حوامل شهر ابريل 2007

[grade="00008B FF6347 008000 4B0082"]مساااااااااااااااااااااء الخير

والله لكم وحشه بس من كم يوووم مالي نفس ومشغوووووووله لاني التحقت بدورة icdl على شان مطلوبه من ضمن الاوراق في المفابله ....... المهم بقول لكم اخر اخباري على السريييع انا سويت مقابله والحمد الله طلعت مرتااااااحه وان شاء الله ان شاء الله يقبلوني كمدرسة للسنة اليايه يعني على شهر 9 وان شاء الله بعد ما يكمل ولدي اربع شهور ونص والحمد الله ما احاتي اني اخليه بروحه لاني ساكنه مع اهلى واهل زوجي وكلهم بجنبي وبيكون عندهم والحمد الله ما بحتاج للخدم بس دعوااااااتكم يقبلوني ولا يخلوني في قائمة الانتظار

كريم كراااميل
انا هناااااااااااااااا
والله لك وحشه يا وحشششششششه ههههههههه كيفك وشخبار البيبي ؟؟سالت الدكتورة عن المشي قالت لي امشي اول ما تدخلين التاسع والحمد الله انا اليوم دخلت التاسع وببدا امشي بكره ان شاء الله والحمد الله طمنتني الدكتورة شافت مقاسات البيبي وقالت لي كل شي اووكى وكل شي بمقاسه ووزن البيبي تقريبا كيلوين ونص وكل شي طبيعي الحمد الله وخذت مني دم على شان تشوف شو سبب الدوخه الي احس فيها وقالت لي احتمال يكون هالشي طبيعي لانه خلاص وصلت الشهر الاخير وتسلمين حبيبتي على السؤال ........

الخنساء
كيف الحاااااااااال وكيف البيبي ......... انا الصراحه لحد الحين ما غسلت ملابس البيبي ولا جهز الشنطه حساه كسل فيني فظيييييييييييييييع وما لي نفس اسوي شي ...وفيني خوووف بسيط.... مع انه الف شغله وشغله على راسي واليوم دخلت التاسع الله يعين ويمر هالوقت على خير بحاول الايام الجايه اني اجهز واغسل لاني حاااسه بكسل وخممووول ما ادري ليش؟؟؟؟؟؟؟؟؟دعواااااااااااتج والله يسهل علينا وعلييج يارب

بنت النواعم

عقباااااال ان شاء الله ما نسمع عن تجهيزاتج للبيبي ؟؟؟ كيفه البيبي الحييين وشخباااره وكمل كمل ؟؟؟؟

نور الاماسي
منورة يالغلا .. كيفك وكيف البيبي ؟؟؟؟؟

الفلاسية
مرحبااااااااااااااااااا الغاليه شحالج وشحال البيبي ....... ان شاء الله بحاول اني اقرا سورة الزلزلة ومريم على شان الله يسهل عليه مع اني ما احس بخووف وايد من الولادة بالعكس احس اني فرحانه اني واخيرا بشوف البيبي ....ارتحت وايد لما قريت كلامج صح الواحد لازم يتوكل على رب العالمين وخاصه في هالامر وان شاء الله رب العالمين يكون عند حسن ظن الانسان فيه والله يسهل على الجميع يارب وتتسهل ولادتنا ونفتك من ها الهم

روووح الحب

وييييييييييييييييييين صورة السرير يالله خلاص كفابه دلع انا لحد الحين ما شريته قالي زوجي بشتريه لما تولدين وتكونين في المستشفى بتسلى فيه وبركبه ....... وبعدين لا تخافين من قصص الولادة كل وحده وطبيعة جسمها ......... اما بخصوص الوضيفه لا ما راح اتوضف الحين ان شاء الله اذا قبلوني وبتوضف على السنة اليااايه وولدي بيكون مكمل اربع شهور ونص ......وخلاااااااااص انا دخلت التاسع واليوم اول يوووووووم هاع هاع هاع ما بقى شي
اما بخصوص نومة الليل لا تسالين معاااناة صارت عند الكل .........
وانا تقريبا نفس موعد ولادتج ولكن بالحساب الي عطتني اياه الدكتورة دخلت التاسع اليوم يعني خلااااااااااااص قربنا من الاكشن ...........


احلى دلع
ليييش النفسية الدمااار والله ما في شي احلى من الحمل حبيبتي استمتعي بكل لحظه في الحمل لانها فترة وتعدي وبتكون ذكرى فخليها ذكرى حلووووه
والله يسهل عليج يارب

ام اغلى فهد

افاااااااااااااا سلامات يالغاليه وان شاء الله تولدين طبيعي من دون طلق صناعي ولا شي وكل شي باجر ان شاء الله والله يعين انا امووووووووت في الحلوياااات ولحد الحين نتيجة السكر طبيعية الله يعين بتطلع نتائج ثانيه يوم الاثنين اوان شاء الله انها تكون طبيعيه
والله يسهل عليج يارب وطمنينا عن اخبارج

ريحانتي
هلا الغاليه انتي نفسي لاني اتوقع الحين الولادة في اي وقت لان انا بعد خواتي ما يكملون التاسع كامل بالكثير عشرة ايام فانا الحين اتوقع الولادة بس لحد الحين موووووووول موب حاسه بشي او اي من علامات الولادة الي يقولون عنها والله يعين ان شاء الله والوقت الي حدده رب العالمين بنولد فيه والتساهيل من عند الله والله يسهل على الجميع
قصة جارتكم تخوووف كيف ولدت يعني ما حست بشي سبحان الله يمكن كانت ولادتها سهله والله يخلي الها الولدين ان شاء الله وتفرح بيهم ............ امس صديقتي ولدت بس ولادة قيصيرية وجابت بنتين وولد والحمد الله رب العالمين الله عطاها اياهم بعد عقم عشر سنين ....... الله يفرحها ابهم ويخليهم الها
لا تخاافين صدقيني الشهر التاسع بيمر على خير وبسسرعه بس انتي انسى وحطي في بالج البيبي الحلو الي بيشرف لهالدنيا


ام زااااااااااايد الغالي

الغاااااااااااليه انا اشتقت لج اكثر .......... بس من كم يوم كنت مشغوله لاني اروح دورة الصبح وساعات اروح امتحان العصر ...... فمالي خلق افتح النت ....... والحمد الله الموعد كان كل شي اووكى وطبيعي ونتيجة الدم يوم الاثنين بروح المستفى وبشوفها وان شاء الله خير يارب
ومشكووورة يالغاليه على السؤال ومبرووووك اخيرا خلصتي تجهيزات عقبالي انا بعدني ما حطيت شي في الشنطه اووونه بعده وقت تو الناس ......... خخخخخخخ اوهم نفسي ان بعدني ما بولد الحين هههههههههههههههههههههههه ضحكتيني بسالفة المغص ........ حياااتي خلج كوووووول هيه الا ولادة وتمر على خيير واول ما تشوفين البيبي بتنسينها صدقيني ومبرووك عليج الطقم ...
بعدين انتي لازم تمشين الحين لانه قريت دراسه ان الحريم الحوامل الي يمشون ويمارسون رياضه تكون ولادتهم سهله وسريع غير عن الحريم الي ما يمارسون رياضه ولا يمشي امشي مو على شان تولدين امشي على شان تقوى عضاامج ومفاصلج وتقدرين تستحملين الولادة



بــــــــــــــــٍس

احس اني كتبت مقاله مو ردووود تعبت

يالله اشووفكم على خير

الحين برتاح وبقرا لي كم موضوع وبنااااااام

تصبحووووووون على خييير

:shy: [/grade]