مدرسه شويفات

ياهلا أختى،، باكلمك عن الشويفات بالبحرين،، أخوي هذي أول سنة له هناك،، مرتاح منها كثير والمنهج قوي،، بس آنه بالمرة مو مرتاحة من الناحية الدينية،، يعني المدرسة أكثرها مسيح يعني كيف بيهتمون بالتنشئة الدينية وينمون جيل واعي بدينه،، الصراحة آنه كنت ضد دخوله هذه المدرسة ومازلت عند رأيي بس في النهاية آنه مو ولية أمره.....

حبيبتي انا سمعت انهم صارو يهتمون بالدين والعربي انا خاطري ادخل بنتي شويفات عشان اللغه

هلا اختي توته .........
والله الشويفات اللي عندنا بعمان صراحة مدرسة صح انها غالية بس دراستها قوية وااااااايد واللي يدرسون هناك وايد اهاليهم يفتخروا بيهم لانهم منضبطين ودراستهم اوكي يعني صح في صعوبة بس كثير كثير كثيييييييييييييييييير يمدحونها والناس يشجون بعضهم البعض
فنصيحتي لا تترددي الا اذا كنتي في خيار آخر
ولكي من تحياتي


و


سلامي

:):)

ثانكس ي ضحى الشمس ع التشجيع خلاص انشاء الله بسجلها

سمعت انه مستواها نزل عن اول ...
انا اطري اللي في العين .. فما اعرف عن باقي فروعها كيف ..

بنفسوجة

بنفسجه العين خوفتيني بصراحه ممكن تسالين حد دارس ف المدرسه بليييييييييز

بنفسجه العين خوفتيني بصراحه ممكن تسالين حد دارس ف المدرسه بليييييييييز:sad: :sad:
اوكي مدرسه الاتحاد الخاصه شورايج
يله يامورات ردو علي بليز:shy:

السلام عليكم ورحمة الله وبركاته

أختي صحيح كلام بنفسجة العين الشويفات نزل مستوااااها كثير وكل اللي موجود بالمدرسة الأغلبية من لبنان يعني يعرفون عربي ويكلمون الطفل عربي وخاصة المواطن

أنا دخلت ولدي المدرسة الإنكليزية لأن منهاجها بريطاني وكل العاملين فيها أجانب محد يعرف كلمة واحدة عربي

وبنت اختي في الشويفات صح تتكلم وتقرأ وتكتب وهي من الروضة الثانية بس النطق للكلمات غير صحيح ولدي يصحح لها لان مثل ماقلت لج

منهاج الشويفات امريكي مش بريطاني والمنهاج الأمريكي مايهتم بالقواعد الصحيحه أصلا الأمريكان هم بنفسهم مايعرفون قواعد اللهم لغة فقط

هذا رأيي وأنت براحتج صلي استخارة وشوفي وين الله بيكتب ل بنتج الدراسة
والله يوفقها

أختج

الصوووت العذب

أختى خوخة،،، الصراحة آنه مادخلت المدرسة الا مرة رحت آخذ أخوي أول يوم دراسي،، هي كبيرة ومجهزة بكامل الوسائل،، حتى أن قسم الـ KG حاطين لهم بركة سباحة صغيرة والعاب..
عن الإدارة كثير مهتمين، المدير أجنبي وحتى زوجته تدرس إنجليزي هناك.. أمي تقول كل مرة يشوفها عندها شي بالإدارة بنفسه يجي ويساعد حتى أن وصل أخوي الصف ودله على المكان. مو نفس المدرسة السابقة الإدارة مايدرون بالدنيا.
المناهج قوية وحتى أن أخوي يوم قدم إمتحان الدخول للمدرسة كان محتاج تقوية بالرياضيات، خلوه الحين بصف مع اللي محتاجين تقوية وبعدين بيوزعونهم على الصفوف..

عن عدد حصص الدين والعربي الصراحة مانتبهت، حتى أن لحد الحين ماستلموا كتب الدين وخفنا أن مافي دين، طلع ينتظرون الكتب من الوزارة.. باسأل لج أختى كم عدد الحصص..

هو الزين في المدرسة ان الطالب يبقى إلى الساعة 4، يعني اللي مثل أخوي يحن وايد نفتك من حنته شوي....

بس بعد أحس الأسعار غالية...

أختى خوخة كم عمر ولدك؟؟؟ إذا وايد صغير آنه بعد آحس انه تعب،، حتى أن أخوي يقول دخلي ولدك معانا، اول شي فكرت فيه الدوام،، آنه الحين ماصدق يخلص الدوام آروح أركض آبي آشوفه بعد آروح البيت وهو بعده هناك،،
هي مثل مايقولون دراستها قوية،، بس بما أنها أول سنة في البحرين مانقدر نحكم الحين..

عن سنت كريستوفر ماعندي فكرة، بنت ولد عمتى كانت هناك وشالوها ودخلوها البيان لأن حسب ماعرفت مو مرتاحين من ناحية اللغة بس مادري هل قصدهم مافي لغة عربية ودين بالمرة او شنو ماعرف الصراحة... وأكيد كلها مسيحيين ويمكن مافي عربي بالمرة...

مرحبا اختي..انا اشوف ان كل فرع يمكن يكون غير عن الثاني يعني الي في دبي غير عن العين غير عن الي في البحرين وهكذا..يعني لو تسألين حد مدخل عياله في نفس الفرع الي انتي تبينه يكون افضل علشان تتأكدين وتطمنين اكثر...والسموحه

وتوني ادري ان في مدرسه الشويفات في البحرين بعد..يعني هي نفس المدرسه ولا الاسم بس..والله يوفق عيالكم في الدراسه ان شاء الله

مشكورة اختي خوخة على الافاده :)

ي بنوتات اليوم شفت ولد خالتي عندنا ف البيت وسالته عت شويفات بس للاسف مانصحني وقال المواكب احسن عشان شويفات وايد متساهلين وفري ف كل شي يعني كل شي عندهم عادي والله احترت ي احلى امهات

مدارس شويفات قديمة ومعروفه وموجوده في اماكن كثيره في العالم .. ونظام SABIS اللي تتبعه نظام احسها جدا مؤثر ..

لكن مشكله المدرسه انها كثير فري.. وما فيه اهتمام بالدين والاخلاق.. ويشجعون على الاختلاط..
وبصراحه انا عندي التربيه قبل التعليم .. فيه مدارس كثيييره مناهجها قوية وفي نفس الوقت تهتم بالدين ..

وعن النظام الامريكي والجرامر .. اللغة الانجليزيه سواء في المنهج البريطاني او الامريكي .. لازم بيكون في اهتمام بالجرامر .. لأن اللغات لازم تندرس على اصولها

:flower: :flower: :flower:

ي امهات اجتماااااااااع
خلاص انشاء الله الاحد بزور مدرسه الاتحاد الخاصه عشان اسجل توته ي امهات حد سامع عن الاتحاد الخاصه وثانكس
وعن شويفات كان خاطري اسجلها بس الكل معارض فغيرت رايي
وشكرا لكل وحده شاركت ف الموضوع
مبروك عليكم نص شعبان

نصيحة مني

حطيها في الشويفات تأسيسي بس

وصدقيني اعرف ناس في الشويفات وصلوا للاعدادي ومستواهم عادي

مافي تنمية للمواهب عندهم

أسسيها في المنهاج البريطاني

وبعدين انقليها لمدرسة تهتم اكثر في الناحية الدينية

وانصحج بالرسالة العلمية اذا كنتي من سكان الشارجه