى الجزر تخيلو ..

يعني ولا كأني حاطة تقويم .. كل مرة أقول مابكثر أكل بس ماقدر شهيتي مفتوحة وآكل

تقويم ملون;7799067:
جمولة انتي من متى ركبتي التقويم؟؟
اني جتني هالحالة ماقدر آكل اول الشهور بس
اما الحين مجرد 3 ايام بعد الشد وخلاص يرجع طبيعي


فرشاتي ثنتينهم اورال بي

تقويم ملون;7826006:

السلام عليكم بنااااات

:(
الأمس الخميس كان عندي موعد وراح اقول لكم اللي صار بالضبط
أول ماشافت الدكتورة اسناني واللثه قالت لي لااااا:confused:
ماراح اقدر اشد لك ابدااااااااااً
انا قلت ليش :surrender:
قالت لي لأن اللثه ملتهبة :(ونازلة بين الاسنان الخلفية
خلاااااااااص بغيت اصيح ماقدرت :(
وشالت لي السلك الحين جالسة بدون سلك
بس لفت لي على الاسنان اسلاك اكيد تعرفوها ضعييييفة واجد
ومبهدلتني لأنها تمسك في شفايفي خلاص مو قادرة
أمس كنت آآكل وتكرموا الدم يطلع :confused: وطول الوقت خليت علي شمع
آآه بنات يعني شهر بيضيع على الفاضي
لأن قالت لي لازم تروحي لإستشاري لثة وتشوفي سبب الالتهاب لأن احتمال يكون سبب هرموني او او ,,, الخ)
وبعد مااخلص علاج اللثه ارجع لها وتكمل لي التقويم
بنات متضايقة حدي والبارحة ماجتني النومة الا بالويل صابني أأأأرق مو طبيعي
مدري ليش أحاتي وااااجد
بس انتوا مثلي وبتحسوا بإحساسي لأن اللي عليه التقويم ما ود يوم واحد يروح بدون فائدة
فما بالكم شهــــــــــــــــــــــــــــــــــــــــــــر :( :(

بنات ادعوا لي إني مااحتاج جراااااااااااااااااحة
:sad:
حاسة اني جالسة افضفض لكم ههه

الله كريم