ما رأيكن في معاقبة الاطفال ؟

هلا اختي انا رأيي طريقتك مادامها فادت مع ابنك فكتيير حلو احسن من الصياح بوجه طفلك
او نعته بألفاظ ماحلوة وبالتالي تأثر عليه لما يكبر او احسن من ضربه والضرب ابدا ما يفيد ومو كويس
فرأيي خليكي على طريقتك والله ييحفظلك ابنك يااارب

هلا عزيزتي الدمشقيه مشكوره الغاليه على النصيحه والله يحفظج ويحفظلج غاليج :)

طريقتك حلوه ويسمونها كرسي العقاب هههههههههههههه صارت كنها كرسي الاعدام

بالنسبه لي انا امنعهم من الشي الي يحبونه واذا اعتذرو ويوعدوني انهم مايكررونها اسامحهم

او اني ازعل ولا اكلمهم والاخيره تجيب نتيجه اكثر


وانا ضد الضرب والصراخ لانهم يجيبون نتيجه عكسيه وعقد للاطفال

أختى طريقتك صح،، آنه بعد ودي أعلم ولدي على كرسي العقاب..

ولدي عملته على طريقة ونفعت الصراحة (كانت مخبرتنا عنها مدرستنا يوم كنا بالإبتدائي والله عمر)، ان لما يسكب شي على الأرض او يبهدل المكان خليه هو ينظف،، الطريقة هاذي جابت نتيجة، حتى ان احيانا يستهويه ياخذ الفوطة وينظف الجدار..
مرة فتح كيس الشيبس ونثره بالأرض، خليته ياخذ المكنسة ويكنس ...

ترى لاحظت معاه أن اسلوب الضرب ماينفع يخليه يعاند أكثر،، دائما خلى شخص من العائلة أكبر منه بشوي ومعروف بأدبه قدوة، يكون يقتدي به....

اذا كسرت شي او عملت شي طبعا اعرف انها ما تقصد اقول يسلم راسها اغضب عليها وافهمها اذا عملت كذا مرة ثانية راح احرمها من كذا وكذا وكذا وتعرف هي اذا ما سمعت كلامى اخليها تبكى وتبكى وما اعطيها وجه الى ان ترجع لي واعلمها اذا عطيتها شي تقول شكرا ماما واذا عملت شي خطأ تسمع كلامى وتعتذر وتيجى تبوسنى وتحظنى ....... عكس اختى الكبيرة الله يحفظهم عيالها مساكين تضربهم ضرب ساعات ودى اعلم عليها الشرطة يمسكوها علشان عيالها يرتاحون من صراخها عليهم مساكين تقول لي انتى طريقتك خطأ بتربية البنت والخادمة تعاملك معاها غلط .اقول لها يسلم راس بنتى اذا خربت شي بداله الف اعرف انها ما تقصد تخرب الشي فليش اضايقها واهم شي انها ما تسوى خطأ او حركات مو زينه ..وبالنسبة لخادمتى ما اقدر افتح فمى اذا اشوف منها شي خطأ لأن عيالي بيدها وهى لا هي بنتى ولا هي اختى سنتين وبتروح .......

غلط يأاخت نودو أنك ماتكلمين الخدامة،،، صحيح أن عيالك بين يدها (كلنا نحاسب لهذه النقطة) بس ماسمح لها تتمادى وتضرب عيالي وآنه ساكته.. لا زم يكون لها حدود في التعامل مع او مع عيالك....

لموره الاموره مشكوره الغاليه :) انا ما اقدر امنعه من اللي يحبه لان ولدي بعده ما كمل سنتين يعني ما بيستوعب هالشي . . ومشكوره الغاليه على النصيحه وبارك الله فيج :)

===================================

رانيا البحرين مشكوره وانا نفس الشي اسويه لما ينثر على الارض اشيا اخليه يجمعها معاي ويارب يتعلم .. ومرات كان يسكب عصير يجيب فوده ويمسحه لول

ومشكوره الغاليه على النصيحه والمرور


========================

أختي نودو أكيد يسلم راسها وراس عيالنا كلهم وبصرااحه اتج قلبها قوي احس الاطفال بعدهم صغار ما يحتاجون ضرب بعدين لي كبروا وجت بتأدبهم للصلاه وغيره عن طريق الضرب ما بيتفع معاهم بتصير مناعه عندهم :)

والله يهديها .....

وبالنسبه للخدامه انا ما جبت خدامه لكن ناويه بما اني حامل الحين وبكون بببيتي بعد الولاده وما بروح بيت الاهل فبحتاجها بس بحاول قدر الاستطاع ان ما اخلي ولدي بايدها صراحه اخاف من الخدمم وبلاويهم

ومشكوره الغاليه على النصيحه والمشاركه

===============


عزيزتي رانيه البحرينيه الاخت نودو أكيد تقصد انها ما تقول لها شي اذا خربت او كسرت مو اذا ضربت اليهال لانها ضد ضرب اليهال