الى بنات مصر المشاركات فى موضوع فرحك خلاص قرب الرجاء الدخول

على فكرة انا فرحى بعد حوالى 6 شهور ولسه ما ابتدش تجهيز خالص

هل المدة هتكون كفاية من غير ضغط ونصيحتكم ابدا بايه؟

أختى سيرين

بالنسبة لمكواة البخار هى احلى ولا السيشوار وهل ما لهاش اى اضرار ؟

رحيق الإبداع:
أخواتى المصريات

أنا جديدة فى المنتدى وسجلت لما شفت موضوعكم وعجبنى جدا

وقريت الموضوع كاملا واستفدت منكم كتير

رحيق الابداع
اهلا بيكي نورتي المنتدي واي سؤال احنا في الخدمة:shy:
اه 6 شهور مدة كافية جدا بس بشرط التنظيم بمعني انك نا تستعجليش وتفكري بهدوء وتكتبي بالورقة والقلم ايه هي الحاجات اللي انتي محتاجاها بالتحديد وتبدأي تنزلي تشتريها وطبعا قبل الفرح بشهرين تبدأي رحلة البحث عن الفستان وتحديد الكوافير ومكان الفرح وليلة الحنة بس اهم حاجة انك تكتبي قايمة بالحاجات الي انتي محتاجاها عشان مفيش حاجة تعجز منك او تجيبي حاجات كتير ومالهاش لازمة
وبالنسبة لللمكواة في بتعتمد علي بخار الماء وبالتالي فهي ما بتسببش الجفاف للشعر زي المجفف او السيشوار لانه بيعتمد علي الواء الساخن فالمكواة بتخلي الشعر يحتفظ بنداوته
واي استفسار انا في الخدمة

أختى شربات

أنت من بورسعيد ؟

صح ؟

واحدة صاحبتى نصحتنى انى اشترى اللبس واطقم السراير من عندكم

بتقول ان الاذواق رااااائعة والاسعار ارخص

انت ايه رايك ولو هاروح ايه افضل الاماكن الى اروحها؟

سيرين

سعدت جدا بسرعة ترحيبك بى

شكرا لك

هلا رحيق الابداع

نورتى المنتدى

اوه بورسعيد

طبعا انصحك كل حاجه هناك تحفه ده غير انها مستورده لان المنطقه الحره لسه ماتلغتش بس المشكله ممكن تكون فى الجمارك لكن ان شاء الله خير هناك المفارش الاميريكى واليبانى والصينى وكل حاجه وممكن اجيبلك العناوين بالضبط بس قولى انتى عايزه تشترى ايه بالتحديد

وصح ياقمر انا من بورسعيد الحره الباسله

تحياتى ومبروووووووك مقدما

وعقبال الزفاف السعيد

ما شاء الله عليكم

لم أكن اتوقع سرعة الرد بهذا الشكل

جزاكن الله خيرا

أختى شرباته

شكرا على رد

بالنسبة للجمارك واللبس واحدة من صاحباتى قالت لى لو انت شريه الملابس للاستخدام الشخصى وازلت عنهم الاكياس عند المرور الجمارك هتكون قليلة
واتمنى ان الكلام يكون صح

طيب ايه رايك انا فرحى بعد 6 شهور

ابدا بشراء الملابس دلوقتى من عندكم

و يارريت تكتبى لى العناوين بالضبط ؟

أهلا برحيق الإبداع دي مني ليكي(f)

يابنات ما ردتوش في موضوع الطرحة ايه الموضة دلوقتي

غاليتى بونى

شكرا على الوردة الجميلة وعلى ترحيبك :)

ويا ريتنى اعرف موضة الطرح كنت اساعدك

منورة يا رحيق الابداع وانا بقى فرحي بعدك بشوية ويمكن شويتين تلاتة كمان :)
بنات انا النهاردة طلعت حاجاتي وكتبت ايه اللي عندي زي ما قلتولي..جزاكم الله خيرا..بالنسبة للملابس لقيت عندي حاجات صيفي كتير بس لقيت اني مقصرة في موضوع الفساتين وان شاء الله ربنا ييسر واقدر انزل القاهرة واروح فابلوس بس يارب ما يكونش خلص اللي عنده
اما بالنسبة للشتوي لقيت اني ما جبتش بيجامات قطيفة خاالص والبيجامات العادية لسه برضه..بقولكو ايه يا بنات هو المفروض يكون عندي كام قميص نوم تقريبا يعني كام واحد بروب وكام من غير روب اصل فيه ناس تقول لازم تجيبي كتير وناس تانية تقولي لأ بلاش تكتري منهم..انتو رأيكم ايه؟

ازيكم يا بنات عاملين ايه وحشتوني انا زعلانة منكم كده محدش بيسال عليه خاااالص انا بس مبقيتش ادخل كتير لاني مش عارفة هتجوز امتي يمكن في شهر 11 او 12 او 2 او 6 علي حسب خطيبي ما يرجع والموضوع ده ماثر عليه جدا ادعولي وحشتوني كلكو ندا وهوبا وشرباتة وبراديس واسبايكي وكل البنات الجداد:shy: :shy: :shy:

رفيده ازيك والله وحشتيني يارب يتمملك علي خير يا رب ويرجع خطيبك بلسلامه قليلنا جمعتي الشقه
ندا ايه اخبارك نزلتي مدينه نصر؟
اهلا بكل البنات الجدد اللي معانا اهلا بيكي معانا يا رحيق لابداع
بوني انا كمان نفسي اعرف ايه موضه الطرح لاني ان شاء الله هكون محجبه في فرحي بس علي ما اظن الاسبانش

حمدا لله على السلامة يا رفيدة..ربنا يجيب لك خطيبك بالسلامة بس انتي عليكي بالدعااااء وان شاء الله ما تقلقيش خالص لان كل واحد مش هايتزوج الا في اليوم اللي ربنا مقدره ليه والله انا ليا تلاتة اصحابي تزوجو الصيف ده وكلهم تزوجو في ايام غير اللي كلنو محددينها خالص
ازيك يا هوبة حمد الله على السلامة
نداا انا شايفاكي اون لاين ايه اخبارك؟
بنات ما تنسوش اسدال الصلاة والمصلية في الجهاز
ومعلش بقى سؤال ع الماشي كده..هو لف الشعر طاقية افضل ولا اللورو وهل بيقلل التمويجات شوية اصل انا طبيعة شعري مموج فمش عارفة ان شاء الله هاعمل ايه فيه

2paradise:
حمدا لله على السلامة يا رفيدة..ربنا يجيب لك خطيبك بالسلامة بس انتي عليكي بالدعااااء وان شاء الله ما تقلقيش خالص لان كل واحد مش هايتزوج الا في اليوم اللي ربنا مقدره ليه والله انا ليا تلاتة اصحابي تزوجو الصيف ده وكلهم تزوجو في ايام غير اللي كلنو محددينها خالص
ازيك يا هوبة حمد الله على السلامة
نداا انا شايفاكي اون لاين ايه اخبارك؟
بنات ما تنسوش اسدال الصلاة والمصلية في الجهاز
ومعلش بقى سؤال ع الماشي كده..هو لف الشعر طاقية افضل ولا اللورو وهل بيقلل التمويجات شوية اصل انا طبيعة شعري مموج فمش عارفة ان شاء الله هاعمل ايه فيه

برادايس
بالنسبة للف الشعر انا بفضل الطاقية لانها مرة بعد مرة بتفرد الشعر وبتقلل التموجات شوية بشوية اما الروللو بيقصف الشعر

hoba555:
رفيده ازيك والله وحشتيني يارب يتمملك علي خير يا رب ويرجع خطيبك بلسلامه قليلنا جمعتي الشقه
ندا ايه اخبارك نزلتي مدينه نصر؟
اهلا بكل البنات الجدد اللي معانا اهلا بيكي معانا يا رحيق لابداع
بوني انا كمان نفسي اعرف ايه موضه الطرح لاني ان شاء الله هكون محجبه في فرحي بس علي ما اظن الاسبانش

ازيك يا هبة .
لا انا نزلتش مدينة مصر لان اليوم اللى كنت هنزل فية جدتى توفت الله يرحمها .
من فضلكوا يا بنات ادعولها بالمغفرة والرحمة وادعوا لماما ربنا يصبرها لانا تعبانة اوى .

برادايس ميرسى يا حبيبتى على سؤالك عنى .
ومعلش انا مشاركاتى قليلة اليومين دول لكن غصب عنى يارب يعدى الايام دى على خير .

طبعا يا هوبا انا فرحى هيتأجل ومعنديش اى استعداد انى انزل اشترى لبس او اى حاجة ، انا هسيبها على ربنا وان شاء الله ييسرلى امورى .

البقاء لله يا ندا
ربنا يرحمها ان شاء الله ويرحم جميع موتانا
ويغفرلها ويجعل مسواها الجنه
اميـــــــــــــــــــــــــن

أختى ندا

البقاء لله

رحم الله جدتك وأسكنها فسيح جناته

البقاء لله يا ندا ربنا يصبر مامتك
وانشاء الله الايام دي هتعدي على خير

البقاء لله يا ندا وربنا يصبركم كلكم
ويعدى الفتره دى على خير

انا لله وانا اليه راجعون
رحم الله جدتك يا ندا والهمكم الصبر..ان شاء الله خير ما تقلقيش لعل التأخير ده فيه خير ليكي..ربنا ييسر لك امرك ويتمم لك زفافك على خير