سؤال لفترة مابعد الولادة للي عندها فكرة.

wow447
حبيبي كان ودي أساعدج بس ما عندي فكره أنا ولدت طبيعي ونزل الدم عادي بس نصيحتي لج راجعي الدكتوره اللي ولدتي عندها وإن شاء الله يكون شي بسيط وتقومين بالسلامه ومبروك على البيبي

انا اقول حبيبتي تروحين للدكتوره احسن او الحريم الكبار اللي عندهم خبره بالمواضيع الله يبعد عنج كل شر حبيبتي ويوفقج

مرحبا ياعرايس،
شكراً للأخت الورده المكنونه والأخت مهيه 2..على الردود وعلى النصيحة..
عموماً أنا رحت وسويت سونار على الرحم وقالي الدكتور إن الرحم نظيف ولله الحمد وقال لي يمكن وقت الولادة نظفوني عدل اي نزلوا لي الدم كله ، فأنا قلتله انه صار لي نزيف عند الولادة فقال لي هذا هو السبب ان الدم نزل كله..

وبالنسبة للحكة اللي فجسمي قال لي روحي لدكتور جلد احسن..

وانا بدوري رحت لدكتورة جلد ممتازة وقالت لي ان سبب الحكة جفاف شديد فجسمي من تأثير الحمل والولادة ونقص في السوائل وعادة مايزيد الجفاف بعد الولادة.. عموماً انا في فترة الحمل كنت اتنسى من الماي وماكنت اشرب الماي نهائياً وكنت اعوض عنه بالجح والخيار والعصائر الطبيعية..
فهي نصحتني بشرب الكثير من الماء والإبتعاد عن المانجو والفراولة والكيوي والأناناس وبعد كتبت لي على حبوب وشراب وكريم مرطب وقالت لي عند الإستحمام استخدم صابون دوف وبدون الليفة..

بس هذا كل اللي صار لي وحبيت انقل لكم اللي صار معاي للإستفادة .
والله يبعد عنكم الشر ويوفقكم آمين يارب العالمين

تحياتي
wow447
من دار بومشعل، وبكل فخر.

الف حمد لله علي السلامه والحمد لله انك اطمنتي

يالله الف الحمدالله ع سلامتج..

وماتشوفين شر..

الف الحمدلله على سلامتج .. وماتشوفين شر يالغاليه

الف الحمدلله على سلامتج .. وماتشوفين شر يالغاليه