معلومات لازم تعرفينها عن كريم الاساس

thanx

الف الف شكر وشنو هالمعلومات القيمة صج انتي اسم على مسمى
عندي كذا سؤال يالغالية
انا بشرتي مختلطة+مسامات عند الخدود+ حبوب واثارها والله يعين والحمدلله على كل حال(ادري قصة حياتي)
انا استخدم ماك السائل درجته25 واحط فوقه البودرة المضغودة -NC30-NC25وساعات اخلط معاه مال فورايفر السائل الثقيل

وكان روعة وكل من سالني بعدين احسه اخترب مادري بشرتي تغيرت؟؟
الحين شريت ماركة جديدة اسمها star gazer وهي من لندن وشريت الستيك لان على قولة البياعة يعطي نتيجة مخملية وجربته بالبيت حلو بس ما يغطي العيوب فقلت بشتري ماك وبخلط معاه الديرماكول او الكوفرديرم؟؟ وبحط معاه البودرة المضغوطة شرايج حبيبتي

ومن احسن لتثبيت المكياج البودرة المضغوطة والا السائبة؟؟
وشنو تنصحينيني بخطوات اسويلها قبل لا احط الكريم اساس؟؟
انا صراحة اغسل وجهي بالصابون بعدها امرر عليه ثلجتين ماي ورد بعدها احط الكريم اساس؟؟ شرايح اهوا حلو بس ما يعطي النتيجة المخملية
ومتى استخدم التونك والميلك وهالسوالف؟؟ قبل والا بعد المكياج؟؟
ولازم كريم مرطب على البشرة قبل الاساس؟؟ طيب شنو احسن كريم مرطب للبشرة الدهنية ويثبت الكريم اساس وما يخليه يسيح؟؟
واذا عندي اسئلة بسالج عاد استحملينا

قوه بنات


حراير دبي بغيت اسالج الميلك اهو نفسه غسول البشره ؟؟

انا رحت حق كلينك و قلتله ابي ميلك و تونك

عطاني 3 اشياء

غسول و بعده التونيك و اخر شي كريم مرطب لاماكن الخطوط بوجهي ...

يعني الميلك اهوه نفسه الغسول ؟؟؟؟

اسفه على الازعاج

تحيتي :)

هلا عزيزتي .. نعسانه ..

الغسول غير والميلك غير .. الغسول زي الصابونه غسول للوجه

والميلك هو حليب لتنظيف البشره من المكياج والاوساخ والاتربه يعني بشكل عام هو منظف للبشره من كل شي ..

المجموعه اللي شريتيها حلووووه وااااااجد ومادام فيه غسول وتونك وكريم خلاص ماتحتاجين للميلك..

بس تحتاجينه قبل لاتحطين المكياج واذا جيتي تمسحين المكياج ..

:)

وان شاءالله وفيت بردي ..

فعلا معلومات مهمه تسلمين غلاتي ما تقصرين:clap: :clap:

مشكوره على هالموضوع المفيد

مشكووووووووووووووره Ju$T Me% ياقلبي

ما قصرتي والله وفيتي و كفيتي والله

يعني ما اشتري ميلك خلاص لانه التونيك اصلا مكتوب علي انه لوشن بعد

و انا صرت استخدمه قبل الميك اب

يعطيج الف عافيه ياقلبي على الرد

تحيتي :)

مرحبااا

ممكن صورة الميلك والتونيك للعنايه بالبشره العاديه من كلنيك

تسلمين الغلا عل المعلومات الطيبه

ربي يعطيج العافيه

شكررررررا :)

اسمحوا لي حبيباتي انشغلت عنكم شويتين

بالبيزنس وبرجع لكم وبكتب رد لكل وحده بالتفصيل

من عيووووووووووني بس لا تزعلون

ويـــــــــــــــــــــــــنج يا حراير مو هذا العشم فيج صارلي اسبوع انطر رد لان بروح السوق بشتري حبيبتي لتجهيزي

ويـــــــــــــــــــــــــنج يا حراير مو هذا العشم فيج صارلي اسبوع انطر رد لان بروح السوق بشتري حبيبتي لتجهيزي

تسلمين على هالإفاده

اوركيده الكويت:
الف الف شكر وشنو هالمعلومات القيمة صج انتي اسم على مسمى
عندي كذا سؤال يالغالية
انا بشرتي مختلطة+مسامات عند الخدود+ حبوب واثارها والله يعين والحمدلله على كل حال(ادري قصة حياتي)
انا استخدم ماك السائل درجته25 واحط فوقه البودرة المضغودة -NC30-NC25وساعات اخلط معاه مال فورايفر السائل الثقيل

وكان روعة وكل من سالني بعدين احسه اخترب مادري بشرتي تغيرت؟؟
الحين شريت ماركة جديدة اسمها star gazer وهي من لندن وشريت الستيك لان على قولة البياعة يعطي نتيجة مخملية وجربته بالبيت حلو بس ما يغطي العيوب فقلت بشتري ماك وبخلط معاه الديرماكول او الكوفرديرم؟؟ وبحط معاه البودرة المضغوطة شرايج حبيبتي

ومن احسن لتثبيت المكياج البودرة المضغوطة والا السائبة؟؟
وشنو تنصحينيني بخطوات اسويلها قبل لا احط الكريم اساس؟؟
انا صراحة اغسل وجهي بالصابون بعدها امرر عليه ثلجتين ماي ورد بعدها احط الكريم اساس؟؟ شرايح اهوا حلو بس ما يعطي النتيجة المخملية
ومتى استخدم التونك والميلك وهالسوالف؟؟ قبل والا بعد المكياج؟؟
ولازم كريم مرطب على البشرة قبل الاساس؟؟ طيب شنو احسن كريم مرطب للبشرة الدهنية ويثبت الكريم اساس وما يخليه يسيح؟؟
واذا عندي اسئلة بسالج عاد استحملينا

غناتي والله سامحيني لانه جداااااااا مشغوله هالايام

وعندي رسايل خاصه وردود على البنات في المواضيع وتأخرت عليهم كلهم سامحووووووووني

الغاليه بر د عليج على السريع وانشالله البنات يسامحوني

ومن احسن لتثبيت المكياج البودرة المضغوطة والا السائبة؟؟ السايبه طبعا هي للتثبيت
وشنو تنصحينيني بخطوات اسويلها قبل لا احط الكريم اساس؟؟ طبعا لو وراج عرس لازم تسوين لج برنامج كامل تنظيف وتغذيه للبشره لكن قبل المكياج حطي كريم موسترايزر مغذي ولو عندج حبوب او عيوب في البشره او هالات سودا حولالعيون استعملي الكونسيلر وبعدين كريم الاساس واخر شي البودرة الحره للتثبيت وحتى البودره الحره حطيها بعد ما تحطين احمر الخدود عشان يثبته ويعطيه لون انعم
انا صراحة اغسل وجهي بالصابون بعدها امرر عليه ثلجتين ماي ورد بعدها احط الكريم اساس؟؟ شرايح اهوا حلو بس ما يعطي النتيجة المخملية الخطوه الثانيه لازم ميلك وتونيك وبعدين كريم موسترايزر قبل ما تبدين بالمكياج
ومتى استخدم التونك والميلك وهالسوالف؟؟ قبل والا بعد المكياج؟؟ قبل وبعد وكل يوم الصبح والمسا قبل النوم
ولازم كريم مرطب على البشرة قبل الاساس؟؟ طيب شنو احسن كريم مرطب للبشرة الدهنية ويثبت الكريم اساس وما يخليه يسيح؟؟ احسن كريم اساس مرطب هو ماركة لا مير معروف عالميا وكل الممثلات يستعملونه بس عيبه الوحيد انه غالي

هو شويه كثيف ودسم لكنه روعه تحت الكياج ما يخلي كريم الاساس يتشقق ابدااااااااا

لو انتي عروس ظروري تاخذينه لانه ممتاز
وعند الاستعمال تاخذين شويه منه وتحطينه بطريقة التربيت

وهذي صورته


وسامحوني بنات رديت على اختكم اوركيدة الكويت لانها عرووووس وتجهز والف الف الف مبرووووك والله يهنيج ويسعدج انشاء الله

سوري نسيت صورة الكريم



ويوجد منه حجمين

ياريت ماتبخلينا عليك بمعلوماتك القيمة مستانين المزيد على أحر من الجمر

خواتي

هنا معلومات وافيه عن كل منتجات الديرماكول في الرابط

http://www.3roos.com/forums/showthread.php?p=2656281#post2656281

اوجاع صغيره:
الف شكر على الموضوع الرائع والمعلومات المفيده
عندي سؤال لو سمحتي انا ناويه اخذ اساس ميك اب فور ايفر بس كنت محتاره بين الاساسين اللي في الصوره
ياليت تقوليلي مميزات الاساس الي على اليسار هل هو نفسه اللي للكبار في العمر ولا لا لاني صغيره اخاف اخذه يطلع هو
واي اكثر واحد يناسب البشره الجافه
اسفه على كثره الأسأله ومشكوره مقدما

اعتذر منج اختي

شفت الصوره لما رجعت اقرا الموضوع مره ثانيه

خذي اللي على اليمين هو البيست سيلر من مجموعتهم كلها

واللي على اليسار هو اللي مخصص للكبار او اللي بدت تطلع عندهم خطوط التجاعيد

ومب شرط كبار احيانا تكون الوحده صغيره في السن وتلقين التجاعيد بدت عندها خصوصا صاحبات البشره البيضا

عنود الغيد:
مرحبا اختي

انا بغيت أستشيرج بشغله

من فتره أخذت Cream Foundation من Kryolan

اسمه Supracolor Tenintschminke

استعملته كذا مره

صج تغطيته حلوه لأني فيني أثار حبوب خفيفه وبدت اتروح

لكن احسه مع الوقت يخترب :(

يعني هو يستخدم بروحه كذا ولا معاه حاجه

لأني أوزعه بفرشاة الأساس وبعدها اثبته بـ M.A.C Studio Fix Foundation

وياريت تعطيني الطريقه الصح لاستعماله اذا طريقتي غلط ،، أكون شاكرة لج

نسيت أقولج بشرتي combanition

هذا الكريم عباره عن خليط من الزيت والشمع وكميه من مادة ملونه موافقة عليها شركة التغذيه الامريكيه

وطريقتج صحيحه المفروض تحطين الكريم وتثبتينه ببودرة مثبته

بس ما عرف ليش يخترب عندج


احتمال بشرتج تعبت منه لانه ما فيه مواد مفيده

اعتني اكثر ببشرتج وحطي لها كريم الليل يوميا وسوي لها سكراب عشان تتخلصين من القشور والخلايا الميته


وجربي الديرماكول كفر انشالله بيعيبج :shy: