سؤال عن حبوب الرواكوتان تكفون تعالوا...

وداعتك قلبي 06-09-2006 9 رد 3,935 مشاهدة
و
السلام عليكم

بنات احتااااج مساعدتكم

انا اتعالج عند دكتورة جلدية...وطبعاً
سوت لي ثلاث جلسات تقشير للوجة
وهالمرة وصفة لي...
حبوب الرواكوتان


انا قريت الروشيتة
وانهبللللللللللللللت

فيها بلاوي تشوهات خلقية للجنين
واكتئااب وانتحار وماادري ايش


بلاوي بلاوي

هي عطتني الحبوب من غير مااسوي فحص

المهم انا دقيت عليها وقلت لها
خايفة من الأثار الجانبية

قالت عااادي مافيهاشي
هي مفعولها ممتاز ويفيد البشرة مرة


حابة اسأل ......اللي جربوها
وش النتيجة........
السلبية..والأيجابية

تكفوووووووون لاتبخلون علية
انا مترددة
وامي تهاوشني ...ماتبغاني اخذها
:sad:
تقول اذا صار لك شي إنتي المسؤلة
انا مبرية ذمتي...مالي شغل قلت لك ومارضيتي
وش رايكم بنااااااااات
أخذها ولا لأ..؟!!!!!!
ح
انا اسفة اول مرة اسمع عنها ب سحبيت ارد ان شاء الله البنات يفيدونك
ا
انا جربتها
اذا انتي بنت ومش على وجه زواج
استعمليها وتوكلي على الله
تنشف البشره وتاخذينها لمده كورس 6 شهور او 7 على حسب وزنج
عيبها الوحيد انها تنشف البشره
ر
هلا الغاليه

انا كنت مثلج يوم قريت النشره تخرعت،، بس الحمدلله جربتها وجابت نتيجه حلوه

شوفي عيوبها انها راح تنشف وجهج وايد وممنوع تحفين في هالفتره لان الجلد بيكون ناشف وايد ولاتسوين غلطتي حفيت وتحنيت وبعدها اكتشفت ان جلدي متشقق وتمت اثار الحنه لين اليوم لوول
المهم وبس شعرج بيتساقط شوي
اهم شي لازم الدكتوره تعطيج كريم فيتامينE عشان الجفاف وتحطينه على شفايفج وقطرات للعين عشان ماتجف
العلاج لازم يكون بين 3 الى 6 شهور لاتاخذينه اكثر مب زين
ومثل ماقالت الاخت اذا ماكنتي متزوجه توكلي على الله بس الخوف اذا متزوجه لان ممنوع تحملين لين تخلصين العلاج واتمين فتره
اي وبعد مايصير تاخذين فيتامينات فيها فيتامين أ لان يتعارض معاه
لكن انشالله بتشوفين نتايج حلوه وكل الحبوب راح تختفي والاثار معاها
^_^ اي استفسار ثاني امريني
ق
هلا اختي

انا جربتها بعد
بس غريبه تصدقين ماجفت شفايفي مثا اختي وصديقاتي
لاني طول الوقت على المرطب

وصراحه رووووووووووووووعه
بياض وصفاء بشره مو طبيعي
وراحه نفسيه والله
بس احتمال كبير اذا وقفتيها ترجع
بعد شهرين او اكثر
مثلي

انا توهقت صراحه
وجاني فقر دم

وحابه ارجع لها
بس اذا مالقيت حل ثاني
مع انها مريحتني مره
وسعرها 240 ريال

الله يوفقك ويسهل عليك ان شاءالله

تحياتي لكـ
م
توكلي على الله وجربيها نتيايجها تجنن بس أهم شي الفحص الطبي .
و
انا مو متـزوجة

يعني اتوكل على الله وأستخدمها
.....؟!!!!

للعلم اني ماسويت فحص
والدكتورة وصفتها لية من غير...فحص


ومشكوووووووورين حبايبي
الله يعطيكم ألف ألف ألف عــــافية
ويوفقكم يـــارب
ر
انا جربتها من كم سنه ..

مع ان فعلآ مكتوب عنها انها اتسبب اكتآب وتساقط شعر و و و ..

بس الحمدالله انا عن نفسي ماصادني شي ..

وهل حبوب هي اللي خلصتني من لحبوب اللي بويهي وجسمي .

الشي الوحيد اللي صارلي هو جفاف خفيف في الوجه ..

ولازم اتحطين واقي شمس خالي من الزيوت مثل اللي عند نايتروجينا او خلي دكتورتج توصفلج نوع .

اما عن تشوه الجنين لازم بس ما تحملين بعد 5 اشهور من اخذ الكورس .

اختج

روح البحرين
*
هلا اختي ..


انا جربتها قبل اقل من سنة .. بشرتي كانت دهنية وفيها اثار حبوب

وما شاء الله تبارك الله خلت بشرتي تجننننننننن .. صارت ماهي دهنية ومشدوده .. وتحسين ان اللون يتغير ويفتح ..

بس مشكلتي تركتها قبل 4 شهور .. لاني بتزوج وصراحه مافيني احمل ويصير شي لا سمح الله في الجنين ..




وبشرتي صارت اخس من اول .. دهنية اكثر من قبل .. وحالتها حاله ..

مشكلتي زواجي بعد شهرين وبشرتي مره تعبت
ب
عزيزتي انا الحين باقلي اسبوعين تقريبا و اوقف الكورس .. بكون كملت 6 شهور ..
الحمدالله الحبوب راحت و الاثار بعد .. الشي الي ازعجني اني عانيت من الجفاف و تشقق الشفايف خاصه اني انا ما اشرب ماي زين .. يعني انتي احرصي على شرب الماي و استخدام المرطب اللي توصفه لج الدكتوره ..
انا سوولي فحص دم قبل و ايضا قبل كل موعد مراجعة باسبوع اسوي فحص .. لمتابعه حالتي.
و يعطوني حبوب فيتامين مع العلاج حتى ما ييني فقر دم و الحمدالله صحتي تمام ..
اذا عندج اي استفسار بعد انا حاظره بس لو يكون على الخاص احسن عشان انتبه عليه و ما اتاخر عيلج..
X