ادخلوا يا عرايس بسرعة يمكن تستفادوا

فيه حاجة ظهرت اليومين دول وانتشرت قوي.. وهي كتاب الزوار... كتاب صغير ولطيف بيتحط على حامل في مدخل القاعة، وبيتطلب من كل ضيف إنه يكتب كلمة للعريس والعروسة بمناسبة الزفاف وطبعاً حاجة زي دي بتسيب ذكرى جميلة لأنها بتسجل لحظات مهمة جداً.. وكمان ساعات كتير الواحد من لخمة الفرح مش بيعرف مين اللي حضر ومين اللي ماحضرش... وبالتالي ممكن ترجعي للكتاب علشان تعرفي مين اللي جه ومين اللي ماجاش.. المهم دي فكرة لطيفة... وممكن تنفذيها ببساطة..

• نوتة بالمقاس اللي إنت تحبيه.

• تجيبي لوح إسفنج رفيع وتقصي قطعتين من الإسفنج على مقاس الغلاف بتاع النوتة ولو النوتة غلافها خفيف يبقى هتحتاجي كمان ورق كارتون وتقصيه قطعتين برضه على مقاس الغلاف بتاع النوتة.

• الصقي قطعتين الكارتون -بمسدس الشمع- واحدة على وش النوتة وواحدة على ضهرها.. وكرري نفس العملية في لصق الإسفنج على الكارتون.

• جيبي قماش ساتان وقصيه على مقاس النوتة وبعدين الصقيه بمسدس الشمع حوالين النوتة، بس خلي بالك لازم تشدي القماش كويس علشان يبقى مفرود وشكله حلو.

• وبعدين إبدئي زيني الكتاب زي ما تحبي..


ودي تشكيلة يمكن تساعدك برضه في اختيار التصميم المناسب