حوامل شهر ابريل 2007

السلام عليكم

حايرةو الشوق
هلا بيج عيوني
انا الحمد لله بخير
مع انو صار الي معي شي مؤلم بس بكتبه بالاخير
اما بالنسبة لرجلج و الله ما ادري بس سلامتج الف سلامة
خلي حد يسويلج مساج
و ان شاء الله ترتاحين عليه
بعدين دمك 9!!!!! انتيي ما تاكلين!!!
كلي كبدة و كثري طماطم
و ان شاء الله يوم الخميس يقولولج دمج زااااااااااااااد


بنت النواعم
هلا و الله
شلونج و شخبارج
و شخبار التجهيزات
اكيد مستانسة عليهم
ها قويلنا الكروشة بينت تمام الحين؟
اكيد بينت الله يخليلج الي فبطنج و ايقوج بالسلامة
و ايقومنا جميعا بالسلامة
و حركة البيبي عادي
انا كان احيانا كثيررررررررة و احيانا قليلة و لحد الان نفس الشي
بس بتزيد الحركة اذا اكلت حلويات


ريحانتي
يا هلا و الله الحمد لله انو الموعد تمام
و ام شاء الله دوووووووم مواعيدج تمام
و انا بعد صارت مواعيدي اسبوعية من يوم دخلت التاسع
انتي بعد مفكرتني سعودية؟؟
معقول كلامي مايل للسعودي هالقد
عاد ماللي فيها زمان كله 10 شهور
بس يا ستي سعودية عراقية ما تفرق كثير
كل الناس خير و بركه مثل ما يقولون:shy:
اما عن الثلج فمن ساعة ما حملت و انا احب اشرب المي و العصاير مثلجة
وكلما اتقدمت بالحمل صرت احب الثلج اكثر
والحين قعدت اضحك و اقول مو بس انا كذا
و هذا شي طبيعي سلفاتي و حتى الدكتورة قالولي ان الحامل تحتر كثير و تحب البارد!
سبحان الله

نور الاماسي نورتييييييييييينا
وين هالغيبة؟! يلا نببي نشاط
معك حق الانتظار ممل بس لما اتذكر الولادة اقول خليني منتظرة اريح


ام اغلى فهد
سؤالنا عنك واجب حبيبتي
والحمد لله طمنتينا
و سلامتج من كل الم
بالنسبة للكالسيوم انا الدكتورة وقفتلياه من فتت بالتاسع
قالتلي( عشان المشيمة ما تكلس!)
بس الظاهر انتي عندك نقص بالكالسيوم
كثري من شرب الحليب حبيبتي


الخنساء
انتي الي وحشتينا حبيبتي
و متشوفيش وحش <<على قولة ا لمصريين
خنساء
اسبوعين فوق التاسع!!!!!!!!!!!!!!!!!!!!!!!!!!
لالالالالالالا انا مو مصدقة امتى تفرج علي و اخلص
هالمرة اسبوعين زيادة
الله لا يقولها ان شاء الله نولد كلنا بالتاسع و ما نزيد عنه ولا يوم


هنوووفة يا عسل
من وين جايبة خفة هالدم ما شاء الله عليج
مموتيني من الضحك (خلاص يا أمتنا العربية) قريتها لزوجي صار يضحك:shy:
بعدين شهالمعنويات المرتفعة ما شاء الله (يعني بس تسلمييين على الموت وترجعين للدنيا ) لالالالالالالالالالالا رفعتي معنوياتنا للاخرررررررررررررر

الفلاسية
حمدالله عالسلامة
اظن موعدك كان معي 16-4
ايش صار ع؟؟؟
زيزتي ننتظرك تقوليلنا القصة
بس المهم الحين سلامتج و سلامة البيبي


حورية الحور
انتي بعد اقولج اكلي كبدة و طماطم
و ان شاء الله دمج بيرتفع و سلامتج عيوني
لا تغيبين

جميلة بغداد
هلا و الله ببنت بلادي
بالنسبة للسفر اني يوم السبت جنت يم الدكتورة و فحصتني و قالتلي عادي بعد عندج وكت
و على كلن اذا ما سافرت عمتي رح تجي يمي ان شاء الله


بنات اقوللكم اليوم وقعت بالحمام اكرمكم الله وقعة غير شكل
حطيت رجل بالبانية و الثانية تزحلقت و انضرب فخدي اليمين على حافة البانيو
و وقعت قاعدة ....... كنت لوحدي بالبيت صرت اصيح من الالم :sad: و ما ادري شسوي
كلمت زوجي و قلتله قام عصب علي يقلي ما تديرين بالج على نفسج :confused:
و ظليت تقريبا نص سلعة اتلوى و بعدين هدأ الالم و الحين بلشت احس ان اسفل ظهري الحوض يوجعني :sad: بنات سؤال هو ممكن هيك شي يشكل خطر ؟؟؟؟؟ او يفتح الحوض و يقرب الولادة؟؟؟

يلا صارت الساعة 3 و نص
اروح اننننننااااااااااااااام
سلا لالالالالالالالالالالالالام

صباح الخير

كيفكم يا كروشات؟؟

وكيف الحمل معاكم؟

جايه أسلم عليكم وأطمأن على أخباركم :gum:

وأخبركم أني والبيبي الحمد لله بخير :shy: عقبالكم كلكم بالسلامة إن شاء الله

حبيباتي حابه أطمنكم ترى الولادة ما تخوف :up: ورغم الآلآم اللي تحسين فيها :cry: إلا أنك تنسين كل شيء لما تشوفين البيبي في حضنك :yes:

وفي النهاية كلها تساهيل من رب العالمين

راجعه لكم بقصة ولادتي فانتظروني

مثل ما وعدتكم جبت لكم قصة ولادتي

طبعاً تذكرون أني قلت لكم يوم الأثنين الأسبوع الماضي على سالفة السدادة المخاطية واني حاسه أني راح أكون أول واحدة أربي فيكم

المهم اللي مو متذكرة هالسالفة راح أذكرها الحين وأحكي لها القصة بالتفصيل الممل :gum:

تجري أحداث هذه القصة التي سأروي لكم أحداثها من الساعة الخامسة والنصف من مساء يوم الأحد 18/3 وتنتهي الساعة الخامسة والربع تقريباً من يوم الثلاثاء 20/3

بداية القصة

يوم الأحد العصر جاني إحساس ورغبة في البحث عن علامات وأعراض الولادة كنت أريد أجهز نفسي (عارفة أني راح أربي قريب)

جلست أبحث في النت عن هذه المواضيع و أقرأ فيها ولما أذن المغرب قمت عشان أتوضأ وأصلي ولما دخلت تكرمون الحمام لاحظت إفرازات مخاطية ومعها نقط دم، ولأني توني قارية عن السدادة المخاطية وأن طردها من علامات المخاض قلت خلاص قربت النهاية :shy:

المهم صليت وقلت لزوجي عشان نروح نشتري سرير للبيبي لأنه لسه ما أخذناه قال لي خليها لبكرة قلت لها يمكن بكرة ما أقدر لأني خلاص قربت قال لا إحساسي أنك راح توصلين لشهر ربيع الأول (وكان يصادف الثلاثاء أول يوم من شهر ربيع الأول) قلت له لا يمكن ما يمدي لكنه ما رضى وأصر أنه نروح بكرة.


طبعاً بدأت أجهز نفسي للولادة ونظفت جسمي وبدأت أنظف في البيت وأرتب فيه عشان لما أربي يكون كل شيء مرتب ولما شافني زوجي أنظف قال لي خلي عنك التنظيف وارتاحي أنت ناوية تولدين :mad2:

المهم خلصت جزء من التنظيف وخليت الباقي ليوم ثاني

يوم الأثنين جلست من الصباح وبدأت التنظيف وبعدها رحت المركز الصحي عشان المتابعة لأن صار لي أسبوعين مطنشة ما أروح المواعيد.

لما دخلت على اللي تتابع معاي سألتني إن كنت حاسه بأي شيء قلت لها ما في شيء غير الاعتيادي ( نسيت سالفة السدادة هذا وأنا ناوية أسأل على طول عنها) ..

فحصتني وقالت لي الرأس في الحوض وهذه علامة من علامات قرب الولادة لأنه خلاص باين اني مو مطولة، لما قالت كذا تذكرت سالفة السدادة فقلت لها عنها..

فقالت لي شكلك الموعد الجاي ما راح تجيء :eek2:

وجلست تعطيني نصائح للولادة وقالت لي أشرب منقوع الزعفران عشان يسهل عليّ الولادة واكثر من أكل التمر وأشرب لبن وأمشي.

وأقرأ سورة مريم والزلزلة وأكثر من الدعاء :up:

وأني أحاول استرخي وأتنفس وقت الولادة وما أضيع طاقتي في الصراخ لأنه ما راح يفيدني.

رجعت البيت وعلى الساعة 2 الظهر بدأت الآلآم كانت الآلآم تشبه آلالام الدورة الشهرية ومن الألم ما قدرت أكمل طبخ الغذاء وما قدرت أكل شيء

حاولت أريح نفسي وبالليل طلعت مع زوجي عشان نأخذ السرير وكان الألم محتمل مو بزيادة يعني وكنت ناوية أروح بيت أهلي ونركب السرير بس حسيت نفسي تعبانة فقلت له رجعني البيت عشان ما أبغى أهلي يحسون أني تعبانة.

رجعت وحاولت أنام وهو راح بيت أهلي و نزل السرير هناك.

لما شافت أختي السرير قالت لأمي شكلها بنتك ربت وهذا سرير البييبي. هنا أمي بدأت تحاتي ودقت على تلفون البيت ولما شافتني ما رديت قامت دقت على الجوال فرديت عليها وقلت لها أني مافي شيء بس تعبانة شوي عشان أني جلست أنظف في البيت.

قمت من على السرير ودخلت الحمام تكرمون ونزل عليّ سائل بس ما كنت عارفة هل هذا السائل هو بول ناتج عن ضغط الجنين على المثانة أو السائل اللي حول الجنين.

قلت خلني أصبر حتى أتأكد من هالسائل؟؟

بعدها قمت وأكلت وشربت منقوع الزعفران وجلست أشاهد تلفزيون مع زوجي وبعدها رحت عشان أنام :sad:

كان الألم يروح ويرجع وعشان كذا ما قدرت أستقر في النوم .. كل شوي أجلس من النوم بس لحد الحين كان الألم معقول ومحتمل، وضليت على هالحال لحد ما جلس زوجي للعمل وأنا أتقلب من الألم وكنت محتارة أخليه يروح الشغل أو أقول له يجلس.

اتذكرت كلامهم من أن البكرية تطول وأن المخاض عندها يأخذ من 10 ساعات إلى 16 ساعة فقلت خله يروح الشغل وإذا زاد الألم أكلمه..

المهم هو طلع من هنا والألم زاد من هنا ...

الحين ايش أسوي؟؟

كلمته وسألته متى راح ترجع؟ فقال لي على الساعة 1 ونص.

تذكرت ان التمر يسهل الولادة فقمت وأكلت لي 3 تمرات وشربت ربع كأس لبن ويا ليتني ما أكلت حسيت بلوعة وقمت أستفرغ وصارت حالتي حالة.

كان الألم يزيد وصادتني حالة صرت كل 5 دقايق أدخل الحمام تكرمون .. كان ينزل عليّ سائل بس ما كنت عارفه ايش هو ؟؟ كان الشيء فوق الاحتمال .. كنت أحس بتدفق السائل وغزارته وخفت أنه يكون السائل اللي حول الجنين .. بس أنا قرأت أن السائل اللي حول الجنين ما له لون ولا رائحة وهذا لونه أصفر مثل لون البول تكرمون.

دخلت الحمام فوق العشر مرات خلال ساعة واحدة :cry:

على الساعة 11 رجعت كلمت زوجي قال لي لسه بدري الحين الساعة 11 ولسه ما خلصت شغل قلت له مو قادرة من الألم خلص اللي عندك وتعال قال لي بعد ساعة أكون عندك..

هنا أنا خلاص قلت له لازم تجي بسرعة لأن الألم يجي كل 5 دقايق ولازم أروح المستشفى قال لي بأخلص شغلي وأجيك.

بدأ الألم يزيد وأنا عيني على الساعة وأحسب الوقت بين كل تقلص وتقلص..

اتصل عليّ زوجي الساعة 12 و6 دقايق وقال لي جهزي نفسك على ما أوصل

كان الألم يجي كل 3 دقايق وأنا مو قادرة كل شوي أقوم أدخل الحمام تكرمون .. لما وصل كنت أنا على السرير مو قادرة أقوم.

وفي الفاصل بين التقلص والتقلص الثاني قمت ولبست ولأنه الألم كان يأخذ حوالي دقيقة ونص

كنت أرتاح دقيقة ونص بين كل تقلص وتقلص

حاولت أوصل السيارة قبل ما يرجع الألم من جديد .. لكن ما لحقت أوصل نص الصالة حتى رجع الألم كان أجلس على الأرض وزوجي يقول لي يالله عشان نستغل الوقت ارتاحي في السيارة وأنا أقول له أصبر شوي مو قادرة من الألم.

وصلنا المستشفى على الساعة 1 ودخلت على الطوارئ

ايش صار في المستشفى؟؟

وكم كان الرحم فاتح؟

باكمل لكم وقت ثاني لأن حمودي جلس ولازم أروح له

سي يو سون