.:|| حـــزب المخطوبـات : ) ||:.

00مها00:
ايه والله مافيه غيرنا ههههههههههههه

اوكي انتظرج

وان شاءالله بجربها اذا شغلها مو واااجد...


انا قالو لي اخذ بنج زي مال الاسنان واحطه يعني يخدر هالمنطقه واشيلها

بس اخاااااااف ^_^

فيه كريم من الصيدلية اسمه emla
للتخدير

تخليه ساعتين وتمسحينه بفوطه وتبدي تشيلين بس لا تكررين تمرير الحلاوة

على نفس المنطقه علشان ماتحمر وتسود اخر شي


واذا شفتي الشعر مايطلع من الجذور لصقي قطعه صغيره من الحلاوة على الشعر نفسه

بدون الجلد واسحبيهم مثل النتف

وابدي من تحت بقطع صغيرة من الحلاوة

لين توصلين لفوق

وعادي لو تعبتي وخليتي الحف لليوم الثاني

بس علشان تتعودين لاول يوم من الزواج لازم تكون ناعمه ونظييفه :gum:

بنوتة اماراتي:
مها انا لما قلت اني قعدت بعيد عنه كانت مقصوده يعني انا بالعاده اجلس جنبه لكن مره رحت و قعدت بعيد عنه تم يطالعني و قالي تعالي و ارد بدلع لا هني احسن يقول تعااالي اقوله انزين ان شاء الله و امشي بشويش لين ما اوصل له و اقعد جنبه .. هههه يذوووووب ذوبان ..

من ناحية اللبس انا ما اقدر البس له براحتي لانه ما يخلوننا نقعد بروحنا .. و من ناحية المسجات انا رسل له بس هو قليل يرسلس فالحين قاعده أئدبه و ما اطرش له الا اذا صادف مناسبه خاصه بنمشيها....

ودي نقعد جذي نسولف و نستفيد من بعض بس المشكله انا طول اليوم عندي دوام و ارجع هلكانه و اخصص لي وقت اشوف ردودكم و احاول اظيف شي من عندي ..

انا بطبعي خجوووووووووووله و هو مرات يتعمد يخجلني .. تعرفون ما ادري اذا هالشي مسموح فيه او لا بس هو لين الحين ما قدر (يبوسني) من كثر ما الحكومه مشدده الحراسه .. و الله مسكين زوجي.......

فيدونا بالحركات و المسجات اللي عندكم ....

و بنات اكيد عنكم أسئله وايد نفسي يعني .. بس المشكله المستحى ما نقدر نسأل و اذا ما ٍالنا كيف بنعرف؟؟؟

مبروووووووووووووووك


وبس انا من رايي الحركات في الملج تكون خفيفه وبسيطه وتلقائية


يعني مثل حركتج الحلووه


وخلي الافكار الكبيرة لبعد الزواج


لانه فترة الملجه الزوج ينهبل على اي شيء من حرمته حتى لو كانت بسيطه


وتقدروون تدخلوون قسم الافكار والخبرات

ماشاء الله يابنات


انا عضوع جديده في المنتدى


ومخطوبه بس ماملكت لسه يعني مافي مكالمات الا بعد العقد


بس بكون بينكم واستفيد الين مااملك


اتنمى ترحبووو فيني

ماشاء الله يابنات


انا عضوع جديده في المنتدى


ومخطوبه بس ماملكت لسه يعني مافي مكالمات الا بعد العقد


بس بكون بينكم واستفيد الين مااملك


اتنمى ترحبووو فيني

بنوتات انا ودي اقول حق ممها
لاتستخدمين اي مخدر لان موزين وميخالف صج الالم فضيع بس تحملو شوي عشان عيون ريايلكم
لوووول
بس ترى بعدين تتعودين خلاص
انا الحين عادي بكل سرعه اخلص
وعلى طاري الكريمات
انصحكم ما تستخدمونها من اول الايام الزواج ولا بالملجه
خلج حياويه ترى الريال يموووووووووت على الحياويه واستخدميها بعد زواجج بشوي لمن تتعودين عليه
بس ديرو بالكم اشترو من مكان مضمون لان خطر على الريال وعليج
في بعضها مو زين تنوكل
ولاااااااتستخدمووون المووووووس كللللللش ترى مو حلو يفشل

وعلى سالفه الحركات والمسجات لاتبخلين على زوجج بالمسجات لان اذا انتي مادزيتي ماراح يدز اهو
ولا تخافون ترى الزواج بعد حلو مو بس الملجه ولاتخافون ترى انا قلت الملجه حلوه لانها بدايه التعرف على بعض عشان جذي حلو
واي استفسار حاضره

بنوتة اماراتي:
مها انا لما قلت اني قعدت بعيد عنه كانت مقصوده يعني انا بالعاده اجلس جنبه لكن مره رحت و قعدت بعيد عنه تم يطالعني و قالي تعالي و ارد بدلع لا هني احسن يقول تعااالي اقوله انزين ان شاء الله و امشي بشويش لين ما اوصل له و اقعد جنبه .. هههه يذوووووب ذوبان ..

أها الحين فهمت...

بطبقها المره الجايه :clap: <<<ياكثر اللي بتسويه واخرتها بتنسى

بنوتة اماراتي:

من ناحية اللبس انا ما اقدر البس له براحتي لانه ما يخلوننا نقعد بروحنا .. و من ناحية المسجات انا رسل له بس هو قليل يرسلس فالحين قاعده أئدبه و ما اطرش له الا اذا صادف مناسبه خاصه بنمشيها....

وييييييييييييه انا اذا احد جلس معاااي استحي اكثر واكثر

الله يعينج <<بتخرب البنت وتقوووي عينها هههههههههه

وبالنسبه للمسجات ترى عادي انا احس مسجاته قلت عن قبل

يمكن لانهم يحبون يقولون الكلام وانتي تسمعينه او وجه بوجه (ياحبهم لاحراجنا) ههههه

بنوتة اماراتي:


ودي نقعد جذي نسولف و نستفيد من بعض بس المشكله انا طول اليوم عندي دوام و ارجع هلكانه و اخصص لي وقت اشوف ردودكم و احاول اظيف شي من عندي ..

الله يعينج ياااارب
ان شاءاالله بتجي الاجازه وترتاحين :ok:
ومشكوره عالاضافات الحلوه <<<احتلت الموضوع على بالها هي كاتبته هههههههههه

بنوتة اماراتي:


انا بطبعي خجوووووووووووله و هو مرات يتعمد يخجلني .. تعرفون ما ادري اذا هالشي مسموح فيه او لا بس هو لين الحين ما قدر (يبوسني) من كثر ما الحكومه مشدده الحراسه .. و الله مسكين زوجي.......

تدرين حتى انا ماخليته يبووسني ومن يقرب مني انا ابعد عنه
ولما يكلمني يقول لي انج مانعتني حتى من ابسط شي وهو البووسه
ارد بدلع واقوله احلى شي فيك انك فاهمني ومخليني على راحتي ماتجبرني على شي استحي منه <<< تخرط عليه بس عشان يستانس ومايحاووول يبوسني وانا غافله شرايكم مو ذكيه :ok: ههههههه

بنوتة اماراتي:


فيدونا بالحركات و المسجات اللي عندكم ....

و بنات اكيد عنكم أسئله وايد نفسي يعني .. بس المشكله المستحى ما نقدر نسأل و اذا ما ٍالنا كيف بنعرف؟؟؟

حركات ماعندي بس هي تجي بوقتها يعني من غير قصد
مسجات عندي بكتب لكم كم مسج وان شاءالله يعجبونكم ولاتقولون جرئه انتو جربو ورسلو مابتخسرون شي...


[grade="B22222 00BFFF FF1493 4B0082"]أيام عمري ياحبيبي بـ يدينك 00
سو ماتبي فيني تراني محللك 00
دامك مدللني وأنا وسط عينك 00
واللهـ لـ أحطك وسط عيني وأدللك 00
" بــوســـهـ غــــــلا " علقتها في جبينك 00
عن الحسد يا نور عيني تظللك !
.................................................

سو كنك مادريت وبوسني
وسوها ثاني على انك تعتذر
وقول آسف مانتبهت وضمني
والعذر مقبول ولك مني شكر
وكرر الغلطه معاي وخلني
انتظر عذرك بفارغ صبر
جيبني ثم ودني ثم جيبني
من حدود الشمس لحدود القمر
وين ماتبغى فديتك ودني
ببقى معك ياسيدي طول العمر
هد حيلي بالغرام وهدني
والله اني ناذر لحبك نذر
تكفى بعثرني فديتك وضمني
في كفوفك يااغلى البشر
راح اسوي كني دخت وضمني
وراح اقول امزح وابوسك واعتذر
................................

غمض عينك دقيقه


راح ارسل بوسه رقيقه


تكتب على خدك حقيقه


احبك لآخر دقيقه

.................................

ماهو الحب؟


هل هو؟

انتصار للقلب؟

ام هزيمة للعقل...؟



هل هو؟

بداية ابتسامة؟
أم مقدمة دموع...؟



هل هو؟
شك وثقه؟
أم راحة وتعب..؟






بل هو...

كالقبله
يتقاسمها اثنان..

......................


ودي ارسل عيوني صوبك
تشوفك وتتطمن عليك
وتبوسك وتقولك
تراني افكر فيك

................[/grade]


واللي عندهم مسجات لايبخلون علينا



بالنسبه للاسئله عندي اسئله وااايد بس مدري ان سألت يمكن تضحكون علي واستحي اقولها :sad:

نوووسه:
فيه كريم من الصيدلية اسمه emla
للتخدير

تخليه ساعتين وتمسحينه بفوطه وتبدي تشيلين بس لا تكررين تمرير الحلاوة

على نفس المنطقه علشان ماتحمر وتسود اخر شي


واذا شفتي الشعر مايطلع من الجذور لصقي قطعه صغيره من الحلاوة على الشعر نفسه

بدون الجلد واسحبيهم مثل النتف

وابدي من تحت بقطع صغيرة من الحلاوة

لين توصلين لفوق

وعادي لو تعبتي وخليتي الحف لليوم الثاني

بس علشان تتعودين لاول يوم من الزواج لازم تكون ناعمه ونظييفه :gum:

مشكوره اختي
بس جربتي الطريقه؟؟

وشلون يعني احط الكريم ساعتين ماالبس شي فوقه وبعدالساعتين امسحه بقطعه وابدأ اشيل؟؟؟

جزاج الله خير يالغاليه وماقصرتي

لؤلؤةالسماء:
ماشاء الله يابنات


انا عضوع جديده في المنتدى


ومخطوبه بس ماملكت لسه يعني مافي مكالمات الا بعد العقد


بس بكون بينكم واستفيد الين مااملك


اتنمى ترحبووو فيني

هلا فيج حبيبتي

ومبرووووك مقدماً

وان شاءالله تستفيدين يارب وتفيدين بعد الملجه

الله يوفقج ويسعدج

:salam:

ام عليوي:
بنوتات انا ودي اقول حق ممها
لاتستخدمين اي مخدر لان موزين وميخالف صج الالم فضيع بس تحملو شوي عشان عيون ريايلكم
لوووول
بس ترى بعدين تتعودين خلاص
انا الحين عادي بكل سرعه اخلص
وعلى طاري الكريمات
انصحكم ما تستخدمونها من اول الايام الزواج ولا بالملجه
خلج حياويه ترى الريال يموووووووووت على الحياويه واستخدميها بعد زواجج بشوي لمن تتعودين عليه
بس ديرو بالكم اشترو من مكان مضمون لان خطر على الريال وعليج
في بعضها مو زين تنوكل
ولاااااااتستخدمووون المووووووس كللللللش ترى مو حلو يفشل

وعلى سالفه الحركات والمسجات لاتبخلين على زوجج بالمسجات لان اذا انتي مادزيتي ماراح يدز اهو
ولا تخافون ترى الزواج بعد حلو مو بس الملجه ولاتخافون ترى انا قلت الملجه حلوه لانها بدايه التعرف على بعض عشان جذي حلو
واي استفسار حاضره

مشكووووووووووووووووووره ام عليوي

وعلى قولتج نتحمل عشان خاطر عيونه ^_*

والموووس خلااص بشيله من القائمه ههههههههههههه

وثانكس مره ثانيه

بناااات انا الحين بطلع

بستعد حق روحة السووووق وراااي مشوار

المهم

بس حبيت اسألكم عن ماكينة بروان اللي لونها ازرق مخضر <<<ياعيني عاللون
عرفتوها؟؟؟؟؟؟؟؟؟؟؟

سمعت انها مره زينه نشيل فيها المنطقه اللي خبري خبركم

وقريت موضوع عن الشيل بحلاوه انه مو زين

لان الرسول صلى الله عليه وسلم امرنا بنتف الابط وحلق العانه
وسمعت انه في محاضره دينيه وحده انصحت انه مانشيل بحلاوه لان وحده من كثر الشيل ماتت الخلايا الحسيه بالمنطقه هذي


صراحه انا تخرعت الحين شسوووي

بحلاوه يطلع احلى وانعم

بس يوم قريت عن آلة بروان قلت بسألكم يمكن وحده مجربه
لان اللي جربتها تقول عادي لو كل يوم تشيلين فيها وماتعور ولاشي

ياليت تفيدونا

باااااي وبرجع لكم بعدين

مس مووووسه وينج اليووووم
ترى امس ماسويت ولاشي <<< مو قد التحدي ههههههههههههههههه

بناااااااااااااااااات بصيييييييييييح .. ريلي ما ادري شو فيه؟؟؟؟؟؟؟؟؟؟

و الله الدمعه في عيني لكن ما اريدها تنزل !!

بخبركم السالفه .. ريلي بعده يدرس و الحين صارله اسبوع و و متظايق و انا سألته و حاوت بكاااافة الطرق اني اعرف شو فيه و ليش متظايق يقول خلاص مليت من الدراسه !! و حاولت اشجعه عشان يستمر لانه هو ما باقله شي .. لكنه بعده متظايق و شو اللي عورلي قلبي انه اليوم يا يزورني انا و اهلي و كان عندنا ناس فطبعا قعد معاهم و دخل عندي في الصاله سلم علي و طلع ما طاع يقعد!!! و الله تظايقت! و كان شكله هو متظايق و هو يقول انه من السبب الي ذكرته!!

شو اسوي الحين و الله ما اعرف بليييييييييز بنات ساعدوني نصحوني .. يمكن انا مقصره ؟؟؟؟؟ لكن و الله انا اللي اقدر اسويه اسويه يوم ايي اقعد معاه و ااكله و اهتم فيه و اسمع له و انصحه و الاموور عادي من بيننا .. يعني شو اسوي ما اعرف...!!!

و اتصل فيه .. و مع انه ما يطرشلي مسجات وايد اطرشله .. لانه هو شكله يحب الكلام وجها لوجه اكثر ( مثل ما قلتي اختي مها) .. اسمحولي وايد متظايقه .. برجع بعدين ان شاء الله القاكم

اختي مها

ماكينة براون طلبتها من وحده عندنا بالمنتدى

و اول ما توصل.. بجربها و بخبرج بالنتايج (r)

بنوتة اماراتي

لا تتضايقين حبيبتي و انشالله انها سحابة صيف و اتعّدي

واذا على موضوع الدراسه.. الدراسه روحها هـّم .. انتي حاولي اتصبرينه و اتشجعينه

اتعرفين الواحد يوم يكون مضايج يكون حساس بزياده و اي شي لو تافه يزعله

و بالنسبه للمسجات.. ريلي نفس الشي ما يهتم بهالامور و اتحصليني انا حارقه تلفونه بمسجات الحب و الوله اطرشله 10 مسجات ويرد عليه بمسج !!

الله يصبرج يالغاليه

miss 1981 تسلمين حبيبتي على ردج و الله يسمع منج و ربي يسعدج انتي و ريلج و انا حاولت و بعدني بحاول اني اشجعه و لو اني بتعب لكن ماشي بيسعدني كثر يوم اشوفه فرحان .. و الله اني فكرت وايد عقب ما طلع من البيت قلت خلني اطرش له مسج بس ترددت وايد .. قلت هو متظايق و توه راجع من بوظبي يعني الحين بيروح عند ربعه و الا بيقعد حتى مع اخوي و بيغير جو و ان شاء الله تروح الظيقه منه.. لاني لو حسسته اني متظايقه علشانه بيتظايق اكثر .. بس ودي اسوي شي و لو بسيط يخليه يفرح و يستانس.. يعني الحين ما اعرف اطرش له شي او لا؟؟!! شورايكم و اذا هيه شو اطرش له؟؟ لانه الموضوع حساس

بنوتة اماراتي

انا لو مكانج بطرشله مسج.. لكن مب مسج عتاب و لوم (( لا))

مسج حلو خفيف.. منها يفرح و في نفس الوقت احسسه اني مب متضايقه و إنه على بالي

شوفي هالمسج :

عاملني مثل المضاد الحيوي كل 8 ساعات راسلني مره
او حتى مثل الفيتامين مره فاليوم
مو تخليني مثل دواء الحموضه عند الضروره فقط تراسلني :dd:

توني طرشت هالمسج حق ريلي و اتريا الرد

او اتصلي فيه.. وقوليله عن شي حلو صار بينكم او يضحّك.. عاد اونج اذكرتيه توج !!

بس مادري هالشي صح و إلا غلط :sad:

و الله عيبني هالمسج .. يعني رايج اطرشه انا بعد و اسوي نفسج؟؟

انا اعرف انه الحين مع ربعه يعني ما بيقدر يكلمني فمسج يكون احسن..

طرشيه .. واذا ما رد عليج الحينه.. اكيد بيرد عقب..

المهم انج تكونين كوووووووووووووووول و اذا اتصل حسسّيه انج ولهتي عليه هالفتره اللي يلسها مع ربعه..

و صبر جميل و الله المستعان ^__^

تم الارسال !!!

يا رب تأثر فيه ولو شوي.. اشتقت لظحكته :$

يزاج الله خير ^_^

هالامور ترى عادي تصير بين اي اثنين

الله يهنيج يا ربي و يبعد عنج الضيجه و الزعل

هيه بس هذي اول مره .. و انا انسانه حساسه شوي زياده عن اللزوم .. و بعد تعرفين يوم تحبين انسان تبينه دوم مستانس ..

على فكره على طول دقلي تلفون و توني مسكره عنه .. الحمدالله حسيت في تحسن و ظحكته و سمعته كلام حلو و لااا يبت له طاري الدراسه .. عشان انسيه همها شوي.. الحمدالله الحين ارتحت ..

يزاج الله خير و اسكنج الجنه و يرزقج كل خير يا رب ويوفقج في حياتج انتي و ريلج ^.^