.:|| حـــزب المخطوبـات : ) ||:.

يمنع منعا باتا وضع المشاركات المخلة بالأخلاق والآداب
تم التعديل بواسطة الدانـــــه
______________________
بنات حبيت ابين لكم كم من شغله استفدتها من هالسالفه الواقعيه

1/ لساني يكون رطب بالكلام الحلو..حتى وقت العصبيه اكون هاديه وناعمه ورزينه ..والفاظي لبقه
يعني مثلا انا لما اكلم زوجي واخواني مزعجيني حولي والا معصبه من احد ..ابد ماصارخ ولا اقعد اسب ولا من هالشي
علشان ماتتعود اذنه على هالكلام مني انا
كيفه يسمعه بأي مكان بس مو مني انا:gum:

2/ ان زوجي هو زوجي سواء بروحه والا في احد من اهله..
ادلعه واسويله اللي يبيه..مو اذا احد من اهلي والا اهله موجود اقلب عليه مسكين وكأني ماعرفه..
يعني مثلا بروحنا لما يناديني اقوله لبيه حبيبي (مع اني للحين مو قادره اقوله حبيبي :sad: احس توقف بحلقي ماتطلع..كاسر خاطري يبي يسمعها مني عفويا مو يطلبها طلب:cry: )
بس مابخاف لأنه بس مالكين ..بعد العرس يصير خير
المهم نرجع للموضوع..عاد مو لا صار فيه احد وناداك تقولين (نعم) وكأنك بتطيحين على وجهك:dd:
ترى الرجال يبي اللي حوله يحسون انه مبسوط ومدلع خاصه قدام اهله..بس يعني بحدود لا تتعمقون:shy:
وبعدين ترى اذا تعود على اللسان الحلو منك والدلع يصير لا اراديا يدلعك ويكلمك كلام حلو
قدام اي احد:bigsmile:
عااااادي زوجك مو حرام...وخلي اللي يتكلم يتكلم ...مابيفيدونك:no:

3/ الحيا اللي زايد عن حده خاصة بجيلنا الحين مو زين:no: ...يعني يبون وحده جريئه تستحي..يعني بينها بين زوجها تكون جريئه لكن جرأه مغلفه بخجل المرأه وأنوثتها
لأن الحيا يزيد المرأه جماااال ..لكن له حدود..مايزيد لدرجة ان الرجال يحس ان زوجته موجوده علشان ترضيه
يعني بوضوح أكثر يبي يحس ان زوجته تبيه مثل مايبيها:salam: ..ان فيه شعور متبادل بينهم..انها حبيبته مو بس زوجه تؤدي واجب وخلاص

__________________________

هذا اللي حبيت افيدكم فيه مثل ماستفدت انا منه

والله يوفق الجميع
(f)