قلبي يعورني.. لكن هل انا غلطانة؟؟؟؟؟

ما اعرف اللي سويته غلط والا لا، لان صح قلبي يعورني ، بس اشوف ان اللي سويته كان لازم اسويه من زمان..

الموضوع كله يتركز على سيارتي..

انا شاريتها بالاقساط، ويقتطع من راتب شهريا 120 دينار، وانا راتبي 220 دينار، يعني كل اللي يبقى لي 100 دينار . وسيارتي صايرة (سبيل) لابوي واخوي الكبير، انا ما راح اعترض على ان هم ياخذون مني سيارتي، بس اللي يقهرني ان اختي عندها سيارة ابوي اشتراها لها ومع هذا محد يركبها غير اختي.

اخوي عنده سيارة ومع هذا يستخدم سيارتي. واخوي الثاني عنده سيارة وما يرضى يعطيها احد. وكل سياراتهم ملك لهم ما عدا انا اللي ادفع عليها دم قلبي.

والقهر ان ما فيه احد منهم على كثر ما استخدم سيارتي لدرجة انها ما توقف عند باب البيت ساعدني في اقساطها. ويا ليت جذي وبس الا اطلع آخذها حتى اروح الشغل الا فاضية من البترول، يعني حتى ما يكلفون على نفسهم يخلون فيها بترول بدينار.

وفوق هذا كلهم ما يكلموني عدل، والكل مطلعني غلطانة.

والله لا يراويكم اذا خلوها في الشمس وما يغطونها.. يا الله قلبي يحترق وياها وانا اشوفها جذي وما اقدر اتكلم.

ولما طفح فيني الكيل على اساس اني متزوجة بس ماخذة بيت بصف بيت اهلي ، وشفت زوجي يطلع الصبح يبي السيارة وما يلاقيها، هني طلعت اللي بقلبي كله، وقلت كل الحجي اللي ابي اقوله، هني زعلوا ورموا علي مفاتيح السيارة لان كلهم مسوين نسخ لهم على مفتاح السيارة، وقالوا لي بالحرف الواحد( عمرج ما تصيرين آدمية)

ذبحوني من القهر، على كل الشهور والسنين اللي ساكتة فيها عن اللي يصير في سيارتي، ودم قلبي اللي ينزف كل شهر بدفع الاقساط اطلع مو آدمية.

يا بنات خبروني شسوي، هل فعلا انا غلطانة؟ هل فعلا انا مو آدمية؟؟؟؟؟:sad: